Movistar Team (gizonezkoen taldea)
Movistar Team Nafarroako txirrindularitza talde profesionala da, UCI WorldTeam lizentzia duena. Movistar telekomunikazio espainiar enpresa du babesle nagusia. 1980an sortu zenetik, Reynolds, Banesto, Illes Ballears eta Caisse d'Epargne izenak ere izan ditu. Besteak beste, zazpi Frantziako Tour, lau Italiako Giro eta lau Espainiako Vuelta ditu palmaresean.
- Artikulu hau gizonezkoen taldea buruzkoa da; beste esanahietarako, ikus «Movistar Team».
Historia
aldatuTaldea 1980an eratu zen, Reynolds izenarekin, José Miguel Echavarri zuzendari zela. 1982an, Ángel Arroyo lehenbizikoa izan zuen Espainiako Itzulian, baina deskalifikatu zuten, dopin kontrolean positibo eman zuelako.[1]
1983an parte hartu zuen lehenbiziko aldiz Frantziako Tourrean, arrakasta handiz: Ángel Arroyok, Puy de Dômeko kronoigoera irabazteaz gain, bigarren amaitu zuen Parisko podiumean; Pedro Delgadok, berriz, erakustaldiak eman zituen mendiko etapetan, eta maillot horia janzteko zorian egon zen.[2]
Miguel Indurainek Reynoldsekin egin zuen debut profesionala, 1984an. Hamarkadaren amaieran, Pedro Delgadok eman zizkion taldeari lehenbiziko garaipen handiak: 1988ko Frantziako Tourra eta 1989ko Espainiako Itzulia.[3]
1990etik 2003ra, Banesto izan zen taldearen babeslea. 1990eko hamarkadan izan zuen urrezko aroa, Miguel Indurainen eskutik, bost Tour (1990, 1991, 1992, 1993, 1994) eta bi Giro (1992, 1993) irabazi baitzituen. Julian Gorospe, berriz, 1990eko Euskal Herriko Itzulian nagusitu zen.
Arrakasta horiek taldea sendotu eta berrindartu zuten. Horri esker fitxatu ahal izan zituen, besteak beste, Jean-François Bernard, Abraham Olano, Alex Zülle, Chava Jimenez edota Paco Mancebo. Olanok 1998ko Espainiako Itzulia irabazi zuen, eta Züllek bigarren egin zuen 1999ko Frantziako Tourrean.[3]
1990eko urteetako urrezko aroaren ostean, urte ilunak iritsi ziren 2000tik aurrera. Krisiarekin batera, dopin kasuen eraginez txirrindularitzarenganako konfiantza galdu zuten babesleek, eta gizarteak berak ere. Oso garai zailak pasatu zituen taldeak, kolokan egon zelako haren etorkizuna. Hala ere, 2004an Illes Ballears agertu zen, eta Caisse d'Epargne bi urte geroago. 2010era arte lehen lerroan irauteko aukera eskaini zieten bi babesle horiek.[3] Alejandro Valverde eta Vladimir Karpets nabarmendu ziren urte haietan, eta Óscar Pereiro 2006ko Frantziako Tourreko irabazle izendatua izan zen, Floyd Landisek dopinaren aurkako kontrolean positiboa eman ondoren.[4]
2010ean, proiektua amaitzera zihoala zirudien, baina Telefónica agertu zen, eta jarraipena eman zion taldeari Movistar markarekin.[3] Nairo Quintanak 2014ko Italiako Giroa eta 2016ko Espainiako Itzulia irabazi eta bi aldiz bigarren izan zen Tourrean (2013 eta 2015); Richard Carapaz, berriz, 2019ko Italiako Giroan gailendu zen. Baina Alejandro Valverdek eman zion garaipen gehien taldeari, bai klasiketan (bost aldiz La Flèche Wallonnen, lautan Lieja-Bastogne-Lieja, bitan Donostia Klasikoa), bai astebeteko itzulietan (Euskal Herriko Itzulia, Kataluniako Volta, Dauphiné Libéré...).
2025eko taldea
aldatu Pertsonala 2025 | |||
|---|---|---|---|
| Txirrindularia | Jaiotza-data | Herrialdea | Aurreko taldea |
| Jorge Arcas | 1992.eko uztailak 8 |  Espainia | Lizarte (2015) |
| Orluis Aular | 1996.eko azaroak 5 |  Venezuela | Caja Rural-Seguros RGA (2024) |
| Jon Barrenetxea | 2000.eko apirilak 20 |  Euskal Herria | Caja Rural-Seguros RGA (2023) |
| William Barta | 1996.eko urtarrilak 4 |  Ameriketako Estatu Batuak | EF Education-Nippo (2021) |
| Carlos Canal | 2001.eko ekainak 28 | Espainia | Euskaltel-Euskadi (2023) |
| Pablo Castrillo | 2001.eko urtarrilak 2 | Espainia | Equipo Kern Pharma (2024) |
| Jefferson Cepeda | 1996.eko martxoak 3 |  Ekuador | Caja Rural-Seguros RGA (2024) |
| Davide Cimolai | 1989.eko abuztuak 13 |  Italia | Cofidis (2023) |
| Davide Formolo | 1992.eko urriak 25 | Italia | UAE Team Emirates (2023) |
| Iván García Cortina | 1995.eko azaroak 20 | Espainia | Bahrain McLaren (2020) |
| Ruben Guerreiro | 1994.eko uztailak 6 |  Portugal | EF Education-EasyPost (2022) |
| Enric Mas | 1995.eko urtarrilak 7 | Espainia | Deceuninck-Quick Step (2019) |
| Lorenzo Milesi | 2002.eko martxoak 19 | Italia | Team DSM-Firmenich (2023) |
| Manlio Moro | 2002.eko martxoak 17 | Italia | Zalf Euromobil Fior (2023) |
| Gregor Mühlberger | 1994.eko apirilak 4 |  Austria | Bora-Hansgrohe (2020) |
| Mathias Norsgaard | 1997.eko maiatzak 5 |  Danimarka | Riwal Readynez (2019) |
| Nélson Oliveira | 1989.eko martxoak 6 | Portugal | Lampre-Merida (2015) |
| Antonio Pedrero | 1991.eko urriak 23 | Espainia | Inteja-MMR Dominican cycling team (2015) |
| Diego Pescador | 2004.eko abenduak 21 |  Kolonbia | GW-Shimano (2024) |
| Iván Romeo | 2003.eko abuztuak 16 | Espainia | Hagens Berman Axeon (2022) |
| Javier Romo | 1999.eko urtarrilak 6 | Espainia | Astana Qazaqstan Team (2023) |
| Einer Rubio | 1998.eko otsailak 22 | Kolonbia | Aran Vejus (2019) |
| Pelayo Sánchez | 2000.eko martxoak 27 | Espainia | Burgos-BH (2023) |
| Gonzalo Serrano | 1994.eko abuztuak 17 | Espainia | Caja Rural-Seguros RGA (2020) |
| Natnael Tesfatsion | 1999.eko maiatzak 23 |  Eritrea | Lidl-Trek (2024) |
| Albert Torres | 1990.eko apirilak 26 | Espainia | Inteja-Dominican cycling team (2018) |
| Fernando Gaviria | 1994.eko abuztuak 19 | Kolonbia | UAE Team Emirates (2022) |
| Nairo Quintana | 1990.eko otsailak 4 | Kolonbia | Arkéa-Samsic (2022) |
| Michel Hessmann (Urtk 15–Abek 31) | 2001.eko apirilak 6 |  Alemania | Team Visma | Lease a Bike (2024) |
| Iturria : ProCyclingStats | |||
Erreferentziak
aldatu- ↑ Confirmado el "doping" de Arroyo, Lejarreta probable ganador de la Vuelta. El Pais, 1982ko maiatzak 14, elpais.com (Noiz kontsultatua: 2023-7-7).
- ↑ Indurain Donostiatik Iruñara hegan. letour.euskadi.eus (Noiz kontsultatua: 2023-7-7).
- ↑ a b c d Zubeldia, Unai. Eusebio Unzue: «Berritu beharra daukagu». Berria, 2014ko urriak 21, CC BY-SA 4.0, berria.eus (Noiz kontsultatua: 2023-7-7).
- ↑ Matesanz, Jorge. El Tour de Pereiro (2006). high-cycling.com (Noiz kontsultatua: 2023-7-7).
Kanpo estekak
aldatu
Datuak: Q6175
Multimedia: Team Movistar / Q6175
