Nafarroako Alderdi Popularra

Nafarroako Alderdi Popularra (gaztelaniaz Partido Popular de Navarra) 2008ko urriaren 28an Nafar Herriaren Batasunaren (UPN) eta Alderdi Popularraren arteko akordioa apurtutzat jo ostean, Espainiako Alderdi Popularrak Nafarroan birsortutako alderdia da, PPren ordezkaritza Foru Erkidegoan.

Nafarroako Alderdi Popularra Partido Popular de Navarra (PP)
Presidentea	Ana Beltrán
Idazkari nagusia	José Suárez
Sorrera	1989-1991 2008tik
Egoitza nagusia	Karlos III.a kalea, 13-15 (Iruñea)
Ideologia politikoa	Zentro-eskuinekoa, kontserbadorea, foralista, espainiar nazionalista, kristau-demokrata eta neoliberala
Nazioarteko afiliazioa	Europako Alderdi Popularra Nazioarteko Demokraten Batasuna Kristau Demokraten Internazionala
Eserlekuak erakundeetan	Nafarroako Parlamentuan 2 / 50 Nafarroako udaletan 298 / 1.996
www.ppnavarra.com

2008ko azaroaren 3an, ordura arte UPNn egondako senatari Jose Cruz Perez Lapazaran, diputatu Santiago Cervera, eurolegebiltzarkide Javier Pomes eta bederatzi zinegotzi PPra pasa ziren.

Aurrekariak

Alderdia 1989an sortu zen, Alianza Popular alderdiaren ordezko gisa. Alderdiko lehen presidentea Jaime Ignacio del Burgo zela, Alderdi Demokrata Popularra eta Espainiako Alderdi Liberalarekin batu zen Nafarroan. 1991n, alderdi hauekin akordioa hautsi eta UPNrekin akordioa sinatu zuen PPk. Ordura arte Espainiako Aldedi Popularrak Nafarroan egitura propioa izan zuen. Ordutik aurrera eta 2008ko urrira arte, aldiz, PPk ez zuen berezko egiturarik herrialdean, leku hori UPNk betetzen baitzuen. PPren afiliatu eta kargu guztiak UPNra pasa ziren. Halaber, UPNren ordezkariak Madrilgo Kongresu eta Senatuan zein Europar Batasuneko instituzioetan, PPren barnean zeuden. Espainiako Alderdi Popularreko Zuzendaritza Nazionalean, UPNren ordezkari bat zegoen 2008ra arte, baina behatzaile gisa, hots, botorik emateko ahalmenik gabe.

Ikus, gainera

• Euskadiko Alderdi Popularra

Kanpo loturak

• (Gaztelaniaz) Nafarroako PPren webgunea