Mondragon Unibertsitatea

Mondragon Unibertsitatea unibertsitate kooperatiboa da, irabazi-asmorik gabea, onura publikokoa eta, beraz, gizarte osoari irekia. Mondragon taldean dago eta haren balio eta printzipio berak izanik, gizarte bidezkoago eta jasangarriago bat eraikitzen saiatzen den eragile aktiboa da.

Unibertsitate gaztea da, 1997an sortua, unibertsitatea hezkuntza arloan ibilbide eta esperientzia luzea duten hiru hezkuntza kooperatiben elkartzetik jaiotzen da, hain zuzen Mondragon Goi Eskola Politeknikoa “Jose Mª Arizmendiarrieta” S.Kooperatiboaren, ETEO S.Kooperatiboaren eta Irakasle Eskola S.Kooperatiboaren elkartzetik.

Gaur egun, 5890 ikasle ditu graduak, unibertsitate masterrak eta doktorego programak ikasten. Gainera, 6500 profesional inguru unibertsitatetik igarotzen dira haien ezagutzak eguneratzeko asmoz.

Historia

Mondragon Unibertsitatea 1997an sortu zen, eta maiatzaren 30eko 4/1997 legeak ofizialki onartu zuen.

Hezkuntza arloan ibilbide eta esperientzia luzea duten hiru hezkuntza kooperatiben elkartzetik jaio da, hots, Jose Maria Arizmendiarrieta kooperatibaren, ETEO kooperatibaren eta Irakasle Eskola kooperatibaren elkartzetik. Gaur egun, Unibertsitateak lau fakultate ditu:

• Mondragon Goi Eskola Politeknikoa
• Enpresagintza Fakultatea
• Humanitate eta Hezkuntza Zientzien Fakultatea
• Gastronomia Zientzien Fakultatea

Fakultate eta Laborategiak

Mondragon Unibertsitateak lau fakultate eta bost laborategi ditu hurrengo herrialdeetan kokatuta: Arrasate, Oñati, Eskoriatza, Aretxabaleta, Ordizia, Irun, Hernani, Donostia, Bilbo, Madril, Bartzelona, Valentzia, Queretaro (Mexiko) eta Shangai (Chinan)

• Humanitate eta Hezkuntza Zientzien fakultatea

Fakultate honek gaur egun hiru kanpus ditu, Eskoriatzan, Aretxabaletan eta Bilbon kokatuta daudenak.

Irakasle Eskola moduan sortu zenetik, 1976an, Mondragon taldeko mugimendu kooperatibora atxikitako hezkuntza kooperatiba izan da. Hortaz, kooperatiba izaera duen erakundea da Fakultatea, Euskal Herrian errotua. Era berean, ezagutzari lotutako formazio, ikerketa, aplikazio eta transferentzairi dagokionez, Humanitate eta Hezkuntza Zientzien Fakultatea irekita dago mundu osoan arlo horretan diharduten beste zentro, pertsona eta erakunde batzuekiko elkarlan eta hartu-emanetara.

Humanitate eta Hezkuntza zientzien fakultateko eraikina Eskoriatzan

Sortu zenetik eta Mondragon Unibertsitatea eratu arte, Irakasle Eskolaren eginkizuna irakasleak prestatzea izan zen; hori dela eta, soil-soilik Irakasle tituluak eskaintzen zituen.1998an, Mondragon Unibertsitatea sortzearekin batera, enpresara egokitutako Humanitate Lizentziatura eskaintzen hasi zen.

Hezkuntzako tituluei dagokienez, Irakasle tituluen eskaintza zabaldu egin zen, Heziketa Fisikoa eta Entzumena eta Mintzaira txertatuz. Horrez gain, 2000-2001 ikasturtean, Psikopedagogia Lizentziatura ezarri zen Hizkuntzen Psikopedagogiaren lerroan, eta, 2002-2003 ikasturtean, Esku-hartze Psikopedagogikoaren lerroa ireki zen. 2005ean, Ikus-entzunezko Komunikazioko Lizentziatura eskaintzen hasi zen.

2009-2010 ikasturtean, eta Bolonia prozesuaren ondorioz, Europar esparrura egokitutako titulazio berriak eskaintzen hasi zen.

• Enpresagintza fakultatea

Mondragon Unibertsitateko enpresa Fakultatea, Enpresagintza, Mondragon Unibertsitateko Enpresagintza Elkarte Kooperatiboan barne dagoen giza ekimeneko kooperatiba mistoa da. Egoitza nagusia Oñatin dago kokatuta, Euskal Herriko erdian, 1960an ekin zion jarduerari, 1542an eraikitako Oñatiko Sancti Spiritus Unibertsitate ospetsuaren tradizioari jarraituz.

Fakultate honek gaur egun hiru campus ditu, Oñatin, Irunen eta Bilbon kokatuta daudenak.

ETEO 60ko hamarkadan sortu zen José María Arizmendiarrieta apaiz jaunaren eskutik, Arrasateko Lanbide Heziketako Zentroa osatzeko eta administrazio zein kudeaketa arloko prestakuntza hedatzeko. Horrela, sortzen da bere hasieretan, Eskola Tekniko-Administratibo bezala, ETEO-ko hazia.

1973-1974ko ikasturtean, Enpresagintza Eskola Teknikoaren onespena lortu eta ETEO izena hartu zuen (Oñatiko Enpresagintza Eskola Teknikoa). Ikasturte horretan bertan ere, Enpresa Zientzien Diplomaturaren izaera ofiziala lortu zuen. Hau aukera handia izan zen eskualdeko gazteentzat, goi mailako ikasketak bertan egin ahal izateko. 1980an ETEO kooperatiba bihurtu zen.

Enpresagintza fakultateko eraikina Oñatin

Aldaketa adierazgarrienak Fakultatean, 1997-1998 ikasturtetik aurrera eman ziren, Mondragon Unibertsitateko onespen ofiziala lortu zenean Unibertsitate bezala, Deba Garaiko unibertsitate ikasketen hiru kooperatiben elkartasunaren ondoren: Mondragon Goi Eskola Politeknikoa, ETEO eta Irakasle Eskola.

2009an Bateratasun proiektua hasi zen MIK KOOP. Elkartearekin. Honekin sortu nahi zen, MIK-en birsorreratik abiatuta, Euskadiko Ikerketa Zentro handiena Kudeaketa Aurreratuan, Enpresagintzako eta MIK-eko ikerketa taldeen gaitasunak integratuz. Helburua, ezagutzaren sorrera eta transferentzia lideratzea da, Euskadirentzako estrategikoak diren arloetan; eta honekin batera, handitu nahi da, enpresen lehiakortasuna eta gizartearena orokorrean.

1995etik aurrera, M.U. Enpresagintza (lehen ETEO), Kalitate Osoaren printzipioetan oinarritutako kudeaketa eredua aplikatzen ari da. Garapen honek, izan zuen emaitza bezala 2006an , EUSKALIT-eko Kanpo Ebaluazioaren Zerbitzuaren errekonozimendua, zilarrezko Q sariarekin.

2009ko azaroan, Eusko Jaurlaritzako Kultura Sailak, Mondragon Unibertsitateko Enpresagintza Fakultatea, “Urrezko egiaztapen Graduarekin” egiaztatu zuen, kalitateko egiaztapen markoan Bikain hizkuntzalaritza kudeaketan.

2009ko azaroan, Emakunde-Emakumearen Euskal Erakundeko zuzendariak, M.U. Enpresagintzari (lehen ETEO), eman zion , entitate kolaboratzailearen errekonozimendua, emakumeen eta gizonen arteko aukeren berdintasunean.

Bere jarduera nagusiak prestakuntza, ikerketa, garapena eta berrikuntza dira.

• Mondragon Goi Eskola Politeknikoa

Fakultate honek gaur egun lau kanpus ditu, Arrasaten, Orona ideon, Goierrin eta Bilbon kokatuta daudenak.

Mondragon Goi Eskola Politeknikoak 1943an ekin zion irakaskuntzari. Jarduera horren sustatzailea On Jose Mª Arizmendiarrieta izan zen, Mondragon kooperatiba-esperientziaren sortzailea. Ordutik, Eskola etengabe hazi da, eta makina bat enpresa-esperientzia berritzaile sortzen lagundu du.

Eskolaren historiako une garrantzitsu bat ULGOR Kooperatiba Elkartearen sorrera dugu, kooperatiba-mugimenduko lehen industria-kooperatiba izan baitzen. ULGOR, gaur egungo FAGOR, 1956an sortu zuten bost ingeniari teknikok. Ildo horretan, ALECOP industria-kooperatibaren sorrera ere nabarmendu behar da. 1966an hasi zen ekinean, ikasleei ikasketak eta lana bateratzeko aukera eskaintzeko nahiak eraginda. FAGOReko bazkide da, hain zuzen.

Beste alderdi batzuei dagokienez, 1972an bultzada handia eman zitzaion nazioartean zabaltzeko asmoari, Eskolak lehen harremanak finkatu baitzituen atzerriko unibertsitateekin. Horretaz gain, 1986tik, partaidetza aktiboa izan du nazioarteko Heziketa eta Ikerketa eta Garapen Proiektu ugaritan.

1974an, IKERLAN Ikerketa Zentroa sortu zuten. Gaur egun, 200 ikertzaile inguru ditu, eta Espainiako puntako teknologia-zentroetako bat da.

1983an, Gizabidea Irakaskuntza Pribatuko Fundazioa eratu zen. On Jose Mª Arizmendiarrietaren proiektua bera hil ondoren gauzatu zen, azkenik. Eskolaren eraikinak Fundazio berriari atxikita geratu ziren.

Eskolaren partaidetza aktiboari esker, gizarte- eta enpresa-ekimenak erruz abiarazi dira azken hiru hamarkadetan: besteak beste, DIARA enpresa, industria-diseinuaren arloko aitzindaria (1985ean) eta hainbat ikastetxe.

Mondragon Goi Eskola Politeknikoaren eraikina Garaian (Arrasate)

1995ean, Goi Eskola Politeknikoari ER353/ 1/95 ISO kalitate-agiria eman zioten. Agiri hori lortu zuen Espainiako lehen unibertsitatea, eta Europako lehenengoetakoa, izan zen.

1996an, CEI-SAIOLAN enpresa eratu zen, sektore aurreratuetan enpresa berriak irekitzen laguntzeko. Dena den, 1984tik horretan zebiltzan jadanik, eta emaitza onak ari ziren lortzen.

Azkenik, 1997an, Mondragon Goi Eskola Politeknikoak Mondragon Unibertsitatea eratu zuen, Debagoieneko beste bi unibertsitaterekin batera: Oñatiko ETEO Koop. E.rekin eta Eskoriatzako Irakasle Eskola Koop. E.rekin batera, hain zuzen.

2003-2004 ikasturtean, zilarrezko Q saria eman zioten, EUSKALITen kanpo-ebaluazioan 400 puntu baino gehiago lortzeagatik.

2008an, ingeniaritza-ikasketak Europako Goi Mailako Hezkuntza eremura egokitu zituen EAEko lehen unibertsitatea izan zen.

2010eko ekainean, MGEPk ebaluazio positiboa jaso zuen unibertsitate-prestakuntzaren Barne Kalitatea Bermatzeko Sistemen garapenerako eta diseinurako AUDIT programaren eskutik.

2010eko irailean, MGEPk Elektronikan eta Txertatutako Sistemetan Ikerkuntza eta Berrikuntza Teknologikoko Zentroa inauguratu zuen, Garaia Berrikuntza Gunean. Zentroak elektronikaren, informatikaren eta telekomunikazioen arloko ikerkuntza eta prestakuntza barne hartzen ditu.

• Basque Culinary Center

Basque Culinary Centerreko eraikina Donostian

BCC Mondragon Unibertsitateari atxikitako Donostiako Gastronomia Zientzien Fakultate batek eta Gastronomiaren eta Elikaduraren Ikerketa eta Berrikuntza Zentro batek osatzen dute. Fakultate bizia da, ikasleak, gastronomia zaleak eta sukaldari profesionalak batzen dituena, jardunaldiak, konferentzia-zikloak, mintegiak, ekintza kulturalak eta abar biltzen dituena. Eraikinak hainbat sari jaso ditu, eta ekipamendurik onenaz hornituta dago ikasleek ahalik eta modurik eraginkorrenean eta praktikoenean ikas dezaten. Bere inguruan errespetuz integratutako eraikina du. Irudi irmoa du, berritzailea, iradokitzailea eta ausarta. 15.000 metro koadro, paisaia eder batek inguraturiko campus baten erdian. Basque Culinary Center Donostiako hegoaldean dago, Miramon izeneko goragune batean, izen bereko parke teknologikoaren barruan.

Basque Culinary Centerren patronatuaren kide dira hainbat erakunde, instituzio eta goi malako euskal sukaldari ezberdinak, haien artean:

• Erakundeak
  • Mondragon Unibertsitatea
  • Eroski
  • Martiko
  • Covap
  • Siemens
  • Telefonica
  • Azti Teknalia
• Instituzioak
  • Eusko Jaurlaritza
  • Gipuzkoako Foru Aldundia
  • Donostiako Udala
• Erreferentziako sukaldariak
  • Juan Mari Arzak
  • Elena Arzak
  • Pedro Subijana
  • Martin Berasategui
  • Andoni Luis Aduriz
  • Carlos Arguiñano
  • Eneko Atxa
  • Hilario Arbelaitz
  • Diego Guerrero

Nazioarteko Kontseilua eratzen dute munduko gastronomia arloko herrialde garrantzitsuenetako sukaldari ospetsuenek, eta horien zeregina da Basque Culinary Center-eko estrategia jardueretan aholkua ematea. Eratzen dute kide aktiboek eta kide fundatzaileek, alegia epe baten ondoren eraberritu izaten diren aholkulariek. Joan Roca presidentea izanik, Kontseiluko kideak dira Ferrán Adrià, Gastón Acurio, Massimo Bottura, Michel Bras, René Redzepi, Heston Blumenthal, Alex Atala, Dan Barber, Enrique Olvera, Yukio Hattori, Dominique Crenn, Yohishiro Narisawa eta Maria Fernanda Di Giacobbe.

Formakuntza eskaintza

Mondragon Unibertsitateak zazpi ezagutza arlo ezberdin lantzen ditu:

• Ingeniaritza
• Enpresa kudeaketa
• Ekintzailetasuna
• Hezkuntza
• Komunikazioa
• Gastronomia
• Kooperatibagintza

Eskaintza akademiko hau unibertsitatera doazen gazteei bideratuta dago gradu ezberdinen bitartez, graduatu berriei unibertsitate masterrak eskaintzen zaizkie, unibertsitate masterra amaitu eta profesionalentzako prestakuntzaren esparrutik gaur egun lanean dauden pertsonei bideratutako eskaintza zabala dauka. Gaur egun, Mondragon Unibertsitateak gazteei bideratutako gradu eta unibertsitate masterrak 32 dira, horietatik 17 dualak direlarik. Gainera 4 titulaziok Unibasq-en Nazioarteko Aitortza dute. Eskaintza hurrengokoa da:

• Graduak
  • Goi Eskola Politeknikoa
    • Mekanikako Ingeniaritza – DUALA
    • Industria Diseinuko eta Produktu Garapeneko Ingeniaritza – DUALA
    • Industria Antolakuntzako Ingeniaritza – DUALA - NAZIOARTEKO AITORTZA
    • Industria Elektronikako Ingeniaritza – DUALA
    • Informatikako Ingeniaritza – DUALA
    • Energiaren Ingeniaritza – DUALA
    • Prozesu Industrialetako Ekoteknologien Ingeniaritza – DUALA
    • Ingeniaritza Biomedikoa – DUALA
    • Ingeniaritza Mekatronikoa – DUALA
  • Enpresagintza
    • Enpresen Administrazioa eta Zuzendaritza (MyGADE) – DUALA
    • Lidergo Ekintzailea eta Berrikuntza (LEINN) - NAZIOARTEKO AITORTZA
    • Business Data Analytics
  • Humanitate eta Hezkuntza zientzien fakultatea
    • Ikus Entzunezko Komunikazioa
    • Haur Hezkuntza - NAZIOARTEKO AITORTZA
    • Lehen Hezkuntza - NAZIOARTEKO AITORTZA
    • Humanitate Digital Globalak
  • Gastronomia Zientzien fakultatea graduak
    • Gastronomia eta Sukaldaritza Arteak

• Masterrak
  • Goi Eskola Politeknikoa
    • Industria Ingeniaritza Unibertsitate Masterra – DUALA
    • Energia eta Potentzia Elektronika Unibertsitate Masterra – DUALA
    • Enpresa Berrikuntza eta Proiektu Zuzendaritza Unibertsitate Masterra
    • Produktu eta Zerbitzuen Diseinu Estrategikoa Unibertsitate Masterra – DUALA
    • Teknologia Biomedikoak Unibertsitate Masterra – DUALA
    • Robotika eta Kontrol sistemak – DUALA
    • Datuen Analisia Zibersegurtasuna eta Hodei-Konputazioa – DUALA
  • Enpresagintza fakultatea
    • Kontabilitate eta Finantza Zuzendaritza Unibertsitate Masterra
    • Marketin Digitala Unibertsitate Masterra
    • Erakundeen Nazioartekotzea Unibertsitate Masterra
    • Pertsonen Talentuaren Kudeaketa Estrategikoa Unibertsitate Masterra
  • Humanitate eta Hezkuntza Zientzien fakultatea
    • Derrigorrezko Bigarren Hezkuntzan, Batxilergoan, Lanbide Heziketan eta Hizkuntzen Irakaskuntzan irakasle gisa aritzeko gaitzen duen Unibertsitate Masterra - DUALA
    • Ikaskuntza Errazten eta Berrikuntzan Unibertsitate Masterra
    • Kooperatibismoan eta Kudeaketa Sozioenpresarialean Masterra
  • Gastronomia Zientzien Fakultatea – Basque Culinary Center
    • Gastronomia Zientzietan Unibertsitate Masterra

Ikerketa eta Transferentzia

Ingeniaritza eta teknologia arloan unibertsitateak elkarlaneko ikerketa eredu bat garatu du, zeinetan enpresaren beharrekin lerrokatuta egiten den ikerketa, beti ere bikaintasuna bilatuz.

• Akustika eta bibrazioak.
• Berrikuntza - Kudeaketa - Antolakuntza.
• Berrikuntza diseinu industrialean.
• Datuen analisia eta zibersegurtasuna.
• Egituren mekanika eta diseinua.
• Energia biltegiratze sistemak.
• Energia elektrikoa kontrolatzeko erabilitako potentziazko sistema elektronikoak.
• Energia elektrikoaren trakziorako eta sorkuntzarako erabilitako eragingailuak.
• Errendimendu handiko mekanizazioa.
• Fluidoen mekanika.
• Gainazalen teknologiak.
• Materialak eraldatzeko prozesu aurreratuak.
• Operazio logistiko produktiboen kudeaketa.
• Polimero eta konpositeen teknologiak.
• Robotika eta Automatizazioa.
• Seinalearen teoria eta komunikazioak.
• Software eta sistemen ingeniaritza.

Enpresa Kudeaketa eta Ekintzailetza arloan, Unibertsitateko ikerketa-taldeek xede hau dute: ezagutza sortzea eta zabaltzea, enpresen eta erakundeen lehiakortasuna hobetzearen eta horien produktu, prozesu eta zerbitzuen garapena eta hobekuntza ahalbidetzen

• Finantza Dibertsifikazioa.
• Negozio Ereduen Eraldaketa.
• Negozio Garapena.
• Pertsonen Kudeaketa Estrategikoa.

Berrikuntza hezkuntzan dagokionez, unibertsitateak elkarlaneko ikerkuntza-eredua oinarritzen da partaidetzan, beti ere, ardatza moduan hartuta lau eragile nagusien elkarlana: eskolak, erakunde publikoak zein pribatuak, eta unibertsitateak.

• Berrikuntza eta esku-hartzea gizarte kultur anitz eta eleanitzetan (Hezkuntza eta Komunikazioaren arloetan).
• Berrikuntza eta esku-hartzea hezkuntza inklusiboan (Hezkuntzaren arloan).

Gastronomia arloan ere, ikerkuntza-jardueraren zeregin nagusia berrikuntza gastronomikoaren eta sukaldaritzakoaren esparruan Berrikuntza eta Garapen Teknologikoko Proiektuak egitea da, produktu eta zerbitzu berriak sortuta.

• Bizi Ohitura Osasuntsuak.
• Sentsorialtasuna eta Kontsumitzailearen Portaera.
• Gastronomia Garapen Berriak.
• Diseinua eta Teknologiak Gastronomiaren Industrial eta Jatetxeetan.

Bukatzeko, kooperatibismoaren arloan unibertsitateak ikerkuntza-eredu kolaboratiboak unibertsitateko ikerketa eta eragile sozio-ekonomikoen konfluentzia bilatzen du.

• LANKI Kooperatibismoaren Ikertegia.

Gobernu Organoak

Mondragon Unibertsitateak Organo Gobernuak bi zatitan banatzen ditu, alde batetik Kide Bakarreko Aginte Organoak eta bestetik, Gizarte eta Zuzendaritza Organoak.

• Kide Bakarreko Aginte Organoak.
  • Errektorea: Vicente Atxa jauna.
  • Errektoreorde akademikoa: Jon Altuna jauna.
  • Idazkari Nagusia eta Finantza-Zuzendaria: Idoia Peñacoba anderea.

• Gizarte eta Zuzendaritza Organoak

Batzar orokorra: Batzar Orokorra bazkideen bilkura da, Batzarraren eskumeneko materiei buruzko erabakiak eta akordioak hartzeko osatua eta mahaiburuan Kontseilu Errektoreko lehendakaria duena. Osaera: kooperatiba bazkideen 30 ordezkarik, kooperatibaren lan-bazkideen ordezkariek eta bazkide laguntzaileen ordezkariek osatzen dute.

Errektore kontseilua: kooperatibaren ordezkaritza-, aginte- eta kudeaketa-organoa da eta kooperatibaren jarduera-ildo nagusiak ezartzeko eskuduntza du. 18 kide titularrek osatzen dute; horietatik bik Presidente eta Idazkari karguak beteko dituzte. Bileretara Unibertsitateko

• Errektorea eta Idazkari Nagusia ere joaten dira.
• Presidentea: Mikel Alvarez Yeregui jauna.
• Idazkaria: Amaia Pavón Arrizabalaga andrea.
• Batzordekideak:
  • Amaia Agirre.
  • Aitor Bediaga.
  • Itsaso Buruaga.
  • Josetxo De Frutos.
  • Zigor Ezpeleta.
  • Ainhoa Fernández.
  • Raúl García.
  • Eñaut Muxika.
  • Oihana Otaduy.
  • Aritz Otxandiano.
  • Juan Mª Palencia.
  • Silvia Sarasola.
  • Mª Asun Sarrionaindia.
  • Maria Ubarretxena.
  • Enrike Zarate.
  • Juan Jesús Alberdi.
• Errektorea: Vicente Atxa.
• Idazkari Nagusia eta Finantza-Zuzendaria: Idoia Peñacoba.

Zuzendaritza batzordea Zuzendaritza-Batzordearen egitekoa, orohar, Errektore Kontseiluak Unibertsitatearen administrazio- eta kudeaketa-lanetan aholkatzea izango da, baita Batzordearen estatutuetan esleitutako funtzioak betetzea ere. Zuzendaritza Batzordea ondorengo kideek osatzen dute: Errektoreak-mahaiburua, Errektoreordeak, bateratutako zentroetako Zuzendari-Dekanoek, Idazkari nagusiak eta Finantza zuzendariak. Osaera:

• Errektorea: Vicente Atxa jauna.
• Errektoreorde Akademikoa: Jon Altuna Iraola.
• Goi Eskola Politeknikoko Zuzendaria: Carlos García jauna.
• Enpresa Zientzien Fakultateko Dekanoa: Lander Beloki jauna.
• Humanitate eta Hezkuntza-Zientzien Fakultateko Dekanoa: Begoña Pedrosa andrea.
• Gastronomia Zientzien Fakultatea - Basque Culinary Centereko Zuzendaria: Jose Mari Aizega jauna.
• Idazkari Nagusia eta Finantza Zuzendaria: Idoia Peñacoba Andrea.

Kanpo estekak

• Mondragon Unibertsitatea. (Webgunea hiru hizkuntzetan dago, euskaraz, gaztelaniaz eta ingelesez).
• Mondragon Goi Eskola Politeknikoa.
• Oñatiko Enpresagintza Fakultatea.
• Humanitate eta Hezkuntza Zientzien Fakultatea.

• Datuak: Q2599486
• Multimedia: Mondragon Unibertsitatea / Q2599486