Zeelanda Berriko errugbi selekzioa

Zeelanda Berriko errugbi selekzioa edo All Blacks Zeelanda Berriaren ordezkaria da errugbi partida ofizialetan. Munduko errugbi talde onenetakoa da, onena historian izandako emaitzak kontuan harturik. Izan ere, 1903tik jokatu dituen partiden % 75 irabazi ditu. Jokalariek Haka izeneko dantza maoria egiten dute partidak hasi baino lehen.

Zeelanda Berriko errugbi selekzioa
Izengoitia	All Blacks
Elkartea	New Zealand Rugby
Hautatzailea	Ian Foster
Kapitaina	Sam Cane
Partida gehien	Richie McCaw (148)
Puntu gehien	Dan Carter (1598)
Entsegu gehien	Doug Howlett (49)
Lehenbizikoa Bigarrena
Lehenbiziko partida
Australia 3-22 Zeelanda Berria Sydney, Australia, 1903ko abuztuak 15
Garaipenik handiena
Zeelanda Berria 145-17 Japonia Bloemfontein, Hegoafrika, 1995eko ekainak 4
Porrotik handiena
Australia 28-7 Zeelanda Berria Sydney, Australia, 1999ko abuztuak 28 Australia 47-26 Zeelanda Berria Perth, Australia, 2019ko abuztuak 10
Munduko Errugbi Kopa
Parte hartzeak	8 (aurrenekoa 1987an)
Posturik onena	Txapelduna 1987, 2011 eta 2015ean

Historia

Errugbiaren hastapenak

Charles John Monro izan zen 1870an errugbia Zeelanda Berrian sartu zuena. Ingalaterran ikasten ibilia zen eta handik ekarri zuen. Lehenengo partida Nelson hirian izan zen 1870an bertan Nelson Club eta Nelson Collegeren artean. 1882an Australiako Hegoaldeko Gales Berriko selekzio batek bira egin zuen Zeelanda Berrian eta 1888an British and Irish Lions britainiar selekzioa etorri zen.

Selekzioaren sorrera

Zeelanda Berriko selekzioaren lehenengo partida 1903an izan zen eta Australiako selekzioari 22-3 irabazi zion. 1905 eta 1906 artean Uharte Britanikotan, Frantzian eta Estatu Batuetan zehar bira luze bat egin zuen eta jokaturiko 35 partidatatik 34 irabazi zituen. Galdutako partida bakarra Galesen aurkakoa izan zen. Ingalaterrako kazetari batek jarri zien orduan "All Blacks" ezizena.

Kondaira handiaren sorrera

Hurrengo hamarkadetan bira gehiago egin zituen, hala Europara, nola Hego Afrikara, eta partida gehienetan garaile atera ziren. "All Golds" (dena urrea) eta "the Invincibles" (garaitezinak) ezizenak eman zitzaizkien. 1932an Bledisloe Kopa hasi zen jokatzen Australia eta Zeelanda Berriaren artean. Bi urtetik behin jokatzen zen eta gehienetan Zeelanda Berria nagusitu zen.

1949an bi tour egin zituen aldi berean, bata Australian eta bestea Hego Afrikan. Australian maori jokalariez osaturiko taldea osatu zuen, izan ere Hego Afrikara joateko debekua hartu baitzuten hauek. Taldea bitan banatzeak Zeelanda Berriko selekzioa nabarmen ahuldu zuen eta emaitzak txarrak izan ziren.

1960ko hamarkadan talde indartsua osatu zuen berriro eta Europarako tourrak itzuli ziren. 1965 eta 1970 artean 17 garaipen lortu zituen jarraian. Errekor hau Hego Afrikak 1998an gainditu zuen eta Lituaniak 2010an.

Azken hamarkadak

Zeelanda Berriko jokalariak Haka egiten.

1987an Munduko Errugbi Txapelketa abiatu zen eta Zeelnada Berria lehen ekitaldiko txapelduna izan zen. 1995ean profesionalismoa iritsi zen Mundu guztiko errugbi taldeetara eta 1996an Hiru Nazioen Txapelketa abiatu zen. Hegoaldeko txapelketa hau 12 aldiz irabazi du Zeelanda Berriak. Azken hamarkadan talde izugarria osatu du berriz eta 2011 eta 2015eko Munduko Txapelketan eskuratu ditu.

Uniformea

2011-2014

2015-2016

2017-2018

2019

Palmaresa

Munduko Errugbi Txapelketa

Honako hauek dira Munduko Errugbi Txapelketan izandako emaitzak:

Urtea	Antolatzailea	Postua
1987	Zeelanda Berria Australia	Txapelduna
1991	Europako 5 herrialde	3.a
1995	Hegoafrika	Finalista
1999	Gales	4.a
2003	Australia	3.a
2007	Frantzia	Final 1/4ak
2011	Zeelanda Berria	Txapelduna
2015	Ingalaterra	Txapelduna
2019	Japonia	3.a

Hegoaldeko Rugby Championship

Honako hauek dira Hegoaldeko Rugby Championshipeko emaitzak:

• Txapelduna (17): 1996, 1997, 1999, 2002, 2003, 2005, 2006, 2007, 2008, 2010, 2012, 2013, 2014, 2016, 2017, 2018, 2020
• Bigarrena (5): 2000, 2001, 2009, 2011, 2015
• Bledisloe Kopa (50): 1932, 1936, 1938, 1946, 1947, 1951, 1955, 1957, 1958, 1962, 1962, 1964, 1967, 1968, 1972, 1974, 1978, 1982, 1983, 1984, 1985, 1987, 1988, 1989, 1990, 1991, 1993, 1995, 1996, 1997, 2003, 2004, 2005, 2006, 2007, 2008, 2009, 2010, 2011, 2012, 2013, 2014, 2015, 2016, 2017, 2018, 2019, 2020, 2021, 2022
  • Zeelanda Berria 50 - Australia 12
• Freedom Kopa (15): 2006, 2007, 2008, 2010, 2011, 2012, 2013, 2014, 2015, 2016, 2017, 2018, 2019, 2021, 2022
  • Zeelanda Berria 15 - Hegoafrika 2

Ozeano Bareko Nazioen Errugbi Kopa

Zeelanda Berriko taldeek Ozeano Bareko Nazioen Errugbi Koparen lehenengo lau edizioetan hartu zuten parte eta denak irabazi zituzten. Hiru urtetan Junior All Blacks izan zen txapelduna, gazteen selekzioa, eta beste txapelketa Māori All Blacks taldeak irabazi zuen, jokalari guztiek Māori jatorria zeukaten.

• Txapelduna (4):
  • Junior All Blacks (3): 2006, 2007, 2009
  • Māori All Blacks (1): 2008

Olinpiar Jokoetan

Olinpiar Jokoetan Zazpiko Errugbia jokatzen hasi zen 2016an.

• Gizonezkoak:
  • Bigarrena (1): 2021
• Emakumezkoak:
  • Txapelduna (1): 2021
  • Bigarrena (1): 2016

Jokalari ezagunak

"All Blacks" Ingalaterraren aurka.

1. Dave Gallaher (1873-1917).
2. George Nepia (1905-1986).
3. Fred Allen (1920-2012).
4. Don Clarke (1933-2002).
5. Wilson Whineray (1935-2012).
6. Colin Meads (1936-2017).
7. Brian Lochore (1940-2019).
8. Ian Kirkpatrick (1946-).
9. Graham Mourie (1952-).
10. Grant Fox (1962-).
11. Sean Fitzpatrick (1963-).
12. John Kirwan (1964-).
13. Michael Jones (1965-).
14. Jonah Lomu (1975-2015).
15. Richie McCaw (1980-).
16. Dan Carter (1982-).
17. Kieran Read (1985-).

Kanpo estekak

• (Ingelesez)Zeelanda Berriko errugbi federazioa

• Datuak: Q55801
• Multimedia: New Zealand national rugby union team