Pedro Delgado

txirrindulari espainiarra

Pedro Delgado Robledo, ezagunagoa Perico Delgado izenez, (Segovia, Espainia, 1960ko apirilaren 15a - ) txirrindulari ohia eta telebista esataria da.

Pedro Delgado

Bizitza
Jaiotzako izen-deiturakPedro Delgado Robledo
JaiotzaSegovia1960ko apirilaren 15a (63 urte)
Herrialdea Espainia
Hezkuntza
Hizkuntzakgaztelania
Jarduerak
Jardueraktxirrindularia
Ibilbidea
TaldeakUrteak
Movistar Team 1982-1984
Artiach 1985-1985
PDM (en) Itzuli 1986-1987
Movistar Team 1988-1994
 
Jasotako sariak
pedrodelgado.com

Kirol ibilbidea aldatu

1988. urtean Frantziako Tourraren garailea izan zen. Espainiako Vuelta birritan irabazi zuen (1985 eta 1989). Gaur egun TVE espainiar telebistarentzako lan egiten du, kirol esatari.

José Miguel Echávarri eta Eusebio Unzué entrenatzaileen esanetara prestatu zen eliteko txirrindulari gisa. Espainiako txirrindularitzaren loraldiaren aitzindaria izan zen. 1985ean lortu zuen lehen garaipen handia, Espainiako Itzulia irabazi zuenean. Handik lau urtera, 1989an, berriro irabazi zuen, baina nazioarteko ospea Frantziako Tourrak eman zion. 1983an hartu zuen parte lehen aldiz Frantziako Itzuli batean, eta maldan gora, eskalatzaile aparta izateagatik, eta maldan behera, abiada handian jaisteko erakutsi zuen ausardiagatik, nabarmendu zen. Lehen Itzuli hartan bigarren lekua lortu zuen sailkapen nagusian. 1984an, sailkapen nagusian bosgarren zela, bertan behera utzi behar izan zuen lasterketa, maldan behera zihoala erori eta lepauztaia hautsi ondoren. 1986an ere bertan behera utzi zuen proba ama hil zitzaiola jakin zuenean. 1987an sekulako borroka izan zen bera eta Stephen Rocheren artean; azkenean, Rochek irabazi zuen proba, 40 segundoko aldeagatik. Hurrengo urtean, baina, berak irabazi zuen proba eta zazpi minutu baino gehiago kendu zizkion bigarrenari, Stephen Rooks holandarrari. 1989an gauza bitxia gertatu zen: galdu egin zen eta berandu iritsi zen aurreneko etapako irteerara, Luxenburgon. Hala, denbora asko galduta eta azken lekuan hasita defendatu behar izan zuen aurreko urteko garaipena. Hala eta guztiz ere, azkenean, hirugarren geratu zen, Greg LeMond eta Laurent Fignonen atzetik. Txirrindularitza profesionala utzi zuenean irrati eta telebistako esatari gisa hasi zen lanean.

Palmaresa aldatu

1978

1979

1981

1982

1983

1984

1985

1986

1987

1988

1989

1990

1991

1992

1993

1994

Sailkapen orokorra Itzuli Handietan aldatu

Itzuli Handia 1982 1983 1984 1985 1986 1987 1988 1989 1990 1991 1992 1993 1994
  Italiako Giroa 7. 15.
  Frantziako Tourra 15. UT 6. UT 2. 1. 3. 4. 9. 6. 9.
  Espainiako Vuelta 29. 15. 4. 1. 10. 4. 1. 2. 3. 6. 3.
  Munduko Txapelketa 25. 51. 60. 20. 20. 35. 30.
Legenda
Ez zuen parte hartu
DSK Deskalifikatua
UT Utzi

Erreferentziak aldatu

Kanpo estekak aldatu



Aurrekoa
Stephen Roche
Frantziako Tourraren irabazlea
1988
Ondorengoa
Greg LeMond


  Artikulu hau Gaztela eta Leongo biografia baten zirriborroa da. Wikipedia lagun dezakezu edukia osatuz.