1996ko Frantziako Tourra

1996ko Frantziako Tourra Itzuli Handi honen 83. edizioa izan zen. 1996ko ekainak 29 eta uztailak 21 artean ospatu zen, 3.765 kilometroko ibilbidea eginez 22 etapatan banatua, garaileak batez beste 39,236 kilometro orduko abiaduran bete zituenak. Lasterketa Herbehereetako 's-Hertogenbosch herrian hasi eta Parisko Champs Elyséesetan amaitu zen.

1996ko Frantziako Tourra
Datu orokorrak
Lasterketa83. Frantziako Tourra
Etapak22
Datakekainak 29 – 1996.eko uztailak 21
Luzera3.765 km
HerrialdeaFRA Frantzia
NED Herbehereak
BEL Belgika
ITA Italia
ESP Espainia
Irteera-lekua's-Hertogenbosch
Helduera-lekuaParis
Parte-hartzaileak197
Amaitu dutenak129
Bataz besteko abiadura39,237 km/o
Emaitzak
TxapeldunaDEN Bjarne Riis (Deutsche Telekom)
TxapeldunordeaGER Jan Ullrich (Deutsche Telekom)
HirugarrenaFRA Richard Virenque (Festina-Lotus)
Puntukako sailkapenaGER Erik Zabel (Deutsche Telekom)
Eskalatzailerik onenaFRA Richard Virenque (Festina-Lotus)
Gazte onenaGER Jan Ullrich (Deutsche Telekom)
Talderik onenaFRA Festina-Lotus
◀19951997▶
Dokumentazioa

Miguel Indurain, aurreko bost edizioen garailea izan zena, berriz ere faborito nagusia zen. Bere arerioen artean Tony Rominger, Evgeni Berzin, Bjarne Riis, Alex Zülle eta Laurent Jalabert zeuden.

Garailea Bjarne Riis daniarra izan zen, 2007an 1996ko Tourra irabazi ahal izateko EPOa hartu zuela aitortu zuena.

Etapak aldatu

 EtapaDataEtapako hiriaktypeLuzera (km)Etapako garaileaSailkapen orokorreko liderra
Prologoa Ekak 29  's-Hertogenbosch  's-Hertogenbosch
 
aitzinetapa
9,4  Alex Zülle  Alex Zülle
1 Ekak 30  's-Hertogenbosch  's-Hertogenbosch
 
etapa laua
209  Frédéric Moncassin  Alex Zülle
2 Uztk 1  's-HertogenboschWasquehal
 
etapa laua
247,5  Mario Cipollini  Alex Zülle
3 Uztk 2WasquehalNogent-sur-Oise
 
etapa laua
195  Erik Zabel  Frédéric Moncassin
4 Uztk 3Soissons – Lac de Madine
 
etapa laua
232  Cyril Saugrain  Stéphane Heulot
5 Uztk 4Lac de Madine – Besançon
 
etapa laua
242  Jeroen Blijlevens  Stéphane Heulot
6 Uztk 5Arc-et-SenansAix-les-Bains
 
bitarteko etapa
207  Michael Boogerd  Stéphane Heulot
7 Uztk 6Chambéry – Les Arcs
 
mendiko etapa
200  Luc Leblanc  Jevgeni Berzin
8 Uztk 7Bourg-Saint-MauriceVal-d'Isère
 
erlojupeko igoera
30,5  Jevgeni Berzin  Jevgeni Berzin
9 Uztk 8Le Monêtier-les-Bains  Sestriere
 
mendiko etapa
46  Bjarne Riis  Bjarne Riis
10 Uztk 9  TurinGap
 
bitarteko etapa
208,5  Erik Zabel  Bjarne Riis
11 Uztk 11GapValence
 
bitarteko etapa
202  Chepe González  Bjarne Riis
12 Uztk 12ValenceLe Puy-en-Velay
 
bitarteko etapa
143,5  Pascal Richard  Bjarne Riis
13 Uztk 13Le Puy-en-Velay – Super Besse
 
bitarteko etapa
177  Rolf Sørensen  Bjarne Riis
14 Uztk 14Besse-et-Saint-AnastaiseTulle
 
bitarteko etapa
185  Djamolidine Abdoujaparov  Bjarne Riis
15 Uztk 15Brive-la-GaillardeVilleneuve-sur-Lot
 
etapa laua
176  Massimo Podenzana  Bjarne Riis
16 Uztk 16AgenHautacam
 
mendiko etapa
199  Bjarne Riis  Bjarne Riis
17 Uztk 17Argelès-Gazost  Iruña
 
mendiko etapa
262  Laurent Dufaux  Bjarne Riis
18 Uztk 18  Iruña  Hendaia
 
bitarteko etapa
154,5  Bart Voskamp  Bjarne Riis
19 Uztk 19  HendaiaBordele
 
etapa laua
226,5  Frédéric Moncassin  Bjarne Riis
20 Uztk 20BordeleSaint-Émilion
 
banakako erlojupekoa
63,5  Jan Ullrich  Bjarne Riis
21 Uztk 21PalaiseauParis
 
etapa laua
147,5  Fabio Baldato  Bjarne Riis

Garapen orokorra aldatu

Lehen etapak normaltasunez igaro ziren, esprintak eta euria eta hotza egiten zuen egunak nagusi zirelarik. Maillot horia Alex Züllegandik Frédéric Moncassinengana pasa zen, eta honengandik Stephane Heulotengana.

Alpeetako lehen etapan, Luc Leblanc izan zen garaile, eta Yevgeni Berzin jarri zen sailkapen nagusiko lider bezala. Abraham Olano bigarren jarri zen Berzinen denbora berarekin, eta Rominger hirugarren. Lehen etapa honetan oso sorpresa nabarmengarria gertatu zen, Indurainek garailearekiko lau minutu galduz, hala, sailkapen nagusiko lehen postuetatik aldenduz. Nafarraren ahuldadearen lehen adierazpena zen edizio honetan.

Berzinek bere lehen postua sendotu zuen hurrengo eguneko erlojupekoan, berau irabaziz. Indurainek nahiko erlojupeko kaxkarra egin zuen, errusiarragandik minutu batera amaituz. Hurrengo eguneko etapak, Sestrieren amaitu zena, bere ibilbidea aldatuko zuen arazo meteorologikoen ondorioz. Hala eta guztiz ere, Bjarne Riisek hain etapa laburra ondo baliatu zuen eta etapa garaipena eta maillot horia bereganatu zituen. Indurainek urruti zirauen sailkapen nagusian, baina oraindik bazuen proba irabazteko itxaropenik.

Alabaina, mendatean amaitzen zen Pirinioetako lehen etapan, Hautacamen amaitu zena, Riisek bere bigarren etapa garaipena lortu zuen, bere jazartzaileekiko abantaila handitu zuen aldi berean. Olano eta Rominger ia hiru minutura zeuden, eta Indurainek berriz huts egin zuen, jada zazpi minutura zegoen sailkapen nagusian. Baina hurrengo egunean hondoratuko zen erabat nafarra, hain zuzen ere Iruñean amaitu zen etapan, Atarrabian bere gurasoek zuten etxe ondotik igarotzen zena. 262 kilometroko etapa luze bat, non Indurainek zortzi minutu baino gehiago galduko zituen Olano eta Rominger bezalako beste faborito batzuekiko. Riisek erabakita utzi zuen Frantziako Tourra Jan Ullrich alemaniar gaztearekin batera.

Indurainek hurrengo etapan arantza kentzea nahi zuen, 63 kilometroko erlojupeko bat, baina Jan Ullrich gazte alemaniarrak garaitu zuen bere espezialitate kuttunean, Indurain etapako bigarren postuan geratuz. Ullrichek, gainera, arazotan jarri zuen bere taldekidea zen Bjarne Riis, azkenean, elkarren artean sailkapen nagusian zegoen denbora diferentzia guztia jaterik lortu ez zuen arren.

Hala, Bjarne Riis Tourra irabazi zuen lehen daniarra izan zen. Jan Ullrichek, bigarren izan zena, oso etorkizun ona iragartzen zuen, eta Richard Virenquek amaitu zuen hirugarren, mendiko sailkapena ere lortu zuelarik. Miguel Indurainek, bere azken tourra izan zen honetan, 11. amaitu zuen. Riisengandik hamabi minutu baino gehiagora.

Fernando Escartínek 8. amaitu zuen, eta Abraham Olano anoetarrak 9.

Sailkapenak aldatu

Sailkapen nagusia aldatu

 Sailkapen orokorra
TxirrindulariaHerrialdeaTaldeaDenbora
1. Bjarne Riis    DanimarkaDeutsche Telekom95 o 57 min 16 s
2. Jan Ullrich    AlemaniaDeutsche Telekom+ 1 min 41 s
3. Richard Virenque    FrantziaFestina-Lotus+ 4 min 37 s
4. Laurent Dufaux   SuitzaFestina-Lotus+ 5 min 53 s
5. Peter Luttenberger   AustriaCarrera Jeans+ 7 min 07 s
6. Luc Leblanc   FrantziaPolti+ 10 min 03 s
7. Piotr Ugrumov   LetoniaRoslotto-ZG Mobili+ 10 min 04 s
8. Fernando Escartín   EspainiaKelme-Artiach+ 10 min 26 s
9. Abraham Olano   Euskal HerriaMapei-GB+ 11 min 00 s
10. Tony Rominger   SuitzaMapei-GB+ 11 min 53 s
11. Miguel Indurain   Euskal HerriaBanesto+ 14 min 14 s
12. Patrick Jonker   AustraliaONCE+ 18 min 58 s
13. Bo Hamburger   DanimarkaTVM-Farm Frites+ 22 min 19 s
14. Udo Bölts   AlemaniaDeutsche Telekom+ 25 min 56 s
15. Alberto Elli   ItaliaMG Boys Maglificio-Technogym+ 26 min 18 s
16. Manuel Fernández Ginés   EspainiaMapei-GB+ 26 min 28 s
17. Leonardo Piepoli   ItaliaRefin-Mobilvetta+ 27 min 36 s
18. Laurent Brochard   FrantziaFestina-Lotus+ 32 min 11 s
19. Michele Bartoli   ItaliaMG Boys Maglificio-Technogym+ 37 min 18 s
20. Jevgeni Berzin   ErrusiaGewiss-Playbus+ 38 min 00 s
21. Viatcheslav Ekimov   ErrusiaRabobank+ 43 min 58 s
22. Stefano Cattai   ItaliaRoslotto-ZG Mobili+ 48 min 03 s
23. Laurent Madouas   FrantziaMotorola+ 53 min 15 s
24. Arsenio González   EspainiaMapei-GB+ 55 min 28 s
25. Massimiliano Lelli   ItaliaSaeco-Estro-AS Juvenes San Marino+ 55 min 35 s
Iturria : ProCyclingStats


Puntukako sailkapena
1. Erik Zabel   Alemania TEL 335 puntu
2. Frédéric Moncassin   Frantzia GAN 284 puntu
3. Fabio Baldato   Italia MGT 255 puntu
Mendiko sailkapena
1. Richard Virenque   Frantzia FES 383 puntu
2. Laurent Dufaux   Suitza FES 176 puntos
Gazteen sailkapena
1. Jan Ullrich   Alemania TEL 95h 58' 57"
2. Peter Luttenberger   Austria CAR + 5' 26"
3. Manuel Fernández Ginés   Espainia MAP + 24' 47"
Taldekako sailkapena
1. Festina   Frantzia FES 287h 46' 20s
2. Deutsche Telekom   Alemania TEL + 15' 14"
3. Mapei-GB   Italia MAP + 51' 36"

Bjarne Riisen dopaje aitortza aldatu

2007an, CSC taldearen zuzendari zenean, 1996ko Tourraren garailea izan zen Bjarne Riisek Tourra irabazteko EPOa hartu zuela aitortu zuen. Bere adierazpenen arabera, berak propio erosi eta hartu zuen EPOa, Telekom taldeko medikuetako bakar batek ere ezer ez zekielarik. Riisek txapeldun bihurtzeko moduagatik batere harro ez zegoela aitortu zuen.

« Nire kamiseta horia nire etxeko garajean dago, eta nahi duzuenean izan dezakezue. Ez du inongo baliorik, niretzat balioa dutenak oroitzapenak dira. »


2007ko ekainak 7an, Frantziako Tourraren antolakuntzak daniar txirrindularia ezabatu zuen palmaresetik UCIren partetik ezabatze formalaren zain, Tourraren historian ordurarte sekula gertatu ez zena.

Alabaina, azkenean, Frantziako Tourraren antolakuntzak Riisen garaipena palmaresean utzi zuen, eta eraginik gabe utzi zituen iragarritako sailkapenaren aldaketak.

Parte-hartzaileak aldatu


Aurrekoa
1995eko Frantziako Tourra
Frantziako Tourra
1996ko ekainak 29 eta uztailak 21 artean ospatua
Ondorengoa
1997ko Frantziako Tourra

Artikulu hau gaztelaniazko eta frantsesezko wikipedietatik itzulia dago.

Kanpo estekak aldatu