Abraham Olano

Abraham Olano
	; Irudi gehiago
Bizitza
Jaiotzako izen-deiturak	Abraham Olano Manzano
Jaiotza	Anoeta, 1970eko urtarrilaren 22a (53 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	txirrindularia
Ibilbidea
Taldeak	Urteak
ONCE	1999-2002
Festina	1992ko ekainaren 1a-1992ko abenduaren 31
CLAS–Cajastur (en)	1993-1993
Mapei	1994-1996
Movistar Team	1997-1998
	Parte-hartzailea Frantziako Tourra ; Espainiako Vuelta ; 2000ko Udako Olinpiar Jokoak ; 1996ko Udako Olinpiar Jokoak ; Ziklismoa 1996ko Olinpiar Jokoetan - Gizonezko erlojupekoa ; 1995 UCI Road World Rankings (en) (8.); 1996 UCI Road World Rankings (en) (6.); Q53844932 (10.); Q53844933 (3.); 1994 UCI Road World Rankings (en) (50.); 1999 UCI Road World Rankings (en) (18.); 2000 UCI Road World Rankings (en) (18.); 2001 UCI Road World Rankings (en) (68.) ;
Pisua	70 kilogramo
Altuera	181 zentimetro
Jasotako sariak	ikusi Kirol merezimenduzko erret ordenako urrezko domina ;

Artikulu hau Anoetako txirrindulariari buruzkoa da; beste esanahietarako, ikus «Olano».

Abraham Olano Manzano (Anoeta, Gipuzkoa, 1970eko urtarrilaren 22a) txirrindulari profesional ohia da.

BiografiaAldatu

Txirrindularitzan hastapenakAldatu

11 urterekin hasi zen bizikletan ibiltzen Oriako txirrindularitza eskolan. Behe mailako kategorietan hainbat garaipen lortu ondoren, pistako txirrindularitzan finkatu zituen bere helburuak, jubeniletako Espainiako Pista Txapelketan garaipena lortu zuelarik olinpiar pertsekuzioan (Etxegoyen, Pérez eta Juárezekin batera) eta geldiko zein abiadurako kilometroko proban.

Afizionatu mailaAldatu

Afizionatu mailan Kaiku taldean ibili zen, eta sprinter lanetan nabarmendu. ADO planean parte hartu zuen, Bartzelonako Olinpiar Jokoetan aritzeko. Profesionaletan hasi zenerako errodatzailea zen.

Profesional mailaAldatu

1992: DebutaAldatu

1992an profesional mailara igaro zen, CHCS taldean hasi zelarik, baina hau ez zenez aurrera irten Lotusera igaro zen. Urte horretan bertan Ordiziako Sari Nagusia irabazi zuen.

Hurrengo urtean CLAS-Cajastur taldean aritu zen garaipenik lortu gabe.

1994: Lehen garaipenak MapeinAldatu

1994ean CLAS-Cajastur taldea Mapei taldearen barruan barneratu zen, taldekideen gehiengoak talde berrian sartu zirelarik, Olano eta Tony Rominger barne.

Urte hartan bertan Asturiasko Itzulia eta Alcobendasko Klasika irabazi zituen, hala nola Volta a Catalunyako etapa bat.

Hala ere, denboraldiko garaipen garrantzitsuenak Espainiako txapelketetan lortu zituen, bi probatan (erlojupeko zein errepidean) gailendu zelarik.

1995:Munduko Txapelketan garaipenaAldatu

1995eko irailean hiru etapa garaipen lortu zituen Espainiako Itzulian, bere izenak garrantzi handiagoa lortu zuelarik tropelean.

Hortik gutxiagora bere karrerako une garrantzitsuena iritsi zen, Errepideko Munduko Txapeldun bilakatu zenean Duitaman (Kolonbian). Lasterketa honetan Olano bakarrik heldu zen helmugara, nahiz eta azken txanpan gurpila zulatu zuen. Podiumean bere taldekide Miguel Indurain eta Marco Pantani lagun izan zituen.

1996: Italiako Giroan podioaAldatu

1996an Olanok Italiako Giroa zein Frantziako Tourra lehiatu zituen. Lehenengoan hirugarren izatea lortu zuen, lidertzan zegoelarik azkenaurreko etapan maillota galdu zuelarik. Frantziako Tourrean ordea bederatzigarren postua lortu zuen, taldekako estrategia txar bat jarraitu ondoren. Honek Olanok taldea uztea eragin zuen denboraldiaren amaieran.

Abuztuan Olinpiar Jokoetan Zilarrezko Domina lortu zuen Erlojupeko proban, bere taldekide Miguel Induráinen atzetik.

1997: Banesto taldeanAldatu

1997an Banesto taldera joan zen Olano, talde aldaketa honetan Manolo Beltrán, bere konfidantzazko txirrindularia, berarekin eraman zuen. Batzuek Miguel Induráinen ordezkotzat jo zuten, Olano nafarra erretiratu eta gutxiagora iritsi zelako, baina bere ezaugarriak nahiko desberdinak ziren.

Urte honetan Olanok laugarren postuan amaitu zuen Frantziako Tourra, bere sailkapenik nabarmenena frantziar itzulian.

1998: Espainiako Vueltan garaipenaAldatu

Bere bigarren denboraldian Baneston Abrahamek garaipen nagusiak denboraldi amaieran lortu zituen, Espainiako Vueltan nagusitzea lortu baizuen bere taldekide Chava Jiménezekin gatazkak izan ondoren taldeko lidergoari zegokionez. Hau eta gero Erlojupeko Munduko Txapelketan ere irabaztea lortu zuen.

1999: Manolo Saizekin batera ONCE taldeanAldatu

Banesto taldean jasandako hainbat arazoren ondoren, Olano ONCE taldean barneratu zen. Hona ez zuen konfidantzazko gizonik ekarri taldearen arauak zirela eta.

Taldea Tourretik at geratzeko gertu izan zen, Manolo Saizek antolakuntzarekin izandako arazoak zirela eta, baina azkenean parte hartzeko eskubidea eman zieten eta Olanok seigarren izatea lortu zuen. Espainiako Vueltan berriz ere lider izatea lortu zuen eta erlojupeko saio bat irabazi zuen, baina saihets bat pitzatuta zeukala lasterketa utzi behar izan zuen, Jan Ullrich alemaniarra garaile suertatu zelarik amaieran.

2000: Lorpen handirik gabeko urteaAldatu

2000. urtean Olanok laugarren amaitu zuen Olinpiar Jokoetako erlojupeko saioa Sidneyn eta erlojupeko bat irabazi zuen Espainiako Vueltan. Ez zen oso urte arrakastatsua izan txirrindulari gipuzkoarrarentzat.

2001: Podiuma Italiako GiroanAldatu

Urte honetan Olanok Giroan lehiatzea erabaki zuen eta hemen bigarren postua lortu zuen, podiumera igoz Gilberto Simoni garailearekin eta Unai Osarekin batera. Lasterketa bukatu eta egun batzuk geroago Anoetako belodromoan Orduko Errekorra hobetzen saiatuko zela iragarri zuten eta egun batzuk geroago Bordelen, baina ez zuen ahaleginik egin..

2002: ErretiroaAldatu

Abrahamek denboraldian bertan erabaki zuen 2002.a bere azkeneko urtea izango zela profesional mailan. Erabakia hartu eta ondorengo egunean Errepideko Espainiako Txapelketan bigarren postua lortu zuen. Horrez gain ONCE taldea Frantziako Tourreko taldekako erlojupekoan gailentzera eraman zuen.

Erretiroaren ondorenAldatu

Gaur egun Abraham Olanok hainbat ekitaldi publikoetan hartzen du parte eta horrez gain Espainiako Vueltako ibilbidearen diseinatzaileetako bat da.

PalmaresaAldatu

1992

1993

2. Gaztela eta Leongo Sarian

1994

1995

1996

Romandiako Tourra eta etapa 1
Galiziako Itzulia
Boucles de l'Aulne
2. Olinpiar Jokoetako erlojupeko proban
2. Espainiako errepideko txirrindularitza txapelketan
2. Argovia Kantonamenduko Sari Nagusian
3. Italiako Giroan
3. Euskal Herriko Itzulian
8. Munduko erlojupeko txapelketan
9. Frantziako Tourrean

1997

1998

Munduko erlojupeko txapelketa
Espainiako erlojupeko txirrindularitza txapelketa
Espainiako Vuelta eta etapa 1
Euskal Bizikleta eta etapa 1
Errioxako Itzulia
Eddy Merckx Sari Nagusia
6. Kataluniako Voltan

1999

2000

Tirreno-Adriatiko eta etapa 1
Valentziako Erkidegoko Itzulia eta etapa 1
Nazioarteko Kriteriuma
Espainiako Vueltako etapa 1
4. Olinpiar Jokoetako erlojupeko proban
5. Munduko erlojupeko txapelketan
8. Mediterraneoko Tourrean

2001

2002

Frantziako Tourreko etapa 1 (taldekako erlojupekoa)
2. Espainiako errepideko txirrindularitza txapelketan

Txapelketetan lortutako dominakAldatu

Txapelketa	Urtea	Tokia	Domina	Modalitatea
Olinpiar Jokoak	1996	Atlanta	Zilarrezko Domina	Erlojupekoa
Txirrindularitzako Munduko Txapelketak	1995	Duitama	Zilarrezko Domina	Erlojupekoa
	1995	Duitama	Urrezko Domina	Errepidea
	1998	Valkenburg	Urrezko Domina	Erlojupekoa
Espainiako Txirrindularitza Txapelketak	1994	Sabiñánigo	Urrezko Domina	Erlojupekoa
	1994	Sabiñánigo	Urrezko Domina	Erlojupekoa
	1996	Sabiñánigo	Zilarrezko Domina	Errepidea
	1998	Jerez de la Frontera	Urrezko Domina	Erlojupekoa
	2002	Salamanca	Zilarrezko Domina	Errepidea

Sailkapen orokorra Itzuli HandietanAldatu

Itzuli Handia	1993	1994	1995	1996	1997	1998	1999	2000	2001	2002
Italiako Giroa	—	—	—	3.	—	—	—	—	2.	—
Frantziako Tourra	UT	30.	—	9.	4.	UT	6.	34.	—	78.
Espainiako Vuelta	—	20.	2.	—	UT	1.	UT	19.	64.	—
Munduko Txapelketa	—	UT	1.	UT	—	—	—	—	—	—
Munduko Erlojupeko Tx	—	5.	2.	8.	—	1.	—	5.	—	—

Legenda
—	Ez zuen parte hartu
DSK	Deskalifikatua
UT	Utzi

Kanpo estekakAldatu

Abraham Olano - ProCyclingStats

Datuak: Q330457
Multimedia: Abraham Olano

Abraham Olano
Irudi gehiago
Bizitza
Jaiotzako izen-deiturak	Abraham Olano Manzano
Jaiotza	Anoeta, 1970eko urtarrilaren 22a (53 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	txirrindularia

Ibilbidea
Taldeak	Urteak

ONCE	1999-2002
Festina	1992ko ekainaren 1a-1992ko abenduaren 31
CLAS–Cajastur ^(en)	1993-1993
Mapei	1994-1996
Movistar Team	1997-1998



Parte-hartzailea Frantziako Tourra Espainiako Vuelta 2000ko Udako Olinpiar Jokoak 1996ko Udako Olinpiar Jokoak Ziklismoa 1996ko Olinpiar Jokoetan - Gizonezko erlojupekoa 1995 UCI Road World Rankings ^(en) (8.) 1996 UCI Road World Rankings ^(en) (6.) Q53844932 (10.) Q53844933 (3.) 1994 UCI Road World Rankings ^(en) (50.) 1999 UCI Road World Rankings ^(en) (18.) 2000 UCI Road World Rankings ^(en) (18.) 2001 UCI Road World Rankings ^(en) (68.)
Pisua	70 kilogramo
Altuera	181 zentimetro
Jasotako sariak	ikusi Kirol merezimenduzko erret ordenako urrezko domina