|
|
Atal honek eduki, gramatika, hiztegi edota ortografia akatsak ditu.
Lagundu nahi baduzu, zuzendu ezazu. |
Anna Connellek eta St. Mark's elizako beste bi kidek St. Mark's (West Gordon) taldea sortu zuten 1880an. 1887an Hyde Roaden joko zelai berria estreinatzerakoan taldeak izena aldatu zuen, Ardwick A.F.C. bihurtuz. 1892. urtean Federazio Ingelesera elkartu eta bigarren mailan Second Division hasi zen jokatzen. Taldeak arazo ekonomiko ugari izan zituen eta 1894-95 denboraldian berregituratze baten ondorioz Manchester City Football Club izena hartu zuen.
1899an lehen mailara igotzea lortu zuen eta 1904an aurreneko titulua irabazi zuen, Ingalaterrako Futbol Kopa. Finalean Bolton Wanderers garaitu zuen 1-0 irabazita. Hurrengo urteetan arazo ugari izan zituen; diru gabeziari 1920an Hyde Park zelaian izandako sutea gehitu baitzitzaion. Horren ondorioz 1923an zelai berria inauguratu zuten, Mine Road izenekoa. 1926an kopako final berri bat jokatu zuen, berriz ere Bolton Wanderers taldearen aurka, baina oraingoan boltondarrak nagusitu zitzaiziko aurreko emaitza berberarekin, 1-0.
1930. hamarkadaAldatu
Hamarkada emankorra izan zen. 1933an eta 1934an Kopa finalak jokatu zituen berriz, lehenengoa Evertonen aurka galdu zuen baina bigarrenean Portsmouthi 2-1 irabazi zion. Kopa ekitaldi hartan ikusle kopuruaren errekorra hautsi zuen Stoke Cityren aurkako partidan, 84.569 ikusle hain zuzen ere. 2016 artean iraun zuen errekor horrek.
1937an Ingalaterrako Liga irabazi zuen lehenengoz. Hurrengo denboraldian ordea bigarren mailara jeitsi zen, beste edozein taldek baino gol gehiago sartu zituen arren.
1950-1970. hamarkadakAldatu
Urte luzetan bigarren mailan egon ondoren 1950. hamarkadaren erdialdera Revie Plan izeneko sistema asmatu zuen eta berehala hasi zen emaitzak jasotzen. 1955 eta 1956an Kopa final berriak jokaytu zituen, lehenengoa Newcastle Uniteden aurka galdu eta bigarrena Birmingham City garaituz. Partida bietako emaitza 3-1 izan zen.
1965ean lehen mailara itzuli zen Joe Mercer eta Malcom Allison entrenatzaile zirela. Colin Bell eta Francis Lee ziren jokalari izarrak. 1968an bigarren Liga eskuratu zuen eta 1969n laugarren Kopa. Kopa garaipen honek Europako Errekopa jokatzeko aukera eman zion. Final hamaseirenetan Athletic kanporatu zuen, Bilbon 3-3 eginez eta Manchesterren 3-0 irabaziz, eta finalera iritsi zen. Vienan joakturiko finalean Górnik Zabrze talde poloniarra garaitu zuen 2-1 emaitzaz. 1970. hamarkadan titulu berriak eskuratu zituen, bi Ligako Kopa eta Community Shield bat.
1980 eta 1990. hamarkadak behe mailatan egin zituen, hirugarren mailan ere izan zen.
1998an David Bernsteinek taldearen presidentzia hartu eta aldaketa ekonomiko handia ekarri zuen. 2000. urtean Premier Leaguera igotzea lortu zuen baina urtebeterako. Kevin Keegan entrenatzailea fitxatu zuten orduan eta inoizko zenbaki onenekin (gol eta puntu gehien) maila gorenera itzuli zen. 2003an zelai berria estreinatu zuten, City of Manchester Stadium, eta 2008an Abu Dhabi United Group for Development and Investment taldeak hartu zuen Manchester City eta diru asko sartuz puntako jokalariak ekarri zituzten. Ordutik aurrera Ingalaterrako talde onenetakoa izan da, Ingalaterran titulu gehien irabaziz. Dagoeneko bost Premier Liga irabazi ditu, 2012 eta 2021 artean.
2016an Pep Guardiola fitxatu zuen eta harekin nagusi izan da Ingalaterrako txapelketatan. Nazioarte mailan ordea ez du espero zuen arrakastarik izan, final bakarra jokatu baitu (2021eako Txapeldunen Liga) eta Chelseak 1-0 garaitu zuen.
Armarria arrano batez osatua dago, hiru izarrekin (urre kolorekoak). Erdialdean hiru lerro agertzen dira, zuriak. Goiko zatian, berriz, belaontzi bat dago. Bi atalak banatzeko, lerro beltz bat dago, M.C.F.C siglekin. Beherago zinta bat dago, Superbia in Proelia letrekin.
Khaldoon Al-Mubarak
Josep Guardiola
.jpg)
Chelsea
Górnik Zabrze
Datuak: Q50602
Multimedia: Manchester City FC
.svg){kind=small}