Ezkaroze

Ezkaroze
	Nafarroa Garaia, Euskal Herria
	Herriaren ikuspegia.
Administrazioa
Estatua	Espainia
Erkidegoa	Nafarroako Foru Erkidegoa
Merindadea	Zangozako merindadeaa
Izen ofiziala	Ezcároz <> Ezkaroze
Alkatea	Juan José Laiana Barber; (IVE, indep.)
Posta kodea	31690
INE kodea	31093
Herritarra	ezkaroztar
Kokapena
Koordenatuak	42° 53′ 19″ N, 1° 05′ 47″ W / 42.888611111111°N,1.0963888888889°WKoordenatuak: 42° 53′ 19″ N, 1° 05′ 47″ W / 42.888611111111°N,1.0963888888889°W
Azalera	28,73 km2
Garaiera	742 metro
Distantzia	84 km Iruñera
Demografia
Biztanleria	306 (2019); 0 (2018)
Dentsitatea	11,45 biztanle/km²
Hazkundea; (2003-2013)	-% 6,89
Zahartze tasa	% 18,08
Ugalkortasun tasa	‰ 16,95
Ekonomia
Jarduera tasa	% 75 (2011)
Genero desoreka	% 0 (2011)
Langabezia erregistratua	% 2,45 (2013)
Kultura
Euskaldunak	% 6,06 (2010)
Euskararen erabilera	% 0,2 (2011)
Datu gehigarriak
Webgunea	http://www.ayto-ezcaroz.es/

Ezkaroze^[3] Nafarroako ipar-ekialdean dagoen udalerria da, Zaraitzu ibarrean kokaturik. Herria Nafarroako hiriburutik 84 kilometrora kokatzen da, eta 329 biztanle zituen 2014. urteko erroldaren arabera.

Eska-Zaraitzu Hondakin Solidoen Mankomunitatea zaborra biltzeaz arduratzen da Ezkarozen eta eskualdeko beste hainbat herritan.

GeografiaAldatu

Inguru naturala eta kokapenaAldatu

Ezkaroze Zangozako merindadearen ipar-ekialdean kokatzen da, Iratiko oihanetik hurbil. A-21 autobideak Iruñarekin lotzen du eta NA-140 errepideak Auritz eta Izabarekin. Zaraitzu ibaiak herria zeharkatzen du.

Ezkarozeren herri mugakideak honakoak dira: Iparraldean Otsagabia, hegoaldean Orontze, ekialdean Uztarroze (Erronkari) eta mendebaldean Jaurrieta.

HistoriaAldatu

Ezkarozeren historiak Zaraitzuko ibarraren historiarekin bat egiten du. VIII. mendetik aurrera, ibarreko biztanleek autonomia politikoari eta subiranotasunari eutsi zieten. Ibar osoak alkate bakarra zeukan, "alkate nagusi" izenarekin deitua.

EkonomiaAldatu

Ezkarozeko jarduera ekonomiko nagusia nekazaritza da. Horrela, udalerriko laborantza lurren %32 patata berandukoaren produkziorako erabiltzen dira. Lurren ehuneko bera abelburuak elikatzeko larretarako erabiltzen da. Basogintzak ere garrantzia handia izan du historikoki, haraneko beste udalerrietan bezala.Gaur egun, herriko basoetan pinuak daude batez ere, eta urtero 700 eta 900 metro kubiko bitarte egur ateratzen dira basoetatik.

DemografiaAldatu

Ezkarozeko biztanleria

2008ko erroldaren arabera, Espainiaz kanpoko bederatzi etorkin bizi ziren herrian, biztanleriaren %2,48 (Nafarroako batezbestekoaren azpitik).

PolitikaAldatu

Udal hauteskundeakAldatu

Ezkarozeko alkatea Independientes Vecinos de Ezcároz (IVE) taldeko Juan Jose Laiana Barber da 2007ko udal hauteskundeez geroztik. IVEk Udaleko zazpi zinegotzietatik bost lortu zituen, eta hortaz, gehiengo osoa. Baliogabeko boto bakarra izan zen (emandako guztien %0,34) eta 2 boto zuri izan ziren (botoen %0,68). Abstentzioa %11,08koa izan zen.

**Ezkarozeko Udala 2007**
Alderdia	Botoak	Zinegotziak
IVE	175	5
Lezarana	98	2
EZ	21	0

2011n ere hiru zerrenda aurkeztu ziren: Independientes Vecinos de Ezcároz (4 zinegotzi eta alkatetza Laianarentzat), Lezarana (2) eta Ezkarozeko Gazteak (EG-JE, 1).

**Ezkarozeko Udala 2011**
Alderdia	Botoak	Zinegotziak
IVE	161	4
Lezarana	78	2
Ezkarozeko Gazteak	33	1

UdaletxeaAldatu

HELBIDEA: Arrotxapea kalea, 11

Alkateen zerrendaAldatu

2007-2011	Juan Jose Laiana Barber	Independientes Vecinos de Ezcároz
2011-	Juan Jose Laiana Barber	Independientes Vecinos de Ezcároz

Azpiegitura eta garraioakAldatu

Conda autobus konpainiaren Otsagabia eta Iruñea bitarteko lineak geltokia dauka herrian. Lineak honako ibilbidea egiten du:

Otsagabia - Ezkaroze - Orontze - Espartza Zaraitzu - Sartze - Gorza - Galoze - Nabaskoze - Irunberri - Artieda - Artaxo - Agoitz - Urrotz - Lintzoain - Erantsus - Ibiriku - Egues - Uharte - Atarrabia - Burlata eta Iruñea

Jaiak eta ospakizunakAldatu

Ezkaroze herriko jaiak uztailaren 16tik uztailaren 20ra ospatzen dira. Ekainaren 11n "Kintoen jaiak" antolatzen dira, Azaroaren 18an San Erromanen eguna eta ekainaren 11n San Bernaberen omenezko erromeria, ekainaren 11tik hurbilen dagoen igandean. Ekainaren 11ko ospakizunaren barnean Muskildara erromeria antolatzen da.

MusikaAldatu

Urteak zonbat egun tu abesti herrikoiak aspaldian herri honetako gazte batzuei jazotako ezbehar eta espetxeratzea kontatzen du.

Ondasun nabarmenakAldatu

Ezkarozeko eliza 1964. urtean, Indalecio Ojangurenen argazkia.

Ezkarozeko eliza gotikoa XVI. mendekoa da, eta presbiterioan San Erromani eskainitako erretaula dago. Erretaula Arkitektura pizkundetarraren eta erromanismoaren artekoa da. Horrez gain, elizaren barruan, XVIII. mendeko erretaula barrokoa, XVII. mendeko Ama Birjinaren errosarioaren irudia eta XVI. mendeko bi pulpitu polikromatu daude. Pulpituetako batean, Ezkarozeren armarria ageri da. Santa Maria Magdalenako baseliza herriaren kanpoaldean kokatzen da, eta estilo gotikoan eraiki zen.

Arkitektura erlijiosoaz gain, herrian hainbat eraikin aipagarri daude, 1767. urtean eraikitako errota esaterako. Errotak gaur egun erabilerarik ez du, baina errotaren jatorrizko makineria oraindik bere horretan dago.

Ezkaroztar ospetsuakAldatu

Gabriel Urralburu (1950-), Nafarroako Lehendakari ohia (1984-1991).
Cesar Krutxaga (1974-), Osasunako kapitaina.

ErreferentziakAldatu

Ikus, gaineraAldatu

Nafarroako udalerrien zerrenda

Kanpo estekakAldatu

Euskarazko Wikipedian bada atari bat, gai hau duena:
Nafarroa

Datuak: Q1646562
Multimedia: Ezcároz - Ezkaroze
Liburuak: Euskal Herriko bidaia-gida/Herriz herri/Ezkaroze

Zaraitzu
Espartza \| Ezkaroze \| Galoze: Galoze (kontzejua) • Itzalle • Izize • Uskartze \| Gorza: Gorza (kontzejua) • Erripalda • Igari Itzaltzu \| Jaurrieta \| Orontze \| Otsagabia \| Sartze: Sartze (kontzejua) • Ibiltzieta

[1] Nafarroako gobernuak 2009ko urtarrilaren 19an kaleratutako dekretua.

[Udalbiltza-2] ↑ ^a ^b ^c ^d ^e ^f Euskal Herriari Begira. Udalbiltza.

[3] Euskaltzaindia. 155. araua: Nafarroako udal izendegia. .

[3]

[1]

[2]