Rayo Vallecano

Rayo Vallecano de Madrid Madrilgo Vallecas auzoko futbol taldea da. 1924an sortu zen, eta gaur egun bigarren mailako taldea da. Etxeko partiduak Vallecasko futbol zelaian jokatzen ditu.

Rayo Vallecano

Sorrera	1924
Futbol zelaia	Campo de Fútbol de Vallecas (edukiera: 14.708 lagun)
Presidentea	Raúl Martín Presa
Entrenatzailea	Paco Jémez
Liga	Lehen maila
2018-19	1. mailan, 20.a (jeitsi da)
Webgunea	www.rayovallecano.es
Etxekoa 　 Kanpokoa

Zaragozaren aurkako partida.

Historia

Sorrera eta hasierako urteak

Agrupación Deportiva El Rayo izenarekin jaio zen taldea Madrilgo Vallecas auzoan. Taldea sortu zenean herri askea zen Vallecas baina 1950 urtean Madril hiriak bereganatu zuen. Hasiera hartan zuria zen taldearen kolorea. 1947 urtean Agrupación Deportiva Rayo Vallecano izena hartu zuen eta udaletxeko armarria hasi zen erabiltzen.

1949/50 denboraldian Atlético de Madrid taldearekin adiskidantzazko erlazioa eratu zuen. Honek hainbat jokalari utzi zizkion baina ordainetan kolore gorria erabiz zezan eskatu zion, bestela Real Madrilen menpeko taldea zela ematen baitzuen. Rayok beraz gaur egun ezagutzen dugun kamiseta jantzi zuen. Hurrengo urtean Atletico Madrilekin zuen akordioa hautsi bazen ere kamiseta polita iruditu eta berdinarekin jarraitzea erabaki zuen.

Lehenengo mailarako igoerak

Lehenengo mailara igo zen aurreneko urtea 1976/77 denboraldian izan zen. Denboraldi bikaina egin zuen gainera lehen mailan, "matagigantes" ezizena eman baitzioten. 1978an Buenos Airesko River Plate taldearekin anaitu zen kamiseta bera zeukatela aitzaki hartuta eta urte hartan Vallecasen elkarren artean partida bat jokatu zuten. Argentinarrak nagusitu ziren 0-1. Ez zuen ordea lehen mailan asko iraun.

1982an Errege kopako finalerdietara iritsi zen. 1988/89an izan zen bigarren igoera baina urte bakarra eman zuen lehen mailan.

Ruiz-Mateos aldia

1991 urtean Elkarte Anonimo bihurtzean José María Ruiz-Mateosek klubaren akzio gehienak erosi eta taldearen nagusi bihurtu zen. Bere emazte Teresa Rivero jarri zuen presidente eta futbol zelaiak ere Teresa Rivero izena hartu zuen.

Hurrengo urteetan gora eta behera aritu zen Rayo. Orain arteko sailkapenik onena 1999/2000 urtean izan zuen 9. izan zelarik. Urte hartan lau jardunalditan sailkapeneko liderra izan zen baina denboraldia luze egin zitzaion. Hurrengo urtean UEFA Kopan aritu zen, hau izanik bere Europako txapelketa bakarra. Final laurdenetan Alavések kanporatu zuen. Lau urte jarraian lehen mailan egin ondoren 2002/03an bigarren mailara itzuli zen. Hurrengo urtean 2.B mailara jeitsi zen eta bertan lau denboraldi egin zituen.

Zaletuen presioaren eraginez Ruiz-Mateos familiak taldearen zuzendaritza utzi zuen 2011eko maiatzean.

Azken urteak

2010-11 denboraldian bigarren mailan bigarren egin ondoren igo zen lehen mailara eta larri ibili ibili ondoren salbatu egin da, azken partidako 89. minutuan Raúl Tamudok sarturiko gol bati esker. Hurrengo denboraldia nabarmen lasaiagoa izan zuen eta 8. postuan amaitu zuen liga, hau da Ligaren historian lortu duen posturik onena gainera. 2013-14an 12.a izan zen eta 2014-15ean 11.a. 2015-16 denboraldian ordea 18. gelditu eta maila galdu zuen. Bi denboraldi egin ondoren 2017-18an Lehen mailara igo zen, urtebeterako ordea.

Uniformea

Historikoa

1924-1948

1949

1950-tik

Azken urteak

2012-2013

2013-2016

2016-2018

2018-2019

2019-2020

Datuak

2019-20 barne:

• Denboraldiak 1. mailan: 18
• Denboraldiak 2. mailan: 36
• Denboraldiak 2. B mailan: 5
• Denboraldiak 3. mailan: 3
• Ligako posturik onena: 8.a Lehen mailan (2012-13)

Palmaresa

Espainiako txapelketak: 1

• Lehen maila: 0

zortzigarren 2012-13 denboraldian

• Bigarren maila: 1

2017-18

• Errege Kopa: 0

finalerdiak 1982an.

Nazioartean: 0

• UEFA Kopa: 0

final laurdenak 2000-01 denboraldian

Azken urteetako ibilbidea

Urtea	Espainiako Liga	Errege Kopa	Europa
1999-00	9.a	1/4
2000-01	14.a	1/16	1/4 (UEFA Kopa)
2001-02	11.a	1/4
2002-03	20.a	1/64
2003-04	21.a (2. mailan)	1/64
2004-05	3.a (2.B mailan)	1/64
2005-06	5.a (2.B mailan)	3. itzulia
2006-07	2.a (2.B mailan)	1/16
2007-08	1.a (2.B mailan)	3. itzulia
2008-09	5.a (2. mailan)	1/32
2009-10	11.a (2. mailan)	1/16
2010-11	2.a (2. mailan)	3. itzulia
2011-12	15.a	1/32
2012-13	8.a	1/32
2013-14	12.a	1/16
2014-15	11.a	1/32
2015-16	18.a	1/16
2016-17	12.a (2. mailan)	3. itzulia
2017-18	1.a (2. mailan)	2. itzulia
2018-19	20.a	1/16

2018/2019 Taldea

2019ko otsailaren 2a

Zbk. Postua Jokalaria 1 ATE Alberto García 2 ATZ Tito 4 ERD Álvaro Medrán (Valenciatik utzita) 5 ATZ Alejandro Catena 6 ERD Gorka Elustondo 7 ATZ Álex Moreno 8 AUR Óscar Trejo 9 AUR Raúl de Tomás (Real Madridetik utzita) 10 ERD Gaël Kakuta 11 ERD Adri Embarba 12 ERD Giannelli Imbula (Stoke Citytik utzita) 13 ATE Stole Dimitrievski (Gimnàstictik utzita) 14 AUR Bebé 15 ERD Mario Suárez

Zbk. Postua Jokalaria 16 ATZ Jordi Amat 17 ATZ Luis Advíncula (Tigrestik utzita) 18 ERD Álvaro García 19 ERD Uche Agbo (Standard Liègetik utzita) 20 ATZ Emiliano Velázquez 21 ATZ Abdoulaye Ba 22 ERD José Ángel Pozo 23 ATZ Álex Gálvez 24 AUR Javi Guerra 25 AUR Franco Di Santo 26 ATZ José León 27 ERD Santi Comesaña 28 ATZ Sergio Akieme

Ereserki ofiziala

El Rayo Vallecano siempre que juega

derrocha valentía, coraje y nobleza.

En todos los partidos da el corazón

y el pecho, ambicionando ser el mejor.

El triunfo de la mano nadie puede arrebatar,

al Rayo Vallecano cuando sale a golear.

El Rayo Vallecano, del jugar hace virtud.

El Rayo Vallecano, es fuerza y juventud.

Por ver el limpio triunfo de tus colores

te sigue la hinchada, y no le importa donde,

y unánime pregona su alegre voz.

El Rayo tiene temple de campeón.

El triunfo de la mano nadie puede arrebatar,

al Rayo Vallecano cuando sale a golear.

El Rayo Vallecano, del jugar hace virtud.

El Rayo Vallecano, es fuerza y juventud.

¡Alabí! ¡Alabá!

¡El Rayo Vallecano!

¡Ra, ra, ra!

Kanpo estekak

• (Gaztelaniaz) Rayo Vallecano taldearen webgunearen ofiziala

• Datuak: Q10300
• Multimedia: Rayo Vallecano