2019ko Eurovision Abesti Lehiaketa
2019ko Eurovision Abesti Lehiaketa urtero ospatzen den Eurovision Abesti Lehiaketaren 64. edizioa izan zen. Tel Aviveko Expo Tel Aviv erakustazokan egin zen, Israelen. Ekitaldia hirugarren aldiz antolatu zuen Israelek. Finalerdiak maiatzaren 14 eta 16an jokatu ziren, eta final handia maiatzaren 18an.[1] Aurkezleak Bar Refaeli, Erez Tal, Assi Azar eta Lucy Ayoub izan ziren.
| 2019ko Eurovision Abesti Lehiaketa | |
|---|---|
| Lehen finalerdia | Maiatzak 14, 2019 |
| Bigarren finalerdia | Maiatzak 16, 2019 |
| Finala | Maiatzak 18, 2019 |
| Egoitza | Expo Tel Aviv, Tel Aviv |
| Aurkezlea(k) | Erez Tal Bar Refaeli Assi Azar Lucy Ayoub |
| Antolatzailea | Israelgo Irrati-difusioko Korporazio Publikoa (KAN) |
| Partaide kopurua | 41 |
| Irabazlea | "Arcade" Duncan Laurence  Herbehereak
|
Lehiaketako irabazlea Duncan Laurence bakarlari nederlandarra izan zen, "Arcade" kantuarekin. Herbehereen bosgarren garaipena izan zen. Bigarren postua Italiako Mahmoodentzat izan zen, "Soldi" kantuarekin. Errusiako Sergey Lazarevek, "Scream" abestiarekin, hirugarren postua lortu zuen; aurretik ere hirugarren gelditu zen Lazarev 2016ko edizioan. Epaimahai profesionalen gustukoena Ipar Mazedonia izan zen, eta telebozketaren gustokoena Norvegia.
41 herrialdek hartu zuten parte guztira, aurreko urtean baino bi gutxiagok.[2] Australiari parte hartzeko gonbidapena luzatu zitzaion Europako Irrati-Telebista Batasunaren eskutik bosgarren urtez. Bulgariak partaidetzari uko egin zion, irrati-telebista publikoaren arazo ekonomikoak medio. Ukrainak parte hartzeko izena emana zuen, baina partaidetza bertan behera utzi zuen, 2014tik Errusiarekin daukan gatazka medio.[3]
KokapenaAldatu
Historian hirugarren aldiz, lehiaketa Israelek antolatu zuen, herrialdeak 2018ko edizioa irabazi ondoren Nettaren eskutik. Aurretik Jerusalemen egin zen ekitaldia, birritan, 1979an eta 1999an. Lizitazio prozesu bat burutuz, 2018ko irailaren 13an Tel Aviveko Expo Tel Aviv erakustazoka hautatu zuten 2019ko egoitza bezala Israelgo Irrati-difusioko Korporazio Publikoak (KAN) eta Europako Irrati-Telebista Batasunak (EBU).
Erakustazoka honen bigarren pabiloia erabili zen ekitaldirako, non 10.000 pertsona inguru sar daitezkeen.
Hasiera batean, ekitaldia Jerusalemen egingo zela baieztatu zuen Benjamin Netanyahu Israelgo lehen ministroak. Hala ere, Jerusalemen estatusa dela eta, herrialde batzuek ekitaldiari boikot egiteko aukerarik baldin bazen, EBUk beste hiri edota herrialde bat aukeratuko zuela jakinarazi zion KAN korporazioari eta israeldar gobernuari, israeldar prentsaren arabera.[4] Ondoren lizitazio prozesua zabaldu zen, eta Tel Avivez gain Jerusalem eta Eilat izan ziren hautagai ofizialak.[5]
FormatuaAldatu
Ikus-diseinuaAldatu
Edizioaren leloa, Dare to dream (euskaraz "Ausartu amets egiten") 2018ko urriaren 28an aurkeztu zen, eta bere ikus-diseinua 2019ko urtarrilaren 8an. Batera jarrita izar bat osatzen duten hiru hiruki erakusten ditu logo nagusiak. Infografia, apainketa, eszenatokiaren diseinua, eta merchandisina, besteak beste, ikus-diseinu honetan oinarritu ziren.[6]
AurkezleakAldatu
2019ko urtarrilak 8an, KAN eta EBUk lehiaketaren lau aurkezleak ezagutarazi zituen. Bar Refaeli nazioarteko supermodeloa da, Erez Tal eta Assi Azar Keshet 12 telebista kate pribatuko ohiko aurkezleak dira, eta Lucy Ayoub KANeko ohiko aurkezlea da.[7]
Finalerdien zozketaAldatu
Herrialde partaideak bi finalerdietan banatzeko zozketa 2019ko urtarrilak 28an ospatu zen, Tel Aviveko Arte Museoan. Finalerdietako 36 partaideak 6 pototan kokatu ziren lehenik, bere bozketa joera historialaren arabera. Finalera zuzenik sailkatutako herrialdeek – Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Israel) – zein finalerditan zegokien botoa ematea ere erabaki zuen zozketak.[8]
| 1. potoa | 2. potoa | 3. potoa | 4. potoa | 5. potoa | 6. potoa |
|---|---|---|---|---|---|
- ↑ Ukrainak bertan behera utzi zuen partaidetza, zozketa ondoren hilabete bat beranduago.
LehiaketaAldatu
Lehiaketak bi finalerdi eta final bat izan zituen. Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Israel) zuzenki sailkatuak zeuden finalera. Gainontzako herrialdeak bi finalerdien artean banatu ziren, finalerdi bakoitzeko hamar lehen sailkatuak lortu zutelarik finalerako pasea.
FinalerdiakAldatu
Lehen finalerdiaAldatu
Finalerdiko partaideez gain, Espainia, Frantzia eta Israeleri ere egokituko zitzaien botoa ematea. Taulan azpimarratutako herrialdeak pasa ziren finalera.
Artista partaideez gain, aurreko urteko irabazle izan zen Nettak "Toy" abestu zuen ekitaldia zabaltzeko, eta lehiaketako emanaldien ondoren, 1998ko garailea izan zen Dana Internationalek "Just the Way You Are" abestu zuen.[9]
| Ordena | Herrialdea | Hizkuntza | Artista | Abestia | Euskarara itzulpena | Postua | Puntuak |
|---|---|---|---|---|---|---|---|
| 01 |  Zipre
|
Ingelesa | Tamta | "Replay" | Errepikapena | 9 | 149 |
| 02 |  Montenegro
|
Ingelesa | D mol | "Heaven" | Zerua | 16 | 46 |
| 03 |  Finlandia
|
Ingelesa | Darude feat. Sebastian Rejman | "Look Away" | Begirada kendu | 17 | 23 |
| 04 |  Polonia
|
Poloniera, Ingelesa | Tulia | "Fire of Love (Pali się)" | Maitasun sua (Sutan daude) | 11 | 120 |
| 05 |  Eslovenia
|
Esloveniera | Zala Kralj & Gašper Šantl | "Sebi" | Zeure buruari | 6 | 167 |
| 06 |  Txekia
|
Ingelesa | Lake Malawi | "Friend of a Friend" | Lagun baten laguna | 2 | 242 |
| 07 |  Hungaria
|
Hungariera | Joci Pápai | "Az én apám" | Neure aita | 12 | 97 |
| 08 |  Bielorrusia
|
Ingelesa | ZENA | "Like It" | Gustoko | 10 | 122 |
| 09 |  Serbia
|
Serbiera[fe1 1] | Nevena Božović | "Kruna" (Круна) | Koroa | 7 | 156 |
| 10 |  Belgika
|
Ingelesa | Eliot | "Wake Up" | Esna zaitez | 13 | 70 |
| 11 |  Georgia
|
Georgiera[fe1 2] | Oto Nemsadze | "Keep on Going" | Jarrai aurrera | 14 | 62 |
| 12 |  Australia
|
Ingelesa | Kate Miller-Heidke | "Zero Gravity" | Zero grabitatea | 1 | 261 |
| 13 |  Islandia
|
Islandiera | Hatari | "Hatrið mun sigra" | Gorrotoa nagusituko da | 3 | 221 |
| 14 |  Estonia
|
Ingelesa | Victor Crone | "Storm" | Ekaitza | 4 | 198 |
| 15 |  Portugal
|
Portugesa | Conan Osíris | "Telemóveis" | Mugikorrak | 15 | 51 |
| 16 |  Grezia
|
Ingelesa | Katerine Duska | "Better Love" | Maitasun hobea | 5 | 185 |
| 17 |  San Marino
|
Ingelesa[fe1 3] | Serhat | "Say Na Na Na" | Esan na na na | 8 | 150 |
- ↑ Errepikatzen diren bi lerro ingelesez.
- ↑ Esamolde bat abkhazieraz.
- ↑ Hiru hitz turkieraz.
Bigarren finalerdiaAldatu
Finalerdiko partaideez gain, Alemania, Erresuma Batua eta Italiari ere egokituko zitzaien botoa ematea. Taulan azpimarratutako herrialdeak pasa ziren finalera.
Artista partaideez gain, lehiaketako emanaldien ondoren, Shalva Band taldeak "A Million Dreams" abestu zuen.[9]
| Ordena | Herrialdea | Hizkuntza | Artista | Abestia | Euskarara itzulpena | Postua | Puntuak |
|---|---|---|---|---|---|---|---|
| 01 |  Armenia
|
Ingelesa | Srbuk | "Walking Out" | Irteten | 16 | 49 |
| 02 |  Irlanda
|
Ingelesa | Sarah McTernan | "22" | — | 18 | 16 |
| 03 |  Moldavia
|
Ingelesa | Anna Odobescu | "Stay" | Geratu | 12 | 85 |
| 04 |  Suitza
|
Ingelesa | Luca Hänni | "She Got Me" | Arazi ninduen | 4 | 232 |
| 05 |  Letonia
|
Ingelesa | Carousel | "That Night" | Gau hura | 15 | 50 |
| 06 |  Errumania
|
Ingelesa | Ester Peony | "On a Sunday" | Igande batean | 13 | 71 |
| 07 |  Danimarka
|
Ingelesa, Frantsesa[fe2 1] | Leonora | "Love is Forever" | Maitasuna betirako da | 10 | 94 |
| 08 |  Suedia
|
Ingelesa | John Lundvik | "Too Late for Love" | Beranduegi maitasunerako | 3 | 238 |
| 09 |  Austria
|
Ingelesa | PÆNDA | "Limits" | Mugak | 17 | 21 |
| 10 |  Kroazia
|
Ingelesa, Kroaziera | Roko | "The Dream" | Ametsa | 14 | 64 |
| 11 |  Malta
|
Ingelesa | Michela | "Chameleon" | Kameleoia | 8 | 157 |
| 12 |  Lituania
|
Ingelesa | Jurij Veklenko | "Run with the Lions" | Lehoiekin korrika egin | 11 | 93 |
| 13 |  Errusia
|
Ingelesa | Sergey Lazarev | "Scream" | Garrasi | 6 | 217 |
| 14 |  Albania
|
Albaniera | Jonida Maliqi | "Ktheju tokës" | Herrialdera itzulera | 9 | 96 |
| 15 |  Norvegia
|
Ingelesa[fe2 2] | KEiiNO | "Spirit in the Sky" | Zeruko espiritua | 7 | 210 |
| 16 | Herbehereak
|
Ingelesa | Duncan Laurence | "Arcade" | Joko aretoa | 1 | 280 |
| 17 |  Ipar Mazedonia
|
Ingelesa | Tamara Todevska | "Proud" | Harro | 2 | 239 |
| 18 |  Azerbaijan
|
Ingelesa | Chingiz | "Truth" | Egia | 5 | 224 |
- ↑ Lerro batzuk danieraz eta alemanez ere.
- ↑ Errepikatzen den lerro bat ipar samieraz.
FinalaAldatu
26 herrialdek hartu zuten parte finalean, eta 41 herrialdek eman zuten botoa.
Artista partaideez gain, finala zabaltzeko, 1998ko irabazlea izan zen Dana Internationalek "Diva" eta "Tel Aviv" abestu zituen, 1973ko ordezkaria izan zen Ilanitek "Ey Sham" abestu zuen, eta 2015eko Israeldar ordezkaria izan zen Nadav Guedjek "Golden Boy" abestu zuen. Lehiaketako emanaldien ondoren, Madonna nazioarteko superrizarrak "Like a Prayer" eta "Future" (Quavo raperoarekin) kantatu zituen.[10] Horrez gain, aurreko urteko irabazlea izan zen Nettak "Nana Banana" kanta berria estreinatu zuen eta Conchita Wurst (2014ko irabazlea), Måns Zelmerlöw (2015eko irabazlea), Eleni Foureira (2018ko bigarren sailkatua), Verka Serduchka (2007ko bigarren sailkatua) eta Gali Atari (1979ko irabazlea) Eurovisioneko kanten pot-pourri batean aritu ziren. Idan Raichelek "Bo’ee – Come to Me" abestu zuen. Gal Gadot aktore eta modeloak agerpena egin zuen bideo batean.[9]
| Ordena | Herrialdea | Hizkuntza | Artista | Abestia | Euskarara itzulpena | Postua | Puntuak[f 1] |
|---|---|---|---|---|---|---|---|
| 01 | Malta
|
Ingelesa | Michela | "Chameleon" | Kameleoia | 14 | 107 |
| 02 | Albania
|
Albaniera | Jonida Maliqi | "Ktheju tokës" | Herrialdera itzulera | 17 | 90 |
| 03 | Txekia
|
Ingelesa | Lake Malawi | "Friend of a Friend" | Lagun baten laguna | 11 | 157 |
| 04 |  Alemania
|
Ingelesa | S!sters | "Sister" | Ahizpa | 25 | 24 |
| 05 | Errusia
|
Ingelesa | Sergey Lazarev | "Scream" | Garrasi | 3 | 370 |
| 06 | Danimarka
|
Ingelesa, Frantsesa[f 2] | Leonora | "Love is Forever" | Maitasuna betirako da | 12 | 120 |
| 07 | San Marino
|
Ingelesa[f 3] | Serhat | "Say Na Na Na" | Esan na na na | 19 | 77 |
| 08 | Ipar Mazedonia
|
Ingelesa | Tamara Todevska | "Proud" | Harro | 7 | 305 |
| 09 | Suedia
|
Ingelesa | John Lundvik | "Too Late for Love" | Beranduegi maitasunerako | 5 | 334 |
| 10 | Eslovenia
|
Esloveniera | Zala Kralj & Gašper Šantl | "Sebi" | Zeure buruari | 15 | 105 |
| 11 | Zipre
|
Ingelesa | Tamta | "Replay" | Errepikapena | 13 | 109 |
| 12 | Herbehereak
|
Ingelesa | Duncan Laurence | "Arcade" | Joko aretoa | 1 | 498 |
| 13 | Grezia
|
Ingelesa | Katerine Duska | "Better Love" | Maitasun hobea | 21 | 74 |
| 14 |  Israel
|
Ingelesa | Kobi Marimi | "Home" | Etxea | 23 | 35 |
| 15 | Norvegia
|
Ingelesa[f 4] | KEiiNO | "Spirit in the Sky" | Zeruko espiritua | 6 | 331 |
| 16 |  Erresuma Batua
|
Ingelesa | Michael Rice | "Bigger Than Us" | Gu baino handiagoa | 26 | 11 |
| 17 | Islandia
|
Islandiera | Hatari | "Hatrið mun sigra" | Gorrotoa nagusituko da | 10 | 232 |
| 18 | Estonia
|
Ingelesa | Victor Crone | "Storm" | Ekaitza | 20 | 76 |
| 19 | Bielorrusia
|
Ingelesa | ZENA | "Like It" | Gustoko | 24 | 31 |
| 20 | Azerbaijan
|
Ingelesa | Chingiz | "Truth" | Egia | 8 | 302 |
| 21 |  Frantzia
|
Frantsesa, Ingelesa | Bilal Hassani | "Roi" | Erregea | 16 | 105 |
| 22 |  Italia
|
Italiera[f 5] | Mahmood | "Soldi" | Dirua | 2 | 472 |
| 23 | Serbia
|
Serbiera[f 6] | Nevena Božović | "Kruna" (Круна) | Koroa | 18 | 89 |
| 24 | Suitza
|
Ingelesa | Luca Hänni | "She Got Me" | Arazi ninduen | 4 | 364 |
| 25 | Australia
|
Ingelesa | Kate Miller-Heidke | "Zero Gravity" | Zero grabitatea | 9 | 284 |
| 26 |  Espainia
|
Gaztelania | Miki | "La venda" | Benda | 22 | 54 |
- ↑ Finala ospatu eta lau egun geroago, Bielorrusiar epaimahaiaren emaitzak gaizki gehitu zirela adierazi zuen EBUk, eta hau zuzentzeak emaitza ofizialetan aldaketa batzuk eragin zituen.
- ↑ Lerro batzuk danieraz eta alemanez ere.
- ↑ Hiru hitz turkieraz.
- ↑ Errepikatzen den lerro bat ipar samieraz.
- ↑ Bi lerro arabieraz.
- ↑ Errepikatzen diren bi lerro ingelesez.
GertakariakAldatu
Boikot eskaerakAldatu
Israeldar estatuaren aurkako "Boikota. Desinbertsioa. Zigorra" kanpaina jarraituz, ekitaldiari boikota egiteko deialdiak egin zituzten alderdi eta artista batzuek. Hala ere, aurreko urteko herrialde partaide guztiek jarraitu zuten lehiaketan bi salbuespen ezik, eta bi salbuespenek (Bulgaria eta Ukraina) bestelako arrazoiengatik egin zioten uko partaidetzari.
Ukrainaren partaidetzaAldatu
Ukrainan Vidbir 2019 lehiaketak erabaki behar zuen nor izango ote zen Ukrainako ordezkaria Eurovisionen. 2019ko otsailaren 23an jokatu zen Vidbir 2019-en finala, eta Maruv abeslariak irabazi zuen "Siren Song" abestiarekin. Hala ere, Ukrainako telebista erakunde publikoak kontratu bat aurkeztu zion Maruvi Eurovisionen bere izena emateko, eta 48 orduko epea eman zion sinatzeko. Kontratu honen klausula deigarriena Errusian kontzertuak emateari uko egitea zen, eta Maruvek Errusian kontzertuak emateko data batzuk itxita zeuzkan aldez aurretik. 2014tik Errusia eta Ukraina artean sortutako gatazka politiko eta militarragatik, polemikoa da Ukrainan musikariek Errusian kontzertuak ematea. Maruvek uko egin zion kontratua sinatzeari eta Eurovisionera joateari baldintza horietan. Telebista erakundeak Vidbir lehiaketan bigarren eta hirugarren sailkatu zirenei eskatu zien orduan Eurovisionera joatea Ukraina ordezkatzeko, baina haiek ere uko egin ziotenean, telebista erakundeak bertan behera utzi zuen otsailaren 27an Ukrainaren partaidetza.
Palestinar ikurren agerraldiakAldatu
Israel-Palestina Gatazka dela eta, Palestinar ikurren ezusteko agerraldiak izan ziren finalean. Artista gonbidatu bezala abesten zuen Madonnaren emanaldian, bi dantzarik Israeldar eta Palestinar banderak erakusten zituzten bizkarrean, eta emanaldiaren amaieran bi dantzari hauek sorbaldaz sorbalda agertu ziren, eskailera batzuk igo ahala. Geroago, Islandiako partaideek, Hatari taldeko kideek, Palestinar ikurrak erakutsi zituzten kamara aurrean telebozketaren botoak jaso zituztenean, eta Expo Tel Aviveko ikuslegoaren zati nabarmen batek txistuekin erantzun zuen.
ErreferentziakAldatu
- ↑ Tel Aviv to host Eurovision 2019!
- ↑ 42 countries to compete in Eurovision 2019
- ↑ Ukraine withdraws from Eurovision 2019
- ↑ La UER en Israel: "Eurovisión no se hará en Jerusalén si los países se niegan a participar"
- ↑ Eurovision 2019: Three cities officially submit bids to host contest
- ↑ All Aboard! Reaching for the stars: Theme artwork for Eurovision 2019 revealed!
- ↑ Meet the Eurovision 2019 hosts: Bar Refaeli, Erez Tal, Assi Azar and Lucy Ayoub
- ↑ Eurovision’19: Semi-Final Allocation Draw to Take Place at Tel Aviv Museum of Art
- ↑ a b c Eurovision 2019: KAN teases Gal Gadot involvement, postcards, an all-star interval mash-up and more at EXPO Tel Aviv press conference
- ↑ Madonna actuará durante el Festival de Eurovisión 2019
Kanpo estekakAldatu
- (Ingelesez) Eurovision 2019 webgune ofiziala
Datuak: Q9095390
Multimedia: Eurovision Song Contest 2019
| Eurovision Abesti Lehiaketaren edizioak |
|
1956 •
1957 •
1958 •
1959 •
1960 •
1961 •
1962 •
1963 •
1964 •
1965 •
1966 •
1967 •
1968 •
1969 •
1970 •
1971 •
1972 •
1973 •
1974 •
1975 •
1976 •
1977 •
1978 •
1979 •
1980 •
1981 •
1982 •
1983 •
1984 •
1985 •
1986 •
1987 •
1988 •
1989 •
1990 •
1991 •
1992 •
1993 •
1994 •
1995 •
1996 •
1997 •
1998 •
1999 •
2000 •
2001 •
2002 •
2003 •
2004 •
2005 •
2006 •
2007 •
2008 •
2009 •
2010 •
2011 •
2012 •
2013 •
2014 •
2015 •
2016 •
2017 •
2018 •
2019 •
|
| Besteak |