Real Club Celta de Vigo

Real Club Celta de Vigo
Datuak
Mota	futbol-kluba eta kirol talde profesionala
Herrialdea	Espainia
Liga	Espainiako futbol ligako lehen maila
Estadioa	Balaídos estadioa: Vigo; 42°12′43″N 8°44′25″W / 42.21186°N 8.74033°W ; 29.000
Agintea
Entrenatzailea	Eduardo Coudet
Egoitza nagusi	Vigo; 42°12′43″N 8°44′23″W / 42.211836°N 8.739702°W;
Historia
Sorrera	1923ko abuztuaren 23a
Koloreak

	Etxekoa

	Kanpokoa
	webgune ofiziala;

Real Club Celta de Vigo 1923an sortutako Vigoko (Pontevedra, Galizia) futbol taldea da, lehen mailan jokatzen duena. Titulurik irabazi ez badu ere Lehen mailan denboraldi gehien egin duen 11. taldea da.

2009ko taldea.

HistoriaAldatu

Sorrera eta lehenengo urteakAldatu

XX mendearen hasieran hasi ziren futbol taldeak sortzen Galizian. Kaietan zeuden itsasontzi britainiarretako langileak jokatzen zituzten futbol partiduek piztu zuten kirolarekiko grina eta Vigon bi talde osatu ziren: Real Vigo Sporting Club eta Real Club Fortuna de Vigo. 1906tik hasita bi talde hauek irabazi zituzten eskualdeko txapelketak. 1908an Vigo Sporting bera Kopako finalera iritsi zen baina Real Madrilek 2-1 irabazi zion.

1923an biek bat egitea erabaki zuten beren indarrak batu eta Estatuko txapelketetara salto egiteko eta horrela sortu zen Real Club Celta de Vigo.

1928an Liga osatu zenean Lehen mailan aritzea tokatzen zitzaion baina A Coruñako Deportivok kontra egindako presioagatik bigarren mailan kokatua izan zen. Harturiko hasarrearen ondorioz Ligatik atera zen eta ez zen 1935 arte itzuli. Ordutik dator Celtakoen Deportivorekiko ezin ikusia.

Lehen mailako taldeaAldatu

2012ko galiziarren arteko derbia, Deportivoren aurka.

Gerra Zibila bukatu zenean lehen mailara igo zen eta 20 urtez bertan mantendu zen. Emaitzarik onena 1948ko laugarren postua izan zuen. Urte hartan Kopako finala ere jokatu zuen Sevillaren aurka galdu zuena. 1958an ordea jeitsi egin zen eta 10 urte egin zituen bigarren mailan.

1969an berriz igo zen lehen mailara eta 1971ean lorturiko seigarren postuak UEFAn jokatzeko aukera eman zion. 80. hamarkadan gora eta behera ibili zen baina 1993an talde berri batekin indartsu sartu zen Ligan. 1994ean eta 2001ean Kopa finaletara iritsi zen baina bietan Zaragozak irabazi zion. Tartean 1994-95 denboraldia bukatzerakoan elkarte anonimoaren abalak garaiz ez aurkeztu izanagatik federazioak Celta eta Sevilla Bigarren B mailara jeitsiarazi zituen. Manifestazio handiak izan ziren hiri bietan eta azkenean federazioak atzera egin eta 22 ekipotako Liga osatu zen, bi urte iraun zuena.

EuroCeltaAldatu

2000 urtean UEFA Intertoto Kopa irabaztea lortu zuen. 2002-03 urtean bere Ligako sailkapenik onena errepikatu zuen, laugarren postua, eta horrek UEFAko Txapeldunen Ligan jokatzeko aukera eman zion. Miguel Anjel Lotina zen entrenatzailea garai honetan.

Bitxikeria bezala aipatzekoa da Celta izan dela lehenengo taldea Estatu Espainiarrean partidu batean 11 jokalari atzerritar batera jokatzen izan dituena.

Azken urteakAldatu

2004 urtean bigarren mailara jeitsi zen. Urtebete behean egin ondoren berriz lehenengo mailara igo eta seigarren postuan bukatu zuen, berriz ere Europara itzuliz. Hala ere hurrengo urtea makala izan zuen oso eta 18. bukatu ondoren maila galdu zuen. Bost urte jarraian bigarren mailan egon ondoren 2012-13 denboralditik aurrera lehen mailan ari da, Europako postuetatik gertu baina saria lortu gabe. 2015-16an seigarren postua eskuratu zuen azkenean eta Europara itzuli zen. 2016-17an denboraldi bikaina egin zuen Europa Leaguen final erdietara iritsi baitzen, baina Manchester United taldeak garaitu zuen. Europa hobetsita Ligan makalago ibili zen, Kopan ordea final erdietara iritsi zen baina Alavések utzi zuen finaletik kanpo. 2017-18an urte apala izan du eta 13. postuan amaitu du. 2018-19 denboraldian jaitsiera postuetatik gertu ibili zen eta hiru entrenatzaile izan ondoren azken jardunaldian salbatu zen. Hurrengo denboraldian ere pattal ibili zen eta azken partidararte ez zuen mantentza lortu. 2020-21 denboraldian 8.a izan zen Ligan.

ArmarriaAldatu

Celtaren armarrian Bi "C" letra daude (Club Celta), koroa bat (Real) eta Santiagoen gurutzea. Gurutze hau nork eraman erabakitzeko Celta eta Deportivoren artean partida bat jokatu zen eta Celtak irabazi zuen.

UniformeaAldatu

Taldearen fundatzaileetako bat zen Juan Baliño Ledok proposatu zuen urdin argia erabiltzea, hala ere lehenengo urteetan elastiko gorria eta galtza beltzak erabili zituen Celtak.

1928an Liga hasterakoan Celtak kolore urdin argia hartu zuen eta galtza beltzen ordez zuriak jantzi zituen Galiziako bandera irudikatzeko. Ordutik aurrera hau izan da taldearen janzkera ofiziala.

HistorikoaAldatu





Vigo Foot-Ball 1905





Vigo Sporting 1913-1923





Fortuna 1905-1923





Celta 1923-1927





Celta 1933





Celta 1965-etik

Azken urteakAldatu





2017-2018





2018-2019





2019-2020





2020-2021





2021-2022





2022-2023

DatuakAldatu

2022-23 barne:

Denboraldiak 1. mailan: 57
Denboraldiak 2. mailan: 32
Denboraldiak 2. B mailan: 1
Denboraldiak 3. mailan: 1
Ligako posturik onena: 4.a Lehen mailan (1947-48 eta 2002-03)

2022/2023 TaldeaAldatu

2022ko abuztuaren 31an eguneratua.

Zbk.	Postua	Jokalaria
1	ATE	Iván Villar
2	ATZ	Hugo Mallo
3	ATZ	Óscar Mingueza
4	ATZ	Unai Nuñez (Athleticetik utzita)
5	ERD	Óscar Rodríguez (Sevillatik utzita)
6	ERD	Denis Suárez
7	AUR	Carles Pérez (Romatik utzita)
8	ERD	Fran Beltrán
9	AUR	Gonçalo Paciência
10	AUR	Iago Aspas
11	ERD	Franco Cervi

Zbk.	Postua	Jokalaria
14	ERD	Renato Tapia
15	ATZ	Joseph Aidoo
17	ATZ	Javi Galán
19	ERD	Williot Swedberg
20	ATZ	Kevin Vázquez
21	ERD	Augusto Solari
23	ERD	Luca de la Torre
25	ATE	Agustín Marchesín
26	ATZ	Carlos Domínguez
-	ERD	Martín Calderón

Utzitako jokalariakAldatu

Zbk.	Postua	Jokalaria
-	AUR	Julen Lobete (Waalwijken utzita 2023ko ekainaren 30 arte)
-	ATZ	Sergio Carreira (Villarreal B-en utzita 2023ko ekainaren 30 arte)
-	ERD	Miguel Baeza (Rio Aven utzita 2023ko ekainaren 30 arte)

Irabazitako txapelketakAldatu

Espainiako txapelketak: 0Aldatu

Espainiako Liga: 0
- laugarrena 1947-48 eta 2002-03 denboraldietan
Errege Kopa: 0
- lau aldiz finalista, 1908an Vigo Sporting eta 1948, 1994 eta 2001ean Celta
Federazioaren Kopa: 1
- 2001-02 (Celta B taldea)

Nazioarteko txapelketak: 1Aldatu

Europa League: 0
- finalerdiak 2016-17 denboraldian.
Intertoto Kopa: 1
- 2000

Galiziako txapelketak: 7Aldatu

Galiziako Txapelketa (6): 1924, 1925, 1926, 1930, 1932, 1934
- Aurretik Fortuna Vigo-k (8), Vigo Sporting-ek (6) eta Vigo Football Club-ek (2)
Txapelketa Astur-Galiziarra (1): 1935.

LagunartekoakAldatu

Teresa Herrera Trofeoa: 1

1999

Colombino Trofeoa: 1

2001

Azken urteetako ibilbideaAldatu

Urtea	Espainiako Liga	Errege Kopa	Europa
1999-2000	7.a	1/8	1/4 (Europa League) 1.a (Intertoto)
2000-01	6.a	Finalerdiak	1/4 (Europa League)
2001-02	5.a	2. itzulia	2. itzulia (Europa League)
2002-03	4.a	2. itzulia	1/32 (Europa League)
2003-04	19.a (jeitsi)	1/4	1/16 (Europa League)
2004-05	2.a (2. mailan)	2. itzulia
2005-06	6.a	1/16
2006-07	18.a (jeitsi)	1/4	1/16 (Europa League)
2007-08	16.a (2. mailan)	2. itzulia
2008-09	17.a (2. mailan)	1/32
2009-10	12.a (2. mailan)	1/4
2010-11	6.a (2. mailan)	2. itzulia
2011-12	2.a (2. mailan)	1/32
2012-13	16.a	1/16
2013-14	9.a	1/32
2014-15	8.a	1/16
2015-16	6.a	Finalerdiak
2016-17	13.a	Finalerdiak	Finalerdiak (Europa League)
2017-18	13.a	1/8
2018-19	17.a	1/16
2019-20	17.a	1/16
2020-21	8.a	2. itzulia
2021-22	11.a	1/16
2022-23		1/16

JokalariakAldatu

ErreferentziakAldatu

Kanpo estekakAldatu

(Gaztelaniaz) Taldearen webgune ofiziala

Datuak: Q8749
Multimedia: RC Celta de Vigo

2022-23 denboraldiko Espainiako Futbol Ligako Lehen Mailako taldeak
Almería \| Athletic \| Atlético Madril \| Bartzelona \| Betis \| Cádiz \| Celta Vigo \| Elx \| Espanyol \| Getafe Girona \| Mallorca \| Osasuna \| Rayo Vallecano \| Real Madril \| Real Sociedad \| Sevilla \| Valentzia \| Valladolid \| Villarreal