Juan Jose Elhuyar

Juan Jose Elhuyar Zubize (Logroño, 1754ko ekainaren 15a - Bogota, 1796ko irailaren 20a) euskal jatorriko kimikaria izan zen, Fausto anaiarekin batera wolframa lehen aldiz bakartu zuelako ezaguna.

Juan Jose Elhuyar
Bizitza
Jaiotza	Logroño, 1754ko ekainaren 15a
Herrialdea	Espainia
Heriotza	Bogota, 1796ko irailaren 20a (42 urte)
Familia
Seme-alabak	ikusi José Luciano D'Elhuyar y Bastida (en)
Haurrideak	ikusi Fausto Elhuyar
Hezkuntza
Hizkuntzak	gaztelania
Jarduerak
Jarduerak	kimikaria, mineralogoa eta discoverer (en)
Kidetza	Euskalerriaren Adiskideen Elkartea

Biografia

Gurasoak lapurtarrak zituen. Parisen Botanika eta Kimika ikasi zituen. Suediara joan zen Espainiaren aldeko espioitza lanak egitera: hain zuzen, mineralogo jakintsuak kontratatzera eta ingelesek eta suediarrek kanoiak egiteko zituzten metodoak ikastera. Torbern Olof Bergman mineralogo ospetsuarekin egin zuen lan bertan.

Anaiarekin Bergaran hasi zen lanean, Euskalerriaren Adiskideen Elkartearekin batera, eta 1782an wolframa eriden zuten: halaxe bete ziren Bergmanek metal ezezagun hari buruz aurreratu zituen teoriak. Aurkikuntza Gasteizen aurkeztu zuten.

1784. urtean, Bogota aldera jo zuen Granada Berriko Erregeorderriko (egun, Kolonbia) meatzetako zuzendari nagusi gisa, eta bertan hil zen hamabi urte geroago. Metalen trataerari buruzko lan ugari eman zuen argitara.

Ikus, gainera

• Elhuyar anaiak
• Wolframa
• Bergarako Errege Mintegia
• Euskalerriaren Adiskideen Elkartea

Kanpo loturak

• Azkune Mendia, Iñaki eta Kaltzada, Pili. 1995/08/02. Elhuyar, Joan Jose. Biografiak. Elhuyar Zientziaren Komunikazioa. Joan Jose Elhuyarren biografia
• Aranberri Mendizabal, Luis Alberto (Amatiño). 1997/11/01. Elhuyar aldizkaria. Elhuyar anaiak
• Laboratorium Bergara museoa. Juan Jose ELHUYAR (1754-1796). On line:https://www.laboratorium.eus/eu/pertsonaiak/juan-jose-elhuyar [ikusia: 2020-06-15]

• Datuak: Q728386