Deustu Arraun Taldea
Deustu Arraun Taldea Deustuko barrutiko arraun talde da, 1981. urtean sortu zena. Bilboko arraun talde bakarra da eta hori nabarmentzeko 2016 denboralditik aurrera Deustu-Bilbo izena erabiltzen du. 2005etik Tecuni da babesle ofiziala.
| Deustu Arraun Taldea | |
|---|---|
| Ezizena | Deustu-Bilbo |
| Sorrera | 1981 |
| Herria |  Deustu, Bizkaia
|
| Lehendakaria | Aitor Mojas Urrutia
|
| Entrenatzailea | Aitor Alzibar
|
| Patroia(k) | Josu Andoni Barturen
|
| Kolorea(k) | gorria eta zuria |
| Trainerua | Tomatera |
| Palmaresa | 0 Kontxako Bandera 0 TKE Liga 0 KAE Liga 1 KAE 2 Liga 0 Espainiako Txapelketa 0 Euskadiko Txapelketa |
| 2024: Kontxa | ez |
| 2024 | 8.a (KAE 1 Liga) |
| Webgunea | www.deustuarrauntaldea.com |
Harrobia lantzen duen taldea izan da beti. 2009an irabazi zituen lehenengo estropadak eta KAE 2 Ligako txapelduna izatea lortu zuen. 2014an berriz lortu zuen KAE 1 Ligara igotzea, eta Bilboko ordezkaria izanik ahalegina egin zuen TKE Ligara igotzeko. 2019an play-offak jokatu zituen. Hurrengo urteetan ordea maila apalagoan ibili da.
Emakumezkoei dagokionez traineru indartsua izan du. Hiru aldiz sailkatu da Kontxako Banderara eta birritan izan da Bizkaiko txapelduna.
Uniformea
aldatuElastiko gorria erabiltzen du, deustuarrak tomatearen kolorearekin identifikatu izan baitira beti. Tomatera trainerua berdea da. Emakumezkoen kasuan trainerua ere gorria da.
Historia
aldatuSorrera apala
aldatu1981an sortu zen, talde txikia izanik. Hurrengo urtean batel txapelketetan hasi zen eta 1983an Bizkaiko bi txapelketa, Euskadiko bat eta Espainiako bigarren postua "juvenil" mailan irabazi zituen. Aurreko urteko emaitzak ikusita, 1984an traineruekin hastea erabaki zuten, zailtasun handiei aurre eginez. Traineruen lehenengo esperientziak 1992arte iraun zuen (1990an Portugaleterekin batera), eta Tomaterak ez zuen berriro lehiatuko 1994arte. Bigarren esperientzia honek lau urte iraun zituen.
2000. urtean, arraunlari eskasiaren ondorioz, Deustuko eta Lutxanako arraun taldeek bien artean traineru bakarra osatzea erabaki zuten. Hitzarmen hau 2003an bukatu zen, izan ere, urte horretan Deustu eta Algorta taldeak bateratu ziren Ibaizabal izenarekin.
Taldearen gorakada
aldatuHarrobi lan handia egiten jarraitu zuen. Behe mailetan, batel kopuru nabarmena zuen, bai mutilen eta bai nesken txapelketetan, helburua epe laburrean Tomatera traineru indartsua izatea zuen.
Harrobiko lan hori emaitzak ematen hasi zen eta 2009.eko denboraldian jauzi kualitatiboa izan zuen. Zortzi garaipen lortuz Deustuko Arraun Taldeak KAE Ligako bigarren maila irabazi (175 puntu guztira) eta KAE1era zuzenean pasa zen. Hurrengo denboraldian lan txukuna egin zuen eta zazpigarren postuan bukatu zuen urtea. 2012an KAE 2. mailara jaitsi zen. 2013an bi bandera eskuratu zituen eta hirugarren postuan gelditu zen Ligan[1]. 2014an berriz ere puntan ibili zen eta sei bandera irabazita bigarren postua eskuratu zuen. Azkenik mailaz igotzea lortu zuen[2].
KAE 1 mailarako itzulera bikaina izan zuen. Bandera bat irabazi eta laugarren postuan amaitu zuen liga. 2016rako denboraldi oparoa espero zuen baina azkenean 6. postuarekin konformatu behar izan zuen. Urtetik urtera postuak hobetzen joan da eta 2019an bigarren eginez igoera play-offak jokatzeko sailkatu zen, baina ez zuen helburua lortu[3]. Hurrengo urteetan apalago ibili da eta 2023an jaitsiera play-offak jokatu zituen. Hala ere mantentzea lortu zuen.
Palmaresa
aldatuLigak
aldatu- KAE 1 Liga (0): bigarrena 2019an.
- KAE 2 Liga (1): 2009.
Banderak
aldatu| Etxekoak | Bilbo Hiriko Bandera (4): 2009, 2013, 2014, 2018. Bilboko gaueko estropada (1): 2015. |
| Bizkaian | Algortako Portuzarra Ikurrina (2): 2009, 2014. Areetako Bandera (1): 2009. Erandioko Bandera (2): 2009, 2014. KAE 1 Ligako estropada Getxon (1): 2020. |
| Gipuzkoan | Hibaikaren Bandera (1): 2009. Zumaiako Promozio Bandera (1): 2009. Pasaiako KAE Bandera (1): 2011. Donostiarra Promozio Bandera (1): 2014. Errenteria Hiriko Bandera (2): 2014, 2019. Hondarribiako Promozio Bandera (1): 2014. |
| Lapurdin | Donibane Ziburuko Bandera (2): 2009, 2018 Baionako Bandera (1): 2019. |
| Kantabrian | Castro Urdialesko Bandera (1): 2013. Santanderko Bandera (1): 2014. Marina de Cudeyoko Bandera (1): 2015. Camargoko Bandera (1): 2019. |
| Asturiasen | Gozón Udaleko Bandera (1): 2009. |
Beteranoak
aldatu- ABE Traineruen Liga (0): bigarrena 2010an (Lutxana-Deustu).
Azken denboraldiak
aldatu| Urtea | Liga | Kontxa |
|---|---|---|
| 2003 | Federazio Liga, 15.a | - |
| 2004 | Federazio Liga, 19.a | - |
| 2005 | Federazio Liga, 19.a | - |
| 2006 | KAE 2 Liga, 8.a | - |
| 2007 | KAE 2 Liga, 6.a | - |
| 2008 | KAE 2 Liga, 7.a | - |
| 2009 | KAE 2 Liga, 1.a | - |
| 2010 | KAE 1 Liga, 7.a | - |
| 2011 | KAE 1 Liga, 7.a | - |
| 2012 | KAE 1 Liga, 12.a | - |
| 2013 | KAE 2 Liga, 3.a | - |
| 2014 | KAE 2 Liga, 2.a | - |
| 2015 | KAE 1 Liga, 4.a | - |
| 2016 | KAE 1 Liga, 6.a | - |
| 2017 | KAE 1 Liga, 6.a | - |
| 2018 | KAE 1 Liga, 3.a | - |
| 2019 | KAE 1 Liga, 2.a | - |
| 2020 | KAE 1 Liga, 4.a | - |
| 2021 | KAE 1 Liga, 7.a | - |
| 2022 | KAE 1 Liga, 9.a | - |
| 2023 | KAE 1 Liga, 10.a | - |
| 2024 | KAE 1 Liga, 8.a |
B trainerua
aldatu| Deustu B | |
|---|---|
| Entrenatzailea | Josu Ortube
|
| Patroia(k) | Asier Nuñez
|
| Kolorea(k) | gorria eta zuria |
| Trainerua | Tomatera |
| Palmaresa | 0 KAE Liga 0 KAE 2 Liga |
| 2024 | ez |
2017 denboraldirako bigarren traineru bat atera zuen Portugaleterekin batera eta Portu-Deustu izenaz aritu zen. Trainerua eta koloreak Deusturenak eramango zituen. 2019an esperientzia errepikatu zuten. 2020an Deustu berak trainerua osatu nahi izan zuen baina azkenean lehorrean gelditu behar izan zuen. 2021ean lortu zuen traineru propioa ateratzea baina urtebeteko esperientzia izan zen berriz.
Denboraldiak
aldatu| Urtea | Liga | Taldea |
|---|---|---|
| 2017 | KAE 2 Liga, 13.a | Portu-Deustu |
| 2018 | ez | |
| 2019 | KAE 2 Liga, 9.a | Portu-Deustu |
| 2020 | ez | |
| 2021 | KAE 2 Liga, 6.a | Deustu B |
| 2022 | ez |
Emakumezkoen trainerua
aldatu| Deustu Arraun Taldea | |
|---|---|
| Entrenatzailea | Josu Ortube
|
| Patroia(k) | Denise Perez Marta Barquín
|
| Kolorea(k) | gorria eta zuria |
| Trainerua | Tomatera |
| Palmaresa | 0 Kontxako Bandera 0 Euskotren Liga 0 ETE Liga 0 Euskadiko Txapelketa 2 Bizkaiko Txapelketa |
| 2024: Kontxa | 8.a |
| 2024 | 6.a (ETE Liga) |
.jpg)
2016an hainbat talde bizkaitarretako arraunlariekin emakumezkoen trainerua osatu zuen[4] eta Gipuzkoako Ligan hartu zuen parte. Lehenengo denboraldian Kontxan sartzea lortu zuen[5]. Euskadiko Txapelketan laugarren egin zuen eta Kontxan zein Gipuzkoako Ligan zazpigarren amaitu zuen. Ordutik urtero osatu du trainerua eta hainbat estropada irabazi ditu. 2018an eta 2019an ETE Ligan hirugarren postua lortu zuen.
2021. urtea bikaina izan zen. Bateletan Bizkaiko, Euskadiko eta Espainiako txapelketak irabazi zituen[6] eta traineruetan ere Bizkaiko txapelduna izan zen, ETE Ligan bigarren eginez igoera play-offak jokatu zituen eta bigarren egin zuenez ezin izan zuen mailaz igo. Denboraldia borobiltzeko Kontxako Banderara sailkatu zen lau urteren ostean. 2022an hirugarren egin zuen ETE Ligan eta berriz jokatu zituen igoera play-offak, baina ez zuen igoerarik lortu.
Palmaresa
aldatu- Kontxako Bandera:
- Zazpigarrena (1): 2016.
- Sailkatua (3): 2016, 2017, 2021.
- Ligak:
- Gipuzkoako Liga (0): seigarrena 2017an.
- ETE Liga (0): bigarrena 2021ean.
- Txapelketak:
- Euskadiko txapelketa (0): laugarren 2016an.
- Bizkaiko txapelketa (2): 2017, 2021.
- Banderak:
| Etxekoak | Bilbo Hiriko Bandera (1): 2022. Bilba Memoriala (1): 2017. |
| Bizkaian | Portugaleteko traineru jeitsiera (1): 2017. Lekeitioko Bandera (1): 2017. Sestaoko Bandera (1): 2019. Antiguako Ama estropada (Ondarroa) (1): 2021. |
| Gipuzkoan | Andoni Galarragaren oroimen estropada (Getaria) (1): 2021. Donostiarra Bandera (1): 2021. |
| Kantabrian | S.D.R. Castro Urdialesen Bandera (1): 2018. |
Denboraldiak
aldatu| Urtea | Liga | Kontxa |
|---|---|---|
| 2016 | Gipuzkoako Liga, 7.a | 7.a |
| 2017 | Gipuzkoako Liga, 6.a | 8.a |
| 2018 | ETE Liga, 3.a | - |
| 2019 | ETE Liga, 3.a | - |
| 2020 | ETE Liga, 5.a | - |
| 2021 | ETE Liga, 2.a | 8.a |
| 2022 | ETE Liga, 3.a | - |
| 2023 | ETE Liga, 4.a | - |
| 2024 | ETE Liga, 6.a |
Trainerillak
aldatu- Bizkaiko Trainerilla Txapelketa (3): 2008, 2017, 2021.
Batelak
aldatu- Espainiako Batel Txapelketa (1): 2021.
- Euskadiko Batel Txapelketa (3): 2021, 2022, 2024.
- Bizkaiko Batel Txapelketa (5): 2017, 2020, 2021, 2022, 2023.
Erreferentziak
aldatu- ↑ (Gaztelaniaz) Benito, Iñaki. (2014-10-17). «Deusto reconocerá la brillante temporada de la 'Tomatera'» ElDesmarque (Noiz kontsultatua: 2024-06-01).
- ↑ (Gaztelaniaz) «Deusto consigue su billete a ARC-1» Deia 2014-09-07 (Noiz kontsultatua: 2024-06-01).
- ↑ (Gaztelaniaz) «Deusto no logra ascender a la ACT» Deia 2019-09-16 (Noiz kontsultatua: 2024-06-01).
- ↑ (Gaztelaniaz) «Bilbao.eus, Distrito 01: Deusto, Noticias, BILBAO CONTARÁ CON REPRESENTACIÓN FEMENINA EN LAS COMPETICIONES DE TRAINERAS ESTE VERANO» www.bilbao.eus (Noiz kontsultatua: 2024-06-01).
- ↑ «Kontxako finaleko bigarren jardunaldian “estropada on bat” egitea espero dute Deustuko arraunlariek - Deustualdea - 2016-09-11» Uriola.eus (Noiz kontsultatua: 2024-06-01).
- ↑ «Deustu eta Santurtzi nagusi, batelen Espainiako Txapelketan» EITB 2021-04-25 (Noiz kontsultatua: 2024-06-01).
Kanpo estekak
aldatu
Datuak: Q2980092
Multimedia: Deustu Arraun Taldea / Q2980092
