FC Bayern Munich Alemaniako futbol taldea da, Munich hirikoa, herrialde horretako arrakastasuena eta Europako inoizko onenetakoa.

FC Bayern München
Datuak
Motakirol kluba, futbol taldea eta futbol-kluba
HerrialdeaAlemania
LigaBundesliga
EstadioaAllianz ArenaSchwabing-Freimann (en) Itzuli
48°13′08″N 11°37′29″E / 48.218775°N 11.624752777778°E / 48.218775; 11.624752777778 (2005–)
 75.024
Agintea
LehendakariaJan-Christian Dreesen (en) Itzuli
Zuzendari exekutiboaHerbert Hainer (en) Itzuli
EntrenatzaileaThomas Tuchel
Egoitza nagusi
Osatuta
BabesleaDeutsche Telekom
Zeren jabe
Historia
Sorrera1900eko otsailaren 27a
Jasotako sariak
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
webgune ofiziala
Facebook: FCBayern Twitter: FCBayern Instagram: fcbayern LinkedIn: fcbayern Snapchat: fcbayernsnaps Youtube: UCZkcxFIsqW5htimoUQKA0iA TikTok: fcbayern Musicbrainz: d819e9f7-5d42-4aab-9692-9ba89f30fe48 Discogs: 1714897 Edit the value on Wikidata

Historia aldatu

 
1974-75 denboraldiko Europako Kopako partida 1. FC Magdeburgen aurka.
 
1982ko Europako Kopako finala, Aston Villaren aurka galdutakoa.
 
Bayerneko zaleak.
 
2010eko Bundesliga garaipena ospatzen
 
2012ko Txapeldunen Ligako finala Chelsearen aurka.
 
Allianz Arena.

Sorrera eta hasierako hamarkadak aldatu

1900eko otsailaren 27an sortu zuten, eta garai hartan "Alemaniako Hegoaldeko Txapelketa" izeneko norgehiagokan parte hartzen zuen. Txapelketa hori 1926 eta 1928an irabazi zuen. Alemaniako lehen titulua 1932an jaso zuen, Liga irabazi baitzuen finalean Eintracht Frankfurt 2-0 emaitzaz gaindituta. 1933an naziek boterea eskuratutakoan, taldearen lehendakaria eta entrenatzailea juduak izanik, Bayern "juduen taldea" kontsideratu zen. Lehendakariak eta entrenatzaileak alde egin zuten eta taldea semi-profesional bihurtu.

Alemanian nagusi eta Europako tituluak aldatu

Bigarren Mundu Gerraren ondoren egonkortasuna lortzea asko kostatu zitzaion eta 1945 eta 1963 artean 13 entrenatzaile izan zituen. Hala ere, urtetik urtera maila hobetuz joan zen eta 1957an Alemaniako lehendabiziko Kopa irabazi zuten. Klubaren urrezko urteak 1965 eta 1979 artean izan ziren, eta tarte horretan Europako lehen tituluak ere eskuratu zituen. 1967an, Errekopa irabazi zuen Glasgow Rangersen aurka. Hurrengo urteetan, Europako Kopa jokatu zuen eta hiru ekitaldi irabazi zituen jarraian, 1974koa, Atlético de Madriden aurka; 1975ekoa, Leeds Uniteden aurka; eta 1976koa, AS Saint-Étienneren aurka. Hiru aldiz jarraian irabazi izanagatik, Europako Koparen garaikurraren jabe bihurtu zen. Kontinente arteko Futbol Kopa jokatzeko aukerari uko egin zion lehen bi urteetan baina 1976an jokatu eta Cruzeiro EC garaitu zuen, etxean 2-0 irabazita eta Brasilen 0-0 berdinduta.

80. eta 90. hamarkadak aldatu

XX mendeko azken bi hamarkadetan, Alemaniako txapelketetan erraz nagusitu zen. 1982 eta 1987an Europako Kopako finalista izan zen, irabazi ez bazuen ere. 1996an UEFA Kopa eskuratu zuen Girondins de Bordeauxi etxean 2-0 irabazi eta Bordelen 3-1 galdu ondoren, kanpoko golaren balioagatik. 1999an inoiz ahaztuko ez den Txapeldunen Ligako finala jokatu zuen Bartzelonan Manchester Uniteden aurka. 90 minutuak jokatuta zeudela, Bayern 0-1 irabazten ari zen baina deskontu denboran ingelesek bi gol sartu eta modurik garratzenean galdu zuen Kopa.

XXI. mendea aldatu

Gorakada hasia zen ordea eta 2001ean UEFAko Txapeldunen Liga eta Kontinente arteko Kopa irabazi zituen. Mende berrian Alemaniako Bundesliga eta Kopa sarritan irabazteaz gain, Europako puntako taldeetako bat bihurtu da. Jupp Heynckesen eskutik azken lau urteetan hiru aldiz izan da UEFAko Txapeldunen Ligako finalista, irabazi ez duen arren, Borussia Dortmunden aurka hain zuzen ere. Aurrez 2012an porrot latza jasan zuen Chelseak azken minutuan berdindu eta penalti jaurtiketetan irabazi zionean. 2012-2013 denboraldia bereziki bikaina izan zen, Txapeldunen ligaz gain, Alemaniako Liga eta Kopa irabazi baizituen, Europako futbolaren historian talde bakan batzuek egindako balentria.

2013-2014 denboraldirako Josep Guardiola fitxatu zuen. Iritsi eta berehala lehenengo finala Alemaniako Superkopa izan zuen eta Borussia Dortmundek 4-2ko emaitzaz eskuratu zuen. Bigarren finalean ordea, klubaren lehenengo Europako Superkopa irabazi zuen Chelsea mendekatuz, gainera, izan ere luzapeneko azken minutuan Javi Martínezek sarturiko gol batez berdindu baitzuen partida eta ondoren penalti jaurtiketetan irabazi. 2013 urtea amaitzeko, FIFAren Kluben arteko Munduko Kopa irabazi zuen. Txapeldunen Liga irabazteko hautagai garbia izan arren, Real Madrilek kanporatu zuen finalerdietan Munichen bertan 0-4 emaitza lortuz. Hurrengo denboraldietan ere berdin gertatu zitzaion, Alemanian erraz irabazi eta Txapeldunen Ligako final erdietan kanporatua izan zen, 2015ean Bartzelonak eta 2016an Atletico Madrilek kanporatu zuten. 2017 eta 2018an Real Madrilek garaitu zuen.

2020an Txapeldunen Liga seigarren aldiz irabaztea lortu zuen. COVID-19 pandemiak baldintzaturiko txapelketan nagusitasun handia erakutsi zuen, jokatu ziren hamaika partidak irabazi baitzituen, tartean Bartzelonari 8-2. Finalean, Paris Saint-Germain izan zuen aurkari eta 1-0 gainditu zuen talde frantsesa. Ondoren Superkopa irabazi zuen. 2020an bigarren FIFAren Kluben arteko Munduko Kopa (Kontinente arteko laugarrena) irabazi zien finalean Tigres UANL mexikarra 1-0 garaituta.

Estadioak aldatu

Municheko Olinpiar Estadioa izan da taldearen zelaia 1972tik 2005 arte. Gaur egun, Allianz Arena ederrean jokatzen du.

Uniformea aldatu

Bayern izenak Bavaria esan nahi du eta taldearen hasierako estatutuetan eskualdeko koloreak hartu zituen, erronbo zuri urdinak. Horregatik elastiko zuria eta galtza urdinak erabiltzea erabaki zen baina galtza urdinak aurkitzea zaila zenez, beltzak erabili zituen, "urdin ilunak" zirela esaten zuten arren. 1906an Münchner Sportclub taldearekin elkartu zen eta horren koloreak gorriak zirenez, adostasun batera iritsi behar izan zuten, izena eta elastiko zuria Bayernena mantenduz, baina galtza gorriak ezarriz. Hurrengo urteetan, Die Rothosen (galtza gorriak) ezizena hartu zuen taldeak eta oharkabean kolore gorria nagusituz joan zen. 1974an erabili zuen aurreneko aldiz ekipamendu erabat gorria eta ordutik horrela mantendu du. Hala ere, tarteka kolore urdin eta zuriarekin jokatu izan du, elsatiko marradunez edo galtzen kolorea aldatuz.

Historikoa aldatu

     
 
 
 
1900-06
     
 
 
 
1906-67
     
 
 
 
1967-68
     
 
 
 
1968-69
     
 
 
 
1969-73
     
 
 
 
1974-tik

Azken urteak aldatu

     
 
 
 
2013-2014
     
 
 
 
2014-2015
     
 
 
 
2015-2016
     
 
 
 
2016-2017
     
 
 
 
2017-2018
     
 
 
 
2018-2019
     
 
 
 
2019-2020
     
 
 
 
2020-2021
     
 
 
 
2021-2022
     
 
 
 
2022-2023

Gainontzeko kirolak aldatu

Klubaren barnean futbolaz gain, beste kirol batzuk ere badaude, hala nola saskibaloia, bola jokoa, xakea, gimnasia, eskubaloia eta mahai-tenisa. Arbitro eskola bat ere badu.

2023/2024 Taldea aldatu

2023ko uztailaren 19an eguneratua.

Zbk. Postua Jokalaria
1   ATE Manuel Neuer
2   ATZ Dayot Upamecano
4   ATZ Matthijs de Ligt
5   ATZ Benjamin Pavard
6   ERD Joshua Kimmich
7   AUR Serge Gnabry
8   ERD Leon Goretzka
10   AUR Leroy Sané
11   AUR Kingsley Coman
13   AUR Eric Maxim Choupo-Moting
14   ERD Paul Wanner
17   AUR Sadio Mané
18   ERD Marcel Sabitzer
19   ATZ Alphonso Davies
20   ATZ Bouna Sarr
22   ATZ Raphaël Guerreiro
Zbk. Postua Jokalaria
25   ERD Thomas Müller
26   ATE Sven Ulreich
27   ATE Yann Sommer
28   AUR Gabriel Vidovic
35   ATE Johannes Schenk
38   ERD Ryan Gravenberch
39   AUR Mathys Tel
40   ATZ Noussair Mazraoui
42   ERD Jamal Musiala
44   ATZ Josip Stanisic
46   ERD Arijon Ibrahimovic
-   ERD Konrad Laimer
-   ATZ Tarek Buchmann
-   ERD Malik Tillman
-   ATE Alexander Nübel
-   ATZ Kim Min-jae

Palmaresa aldatu

Alemanian: 69 aldatu

  • Bundesliga (33): 1932, 1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000, 2001, 2003, 2005, 2006, 2008, 2010, 2013, 2014, 2015, 2016, 2017, 2018, 2019, 2020, 2021, 2022, 2023
  • Alemaniako Futbol Kopa (20): 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008, 2010, 2013, 2014, 2016, 2018, 2020
  • Alemaniako Superkopa (10): 1987, 1990, 2010, 2012, 2016, 2017, 2018, 2020, 2021, 2022.
  • Alemaniako Ligako Kopa (6): 1997, 1998, 1999, 2000, 2004, 2007.

Nazioartean: 14 aldatu

FIFAren Kluben arteko Munduko Kopa aldatu

  • Txapelduna (2): 2013, 2020

Kontinente arteko Futbol Kopa aldatu

  • Txapelduna (2): 1976, 2001
  • Finalista (0)

UEFAko Txapeldunen Liga aldatu

  • Txapelduna (6): 1974, 1975, 1976, 2001, 2013, 2020
  • Finalista (5): 1982, 1987, 1999, 2010, 2012

Europako Superkopa aldatu

  • Txapelduna (2): 2013, 2020.
  • Finalista (3): 1975, 1976, 2001

UEFA Kopa aldatu

  • Txapelduna (1): 1996

Europako Errekopa aldatu

  • Txapelduna (1): 1967

Nazioarteko finalak aldatu

Txapelketa Urtea Txapelduna Emaitza Finalista Hiria
Kontinentearteko Kopa
eta
FIFAren Kublen artekoa
1976 Bayern Munich 2-0 , 0-0   Cruzeiro EC
2001 Bayern Munich 1-0   Boca Juniors
2013 Bayern Munich 2-0   Raja Casablanca
2020 Bayern Munich 1-0   Tigres UANL
Europako Kopa
eta
Txapeldunen Liga
1973-74 Bayern Munich 1-1 , 4-0   Atletico Madril Brusela
1974-75 Bayern Munich 2-0   Leeds United Paris
1975-76 Bayern Munich 1-0   AS Saint-Étienne Glasgow
1981-82   Aston Villa 1-0 Bayern Munich Rotterdam
1986-87   FC Porto 2-1 Bayern Munich Viena
1998-99   Manchester United 2-1 Bayern Munich Bartzelona
2000-01 Bayern Munich 1-1 (pen:5-4)   València CF Milan
2009-10   FC Internazionale 2-0 Bayern Munich Madril
2011-12   Chelsea FC 1-1 (pen:4-3) Bayern Munich Munich
2012-13 Bayern Munich 2-1   Borussia Dortmund Londres
2019-20 Bayern Munich 1-0   Paris Saint-Germain Lisboa
Europako Superkopa 1975    Dinamo Kiev 3-0 (1-0, 2-0) Bayern Munich
1976   RSC Anderlecht 5-3 (1-2, 4-1) Bayern Munich
2001   Liverpool FC 3-2 Bayern Munich
2013 Bayern Munich 2-2 (pen:5-4)   Chelsea FC
UEFA Kopa 1995-96 Bayern Munich 2-0, 1-3   Girondins Bordeaux
Europako Errekopa 1966-67 Bayern Munich 1-0   Glasgow Rangers

Jokalari ezagunak aldatu

Emakumezkoen taldea aldatu

Sakontzeko, irakurri: «FC Bayern München (emakumezkoak)»

1970ean eratu zen Emakumezkoen futbol atala, baina emaitzarik onenak azken urteotan izan ditu.

Kanpo estekak aldatu


2022-23ko Alemaniako Bundesliga  
Augsburg | Bayer Leverkusen | Bayern Munich | Bochum | Borussia Dortmund | Borussia Mönchengladbach | Eintracht Frankfurt | Friburgo | Hertha Berlin | Hoffenheim | Köln | Leipzig | Mainz | Schalke 04 | Stuttgart | Union Berlin | Werder Bremen | Wolfsburg