Real Madril

Real Madril (gaztelaniaz: Real Madrid Club de Fútbol) Madrilgo kirol elkarte bat da, batik bat futbol arloarengatik ezaguna. Izan ere, FIFAk XX. mendeko klub onena izendatu zuen. Txapeldunen Liga 13 aldiz eta Espainiako liga 34 aldiz irabazi dituelarik, bi txapelketetan Real Madrilek ditu titulu gehien, alde handiz.

Real Madrid C.F.

Ezizena(k)	Merengeak
Sorrera	1902ko martxoaren 6a (119 urte)
Futbol zelaia	Santiago Bernabeu edukiera: 80.354 lagun inaugurazioa: 1947
Presidentea	Florentino Pérez
Entrenatzailea	Zinedine Zidane
Liga	La Liga
2019-20	Lehen maila, 1.a
Webgunea	Webgune ofiziala
Etxekoa 　 Kanpokoa

Goitizenak

Taldearen goitizen zaharrenak los merengues (merengeak) edo los blancos (zuriak) izan dira, uniformeko kolore zuria dela eta. 1970eko hamarkadan, halere, los vikingos (bikingoak) izenak ospea lortu zuen, batez ere Ultras Sur taldeko zaleen artean, Europako iparraldeko jokalariak hartzeko ohiturarengatik.

Azken boladan, batez ere Florentino Pérez klubeko agintean zegoelarik, los galácticos (galaktikoak) ezizena arrakastatsu bihurtu da, nazioarteko izarrak baino ez baitzituzten fitxatzen.

Historia

1905eko Errege Kopako txapeldun, Real Madrilen lehenengo titulua.

Txapeldunen Ligan Bayern Munichen aurkako gola ospatzen, 2007an.

Txapeldunen Ligako partida AC Milanen aurka, 2010ean.

Atlético de Madriden aurkako derbia, 2013an.

Cristiano Ronaldoren jokaldia Valenciaren aurkako partida.

Sorrera

Institución Libre de Enseñanzako ikasle batzuek 1897an Foot Ball Sky taldea sortu zuten, Madrilgo lehen futbol taldea izan zena. 1902ko martxoaren 6an, bertako jokalari batzuek Juan Padrós eta Carlos Padrós anaia katalanen proiektu berri batean parte hartu zuten eta Madrid Foot Ball Club taldea sortu. Lehen urte hartakoa du lehenengo garaipena ere, Copa de la Gran Peña txapelketa, hain zuzen ere. 1904an FIFAren sortzaileetako bat izan zen. 1905 eta 1908 arteko lau Kopak segidan irabazi zituen.

Gerra aurreko garaiak

Hurrengo kopa, ordea, ez zen 1917 arte iritsi. 1920an Alfontso XIII.a Espainiakoak Errege titulua eman zion eta ordutik aurrera Real Madrid izena du. Hala ere, kirol emaitzak ez ziren onak izan eta 1932 arte itxaron behar izan zuen Liga sortu berria irabazteko. Kopa ere 1934ean irabazi zuen berriz.

Bernabeu eta Di Stefano

Gerra izan zen bitartean ez zen futbol txapelketarik izan. Gerra bukatzean ordea taldeko jokalari onenak zirenak falta zituenez kanpoko jokalariak fitxatu zituen. 1943an Santiago Bernabeu jokalari eta entrenatzaile ohia presidente izendatua izan zen. 1946 eta 1947ko Kopak irabazi zituen baina 1948an ia bigarren mailara jaitsi zen.

1952ko martxoaren 6an taldearen 50. urteurrena ospatzeko, Kolonbiako Millonarios Fútbol Club taldearen aurkako partidua antolatu zen. Madrildarrek galdu egin zuten baina talde kolonbiarreko izar Alfredo Di Stéfano argentinarra fitxatu zuten hurrengo denboraldirako. Francisco Gento kantabriarra ere hartu zuten, Racing de Santander taldetik. Orduan hasi zen Real Madrilen "urrezko aroa". 1950 eta 1960ko hamarkadetan, Espainiako hamabi liga eta bi kopa irabazteaz gain, sei aldiz irabazi zuen Europako Kopa, bai eta Kontinente arteko lehenengo Futbol Kopa ere. Europako lehen bost kopa tituluak jarraian irabazi zituenez, koparen beraren jabetza (garaikurrarena, alegia) bereganatu zuen.

1970eko hamarkadan ere tituluak irabazten segitu zuen, baina Espainiako txapelketatan bakarrik. Horrela, beste sei liga eta hiru kopa jaso zituen, 1980ra bitartean.

La quinta del Buitre

1980ko hamarkada euskal taldeen nagusitasunarekin hasi zen. 1984an bigarren talde Castilla C.F.-k Bigarren Mailako txapelketa irabazi zuen. Bertan jokatzen zuen jokalari belaunaldiari la quinta del Buitre ezizena eman zitzaion, Emilio Butragueño baitzen guztien buru. Belaunaldi berri hari Hugo Sanchez mexikarra gehitu eta 1985/1986 denboraldian hasita, bost liga segidan irabazi zituen. Madrildarren nahia belaunaldi horrekin Europako Kopa berriz irabaztea bazen ere, ez zuten halakorik lortu. Hala ere, UEFA Kopa bi eraman zituzten.

Galaktikoak

1990eko hamarkadaren bukaera aldean aldaketa handiak izan ziren taldean eta 1997-98 denboraldian azkenik lortu zuten Europako Kopa irabaztea Jupp Heynckes entrenatzaile zela. Hurrengo urtean bigarren Kontinente arteko Kopa irabazi zuen eta 2000 urtean berriz ere Europako Kopa, Vicente del Bosque entrenatzaile zutela.

2000ko uztailaren, 16an Florentino Pérez presidente hautatu zuten. Fitxaketa handiak egin zituen: Zidane, Figo, Ronaldo eta Beckham "lau galaktikoak" ezizenaz bataiatu ziren. Haiekin batera, etxeko Raúl, Guti eta Iker Casillas bezalako jokalariak zeuden. Bederatzigarren Europako Kopa lortu zuten, bai eta hirugarren Kontinente arteko Kopa ere.

2006tik aurrera, ordea, Bartzelona nagusituz joan zitzaion eta hari aurre egiteko, Florentino Pérezek berriz hauteskundeak irabazi eta bigarren garai galaktikoa abiarazi zuen: Cristiano Ronaldo izar nagusia zen eta José Mourinho, entrenatzailea. Bi taldeen arteko fitxaketa lehia horrek Espainiako Ligako beste taldeekiko alde izugarriak egotea ekarri zuen. Hiru urtetan Bartzelonaren atzetik bigarren izan ondoren, 2011-12 denboraldian liga irabaztea lortu zuen, gainera puntuen errekorra ezarriz, 100 puntura iritsi baitzen. Hura izan zen Mourinhoren garaipen bakarra, ez baitzuen Txapeldunen Liga irabazterik lortu, bi aldiz finalerdietara iritsi arren. 2012-13 denboraldia bereziki txarra izan zen eta ez zuen titulu bakar bat eskuratu.

2013-14 urtea bikaina izan zen, Ligan 3. egin arren, Errege Kopa eta Txapeldunen Liga irabazi baitzituen. Urtea biribiltzeko, bere aurreneko Kluben arteko Munduko Kopa eskuratu zuen. 2015 urtea, aldiz, eskasa izan zen, ez baitzuen ez Ligarik ez Koparik lortu eta Txapeldunen Ligako final erdietan Juventusek kanporatu baitzuen. Sari bakarra Cristiano Ronaldoren Pichichia izan zen.

Txapeldunen Ligak jarraian

2015-16 denboraldia makal hasi zuen. Kopatik lehenengo kanporaketan izandako akats administratiboak bota zuen eta liga erdialdera liderretik 12 puntutara ere egon zen, baina bukaeran errekuperatu eta Liga irabaztear egon zen, eta hori gutxi balitz Txapeldunen Liga irabaztea lortu zuen hamaikagarren aldiz, aurrekoan bezala Atlético Madrilen aurka. 2016-17 sasoia ere bikain hasi zuen Munduko Kluben Kopa irabaziz eta denboraldiaren bukaeran Liga eta Txapeldunen Liga irabazi zituen. Dagoeneko Europako 12 Kopa lortu ditu, azken lau urtetan hiru. 2017-18an Ligan ez da batere ondo ibili baina Txapeldunen Liga irabazi du hirugarren aldiz jarraian, bai eta FIFAren Kluben arteko Munduko Kopa ere.

2018-19 denboraldia oso txarra izan du. Txapelketa guztietatik kanpora gelditu da, Txapeldunen Ligan adibidez final zortzirenetan kanporatu zuen Amsterdamgo Ajaxek, Madrilen 1-4 emaitzaz irabazita. Hiru entrenatzaile izan ditu, Julen Lopetegirekin hasi zuen urtea, ondoren Santiago Solari eta denboraldia amaitzeko Zinedine Zidanek itzuli behar izan zuen. 2019-20 denboraldian Saudi Arabian jokaturiko Espainiako Superkopa irabazi zuen eta Ligan ere nagusi izan zen, COVID-19 pandemiak eragindako geldialdiaren ondoren partida ia denak irabaziz.

Uniformea

Futbol partidak jokatzen hasi zirenean jokalariek alkandora eta prakak kendu eta barneko arropa zuriarekin jokatu ohi zuten. Taldeak bereizteko kolorezko banda bat ezarri ohi zuten baina jokatzen ari zirela banda hori galdu egiten zenez talde gehienek koloreak erabiltzea erabaki zuten. Real Madridek kolore zuriekin jokatzea erabaki zuen, baina hasieran partida arruntetan galtza urdinak erabili zituen, ez hala partida garrantzitsutan. 1903an partida guztietarako zuriz jokatzea erabaki zuten.

1925-26an galtza beltzak hartu zituen Ingalaterrako Corinthian Football Cluben gisara, garai hartan futbol politena egiten zuen taldea kontsideraturik baitzegoen. Uniforme horrek ere denboraldi bakarra iraun zuen.

Ordutik aurrera kirol etxe frankoren diseinuaren araberako desberdintasunak izan ditu, beti ere elastiko eta galtza zuriak errespetatuta.

Historikoa

1902-1911

1902 arruntak

1911-1925

1925-1926

1926-1952

1952-tik

Etxeko uniformearen bilakaera

2011-2012	2012-2013	2013-2014	2014-2015	2015-2016	2016-2017
2017-2018	2018-2019	2019-2020	2020-2021

Kanpoko uniformearen bilakaera

2011-2012	2012-2013	2013-2014	2014-2015	2015-2016	2016-2017
2017-2018	2018-2019	2019-2020	2020-2021

Datuak

2020-21 barne:

• Denboraldiak 1. mailan: 90
• Denboraldiak 2. mailan: 0
• Denboraldiak 2. B mailan: 0
• Denboraldiak 3. mailan: 0

2020/2021 Taldea

2021eko urtarrilaren 27a

Zbk. Postua Jokalaria 1 ATE Thibaut Courtois 2 ATZ Dani Carvajal 3 ATZ Éder Militão 4 ATZ Sergio Ramos 5 ATZ Raphaël Varane 6 ATZ Nacho 7 AUR Eden Hazard 8 ERD Toni Kroos 9 AUR Karim Benzema 10 ERD Luka Modrić 11 ERD Marco Asensio

Zbk. Postua Jokalaria 12 ATZ Marcelo Vieira 13 ATE Andriy Lunin 14 ERD Casemiro 15 ERD Fede Valverde 17 ERD Lucas Vázquez 19 ATZ Álvaro Odriozola 20 AUR Vinícius Júnior 22 ERD Isco 23 ATZ Ferland Mendy 24 AUR Mariano Díaz 27 AUR Rodrygo Goes

Irabazi dituen txapelketak

Alfredo Di Stéfano.

Raúl González.

Espainiako txapelketak: 66

• Espainiako futbol ligako lehen maila: 34

1931/32, 1932/33, 1953/1954, 1954/1955, 1956/1957, 1957/1958, 1960/61, 1961/62, 1962/63, 1963/64, 1964/65, 1966/67, 1967/68, 1968/69, 1971/72, 1974/75, 1975/76, 1977/78, 1978/79, 1979/80, 1985/86, 1986/87, 1987/88, 1988/89, 1989/90, 1994/95, 1996/97, 2000/01, 2002/03, 2006/07, 2007/08, 2011/12, 2016/17, 2019/20

• Espainiako Futbol Errege Kopa: 19

1905, 1906, 1907, 1908, 1917, 1934, 1936, 1946, 1947, 1962, 1970, 1974, 1975, 1980, 1982, 1989, 1993, 2011, 2014

• Espainiako Superkopa: 11

1988, 1989, 1990, 1993, 1997, 2001, 2003, 2008, 2012, 2017, 2019

• Ligako Kopa: 1

1985

• Eva Duarte Kopa: 1

1947

Nazioarteko txapelketak: 29

• Kontinente arteko Futbol Kopa: 3

1960, 1998, 2002

• FIFAren Kluben arteko Munduko Kopa: 4

2014, 2016, 2017, 2018

• Txapeldunen liga: 13

1955/56, 1956/57, 1957/58, 1958/59, 1959/60, 1965/66, 1997/98, 1999/00, 2001/02, 2013/14, 2015/16, 2016/17, 2017/18

• Europako Errekopa: 0

finalista 1971 eta 1983an

• Europako Superkopa: 4

2002, 2014, 2016, 2017

• UEFA Kopa: 2

1984/85, 1985/86

• Latindar Kopa: 2

1953, 1955

• Kluben arteko Munduko Kopa txikia: 2

1952, 1956

• Iberoamerikar Kopa: 1

1994

Lagunartekoak

• International Champions Cup: 5 2011, 2012, 2013, 2015, 2015
• Teresa Herrera Trofeoa: 9

1949, 1953, 1966, 1976, 1978, 1979, 1980, 1994, 2013

• Colombino Trofeoa: 3

1970, 1984, 1989

• Ramón de Carranza Trofeoa: 6

1958, 1959, 1960, 1966, 1970, 1982

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa eta FIFA Kluben arteko Kopa	1960	Real Madril	0-0 , 5-1	CA Peñarol
	1966	CA Peñarol	2-0 , 2-0	Real Madril
	1998	Real Madril	2-1	CR Vasco da Gama
	2000	Boca Juniors	2-1	Real Madril
	2002	Real Madril	2-0	Club Olimpia
	2014	Real Madril	2-0	San Lorenzo de Almagro
	2016	Real Madril	4-2 (luz)	Kashima Antlers
	2017	Real Madril	1-0	Grêmio Porto Alegre
	2018	Real Madril	4-1	Al Ain FC
Europako Kopa eta Txapeldunen Liga	1955-56	Real Madril	4-3	Stade de Reims	Paris
	1956-57	Real Madril	2-0	ACF Fiorentina	Madril
	1957-58	Real Madril	3-2	AC Milan	Brusela
	1958-59	Real Madril	2-0	Stade de Reims	Stuttgart
	1959-60	Real Madril	7-3	Eintracht Frankfurt	Glasgow
	1961-62	SL Benfica	5-3	Real Madril	Amsterdam
	1963-64	FC Internazionale	3-1	Real Madril	Viena
	1965-66	Real Madril	2-1	Partizan Belgrad	Brusela
	1980-81	Liverpool FC	1-0	Real Madril	Paris
	1997-98	Real Madril	1-0	Juventus FC	Amsterdam
	1999-00	Real Madril	3-0	València CF	Saint-Denis
	2001-02	Real Madril	2-1	Bayer Leverkusen	Glasgow
	2013-14	Real Madril	4-1 (luz)	Atlético de Madrid	Lisboa
	2015-16	Real Madril	1-1 (pen:5-3)	Atlético de Madrid	Milan
	2016-17	Real Madril	4-1	Juventus FC	Cardiff
	2017-18	Real Madril	3-1	Liverpool FC	Kiev
Europako Superkopa	1998	Chelsea FC	1-0	Real Madril
	2000	Galatasaray SK	2-1 (luz)	Real Madril
	2002	Real Madril	3-1	Feyenoord Rotterdam
	2014	Real Madril	2-0	Sevilla FC
	2016	Real Madril	3-2	Sevilla FC
	2017	Real Madril	2-1	Manchester United FC
	2018	Atlético Madril	4-2	Real Madril
UEFA Kopa eta Europa League	1984-85	Real Madril	3-0, 0-1	Videoton
	1985-86	Real Madril	5-1, 2-0	1. FC Köln
Europako Errekopa	1970-71	Chelsea FC	1-1, 2-1	Real Madril
	1982-83	Aberdeen FC	2-1	Real Madril

Azken urteetako ibilbidea

Urtea	Espainiako Liga	Errege Kopa	Esp. Superkopa	Europa	Eur. Superkopa	Mundua
1999-2000	5.a	1/2		1.a (Txapeldunen Liga)	2.a
2000-01	1.a	1/32	1.a	1/2 (Txapeldunen Liga)		2.a
2001-02	3.a	2.a		1.a (Txapeldunen Liga)	1.a
2002-03	1.a	1/4	1.a	1/2 (Txapeldunen Liga)		1.a
2003-04	4.a	2.a		1/4 (Txapeldunen Liga)
2004-05	2.a	1/8		1/8 (Txapeldunen Liga)
2005-06	2.a	1/2		1/8 (Txapeldunen Liga)
2006-07	1.a	1/8	2.a	1/8 (Txapeldunen Liga)
2007-08	1.a	1/8	1.a	1/8 (Txapeldunen Liga)
2008-09	2.a	1/16		1/8 (Txapeldunen Liga)
2009-10	2.a	1/16		1/8 (Txapeldunen Liga)
2010-11	2.a	1.a	2.a	1/2 (Txapeldunen Liga)
2011-12	1.a	1/4	1.a	1/2 (Txapeldunen Liga)
2012-13	2.a	2.a		1/2 (Txapeldunen Liga)
2013-14	3.a	1.a	2.a	1.a (Txapeldunen Liga)	1.a
2014-15	2.a	1/8		1/2 (Txapeldunen Liga)		1.a
2015-16	2.a	1/16		1.a (Txapeldunen Liga)	1.a
2016-17	1.a	1/4	1.a	1.a (Txapeldunen Liga)	1.a	1.a
2017-18	3.a	1/4		1.a (Txapeldunen Liga)	2.a	1.a
2018-19	3.a	1/2	1.a¹	1/8 (Txapeldunen Liga)		1.a
2019-20	1.a	1/4	1/2¹	1/8 (Txapeldunen Liga)
2020-21		1/16		1/2 (Txapeldunen Liga)

• ¹ 2018-19ko Superkopa 2019ko abenduan jokatu zen eta 2019-20ko Superkopa 2021eko urtarrilean.

Beste atalak

• Real Madrid (saskibaloia).
• Beste batzuk.

Harrobia

• Real Madril Castilla C.F.

Ereserkia

De las glorias deportivas,

que campean por España,

va el Madrid con su bandera,

limpia y blanca que no empaña.

Club castizo y generoso,

todo nervio y corazón.

Veteranos y noveles,

veteranos y noveles,

miran siempre tus laureles

con respeto y emoción.

¡Hala Madrid!, ¡Hala Madrid!

Noble y bélico adalid,

caballero del honor.

¡Hala Madrid!, ¡Hala Madrid!

A triunfar en buena lid,

defendiendo tu color.

¡Hala Madrid!, ¡Hala Madrid!, Hala Madrid!

Enemigo en la contienda,

cuando pierde da la mano

sin envidias ni rencores,

como bueno y fiel hermano.

Los domingos por la tarde,

caminando a Chamartín,

las mocitas madrileñas,

las mocitas madrileñas

van alegres y risueñas

porque hoy juega su Madrid.

¡Hala Madrid!, ¡Hala Madrid!

Noble y bélico adalid,

caballero del honor.

¡Hala Madrid!, ¡Hala Madrid!

A triunfar en buena lid,

defendiendo tu color.

¡Hala Madrid!, ¡Hala Madrid!, ¡Hala Madrid!

Kanpo estekak

• (Gaztelaniaz) Webgune ofiziala

• Datuak: Q8682
• Multimedia: Real Madrid C.F.