Eintracht Frankfurt

Eintracht Frankfurt (izen ososa Sportgemeinde Eintracht Frankfurt (FFV) von 1899) Alemaniako futbol talde ospetsuenetakoa da. Frankfurteko taldeak Alemaniako Liga eta Kopak irabazteaz gain UEFA Kopa bat ere irabazia badu. Eintracht izenak "laguntasuna" esan nahi du. Bere etxeko partiduak Deutsche Bank Park estadioan jokatu ohi ditu.

Eintracht Frankfurt

Ezizena(k)	Die Adler (Arranoak)
Sorrera	1899
Futbol zelaia	Deutsche Bank Park edukiera: 57.706 lagun inaugurazioa: 1925
Presidentea	Peter Fischer
Entrenatzailea	Dino Toppmöller
Liga	Bundesliga
2022-23	7.a
Webgunea	www.eintracht.de
Etxekoa 　 Kanpokoa 　 3. koloreak

FC Utrechten aurkako partida, 1980an.

Historia

1899an bi talde sortu ziren Frankfurten, Frankfurter Fußball-Club Viktoria von 1899 eta Frankfurter Fußball-Club Kickers von 1899 eta biek bat egin zuten 1911ean Frankfurter Fußball Verein (Kickers-Viktoria) sortuz. Hurrengo hiru urteetan iparraldeko liga irabazi zuen taldeak. 1920an beste bi taldek egin zuten bat, Frankfurter FV eta Frankfurter Turngemeinde von 1861 taldeek, eta talde berriari TuS Eintracht Frankfurt von 1861 izena jarriz.

Ordurarte talde guztiak futbol eta gimnasia taldeak ziren baina 1937an federazioak banatu egin ziren eta Turngemeinde Eintracht Frankfurt von 1861 (gimnasia) eta Sportgemeinde Eintracht Frankfurt (FFV) von 1899 (futbol) taldeek bide berriak hasi zituzten.

Gerra ondoren 1959an iritsi zen lehenengo titulua, Liga irabaztea lortu baitzuen. 1960an Europako Kopako finalera iritsi zen eta Real Madriden aurka galdu zuen. 1964ean Bundesliga sortu zen. Eintrachtek 1996 arte beti lehen mailan jokatu izan zuen (bost aldiz hirugarren eginez) baina ordutik aurrera lehen eta bigarren mailaren artean aritu da. Liga berririk irabazi ez duen arren baditu lau Kopa eskuratuak 70ko eta 80ko hamarkadetan. Europan ere titulu bat lortu zuen, 1980ko UEFA Kopa hain zuzen ere.

2016an 16. postuan gelditu zen eta jeitsiera play-offak jokatu zituen. Hurrengo bi urtetan Kopako finalera iritsi da eta 2018an txapelduna izan zen. 2022an bigarren aldiz eskuratu zuen UEFA Europa League txapelketa, finalean Glasgow Rangers penalti jaurtiketatan garaitu ondoren.

Uniformea

Eintracht Frankfurt taldearen koloreak berau sortu zuten bi taldeek erabiltzen zituztenak dira, Frankfurter FC Viktoria (gorria eta zuria) eta Frankfurter FC Kickers (beltza eta zuria). Historikoki kolore gorria eta beltza erabili izan ditu nagusiki, baina 2016-17 eta 2017-18 denboraldietan kolore nabarmenena zuria izan zen.

2016-2017	2017-2018	2018-2019	2019-2020	2020-2021
2021-2022	2022-2023	2023-2024

Palmaresa

Alemanian: 6

• Bundesliga (1): 1959
• Alemaniako Kopa (5): 1974, 1975, 1981, 1988, 2018

Nazioartean: 4

• UEFA Kopa (2): 1980, 2022
• UEFA Intertoto Kopa (1): 1967
• Alpeetako Kopa (1): 1967

2023/2024 denboraldiko taldea

Zenbakia	Izena	Jaiotze data	Nazionalitatea
Atezainak
1	Kevin Trapp	1990-07-08	Alemania
33	Jens Grahl	1988-09-22	Alemania
40	Kauã Santos	2003-04-11	Brasil
41	Simon Simoni	2004-07-14	Albania
Atzelariak
3	Willian Pacho	2001-10-16	Ekuador
4	Robin Koch	1996-07-17	Alemania
5	Hrvoje Smolčić	2000-08-17	Kroazia
18	Almamy Touré	1996-04-28	Mali
22	Timothy Chandler	1990-03-29	Ameriketako Estatu Batuak
24	Aurélio Buta	1997-02-10	Portugal
29	Niels Nkounkou	2000-11-01	Frantzia
31	Philipp Max	1993-09-30	Alemania
35	Tuta	1999-07-04	Brasil
44	Davis Bautista	2005-02-16	Ekuador
46	Dario Gebuhr	2003-05-06	Alemania
Erdilariak
6	Kristijan Jakić	1997-05-14	Kroazia
8	Farès Chaïbi	2002-11-28	Aljeria
16	Hugo Larsson	2004-06-27	Suedia
17	Sebastian Rode	1990-10-11	Alemania
20	Makoto Hasebe	1984-01-18	Japonia
23	Jens Petter Hauge	1999-10-12	Norvegia
26	Éric Junior Dina Ebimbe	2000-11-21	Frantzia
27	Mario Götze	1992-06-03	Alemania
28	Marcel Wenig	2004-05-04	Alemania
30	Paxten Aaronson	2003-08-26	Ameriketako Estatu Batuak
36	Ansgar Knauff	2002-01-10	Alemania
37	Sidney Raebiger	2005-04-17	Alemania
45	Mehdi Loune	2004-05-14	Alemania
49	Harpreet Ghotra	2003-01-17	Alemania
?	Nnamdi Collins	2004-01-10	Alemania
Aurrelariak
7	Omar Marmoush	1999-02-07	Egipto
18	Jessic Ngankam	2000-07-20	Alemania
21	Lucas Alario	1992-10-08	Argentina
43	Noel Futkeu	2003-12-06	Alemania
48	Nacho Ferri	2004-10-05	Espainia

• Entrenatzaileak: Dino Toppmöller.

Euskal taldeen aurkako partidak

Eintrachtek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
1968/1969	Ferien Kopa	Final zortzirenak	Athletic Eintracht	1-0 1-1	Eintracht Athletic

Kanpo estekak

• (Alemanez) Eintrachten webgune ofiziala
• (Alemanez) Eintrachtzaleen webgune ez-ofiziala
• (Alemanez) (Ingelesez) Commerzbank-Arena Zelaien webgune ofiziala

• Datuak: Q38245
• Multimedia: Eintracht Frankfurt