Jonah Lomu

Jonah Lomu
Bizitza
Izen osoa	Jonah Tali Lomu
Jaiotza	Auckland, 1975eko maiatzaren  12a
Herrialdea	Zeelanda Berria
Heriotza	Auckland, 2015eko azaroaren  18a (40 urte)
Heriotza modua	berezko heriotza: giltzurruneko gutxiegitasuna; sindrome nefrotikoa; bihotz-biriketako geldialdia
Hezkuntza
Heziketa	Wesley College
Irakaslea(k)	Jayson Vemoa
Jarduerak
Jarduerak	hamabosteko errugbilaria
	Parte-hartzailea 1998 Commonwealth Games ;
Posizio edo espezialitatea	hegalekoa
Pisua	119 kilogramo
Altuera	196 zentimetro
Jasotako sariak	ikusi Member of the New Zealand Order of Merit ;
	www.jonahlomu.com/

Jonah Tali Lomu (Auckland, 1975eko maiatzaren 12a – Auckland, 2015eko azaroaren 18a) zeelandaberritar errugbi jokalaria da, hegaleko postuan aritzen zena. 1994-2002 bitartean, 63 partida jokatu zituen All Blacks selekzioarekin, eta bereziki 1995eko eta 1999ko Munduko Txapelketetan nabarmendu zen. Kirol horretako lehenbiziko izar handia izan zen.

Jonah Lomu, 2006an

Izar handia bilakatu zen, batez ere bere indar eta ahal ikusgarriarengatik: 119 kiloko pisua zuen, eta 100 metro 10,89 segundoan korritzen zituen.^[1] Aurkariengan izua sorrarazten zuen. Berak parte hartzen zuen errugbi partidu guztiek errugbizaleen eta beste jende ugariren ikusmira eragiten zuten.^[2]^[3] 1996tik 1998ra bitartean, haren kirol ibilbidea eten zen, osasun arazoak zirela eta; 2003an arazo haiek larriagotu ziren, eta 2004an giltzurrun transplantea egin zioten. 2005ean itzuli zen jokalekuetara, baina ez zuen lehengo goi-goiko joko maila berreskuratu, eta 2007an behin betiko erretiratu zen errugbi profesionaletik, nahiz eta geroztik ongintzazko partidak jokatzen jarraitu zuen. 2015ean hil zen, ustekabean, 40 urte zituela, eta Londresen egin berri zuen egonaldian dialisi tratamendua jaso ondoren.^[4]