Eskoziako errugbi selekzioa

Eskozia
Etxean Kanpoan
Federakundea	Scottish Rugby Football Union
Sortu:	1873
Ikurra:	Eguzkilorea
Izendapena:	Eguzkilorearen XV-a
Estadioa:	Murrayfield, Edinburgh (67.500)
Entrenatzailea:	Vern Cotter
Kapitaina:	John Barclay
Estreinaldi Internazionala (baita munduko lehena ere) Eskozia 4:1 Ingalaterra 1871ko martxoaren 27a
Garaipen Handiena Eskozia 100:8 Japonia 2004ko azaroaren 13a
Porrot Handiena Hegoafrika 68:10 Eskozia 1997ko abenduaren 6a
Munduko Errugbi Kopa
Partaidetzak	7 (aurrenekoa 1987. urtean)
Emaitza Onena	4.a (1991)
Sei Nazioen Torneoa
Partaidetzak	124
Emaitzak	15 txapelketa (3 Slam Nagusi)

Eskoziako errugbi selekzioak herrialde hori ordezkatzen du errugbiko nazioarteko txapelketetan. Errugbia Eskozian Scottish Rugby Union (SRU) erakundearen bidez erregulatua dago eta British and Irish Lions taldean parte hartzen du (aldika erakustaldi moduko partidak jokatzen dituen Britaniar Uharteetako jokalariz osatutako konbinatua). Urtero Sei Nazioen Torneoan eta lau urtean behin Munduko Errugbi Kopan parte hartzen dute. Mundu mailan 2019ko sailkapenaren arabera 9.a da.

Eskoziako taldea 2007an.

Eskoziako taldea 2017an.

Eskoziak norgehiagoka handia du ingeles selekzioarekin, Auld Enemy (Etsai Zaharra). Urtero Sei Nazioen barnean Kalkuta Kopa ematen zaio bien arteko partidaren garaileari. 1989tik aurrera Eskozia eta Irlandaren arteko partidako garaileari Centenary Quaich saria ematen zaio.

Historia

Sorrera eta "urrezko aroa"

Eskoziar errugbiaren historia 1871an hasi zen, Raeburn Place-n (Edinburgh) jokatu zen lehendabiziko errugbi partidan Ingalaterrari irabazi zionean. 1882an Ingalaterra, Eskozia, Gales eta Irlanda elkartu ziren eta beraien arteko txapelketa jokatzea erabaki zuten, urtero jokatuko zena. Home Nations txapelketa abiatu zen. 1910 arte iraun zuen lau herrialdeen arteko txapelketak eta Eskozia izan zen garaipen gehien eskuratu zituena, 11 txapelketa hain zuzen ere.

Gerra arteko garai oparoa

1920 hamarkadan bost garaipen lortu zituen, baina hauetatik hiru elkarbanaturikoak izan ziren. 1925 urtea bereziki bikaina izan zen, bere aurreneko Slam nagusia lortu baitzuen txapelketako partida guztiak irabaziz. Bigarren Mundu Gerraren aurretik beste bi txapelketa ere eskuratu zituen, 1933 eta 1938an.

Lehorte luzea (1938-1984)

Bigarren Mundu Gerraren ondoren Eskoziaren maila nabarmen apaldu zen. Elkarbanaturiko bi garaipen baino ez ditu, 1964 eta 1973an. Eskoziarren errugbirako zaletasuna ez zen ordea txikitu. 1975eko martxoaren 1ean 104.000 ikusle bildu ziren Murrayfield Stadiumean Galesen aurkako 12-10 garaipena ikusteko, ikusle kopuruaren errekor historikoa ezarriz.

Azken hamarkadak

1980an Jim Telfer entrenatzailea fitxatu zuen eta 1999 arte iraun zuen karguan. 20 urte horietan hiru aldiz irabazi zuen Bost Nazioen Txapelketa, eta hiru horietatik bitan Slam Nagusia ere eskuratu zuen, 1984 eta 1999an hain zuzen ere. 1989an Irlandaren aurkako partidan Centenary Quaich saria banatzen hasi ziren. Lehenengo hamar ekitaldietan Eskoziak eraman zuen saria baina gaur egun biak garaipenetan berdindu antzera daude.

1987an Munduko Errugbi Txapelketa abiatu zen. Eskoziak ekitaldi guztietan hartu du parte baina ez du emaitza aipagarririk lortu. 1991an final erdietara iritsi zen eta laugarren postua eskuratu zuen.

Uniformea

2000	2007	2012-2013	2014	2015-2016	2017
2018	2020

Palmaresa

Munduko Errugbi Txapelketa

Urtea	Antolatzailea	Postua
1987	Zeelanda Berria Australia	6.a
1991	Europako 5 herrialde	4.a
1995	Hegoafrika	6.a
1999	Gales	6.a
2003	Australia	8.a
2007	Frantzia	8.a
2011	Zeelanda Berria	8.a
2015	Ingalaterra	8.a
2019	Japonia	ligaxka

Sei Nazioak

Sei Nazioen Txapelketa

Sailkapen Orokorra:

Selekzioa	Jokatutako txapelketak	Irabazitako txapelketak	Slam nagusiak	Garaipen partekatuak	Koroa hirukoitza	Zurezko koilara
Ingalaterra	125	29	13	10	26	25
Gales	127	28	12	12	22	21
Eskozia	127	15	3	8	10	33
Irlanda	127	14	3	9	11	36
Frantzia	92	17	9	8	-	18
Italia	22	0	0	0	-	16

Azken eguneratzea: 2021eko martxoaren 16an

• Txapelduna (15): 1887, 1889, 1891, 1895, 1901, 1903, 1904, 1907, 1925, 1929, 1933, 1938, 1984, 1990, 1999
• Txapeldun elkarbanatua (8): 1886, 1888, 1890, 1920, 1926, 1927, 1964, 1973
• Slam nagusia (3): 1925, 1984, 1990
• Koroa hirukoitza (10): 1891, 1895, 1901, 1903, 1907, 1925, 1933, 1938, 1984, 1990
• Kalkuta Kopa (41): 1882, 1891, 1893, 1894, 1895, 1896, 1899, 1901, 1903, 1904, 1905, 1907, 1908, 1909, 1912, 1925, 1926, 1927, 1929, 1931, 1933, 1935, 1938, 1948, 1950, 1964, 1966, 1970, 1971, 1972, 1974, 1976, 1983, 1984, 1986, 1990, 2000, 2006, 2008, 2018, 2021
  • Ingalaterra 71 - Eskozia 41
• Centenary Quaich (14): 1989, 1990, 1991, 1992, 1993, 1995, 1996, 1997, 1998, 1999, 2001, 2010, 2013, 2017
  • Irlanda 18 - Eskozia 14
• Auld Alliance Trophy (3): 2018, 2020, 2021
  • Eskozia 3 - Frantzia 1
• Doddie Weir Cup (1): 2020
  • Gales 3 - Eskozia 1

Emakumezkoen selekzioa

Eskozia
Etxean Kanpoan
Federakundea
Sortu:	1993
Ikurra:	Eguzkilorea
Izendapena:
Estadioa:
Entrenatzailea:
Kapitaina:
Estreinaldi Internazionala Eskozia 10-0 Irlanda 1993ko otsailaren 14a
Garaipen Handiena Eskozia 84-0 Errusia 2009ko maiatzaren 17a
Porrot Handiena Ingalaterra 89-0 Eskozia 2010ko martxoaren 13a
Munduko Errugbi Kopa
Partaidetzak	5 (aurrenekoa 1994. urtean)
Emaitza Onena	5.a (1994)
Sei Nazioen Torneoa
Partaidetzak	23
Emaitzak	Txapeldun (1998)

Eskoziako emakumezkoen selekzioak 1993an jokatu zuen aurreneko partida eta 1994an Munduko Txapelketarako sailkatu zen. Orduan lortu zuen gainera emaitzarik onena, bosgarrena hain zuzen ere. 1998an Emakumezkoen Sei Nazioen Txapelketa irabazi zuen, Slam Nagusia ere lortu zuen, eta 2001ean Europako Errugbi Kopa. Mundu mailan 2019ko sailkapenaren arabera 11.a da.

Palmaresa

• Emakumezkoen Munduko Errugbi Txapelketa
  • Bosgarren (1): 1994
  • Sailkapena (5): 1994, 1998, 2002, 2006, 2010
• Emakumezkoen Sei Nazioen Txapelketa
  • Txapeldun (1): 1998 (Grand Slam)
• Europako Errugbi Kopa
  • Txapeldun (1): 2001
  • Finalista (2): 1997, 2009

Katy Green jokalaria.

Kanpo estekak

• (Ingelesez)Eskoziako selekzioaren webgunea

• Datuak: Q945016
• Multimedia: Scotland national rugby union team