2020ko Eurovision Abesti Lehiaketa
2020ko Eurovision Abesti Lehiaketa urtero ospatzen den Eurovision Abesti Lehiaketaren 65. edizioa izan beharrekoa zen, COVID-19 pandemiak antolatzea eragotzi zuena.[1] Rotterdamgo Ahoy aretoan egin beharrekoa zen, Herbeheretan. Ekitaldia bosgarren aldiz antolatu behar zuten Herbehereek. Finalerdiak maiatzaren 12 eta 14an jokatu behar ziren, eta final handia maiatzaren 16an.[2] Aurkezleak Chantal Janzen, Edsilia Rombley eta Jan Smit izan behar ziren. Rotterdamek 2021ko lehiaketa hartuko zuen, baina 2020ko lehiaketarako aukeratutako abestiak ez ziren hautagarriak izan.[1]
| 2020ko Eurovision Abesti Lehiaketa | |
|---|---|
| Lehen finalerdia | Maiatzak 12, 2020 |
| Bigarren finalerdia | Maiatzak 14, 2020 |
| Finala | Maiatzak 16, 2020 |
| Egoitza | Rotterdam Ahoy, Rotterdam |
| Aurkezlea(k) | Chantal Janzen Edsilia Rombley Jan Smit |
| Antolatzailea | AVROTROS Nederlandse Omroep Stichting (NOS) Nederlandse Publieke Omroep (NPO) |
| Partaide kopurua | 41 |
| Irabazlea | Irabazlerik ez, bertan behera utzita COVID-19 pandemia dela eta |
41 herrialde ziren parte hartzekoak guztira, 2019ko kopuru berdina.[3] Bulgaria eta Ukraina urte bateko eten baten ostean itzultzekoak ziren. Bestalde, Hungaria eta Montenegrok partaidetzari uko egin zioten.
Lehiaketa bertan behera utzi ondoren, EBUk eta herbeheretar telebista antolatzaileek ordezko saio berezi bat antolatu zuten 2020ko finalaren datarako, Eurovision: Europe Shine a Light izenekoa.
Kokapena
aldatu
Historian bosgarren aldiz, lehiaketa Herbehereek antolatu behar zuten, herrialdeak 2019ko edizioa irabazi ondoren Duncan Laurence abeslariaren eskutik. Aurretik Hilversumen (1958), Amsterdamen (1970), eta birritan Hagan (1976 eta 1980) egin zen ekitaldia. Lizitazio prozesu bat burutuz, 2019ko abuztuaren 30ean Rotterdamgo Ahoy aretoa hautatu zuten 2020ko egoitza bezala Herbehereetako irrati-telebista erakunde publikoek (AVROTROS, NOS eta NPO) eta Europako Irrati-Telebista Batasunak.[2] Aretoan 16.000 pertsona inguru sar daitezke.
Lizitazio prozesuan, Rotterdamez gain, Arnhem, 's-Hertogenbosch, Maastricht eta Utrecht izan ziren hautagai ofizialak,[4] eta hauetatik Rotterdam eta Maastricht izan ziren hautagai finalistak.[5]
2020ko martxoaren 18an, COVID-19 pandemiaren eraginez edizioa bertan behera utziko zela iragarri zenean, hurrengo urteko edizioa (2021ekoa) Rotterdamen antolatu ahal izateko elkarrizketak zabalduko zituela adierazi zuen EBUk.[1]
Formatua
aldatuIkus-diseinua
aldatuEdizioaren leloa, Open Up (euskaraz "Ireki zaitez") 2019ko urriaren 24an aurkeztu zen, eta bere ikus-diseinua 2019ko azaroaren 28an.[6][7] Logo nagusiak 41 herrialde partaideen banderen koloreak biltzen ditu borobil batean; erlojuaren zentzuan orden kronologikoan azaltzen dira lehiaketan egin zuten lehen agerraldiaren dataren arabera. Infografia, apainketa, eszenatokiaren diseinua, eta merchandisina, besteak beste, ikus-diseinu honetan oinarritu beharrekoak ziren.
Aurkezleak
aldatu2019ko abenduaren 4ean, lehiaketaren hiru aurkezleak ezagutarazi ziren. Chantal Janzen aktorea, abeslaria eta telebista aurkezlea da, Edsilia Rombley abeslaria eta telebista aurkezlea da, 1998an eta 2007an Eurovisionen Herbehereen ordezkaria izandakoa, eta Jan Smit abeslaria eta telebista aurkezlea da.[8]
Finalerdien zozketa
aldatuHerrialde partaideak bi finalerdietan banatzeko zozketa 2020ko urtarrilak 28an ospatu zen, Rotterdamgo udaletxean. Finalerdietako 35 partaideak 5 pototan kokatu ziren lehenik, bere bozketa joera historialaren arabera. Finalera zuzenik sailkatutako herrialdeek – Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Herbehereak) – zein finalerditan zegokien botoa ematea ere erabaki zuen zozketak.[9]
| 1. potoa | 2. potoa | 3. potoa | 4. potoa | 5. potoa |
|---|---|---|---|---|
Lehiaketa
aldatuLehiaketa bi finalerdi eta final bat izan beharrekoa zen. Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Herbehereak) zuzenki sailkatuak zeuden finalera. Gainontzako herrialdeak bi finalerdien artean banatu ziren, finalerdi bakoitzeko hamar lehen sailkatuak lortu behar zutelarik finalerako pasea.
Lehiaketa bertan behera utzi aurretik, 41 herrialde partaideek aukeratuak zituzten ordezkariak.[1]
Finalerdiak
aldatuLehen finalerdia
aldatuFinalerdiko partaideez gain, Alemania, Herbehereak eta Italia botoa ematekoak ziren.
| Herrialdea | Hizkuntza | Artista | Abestia | Euskarara itzulpena |
|---|---|---|---|---|
| Lehen zatia | ||||
 Australia
|
Ingelesa | Montaigne | "Don't Break Me" | Ez nazazu hautsi |
 Bielorrusia
|
Bielorrusiera | VAL | "Da vidna" (Да вiдна) | Egunsentia baino lehen |
 Errusia
|
Ingelesa[fe1 1] | Little Big | "Uno" | Bat |
 Eslovenia
|
Esloveniera | Ana Soklič | "Voda" | Ura |
 Ipar Mazedonia
|
Ingelesa | Vasil | "You" | Zeu |
 Irlanda
|
Ingelesa | Lesley Roy | "Story of My Life" | Nire bizitzaren istorioa |
 Lituania
|
Ingelesa | The Roop | "On Fire" | Sutan |
 Suedia
|
Ingelesa | The Mamas | "Move" | Mugitu |
| Bigarren zatia | ||||
 Azerbaijan
|
Ingelesa | Efendi | "Cleopatra" | Kleopatra |
 Belgika
|
Ingelesa | Hooverphonic | "Release Me" | Aska nazazu |
 Errumania
|
Ingelesa | Roxen | "Alcohol You" | Deituko dizut[fe1 2] |
 Kroazia
|
Kroaziera | Damir Kedžo | "Divlji vjetre" | Haize bortitza |
 Israel
|
Ingelesa, Amharera[fe1 3] | Eden Alene | "Feker libi" (ፍቅር ልቤ) | Nire maitasuna |
 Malta
|
Ingelesa | Destiny | "All of My Love" | Nire maitasun guztia |
 Norvegia
|
Ingelesa | Ulrikke | "Attention" | Arreta |
 Ukraina
|
Ukrainera | Go A | "Solovey" (Соловей) | Urretxindorra |
 Zipre
|
Ingelesa | Sandro | "Running" | Lasterka |
- ↑ Hitz batzuk gaztelaniaz.
- ↑ Ingelesezko hitz-jokoa "I'll call you" (deituko dizut) eta "alcohol" (alkohol) hitzekin.
- ↑ Lerro batzuk hebreeraz, arabieraz eta hizkuntza eraikian ere.
Bigarren finalerdia
aldatuFinalerdiko partaideez gain, Erresuma Batua, Espainia eta Frantzia botoa ematekoak ziren.
| Herrialdea | Hizkuntza | Artista | Abestia | Euskarara itzulpena |
|---|---|---|---|---|
| Lehen zatia | ||||
 Austria
|
Ingelesa | Vincent Bueno | "Alive" | Bizirik |
 Estonia
|
Ingelesa | Uku Suviste | "What Love Is" | Zer den maitasuna |
 Grezia
|
Ingelesa | Stefania | "Superg!rl" | Superneska |
 Islandia
|
Ingelesa | Daði og Gagnamagnið | "Think About Things" | Pentsatu gauzetan |
 Moldavia
|
Ingelesa | Natalia Gordienko | "Prison" | Espetxea |
 Polonia
|
Ingelesa | Alicja Szemplińska | "Empires" | Inperioak |
 San Marino
|
Ingelesa | Senhit | "Freaky!" | Xelebre! |
 Serbia
|
Serbiera[fe2 1] | Hurricane | "Hasta la vista" | Ikusi arte |
 Txekia
|
Ingelesa | Benny Cristo | "Kemama" | — |
| Bigarren zatia | ||||
 Albania
|
Ingelesa | Arilena Ara | "Fall from the Sky" | Zerutik erorketa |
 Armenia
|
Ingelesa | Athena Manoukian | "Chains on You" | Kateak zugan |
 Bulgaria
|
Ingelesa | Victoria | "Tears Getting Sober" | Malkoak mozkorra kentzen |
 Danimarka
|
Ingelesa | Ben & Tan | "Yes" | Bai |
 Finlandia
|
Ingelesa | Aksel Kankaanranta | "Looking Back" | Atzera begira |
 Georgia
|
Ingelesa[fe2 2] | Tornike Kipiani | "Take Me As I Am" | Har nazazu naizen bezala |
 Letonia
|
Ingelesa | Samanta Tīna | "Still Breathing" | Oraindik arnasten |
 Portugal
|
Portugesa | Elisa | "Medo de sentir" | Sentitzeko beldurra |
 Suitza
|
Frantsesa | Gjon's Tears | "Répondez-moi" | Erantzudazu |
- ↑ Lerro batzuk ingelesez eta gaztelaniaz ere.
- ↑ Lerro batzuk alemanez, frantsesez, gaztelaniaz eta italieraz ere.
Finala
aldatuHurrengoak finalera zuzenki sailkatuak zeuden herrialdeak dira.
| Herrialdea | Hizkuntza | Artista | Abestia | Euskarara itzulpena |
|---|---|---|---|---|
 Alemania
|
Ingelesa | Ben Dolic | "Violent Thing" | Gauza bortitza |
 Erresuma Batua
|
Ingelesa | James Newman | "My Last Breath" | Nire azken arnasa |
 Espainia
|
Gaztelania | Blas Cantó | "Universo" | Unibertso |
 Frantzia
|
Frantsesa, Ingelesa | Tom Leeb | "Mon alliée (The Best in Me)" | Nire kidea (Nire hoberena) |
 Herbehereak
|
Ingelesa | Jeangu Macrooy | "Grow" | Hazi |
 Italia
|
Italiera | Diodato | "Fai rumore" | Egizu zarata |
Ordezko saioa
aldatuOhiko lehiaketa bertan behera utzi ondoren, EBUk eta bere herbeheretar kideek ordezko saio berezi bat antolatu zuten, Eurovision: Europe Shine a Light izenekoa. Finala ospatu behar zen data berdinean (maiatzaren 16a) eman zen, Hilversum hiriko Studio 21-etik. Aurkezleak Chantal Janzen, Edsilia Rombley eta Jan Smit izan ziren, 2020ko lehiaketa auzkeztu behar zutenak.[10]
Saio bereziaren formatuan, lehiaketarako aukeratuko abestiak entzun ahal izan ziren zati baten, lehiarik gabe. Horrez gain, aurreko edizioetako partaide batzuek Eurovisionen iraganeko abesti ospetsuak abestu zituzten Europako hainbat toki ezagunetatik. Azkenik, partaide guztiek haien etxeetatik abestutako Love Shine A Light kantaren nahasketa bat erakutsi zen (kantak 1997ko Eurovision Abesti Lehiaketa irabazi zuen Erresuma Batuaren izenean, Katrina and the Waves talde ospetsuak abestua).
Emanaldiaren beste momentu nabarmenen artean, hauek aurkitzen ditugu: AVROTROSen orkestak Love Shine A Light-en bertsionatzea Europan zehar monumentu ezberdinak argitzen ziren bitartean; italiar leihatzaile Diodatok bere kanta "Fai rumore" Veronako arenatik abestea; edota 2019ko irabazleak, Duncan Laurence-k, bere kanta irabazlea (Arcade) abestea.
Erreferentziak
aldatu- ↑ a b c d Eurovision 2020 in Rotterdam is cancelled
- ↑ a b Rotterdam to host Eurovision 2020!
- ↑ 41 countries will 'Open Up' at Eurovision 2020 in Rotterdam
- ↑ 5 Dutch cities in the race to become Eurovision 2020 Host City
- ↑ Two cities left in the running to host Eurovision 2020
- ↑ ‘Open Up’ to Eurovision 2020
- ↑ Rotterdam 2020 design celebrates 65 years of Eurovision Song Contest
- ↑ Exclusive: Introducing the Eurovision 2020 presenters!
- ↑ Which country performs in which Eurovision 2020 Semi-Final?
- ↑ Eurovision: Europe Shine A Light will bring audiences together on 16 May
Kanpo estekak
aldatu- (Ingelesez) Eurovision 2020 webgune ofiziala
Datuak: Q30973589
Multimedia: Eurovision Song Contest 2020 / Q30973589
| Eurovision Abesti Lehiaketaren edizioak |
|
1956 •
1957 •
1958 •
1959 •
1960 •
1961 •
1962 •
1963 •
1964 •
1965 •
1966 •
1967 •
1968 •
1969 •
1970 •
1971 •
1972 •
1973 •
1974 •
1975 •
1976 •
1977 •
1978 •
1979 •
1980 •
1981 •
1982 •
1983 •
1984 •
1985 •
1986 •
1987 •
1988 •
1989 •
1990 •
1991 •
1992 •
1993 •
1994 •
1995 •
1996 •
1997 •
1998 •
1999 •
2000 •
2001 •
2002 •
2003 •
2004 •
2005 •
2006 •
2007 •
2008 •
2009 •
2010 •
2011 •
2012 •
2013 •
2014 •
2015 •
2016 •
2017 •
2018 •
2019 •
|
| Besteak |