Euskalduna zubia

Euskalduna zubia
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Kokapen fisikoa	Deustu
Koordenatuak	43°16′03″N 2°56′48″W / 43.2676°N 2.9467°W
Historia eta erabilera
Eraikuntza	1994 - 1997
Inaugurazioa	1997ko apirilaren 18a
Jabea	Bilboko Udala
Erabilera	zubia; errepidea; espaloia; bidegorria
Arkitektura
Diseinatzailea	Javier Manterola
Materiala(k)	hormigoia eta altzairua
Kolorea	██ oztina
Dimentsioak	27 () × 250 () m ;
Gurutzatzen du	Bilboko itsasadarra
Zubibegiak	1

Artikulu hau zubiari buruzkoa da; beste esanahietarako, ikus «Euskalduna».

Euskalduna zubia Bilbo udalerriko zubi bat da, Bilboko itsasadarra zeharkatzen duena, iparraldetik Deustuko Doneperiaga eta hegoaldetik Abando auzoak elkarlotuz. 1997ko apirilaren 18an zabaldu zen.

Euskalduna zubiaren sekretu arkitektonikoak

Izena

Izena antzinako Euskalduna ontziolen omenez darama, ontziola hauek Abando ertzeko itsasadarraren zatian kokatuta zeudelarik.

Historia

Zubia 1997ko apirilaren 18an zabaldu zen, eta Enekuri eta AP-8 autobideko trafikoak elkartzen ditu. Deustuko Doneperiaga aldean biribilgune handi bat eraiki zen trafikoa errazteko.

Eraikia dagoen lurren ezegonkortasuna dela eta, 2000. urtean hondoratze txiki bat gertatu zen, eta zubiari konponketak egin behar izan zitzaizkion. Zorrotzaurreko proiektuaren arabera, zubia Zorrotzaurren egingo den irla berrira bideratuko da, eta horretarako metro batzuk gehituko zaizkio zubiari itsasadarraren gainean.

Ezaugarriak

Zubia, Javier Manterola ingeniariak diseinatua, 250 metro luze eta 27 metro zabal da, eta Abando aldean Jesusen Bihotza plaza eta Deustu aldean Botikazar Erribera kaleak lotzen ditu. Zirkulaziorako 4 errei ditu (2 norabide bakoitzeko), eta espaloia eta bidegorria ekialdeko ertzan. Bidegorria Abandoibarretik Elorrietaraino iristen da.

Abando aldean, zubiaren ondoan, Bilboko tranbiaren Euskalduna geltokia eta Euskalduna jauregia kokatzen dira. Gainera, behealdean Bilboko itsasadarra Itsas Museoa dago, zubipean erabili gabeko gune batean.

Zubia eraiki eta gero, Bilboko Udalak hockeyean jolasteko gune bat prestatu zuen zubiaren Deustuko gunean.

Iruditegia

Euskalduna zubia behetik.
Euskalduna zubia Abandoko ertzetik.
Euskalduna zubia espaloitik.
Euskalduna zubia espaloitik.
Abandoibarra Euskalduna zubitik.

Ikus, gainera

Euskarazko Wikipedian bada atari bat, gai hau duena:
Bilbo

Kanpo estekak

Datuak: Q3396530
Multimedia: Puente Euskalduna / Q3396530