Logroño

Logroño; Logroño
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Errioxako Autonomia Erkidegoa
Izen ofiziala	Logroño
Jatorrizko izena	Logroño
Posta kodea	26001–26009
INEk ezarritako kodea	26089
Herriburua	Logroño (en)
Geografia
Koordenatuak	42° 28′ 12″ N, 2° 26′ 44″ W / 42.47°N,2.4456°WKoordenatuak: 42° 28′ 12″ N, 2° 26′ 44″ W / 42.47°N,2.4456°W
Azalera	79.57 km²
Altuera	384 m
Mugakideak	Agoncillo, Murillo de Río Leza, Villamediana de Iregua, Lardero, Navarrete, Fuenmayor, Guardia, Lantziego, Oion eta Viana
Demografia
Biztanleria	151.136 (2019); 23 (2018)
Dentsitatea	1.899,41 bizt/km²
Informazio gehigarria
Ordu eremua	UTC+01:00
Hiri senidetuak	Darmstadt, Akize, Brescia, Wilhelmshaven eta Libourne
	logro-o.org

Logroño^[1] —edo, izen historiko gisa, Loroño— Errioxa probintziako eta autonomia erkidegoko hiriburua da. Errioxa osoko biztanleriaren erdia bizi da hirian, erkidegoko osasun, kultur eta ekonomia zerbitzuak batuz.

Ebro ibaia zeharkatzen du, hiria bitan banatuz. Donejakueko Bidea ere, bertatik igarotzen da.

GeografiaAldatu

KokapenaAldatu

Logroñoren udalerri mugakideak honakoak dira: Guardia eta Lantziego ipar-mendebaldean, Fuenmayor mendebaldean, Navarrete hego-mendebaldean, Lardero eta Villamediana de Iregua hegoaldean, Murillo de Río Leza hego-ekialdean, Agoncillo ekialdean, Viana ipar-ekialdean, eta Oion iparraldean.

KlimaAldatu

Datu klimatikoak (Logroño)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	9.5	12.0	15.1	16.7	21.0	25.4	29.3	29.1	25.4	19.3	13.4	10.1	18.9
Batez besteko tenperatura minimoa (°C)	2.0	3.0	4.4	6.1	9.5	12.6	15.3	15.5	12.7	8.9	5.0	3.2	8.2
Pilatutako prezipitazioa (mm)	27	23	26	44	48	47	31	23	24	31	36	37	399
Prezipitazio egunak (≥ 1 mm)	6	5	5	7	8	5	4	4	4	6	6	6	67
Hezetasuna (%)	77	71	65	63	62	59	57	59	64	72	76	79	67
Iturria: AEMET^[2]

HistoriaAldatu

1610an Logroñoko prozesua izan zen bertan, Hego Euskal Herriko sorgin-ehiza handiena. Batez ere Zugarramurdiko akelarreari buruz izan zen. 12 emakume erre zituzten, haietako bost sinbolikoki, galdeketetako torturapean hil baitzituzten.

DemografiaAldatu

Hona hemen Espainiako Estatistika Institutuaren erroldaren araberako biztanleria:

Herrigunea	Biztanle (2014)^[3]	Gizonezkoak	Emakumezkoak
Logroño	149848	71539	78309
El Cortijo	244	120	124
Varea	1870	962	908

ArdogintzaAldatu

Hiria Errioxako ardoaren ekoizle nagusietakoa da "Errioxa Beherea" azpieskualdean.

Ospakizun eta jai-egunakAldatu

Hiriburu errioxarraren ospakizun garrantzitsuenak hurrengoak dira:

San Bernabe, ekainaren 11n, Inbasio frantziarren aurkako erresistentzia ospatzen da. Jendearen artean, amuarrain frijituak, ardoa eta ogia banatzen da.
San Mateo, irailaren 21aren astean zehar. Vendimia edo mahats-biltzearen festa, mahatsaren-zapalketa ospatzen da. Lehen mostoa Valvanerako Birjinari eskeintzen zaio. Aste guztian zehar, zezenketak eta kontzertuak ospatzen dira, Iruñaren antzera. Jendeak ardo eta bereziki,zurrakapotea, dastatzearen ohitura jarraitzen du.

PolitikaAldatu

Udalbatzaren osaketaAldatu

Logroñoko Udala
Alderdi politikoa	Zinegotziak
Alderdi Popularra (PP)	17
Alderdi Sozialista (PSOE)	10
UPyD (UPyD)	0
Errioxar Alderdia (PR)	0
Ezker Batua (IU)	0

KirolaAldatu

Logroñoko kirol talde garrantzitsuena, Club Balonmano Ciudad de Logroño eskubaloi taldea da, ASOBAL Ligan jokatzen du Darien Logroño izenarekin. Futbolari dagokionez, CD Logroñes talde historikoa ordezkatzen du hiria; bederatzi denboraldiz Lehenengo Mailan ibilia eta gaur egun Bigarren B Maila-n.