Galesko errugbi selekzioa

Gales
Etxean Kanpoan
Federakundea	Welsh Rugby Union
Sortu:	1881
Ikurra:	Ostrukaren Hiru Luma
Izendapena:	Herensugearen XV-a
Estadioa:	Millennium Stadium, Cardiff (73.500)
Entrenatzailea:	Warren Gatland
Kapitaina:	Alun Wyn Jones
Estreinaldi Internazionala Ingalaterra 30:0 Gales 1881ko otsailaren 19a
Garaipen Handiena Gales 98:0 Japonia 2004 azaroaren 16a
Porrot Handiena Hegoafrika 96:13 Gales 1998ko ekainaren 27a
Munduko Errugbi Kopa
Partaidetzak	7 (aurrenekoa 1987. urtean)
Emaitza Onena	3.a (1987)
Sei Nazioen Torneoa
Partaidetzak	124
Emaitzak	27 txapelketa (12 Slam Nagusi)

Gales - Ingalaterra.

Galesko errugbi selekzioa Europako talde onenen artean dugu, eta mundu mailan 2011ko rankinaren arabera 6.a da. Sei Nazioen Txapelketa gehien irabazi ditu Ingalaterrarekin batera.

Historia

Sorrera

1850an Galesen errugbia lehenbizikoz jokatu zen, hain zuzen ere, Lampeter udalerriko St David ikastetxeko zuzendari ordea izendatu zuten Rowland Williams erreberendoaren eskutik kirol hau herrialde honetara heldu zen.

Rugby union took root in Wales in 1850, when Reverend Rowland Williams became Vice-Principal at St David's College, Lampeter, where he introduced the sport. 1881 urtean Galesko Errugbi federazioa sortu zen eta urte berean jokatu zuen selekzioak lehenengo partida, Ingalaterraren aurka hain zuzen ere. 1893 eta 1911 artean "lehenengo urrezko aroa" izan zuen. Home Nations txapelketan (gaur egungo Sei Nazioak) zortzi garaipen lortu zituen. 1905-06 denboraldian Zeelanda Berriko selekzioak bira luze bat egin zuen Uharte Britanikotan, Frantzian eta Estatu Batuetan zehar eta 35 partidatatik 34 irabazi zituen, galduriko partida bakarra Galesen aurkakoa izan zen. Cariffen etxekoak 3-0 emaitzaz nagusitu zitzaizkien All Blacks-ei.

Bigarren urrezko aroa (1969-1979)

Gerra arteko garaian txapelketaren bat irabazi zuen baina orokorrean maila apalean aritu zen. 1950. hamarkadan berpiztu egin zen eta "bigarren urrezko garaia" 1970. hamarkadan izan zuen 1969 eta 1979 artean Bost Nazioen zortzi txapelketa irabazi zituen. Gareth Edwards, J. P. R. Williams, Gerald Davies, Barry John eta Mervyn Davies jokalariak mundu mailan egin ziren famatu.

XX mende bukaera tristea

1980 eta 1990 hamarkadak tristeak izan ziren galestarrentzat, 1979 eta 2005 artean txapelketa bakarra irabazi baitzuten, eta beste bat Frantziarekin elkarbanaturik. 1987an Munduko Errugbi Txapelketa abiatu zen eta paradoxikoki orduan lortu zuten orain arteko emaitzarik onena, 3. postua hain zuzen ere.

XXI mendeko pizkundea

2004an Mike Ruddock entrenatzailea fitxatu zuen eta hurrengo urtean Sei Nazioen txapelketa bikaina egin zuen, irabazteaz gain Slam nagusia ere eskuratuz ia hiru hamarkada beranduago. Ordutik puntako taldea osatu du eta beste bi Slam nagusi eskuratu ditu, 2008 eta 2012an. Sei Naziotako azken garaipena 2013an lortu zuen baina 2015ean ere Irlandarekin lehia bizian izan zen azken unerarte. 2019 urtean urte bikaina izan du Sei Naziotako partida guztiak irabaziz eta 27. txapelketa lortuz.

Uniformea

2000

2012-2013

2014-2015

2015-2018

2019 (Sei Nazioak)

2019 (Munduko Tx)

Palmaresa

Munduko Errugbi Txapelketa

Urtea	Antolatzailea	Postua
1987	Zeelanda Berria eta Australia	3.a
1991	Ingalaterra	Liga fasea
1995	Hegoafrika	Liga fasea
1999	Gales	Final 1/4ak
2003	Australia	Final 1/4ak
2007	Frantzia	Liga fasea
2011	Zeelanda Berria	4.a
2015	Ingalaterra	Final 1/4ak

Sei Nazioak

Doddie Weir Cup

Sei Nazioen Txapelketa

Sailkapen Orokorra:

Selekzioa	Jokatutako txapelketak	Irabazitako txapelketak	Slam nagusiak	Garaipen partekatuak	Koroa hirukoitza	Zurezko koilara
Ingalaterra	123	28	13	10	25	25
Gales	125	27	12	12	21	21
Eskozia	125	15	3	8	10	33
Irlanda	125	14	3	9	11	36
Frantzia	90	17	9	8	-	18
Italia	20	0	0	0	-	14

Azken eguneratzea: 2019ko martxoaren 16an

• Txapelduna (27): 1893, 1900, 1902, 1905, 1908, 1909, 1911, 1922, 1931, 1936, 1950, 1952, 1956, 1965, 1966, 1969, 1971, 1975, 1976, 1978, 1979, 1994, 2005, 2008, 2012, 2013, 2019
• Txapeldun elkarbanatua (12): 1888, 1906, 1920, 1932, 1939, 1947, 1954, 1955, 1964, 1970, 1973, 1988
• Slam nagusia (12): 1908, 1909, 1911, 1950, 1952, 1971, 1976, 1978, 2005, 2008, 2012, 2019
• Koroa hirukoitza (21): 1893, 1900, 1902, 1905, 1908, 1909, 1911, 1950, 1952, 1965, 1969, 1971, 1976, 1977, 1978, 1979, 1988, 2005, 2008, 2012, 2019
• Doddie Weir Cup (2): 2018, 2019
  • Gales 2 - Eskozia 0

Emakumezkoen selekzioa

Gales
Etxean Kanpoan
Federakundea	Welsh Rugby Union
Sortu:	1987
Ikurra:	Ostrukaren Hiru Luma
Izendapena:
Estadioa:	Cardiff Arms Park, Cardiff
Entrenatzailea:	Rowland Phillips
Kapitaina:	Carys Phillips
Estreinaldi Internazionala Gales 4-22 Ingalaterra 1987ko apirilaren 5a
Garaipen Handiena Gales 77-0 Alemania 2002 maiatzaren 17a
Porrot Handiena Ingalaterra 83-11 Gales 1999ko apirilaren 10a
Munduko Errugbi Kopa
Partaidetzak	6 (aurrenekoa 1991. urtean)
Emaitza Onena	4.a (1994)
Sei Nazioen Torneoa
Partaidetzak	23
Emaitzak	2.a (2009)

Galesko emakumezkoen selekzioak 1987an jokatu zuen aurreneko partida eta 1991ean Munduko Txapelketarako sailkatu zen. 1994an laugarrena izan zen. Emakumezkoen Sei Nazioen Txapelketa irabazi ez duen arren 2009an gertu ibili zen, bigarren egin baitzuen Ingalaterrarekin berdinduta. Koroa Hirukoitza irabazi zuen gainera.

Palmaresa

• Emakumezkoen Munduko Errugbi Txapelketa
  • Laugarren (1): 1991
  • Sailkapena (6): 1991, 1994, 1998, 2002, 2010, 2014
• Emakumezkoen Sei Nazioen Txapelketa
  • Txapeldun orde (1): 2009
  • Koroa hirukoitza (1): 2009
• Europako Errugbi Kopa
  • Txapeldun (0)
  • Finalista (1): 2008

Kanpo estekak

Wikimedia Commonsen badira fitxategi gehiago, gai hau dutenak: Galesko errugbi selekzioa

• (Ingelesez)Galesko errugbi federazioa