Zorrotzaurre

Zorrotzaurre
	auzoa
	Irudi gehiago
Administrazioa
Herrialdea	Euskal Herria
Probintzia	Bizkaia
Bizkaiko eskualdea	Bilboaldea
Udalerria	Bilbo
Barruti	Deustu
Geografia
Koordenatuak	43°16′16″N 2°57′47″W / 43.271181°N 2.962978°WKoordenatuak: 43°16′16″N 2°57′47″W / 43.271181°N 2.962978°W
Azalera	0.6014 km²
Demografia
Biztanleria	425 (2020)
Dentsitatea	706,68 bizt/km²

Zorrotzaurre Bilboko itsasadarrean dagoen uharte artifizial bat da^[1]. Lehenago, Bilboko gune industrial bat zen. Deustuko barrutiaren barruan dago, Bilboko iparraldean. Guztira, 700.000 metro karratuko azalerarekin Bilbon, Zorrotzarekin batera geratzen zen gune industrial bakarretarikoa zen. Deustuko San Pedrori loturik zegoen penintsula zen, uharte bilakatu zuten balizko uholdeei aurre egiteko asmoz, Deustuko ubidea guztiz zabalduz.

ProiektuaAldatu

Zaha Hadid arkitekto britainiar-irakiarraren proiektu baten bitartez, gune osoa eraberritzen dago. Bertan dauden enpresak Bilboko kanpoaldeko portura eraman dituzte, eta Deustuko ubideko ontzien trafikoa, itxi egin dute. Lehen proiektua 2004. urtean kaleratu bazen ere, ordutik aldaketak jasan ditu. Hasieran Zorrotzaurre uharte bilakatzea pentsatu zen, gero proiektua aldatu eta penintsula moduan jarraitzea erabaki zen. Azkenean, erabakia berriro ere aldatu eta Zorrotzaurre uharte bilakatu zuten 2018. urtean.

Guztira, 5.300 etxebizitza eraikitzea aurrikusten da, dentsitate ertain eta altuak erabiliz. Gunea hiru zatitan banatuko da, gune bakoitzak erabilera ezberdinak izango dituelarik. Erdialdeko gunean, parke handi bat eta Euskal Herriko Unibertsitatearen campus berriak egongo dira. Olabeaga eta Deusturekin lotzeko hainbat zubi eraikiko da. Oraindik zehaztu ez den arren, hiri erdiarekin lotzeko, tranbia zerbitzua jartzea pentsatu du Bilboko udalak.

Zorrotzaurreren ikuspegia Kobetamenditik ikusita.

Proiektuaren aldaketakAldatu

Zorrotzaurre eta Olabeagako bizilagunek udalari eskaturiko aldaketak kontuan hartuz, Zaha Hadid arkitektoaren behin betiko proiektuan Olabeaga eta Zorrotzaurre arteko zubia kendu zen. Horrez gain, gune berde gehiago izateko, etxebizitza blokeen edifikabilitatea eraikin altuagoetan bildu zen, eta etxebizitza kopurua 5.600ra igo zen.

HastapenaAldatu

2014ko maiatzaren 14an Zorrotzaurre penintsula uharte bilakatzeko lanei ekin zitzaien, hauek amaitzeko 16 hilabeteko epea ezarri zelarik.

Atzerapen handiekin eta arazoak arazo, Zorrotzaurre uharte bihurtu zen 2018ko irailaren 26an^[2].

EgitasmoakAldatu

Egitasmoaren maketa.

Zorrotzaurreko uhartean honako egitasmoak gauzatu nahi dira:

AzpiegiturakAldatu

Deustuko ubidearen irekitzea (egina)
Frank Gehry zubia (eraikia)
San Ignazio-Zorrotzaurre zubia (eraikitzen)

Eraikin berriakAldatu

IDOM egoitza berria (eraikia)
IMQ klinika berria (eraikia)
BBK dorrea (2018an bertan behera utzitako proiektua)
Bilbao World Trade Center (egitasmoa)

Eraikin zaharberritzeaAldatu

Etxebizitzen zaharberritzea
Papertegiko eraikina kulturgune izateko zaharberritzea
ZAWP Bilbao (sorkuntza auzoa)
Konsoni Lantegia, Euskadiko Industria Ondare Higigarriaren Gordailua.^[3]

EraikinakAldatu

Eraikina	Erakundea	Arkitektoa/k
IMQ Zorrotzaurre	IMQ Ogasun aseguruak	Carlos Ferrater, Alfonso Casares eta Luis Domínguez
Bilboko IDOM taldearen eraikina	IDOM egoitza	Javier Pérez Uribarri, Oscar Ferreira, Jabier Fernandez eta Josu Egileor
Frank Gehry zubia	Arenas y Asociados	Guillermo Capellán eta Héctor Beade
San Ignazio-Zorrotzaurre zubia	LKS Ingeniería	Enrique Elkoroberezibar eta Sergio Saiz
Deustu Arraun Taldearen egoitza