2023ko Eurovision Abesti Lehiaketa
2023ko Eurovision Abesti Lehiaketa urtero ospatzen den Eurovision Abesti Lehiaketaren 67. edizioa izan zen. Liverpoolgo Liverpool Arena aretoan egin zen. Erresuma Batuan ospatzea erabaki zen; Ukrainak irabazi zuen 2022ko edizioa, baina ezin izan zituen ekitaldia antolatzeko segurtasun-baldintzak bermatu Errusia-Ukraina gerraren ondorioz. Finalerdiak maiatzaren 9 eta 11an jokatu ziren, eta final handia maiatzaren 13an.[1] Bederatzigarren aldia izango da lehiaketa Erresuma Batuan ospatzen dela.
| 2023ko Eurovision Abesti Lehiaketa | |
|---|---|
| Lehen finalerdia | 2023ko maiatzaren 9 |
| Bigarren finalerdia | 2023ko maiatzaren 11 |
| Finala | 2023ko maiatzaren 13 |
| Egoitza | Liverpool Arena, Liverpool |
| Aurkezlea(k) | Alesha Dixon Hannah Waddingham Julia Sanina Graham Norton (finala) |
| Antolatzailea | British Broadcasting Corporation (BBC) |
| Partaide kopurua | 37 |
| Irabazlea | "Tattoo" Loreen  Suedia
|
Lehiaketa Loreen abeslari suediarrak irabazi zuen, "Tattoo" abestiarekin. Loreenek lehenago 2012ko edizioa irabazi zuen, eta lehiaketa birritan irabaztea lortzen zuen bigarren artista bilakatu zen, lehen emakumezkoa. Suediaren zazpigarren garaipena izan zen, Irlandaren errekorra berdindu zuelarik. Käärijä finlandiarrak lortu zuen bigarren postua "Cha Cha Cha" kantarekin, telebozketaren gustokoena izanik.
37 herrialde izan ziren partaide, aurreko urtean baino hiru gutxiago. Bulgaria, Ipar Mazedonia eta Montenegrok bere partadeitza eten zuten, batik bat 2021-2022ko krisi energetikoak sortutako baldintza ekonomikoen ondorioz.[2]
Kokapena aldatu
2022ko edizioa Ukrainak irabazi zuen Kalush Orchestra taldearen "Stefania" abestiarekin, eta tradizioa jarraituz, 2023ko lehiaketa antolatzeko gonbidapena Ukrainak jaso zuen.[3] Hala ere, 2022ko Errusiaren Ukrainako inbasioak sortutako egoera ageria izanik, laster espekulatu zen antolakuntza beste herrialde batek hartu beharko zuela.[4] Hainbat herrialde eskaini ziren antolatzeko Ukrainak ezin ezean, hauen artean Belgika, Erresuma Batua, Espainia, Herbehereak, Italia, Polonia eta Suedia.
Ukraina baketu batean antolatu ahal izateko nahia adierazi zuen Mykola Chernotytskyi UA:PBC ukrainar telebista publikoko buruak, eta baita 2022ko maiatzaren 20an elkarrizketak hasiko zituztela Europako Irrati-Telebista Batasunarekin (EBU).[5] Volodymyr Zelensky Ukrainako presidenteak egun batean lehiaketa Mariupol hirian ospatu ahal izateko itxaropena adierazi zuen.[6]
2022ko ekainaren 16an, UA:PBC eta ukrainar gobernua EBUrekin bildu ziren lehiaketa Ukrainan ospatzeko aukerak aztertzeko. Hurrengo egunean, Ukrainak ez zituela betetzen ekitaldia jaso ahal izateko segurtasun-baldintzak adierazi zuen EBUk, eta ordez 2022ko ediozoko bigarren sailkatuarekin, BBC-rekin, elkarrizketak hasiko zituela.[7] Chernotytskyi UA:PBC-ko buruak eta Oleksandr Tkachenko ukrainar kultura ministroak ekitaldia Ukrainan egiteko elkarrizketak jarraitzea eskatu zuten, eta besteak beste, Boris Johnson britainiar lehen ministroaren babesa jaso zuten.[8] EBUk ekainaren 23an bere erabakia baieztatu zuen, segurtasun kezkak zehaztuz eta egoitza hautaketa ez politizatzeko eskatuz.[9] Lehiaketa aurreko urteko irabazleak jaso ez zuen azken aldia 1980ko edizioa izan zen.
2022ko uztailaren 25ean, EBU, UA:PBC eta BBC-ek lehiaketa Erresuma Batuan egingo zela iragarri zuten, eta hiria hautatzeko lizitazio-prozesua aste berean hasiko zela. UA:PBC BBC-ren lankide izango zela ere iragarri zen, ikuskizunetan ukrainar elementuak sartzeko.[10]
Bederatzigarren aldia izan zen ekitaldia Erresuma Batuan egiten zela, bere errekorra handituz, izan ere hauetatik bosgarren aldia izan zen beste herrialde bat ordezkatzen zutela antolaketan. Azkenengoz 1998ko edizioa hartu zuen, Birminghamen.
Hiriaren hautaketa aldatu
Ukrainak ezingo zuela antolatu iragarri bezain pronto, Erresuma Batuan egingo zela adierazi aurretik, Erresuma Batuko hogei hirik adierazi zuten egoitza izateko interesa: Aberdeen, Belfast, Birmingham, Brighton, Bristol, Cardiff, Darlington, Derry, Edinburgo, Glasgow, Leeds, Liverpool, Londres, Manchester, Nottingham, Newcastle, Prudhoe, Sheffield, Sunderland eta Wolverhampton.[11][12] Hala, Brighton, Cardiff, Derry, Nottingham eta Sunderland hiriek bere proposamena erretiratu zuten geroago. 2022ko abuztuaren 12an , BBC-ek zazpi hiri hautagai izendatu zituen: Birmingham, Glasgow, Leeds, Liverpool, Manchester, Newcastle eta Sheffield.[13] Irailaren 27an, bi finalista izendatu zituen: Glasgow eta Liverpool.[14] 2022ko urriaren 7an, Liverpoolgo Liverpool Arena aretoa hautatu zuten egoitza bezala BBC eta EBU-k. Pabilioi honek 11.000 pertsona har ditzake.
Partaideak aldatu
Edizio honetan, 37 herrialdek hartu zuten parte. Aurreko edizioarekin konparatuta, Bulgariak, Ipar Mazedoniak eta Montenegrok parte hartzeari uko egin zioten. Hau 2014etik partaide gutxien izan zituen edizioa izan zen.
| Herrialdea | Artista | Abestia | Hizkuntza | Euskarazko itzulpena | Idazlea(k) |
|---|---|---|---|---|---|
 Albania
|
Albina eta Kelmendi familia | "Duje" | Albaniera | Maita ezazu | Enis Mullaj, Eriona Rushiti |
 Alemania
|
Lord of the Lost | "Blood and glitter" | Ingelesa | Odola eta purpurina | Anthony J. Brown, Chris Harms, Rupert Keplinger, Pi Stoffers |
 Armenia
|
Brunette | "Future lover" | Ingelesa, Armeniera | Etorkizuneko maitalea | Elen Yeremyan |
 Australia
|
Voyager | "Promise" | Ingelesa | Zin egin | Alex Kanion, Ashley Doodkorte, Simone Dow, Daniel Estrin, Scott Kay |
 Austria
|
Teya eta Salena | "Who the hell is Edgar?" | Ingelesa | Nor arraio da Edgar? | Selina-Maria Edbauer, Ronald Janeček, Pele Loriano, Teodora Špirić |
 Azerbaijan
|
TuralTuranX | "Tell me more" | Ingelesa | Esaidazu gehiago | Nihad Aliyev, Tural Baghmanov, Turan Baghmanov, Tunar Taghiyev |
 Belgika
|
Gustaph | "Because of you" | Ingelesa | Zuregatik | Jaouad Alloul, Stef Caers |
 Danimarka
|
Reiley | "Breaking my heart" | Ingelesa | Nire bihotza apurtzen | Bård Bonsaksen, Sivert Hjeltnes Hagtvet, Rani Petersen, Hilda Stenmalm |
 Erresuma Batua
|
Mae Muller | "I Wrote a Song" | Ingelesa | Kanta bat idatzi dut | Mae Muller, Karen Poole, Lewis Thompson |
 Errumania
|
Theodor Andrei | "D.G.T" | Errumaniera | Hatzak | Theodor-Octavian Andrei, Luca de Mezzo, Mikail Jahed, Luca Ştefan Udăţeanu |
 Eslovenia
|
Joker Out | "Carpe diem" | Esloveniera | Aprobetxatu momentua | Bojan Cvjetićanin, Kris Guštin, Nace Jordan, Jure Maček, Jan Peteh |
 Espainia
|
Blanca Paloma | "Eaea" | Gaztelania | - | Blanca Paloma Ramos Baeza, José Pablo Polo, Álvaro Tato |
 Estonia
|
Alika | "Bridges" | Ingelesa | Zubiak | Alika Milova, Wouter Hardy, Nina Sampermans |
 Finlandia
|
Käärijä | "Cha cha cha" | Finlandiera | Cha cha cha | Johannes Naukkarinen, Alesi Nurmi, Jere Pöyhönen |
 Frantzia
|
La Zarra | "Évidemment" | Frantsesa | Noski | Fatima-Zahra Hafdi, Yannick Rastogi, Zacharie Raymond, Ahmed Saghir |
 Georgia
|
Iru | "Echo" | Ingelesa | Oihartzuna | Beni Kadagidze, Iru Khechanovi, Giorgi Kukhianidze |
 Grezia
|
Victor Vernicos | "What they say" | Ingelesa | Haiek diotena | Victor Vernicos Jørgensen |
 Herbehereak
|
Mia Nicolai & Dion Cooper | "Burning daylight" | Ingelesa | Erretzen duen argia | Dion Cuiper, Jordan Garfield, Loek van der Grinten, Duncan de Moor, Mia Nicolai |
 Kroazia
|
Let3 | "Mama ŠČ!" | Kroaziera | Ama ŠČ! | Damir Martinović Mrle, Zoran Prodanović |
 Irlanda
|
Wild Youth | "We are one" | Ingelesa | Bat gara | Jörgen Elofsson, Conor O'Donohue, Edward Porter |
 Islandia
|
Diljá | "Power" | Ingelesa | Boterea | Diljá Pétursdóttir, Pálmi Ragnar Ásgeirsson |
 Israel
|
Noa Kirel | "Unicorn" | Ingelesa, Hebreera | Adarbakarra | Noa Kirel, Doron Medalie, May Sfadia, Yinon Yahel |
 Italia
|
Marco Mengoni | "Due vite" | Italiera | Bi bizitza | Marco Mengoni, Davide Petrella, Davide Simonetta |
 Letonia
|
Sudden Lights | "Aijā" | Ingelesa, Letoniera | - | Kārlis Matīss Zitmanis, Mārtiņš Matīss Zemītis, Andrejs Reinis Zitmanis, Kārlis Vārtiņš |
 Lituania
|
Monika Linkytė | "Stay" | Ingelesa, Lituaniera | Geratu zaitez | Krists Indrišonoks, Monika Linkytė |
 Malta
|
The Busker | "Dance (Our own party)" | Ingelesa | Dantza egin (Gure festa) | Matthew James Borg, Paul Borg, Micheal Joe Cini, Sean Meachen, Adam Meilak |
 Moldavia
|
Pasha Parfeni | "Soarele şi luna" | Errumaniera | Eguzkia eta ilargia | Pasha Parfeni, Yuliana Parfeni, Cătălin Temciuc, Andrei Volpe |
 Norvegia
|
Alessandra | "Queen of Kings" | Ingelesa, Italiera | Erregeen erregina | Linda Dale, Stanley Ferdinandez, Alessandra Mele, Henning Olerud |
 Polonia
|
Blanka | "Solo" | Ingelesa | Bakarrik | Maria Broberg, Marcin Górecki, Maciej Puchalski, Bartłomiej Rzeczycki, Blanka Stajkow, Julia Sundberg, Mikołaj Trybulec |
 Portugal
|
Mimicat | "Ai Coração" | Portugesa | Ai bihotz | Marisa Mena, Luís Pereira |
 San Marino
|
Piqued Jacks | "Like an Animal" | Ingelesa | Animalia bat bezala | Francesco Bini, Andrea Lazzaretti, Tommaso Oliveri, Marco Sgaramella |
 Serbia
|
Luke Black | "Samo mi se spava" (Само ми се спава) | Serbiera | Lo besterik ez dut egin nahi | Luka Ivanović |
| Suedia
|
Loreen | "Tattoo" | Ingelesa | Tatuajea | Peter Boström, Moa Carlebecker, Thomas Gustafsson, Jimmy Jansson, Lorine Talhaoui, Jimmy "Joker" Thörnfeldt |
 Suitza
|
Remo Forrer | "Watergun" | Ingelesa | Ur-pistola | Ashley Hicklin, Argyle Singh, Mikołaj Trybulec |
 Txekia
|
Vesna | "My sister's crown" | Ingelesa, Ukrainera,Txekiera, Bulgariera | Nire arrebaren koroa | Adam Albrecht, Michal Jiráň, Patricie Kaňok, Šimon Martínek, Kateryna Vatchenko, Tanita Yankova |
 Ukraina
|
Tvorchi | "Heart of Steel" | Ingelesa, Ukrainera | Altzairuzko bihotza | Andrii Hutsuliak, Jimoh Augustus Kehinde |
 Zipre
|
Andrew Lambrou | "Break a broken heart" | Ingelesa | Bihotz apurtua apurtu | Jimmy Jansson, Thomas Stenggaard, Jimmy "Joker" Thörnfeldt, Marcus Winther-John |
Formatua aldatu
Aldaketak bozketa-sisteman aldatu
2022ko azaroaren 22an, aldaketa nabarmenak iragarri zituen EBUk bozketa-sisteman. Finalerdietako emaitzak telebozketaz soilik erabakiko dira, 2004 eta 2007 artean gertatu zen gisa, eta finaleko emaitzak epaimahai profesionalen eta telebozketaren puntuaketak batuz erabakiko dira, 2009tik gertatu ohi den bezala. Herrialde batek ezin badu telebozketaren emaitzik eman finalerdietan, badaezpadako epaimahai baten botoak emango ditu, eta finalean ere arazoak irauten badu, herrialdeko epaimahai profesionalaren botoak bikoiztuko dira. Herrialde bateko epaimahaia baliogabetzen bada, herrialdeko telebozketa emaitzak bikoiztuko dira. Lehen aldiz, partaide ez diren herrialdeetako ikusleek botoa eman ahal izango dute hiru saioetan web-plataforma baten bitartez, eta "Gainontzeko mundua" bezala aurkeztuko dira emaitzak.[15]
Ikus-diseinua aldatu
2022ko urriaren 7an jakinarazi zenez, Eurovisionen "bihotz" logo generikoak Ukrainako banderaren koloreak erakutsiko zituen aurreko urteko garaile bezala, eta ez Erresuma Batuarenak, antolatzaile bezala.
Edizioaren ikus identitatea eta leloa, United by Music (euskaraz "Musikak elkartuak") 2023ko urtarrilaren 31an aurkeztu ziren. Bihotzez osatutako kate bat da ikus identitatearen ezaugarri nagusia, Ukrainako eta Erresuma Batuko banderen koloreak uztartuz. Infografia, apainketa, eszenatokiaren diseinua, eta merchandisina, besteak beste, ikus identitate honetan oinarritu ziren.[16]
Aurkezleak aldatu
2023ko otsailaren 22an, aurkezleak ezagutari ziren. Alesha Dixon britainiar abeslaria, Hannah Waddingham britainiar aktorea, eta Julia Sanina ukrainar abeslaria hiru saioen aurre egon ziren, eta Graham Norton esatari eta aurkezle irlandar-britainiarra elkartu zitzaien finalean.[17]
Eszenatokia aldatu
Eszenatoki-diseinua Julio Himede eszenografoak burutu zuen. Aurretik Grammy Sariak (2022), MTV Europe Music Awards (2016-2021), edota MTV Video Music Awards (2018-2021) ekitaldien eszenatokiak proiektatu zituen Himedek. Eszenatokiaren arkitekturak "besarkada handi bat" irudikatzen du Himederen hitzetan, Ukrainara, partaideei eta ikusleei luzatzen dena.[18] Karlos III. eta Camilla Erresuma Batukoak inauguratu zuten eszenatokia, apiliraren 26an Liverpoolera egindako bisitaldi batean.[19]
Postalak aldatu
Postalak 40 segunduko aurkezpen bideoak dira, telebistan erakusten direnak hurrengo artista eszenatokian prestatzen den bitartean. Postal bakoitzak hiru leku erakutsi zituen: bat Ukrainan, bat Erresuma Batuan, eta hirugarrena ordezkari bakoitzaren herrialdean, hirurak gai beraz lotuak.[20] Honakoak izan ziren hautatutako lekuak:
| Herrialdea | Gaia | Kokapenak | ||
|---|---|---|---|---|
| Ukrainan | Erresuma Batuan | Herrialdean | ||
| Albania
|
Parkeak | Sofiyivka Parkea, Uman | Sefton Park, Liverpool | Tiranako Grand Park |
| Armenia
|
Lorategi botanikoak | Lorategi botanikoa, Lviveko Unibertsitatea | Eden Project, Kornualles | Erevango lorategi botanikoa |
| Australia
|
Zubiak | Kristalezko Zubia, Kiev | Cliftoneko Zubi esekia, Bristol | Matagarup Bridge, Perth |
| Austria
|
Udaletxeak | Lviveko udaletxea | Sheffieldeko udaletxea | Vienako udaletxea |
| Azerbaijan
|
Enparantzak | Maidan Nezalezhnosti, Kiev | Centenary Square, Birmingham | Baku Boulevard |
| Belgika
|
Monumentuak | Independentziari monumentua, Kiev | Iparreko Aingerua, Gateshead | Atomium, Brusela |
| Danimarka
|
Operak | Lviveko Opera eta Ballet Antzokia | Wales Millennium Centre, Cardiff | Kopenhageko Opera Etxea |
| Erresuma Batua
|
Ibaiak | Dnieper, Kiev | Mersey Ibaia, Liverpool | Tamesis Ibaia, Londres |
| Errumania
|
Estatuak | Taras Xevtxenko estatua, Lviv | The Beatles estatua, Liverpool | Karruajea pailazoekin eskultura, Bukarest |
| Eslovenia
|
Sabaigainak | Tetris Hall sabaigaina, Kiev | Goodness Gracious Roof Bar, Londres | Radio Slovenijako sabaia, Ljubljana |
| Espainia
|
Antzokiak | Anfiteatroa, Uzhhorod | Minack Theatre, Kornualles | Antzoki Erromatarra, Sagunto |
| Estonia
|
Dorreak | Vinnytsiako ur-dorrea | Blackpool Tower, Lancashire | Tallinngo telebista-dorrea |
| Finlandia
|
Noriak | Podil noria, Lviv | Liverpooleko gurpila | SkyWheel Helsinki |
| Frantzia
|
Jauregiak | Potocki Jauregia, Lviv | Hopetoun House, West Lothian | Fontainebleauko jauregia |
| Georgia
|
Alde zaharrak | Lviveko alde zaharra | Port Sunlight, Merseyside | Tbilisiko alde zaharra |
| Grezia
|
Eraikin-hondarrak | Tarakaniveko Gotorlekua, Rivneko oblasta | Dunluce gaztelua, Antrim konderria | Poseidonen tenplua, Sounion |
| Herbehereak
|
Arkitektura koloretsua | Comfort Town, Kiev | Portmeirion, Gwynedd | Zaanstad, Ipar Holanda |
| Kroazia
|
Portuak | Kieveko ibai-portua | Whitby Harbour, Ipar Yorkshire | Rijekako portua |
| Irlanda
|
Mendi-errepideak | Ivano-Frankivskeko oblasteko mendi-errepidea | Military Road, Wight | Sally Gap, Wicklow konderria |
| Islandia
|
Ur-jauziak | Maniava ur-jauzia, Gorgany Mendilerroa | Pistyll Rhaeadr, Powys | Kvernufoss, Skógar |
| Israel
|
Arroka-egiturak | Urytski arrokak, Beskideak | Stonehenge, Wiltshire | Masada, Judeako basamortua |
| Italia
|
Belodromoak | Kieveko belodromoa | Pump Track Wales, Rhayader | Zirku Nagusia, Erroma |
| Letonia
|
Hondartza-kanpinak | Ecospace Pods, Kieveko urtegia | Boscombe hondartzako kabainak, Bournemouth | Mensils, Talsi udalerria |
| Lituania
|
Gotorlekuak | Khotyn gotorlekua, Txernivtsiko oblasta | Eilean Donan, Eskoziako Lur Garaiak | Trakai Irlako gaztelua |
| Malta
|
Autobusak | Lviveko autobusa | Londresko autobusak | Vintage autobusa, Mellieħa |
| Moldavia
|
Basoak | Beskideetako basoa, Lviveko oblasta | Sherwood basoa, Nottinghamshire | Orheiko Parke Nazionala, Trebujeni |
| Norvegia
|
Liburutegiak | Ukrainako Vernadsky Liburutegi Nazionala | Central Library, Liverpool | Osloko Liburutegi Publikoa |
| Polonia
|
Unibertsitateak | Txernivtsiko Unibertsitatea | Cambridgeko Unibertsitatea | Fisika fakultatea, Varsoviako Unibertsitatea |
| Portugal
|
Elizak | Santa Sofia katedrala, Kiev | Elyko Katedrala, Cambridgeshire | Santa Engráciako eliza, Lisboa |
| San Marino
|
Gazteluak | Kamianets-Podilskyko gaztelua, Khmelnytskyko oblasta | Herstmonceuxeko gaztelua, Ekialdeko Sussex | Guaita, Titano mendia |
| Serbia
|
Arte galeriak | Park3020, Lviveko oblasta | Tate Liverpool | Arte Garaikideko Museoa, Belgrad |
| Suedia
|
Irlak | Anti-Circe irla, Uman | St. Catherine's Irla, Tenby | Enholmen, Gotland |
| Suitza
|
Lakuak | Buchak Lakua, Txerkasyko oblasta | Ness Lakua, Eskoziako Lur Garaiak | Zurich lakua |
| Txekia
|
Laberintoak | Laberinto Berdea, Zhytomyr | Bakearen Laberintoa, Castlewellan | Haginezko Laberintoa, Loučeň |
| Ukraina
|
Muralak | Kieveko kaleetako muralak | Belfasteko kaleetako muralak | Art-Zavod Platforma, Kiev |
| Zipre
|
Hondartzak | Kieveko urtegiko hondartza | Brightoneko hondartza, Ekialdeko Sussex | Akti Olympion hondartza, Limasol |
Artista gonbidatuak aldatu
Lehen finalerdia irekitzeko Julia Sanina aurkezleak "Mayak" abestu zuen. Pausartean, Alyosha 2010eko edizioko ukrainar partaideak "Ordinary World" abestu zuen Rebecca Ferguson abeslariarekin batera, eta Rita Ora abeslaria bere kanta ospetsuen pot-purri batean aritu zen.
Bigarren finalerdiko pausartean, Maria Jaremtxuk (2014ko edizioko ukrainar partaidea), Otoy eta Zlata Dziunka abeslariak ukrainar musika pot-purri batean aritu ziren, eta "Be Who You Wanna Be" ikuskizunak Miss Demeanour, Miss Mercedes Bends eta Tomara Thomas drag artistak Podilya dantza-konpainiarekin elkartu zituen.[21]
Finala Kalush Orchestra aurreko urteko talde irabazleak zabaldu zuen, "Stefania" kanta irabazlea eta "Changes" single berria joz. Ondoren, Go_A (2021ko ukrainiar partaideak), Jamala (2016ko irabazlea), Tina Karol (2006ko ukrainiar partaidea) eta Verka Serduchka (2007ko ukrainiar partaidea) aritu ziren, 26 artista finalistak desfile batean aurkezten ziren bitartean. Pausartean, Sam Ryder 2022ko edizioko britainiar partaidea eta txapeldunordeak "Mountain" single berria abestu zuen, Roger Taylor Queen taldeko bateriajolearen laguntzarekin. Jarraian, Liverpoolgo hiriak pop musikari egindako ekarpenari buruzko emanaldia egon zen, Eurovisioneko lehiakide ohi batzuen eskutik: Mahmood (2009ko italiar partaidea), Netta (2018ko irabazlea), Daði Freyr (2020 eta 2021eko islandiar partaidea), Cornelia Jacobs (2022ko suediar partaidea), Duncan Laurence (2019ko irabazlea), Sonia (1993ko britainiar partaidea) eta Ruslana (2004ko irabazlea).[22]
Finalerdien zozketa aldatu
Herrialde partaideak bi finalerdietan banatzeko zozketa 2023ko urtarrilaren 31an ospatu zen, St George's Hall eraikinan. Finalerdietako 31 partaideak 5 pototan kokatu ziren lehenik, haien bozketa joera historialaren arabera. Finalerdi bakoitzera poto bakoitzeko 3 herrialde bideratu ziren, modu honetan finalerdiak bozkaketari begira ahalik eta dibertsoenak izatea lortuz. Finalera zuzenik sailkatutako herrialdeek – Big 5 taldeko herrialdeak (Alemania, Erresuma Batua, Espainia, Frantzia eta Italia) eta Ukraina – zein finalerditan dagokien botoa ematea ere erabaki zuen zozketak.[23]
| 1. potoa | 2. potoa | 3. potoa | 4. potoa | 5. potoa |
|---|---|---|---|---|
Lehiaketa aldatu
.jpg)
Lehen finalerdia aldatu
Finalerdi honetan 15 herrialdek hartu zuten parte. Emanaldia maiatzaren 9an izan zen, asteartea, eta 10 herrialde pasa zieen finalera. Hau erabakitzeko, finalerdian parte hartzen duten herrialdeetaz gain, Alemania, Frantzia eta Italiak bozkatu ahal izan zuten, bai eta herrialde ez partaideak "Gainontzeko mundua" bezala. Taulan azpimarratutako herrialdeak pasa ziren finalera.
| Ordena | Herrialdea | Artista | Abestia | Puntuak | Postua |
|---|---|---|---|---|---|
| 01 | Norvegia
|
Alessandra | "Queen of Kings" | 102 | 6 |
| 02 | Malta
|
The Busker | "Dance (Our Own Party)" | 3 | 15 |
| 03 | Serbia
|
Luke Black | "Samo mi se spava" (Само ми се спава) | 37 | 10 |
| 04 | Letonia
|
Sudden Lights | "Aijā" | 34 | 11 |
| 05 | Portugal
|
Mimicat | "Ai Coração" | 74 | 9 |
| 06 | Irlanda
|
Wild Youth | "We Are One" | 10 | 12 |
| 07 | Kroazia
|
Let 3 | "Mama ŠČ!" | 76 | 8 |
| 08 | Suitza
|
Remo Forrer | "Watergun" | 97 | 7 |
| 09 | Israel
|
Noa Kirel | "Unicorn" | 127 | 3 |
| 10 | Moldavia
|
Pasha Parfeni | "Soarele şi luna" | 109 | 5 |
| 11 | Suedia
|
Loreen | "Tattoo" | 135 | 2 |
| 12 | Azerbaijan
|
TuralTuranX | "Tell Me More" | 4 | 14 |
| 13 | Txekia
|
Vesna | "My Sister's Crown" | 110 | 4 |
| 14 | Herbehereak
|
Mia Nicolai & Dion Cooper | "Burning Daylight" | 7 | 13 |
| 15 | Finlandia
|
Käärijä | "Cha Cha Cha" | 177 | 1 |
Bigarren finalerdia aldatu
Finalerdi honetan 16 herrialdek hartu zuten parte. Emanaldia maiatzaren 11an izan zen, osteguna, eta 10 herrialde pasa ziren finalera. Hau erabakitzeko, finalerdian parte hartzen duten herrialdeetaz gain, Erresuma Batua, Espainia eta Ukrainak bozkatu ahal izan zuten, bai eta herrialde ez partaideak "Gainontzeko mundua" bezala. Taulan azpimarratutako herrialdeak pasa ziren finalera.
| Ordena | Herrialdea | Artista | Abestia | Puntuak | Postua |
|---|---|---|---|---|---|
| 01 | Danimarka
|
Reiley | "Breaking My Heart" | 6 | 14 |
| 02 | Armenia
|
Brunette | "Future Lover" | 99 | 6 |
| 03 | Errumania
|
Theodor Andrei | "D.G.T. (Off and On)" | 0 | 15 |
| 04 | Estonia
|
Alika | "Bridges" | 74 | 10 |
| 05 | Belgika
|
Gustaph | "Because of You" | 90 | 8 |
| 06 | Zipre
|
Andrew Lambrou | "Break a Broken Heart" | 94 | 7 |
| 07 | Islandia
|
Diljá | "Power" | 44 | 11 |
| 08 | Grezia
|
Victor Vernicos | "What They Say" | 14 | 13 |
| 09 | Polonia
|
Blanka | "Solo" | 124 | 3 |
| 10 | Eslovenia
|
Joker Out | "Carpe Diem" | 103 | 5 |
| 11 | Georgia
|
Iru | "Echo" | 33 | 12 |
| 12 | San Marino
|
Piqued Jacks | "Like an Animal" | 0 | 16 |
| 13 | Austria
|
Teya & Salena | "Who the Hell is Edgar?" | 137 | 2 |
| 14 | Albania
|
Albina & Familja Kelmendi | "Duje" | 83 | 9 |
| 15 | Lituania
|
Monika Linkytė | "Stay" | 110 | 4 |
| 16 | Australia
|
Voyager | "Promise" | 149 | 1 |
Finala aldatu
Finalerdi bakoitzeko 10 herrialde hoberenek hartu zuten parte finalean. Beraiekin batera, aurreko ediozoko irabazlea (Ukraina) eta Big 5 herrialdeak (Alemania, Erresuma Batua, Espainia, Frantzia, Italia) zuzenki sailatuak zeuden. 37 herrialde partaideek eman ahal izan zuten botoa, bai eta herrialde ez partaideak "Gainontzeko mundua" bezala.
| Ordena | Herrialdea | Artista | Abestia | Puntuak | Postua |
|---|---|---|---|---|---|
| 01 | Austria
|
Teya & Salena | "Who the Hell is Edgar?" | 120 | 15 |
| 02 | Portugal
|
Mimicat | "Ai Coração" | 59 | 23 |
| 03 | Suitza
|
Remo Forrer | "Watergun" | 92 | 20 |
| 04 | Polonia
|
Blanka | "Solo" | 93 | 19 |
| 05 | Serbia
|
Luke Black | "Samo mi se spava" (Само ми се спава) | 30 | 24 |
| 06 | Frantzia
|
La Zarra | "Évidemment" | 104 | 16 |
| 07 | Zipre
|
Andrew Lambrou | "Break a Broken Heart" | 126 | 12 |
| 08 | Espainia
|
Blanca Paloma | "Eaea" | 100 | 17 |
| 09 | Suedia
|
Loreen | "Tattoo" | 583 | 1 |
| 10 | Albania
|
Albina & Familja Kelmendi | "Duje" | 76 | 22 |
| 11 | Italia
|
Marco Mengoni | "Due vite" | 350 | 4 |
| 12 | Estonia
|
Alika | "Bridges" | 168 | 8 |
| 13 | Finlandia
|
Käärijä | "Cha Cha Cha" | 526 | 2 |
| 14 | Txekia
|
Vesna | "My Sister's Crown" | 129 | 10 |
| 15 | Australia
|
Voyager | "Promise" | 151 | 9 |
| 16 | Belgika
|
Gustaph | "Because of You" | 182 | 7 |
| 17 | Armenia
|
Brunette | "Future Lover" | 122 | 14 |
| 18 | Moldavia
|
Pasha Parfeni | "Soarele şi luna" | 96 | 18 |
| 19 | Ukraina
|
Tvorchi | "Heart of Steel" | 243 | 6 |
| 20 | Norvegia
|
Alessandra | "Queen of Kings" | 268 | 5 |
| 21 | Alemania
|
Lord of the Lost | "Blood & Glitter" | 18 | 26 |
| 22 | Lituania
|
Monika Linkytė | "Stay" | 127 | 11 |
| 23 | Israel
|
Noa Kirel | "Unicorn" | 362 | 3 |
| 24 | Eslovenia
|
Joker Out | "Carpe Diem" | 78 | 21 |
| 25 | Kroazia
|
Let 3 | "Mama ŠČ!" | 123 | 13 |
| 26 | Erresuma Batua
|
Mae Muller | "I Wrote a Song" | 24 | 25 |
Erreferentziak aldatu
- ↑ (Ingelesez) «Liverpool will host Eurovision 2023» Eurovision.tv 2022-10-07 (Noiz kontsultatua: 2022-10-07).
- ↑ (Ingelesez) «Eurovision 2023: Here are the 37 countries competing in Liverpool» Eurovision.tv 2022-10-20 (Noiz kontsultatua: 2022-11-04).
- ↑ (Ingelesez) «Eurovision 2022: Winner's Press Conference with Kalush Orchestra» Eurovision.tv 2022-05-15 (Noiz kontsultatua: 2022-07-26).
- ↑ (Ingelesez) «Ukraine wins 2022 Eurovision song contest as UK finishes second in Turin» The Guardian 2022-05-15 (Noiz kontsultatua: 2022-07-26).
- ↑ «Eurovision 2023: Discussions with Ukraine and the EBU Regarding Hosting to Commence on Friday» Eurovoix (Noiz kontsultatua: 2022-07-26).
- ↑ «Ukrainian president hopes to host Eurovision in Mariupol 'one day'» AA (Noiz kontsultatua: 2022-07-26).
- ↑ (Ingelesez) «EBU Statement on Hosting of 2023 Eurovision Song Contest» Eurovision.tv 2022-06-17 (Noiz kontsultatua: 2022-07-26).
- ↑ (Ingelesez) «Eurovision rules out Ukraine as host of next year's song contest» The New York Times 2022-06-17 (Noiz kontsultatua: 2022-07-26).
- ↑ (Ingelesez) «Further EBU Statement on Hosting of 2023 Eurovision Song Contest» Eurovision.tv 2022-06-23 (Noiz kontsultatua: 2022-07-26).
- ↑ (Ingelesez) «EBU, UA:PBC and BBC agree to host 2023 Eurovision Song Contest in the United Kingdom» Eurovision.tv 2022-07-25 (Noiz kontsultatua: 2022-07-26).
- ↑ (Ingelesez) «The UK reacts to the news of their country hosting Eurovision» Escxtra 2022-07-25 (Noiz kontsultatua: 2022-07-26).
- ↑ (Ingelesez) «Eurovision 2023: 🇬🇧 Derry Investigates Bid to Host Eurovision» Eurovoix 2022-08-02 (Noiz kontsultatua: 2022-08-02).
- ↑ (Ingelesez) BBC. (2022-08-12). BBC announces seven cities shortlisted to host the 2023 Eurovision Song Contest. (Noiz kontsultatua: 2022-08-13).
- ↑ (Ingelesez) Eurovision.tv. (2022-09-27). Eurovision 2023: It’s Glasgow or Liverpool. (Noiz kontsultatua: 2022-09-27).
- ↑ (Ingelesez) Eurovision.tv. (2022-11-22). Voting changes announced for Eurovision Song Contest 2023. (Noiz kontsultatua: 2022-12-23).
- ↑ BBC UNVEILS EUROVISION SONG CONTEST 2023 VISUAL IDENTITY
- ↑ Meet our Eurovision 2023 family!
- ↑ https://eurovision.tv/story/bbc-reveals-further-production-team-details-liverpool-2023
- ↑ Eurovision 2023: King Charles tells Mae Muller he will be 'egging you on'
- ↑ 111 locations, 37 acts: Eurovision 2023 Postcards announced
- ↑ Eurovision 2023: tra gli interval act delle semifinali Rita Ora, Mariya Yaremchuck e Alyosha
- ↑ Eurovision 2023: Grand Final performances
- ↑ Eurovision 2023: Allocation Draw results
Kanpo estekak aldatu
Datuak: Q107599005
Multimedia: Eurovision Song Contest 2023 / Q107599005
| Eurovision Abesti Lehiaketaren edizioak |
|
1956 •
1957 •
1958 •
1959 •
1960 •
1961 •
1962 •
1963 •
1964 •
1965 •
1966 •
1967 •
1968 •
1969 •
1970 •
1971 •
1972 •
1973 •
1974 •
1975 •
1976 •
1977 •
1978 •
1979 •
1980 •
1981 •
1982 •
1983 •
1984 •
1985 •
1986 •
1987 •
1988 •
1989 •
1990 •
1991 •
1992 •
1993 •
1994 •
1995 •
1996 •
1997 •
1998 •
1999 •
2000 •
2001 •
2002 •
2003 •
2004 •
2005 •
2006 •
2007 •
2008 •
2009 •
2010 •
2011 •
2012 •
2013 •
2014 •
2015 •
2016 •
2017 •
2018 •
2019 •
|
| Besteak |