1988ko Italiako Giroa Itzuli Handi honen 71. edizioa izan zen. 1988ko maiatzak 23 eta ekainak 12 artean ospatu zen, horietako bi bikoitzak izan ziren 21 etapatan banatutako 3579 kilometroko ibilbidea eginez, garailea izan zen Andrew Hampstenek batez beste 36,788 kilometro orduko abiaduran bete zituenak.
Edizio honen garaipena Andrew Hampstenentzat izan zen, hala, Giroa irabazten zuen lehen estatubatuarra eta lehen amerikarra bihurtuz. Bere garaipena 14. etapan egin zuen ihesaldi baten oinarritu zuen, non Gavia igo zen, 1960ko ediziotik igo ez zen mendatea. Etapa osoan zehar euria egin zuen, baina Gaviarako igoerara iristean baldintza klimatologikoak izugarriak izan ziren, etengabeko euri jasa, hotz handia eta elurrarekin. Andrew Hampsten, bere kirol zuzendariak ohartua, neoprenozko eskularruz, artilezko jertse batez eta eski betaurrekoz hornitu zen igoera horretarako. Alabaina, 1984ko Italiako Giroaren garailea izan zen Francesco Moserrek adierazi zuen bezala, igoeraren baldintza klimatologikoetatik haratago, txirrindularitzaren historian beste hainbat alditan ere gertatu zena, are okerragoa izan zen 16 kilometroko jaitsiera Bormioko helmugaraino. Jeitsieran zehar, ekaitza hasi zen, eta txirrindulari askok gelditzea beste erremediorik ez zuten izan euria eta tenperatura baxuen ondorioz, martxa aldaketa mekanismoan edo balaztetan izotza ere eratuz. Johan van der Velde une horretara arte mendiko liderra zena eta Gaviaren tontorrera lehen postuan iritsi zena, geratu egin behar izan zen jaitsiera hasi eta kilometro gutxira, hotzaren ondorioz bizikleta kontrolatzeko gauza ez zelarik, bere kirol zuzendariari beroki arropa eskatzeko eta te beroa eta cognaca hartzeko. Bormion, van der Velde garaileagandik 47 minutura sartu zen. Txirrindulari asko euren taldeko kotxeetan jaitsi ziren, bizikletan soilik etapako azken kilometroak eginez. Alabaina, antolakuntzak hurrengo egunean lasterketan jarraitzea baimendu zien. Erik Breukinkek eta Andrew Hampstenek faborito guztiei lau minutu baino gehiago atera zizkieten egunaren amaieran. Etapa herbeheretarrarentzat izan zen, eta estatubatuarrarentzat maglia arrosa.
Hau ere elurraren ondorioz, hurrengo eguneko etapa laburtu egin behar izan zen, Stelviorako igoera ibilbidetik kenduz. Honek, Gavia edizio honetako Coppi tontor bihurtu zuen.
Milango azken podiumean, Hampsten eta Breukinkekin batera Urs Zimmermann suitzarra igo zen, sailkapen nagusiko hirugarren bezala.
Italia
Austria
Andrew Hampsten (7 Eleven-Hoonved)
Erik Breukink (Panasonic-Isostar-Colnago-Agu)
Urs Zimmermann (Carrera Jeans-Vagabond)
_pictogram.svg){kind=small}
.svg){kind=small}
Datuak: Q514473