1960ko Italiako Giroa

1960ko Italiako Giroa txirrindularitza Itzuli Handi honen 43. edizioa izan zen. 1960ko maiatzak 19 eta ekainak 9 artean ospatu zen, 21 etapatan banatutako 3481 kilometroko ibilbidearekin, garailea izan zen Jacques Anquetil frantziarrak 37 kilometro orduko abiaduran bete zituenak. 21 etapa horietatik bi bikoitzak izan ziren. Itzulia Erroman hasi eta Milanen amaitu zen.

140 txirrindularik hasi eta 97k amaitu zuten proba.

Hiru ziren edizio hau irabazteko faborito nagusiak: Charly Gaul, 1959ko Italiako Giroaren garailea izan zena, Jacques Anquetil, aurreko edizioan 2. izan zena, eta Gastone Nencini, 1957ko Italiako Giroa irabazi zuena, eta 1960an bertan, Frantziako Tourraren garaile izango zena. Gastone Nencini zen italiar txirrindularitzaren itxaropen nagusia, berriki Fausto Coppi hil ondoren. Mendiko lehen etapa garrantzitsua 12.a izan zen, Cervinian amaitu zena. Gaulek mendatearen hasieratik eraso zuen, baina ez zuen gainontzeko faboritoekiko abantailarik lortu. Luxenburgotarrak mendate hori beretzat ez zela behar bezain gogorra adierazi zuen, eta Dolomitetan hobeto egingo zuela. Anquetilek, bere aldetik, bere lana egin zuen 14. etapan, 68 kilometroko erlojupekoa izan zena, non Gaul zazpi minutura uztea lortu zuen, eta Nencini 4 baino gehiagora. Beste behin, bazirudien Charly Gaulek ez zuela Giroa irabaziko, aurreko edizioetan mendate garaietan egindako erakustaldi epikoek itzulia erabat eraldatu zuten arren. Duelua 20. etapan, etapa erregina zena, lau mendaterekin eta Gavia beldurgarriarekin, hortxe zegoen.

Gaulek ez zuen hutsegin, eta, beste behin, lasterketa bere erara hausten saiatu zen. Gaviarako igoeran ihes egin zuen, jeitsieran Imerio Massignan aurreratu zuen, ihes eginda zihoana, eta etapa garaipena lortu zuen. Alabaina, oraingoan, lortu zuen abantaila ez zen nahikoa izango, eta benetako lehia Nencini eta Anquetilen artean zegoen. Normandiarra askotan saiatu zen italiarra atzean uzten, baina ez zuen lortu. Nencinik ez zituen soilik bere hankak igoera honetan, baizik eta baita ia airean zeramaten hamarnaka tifosiren laguntza ere, ia pedalik eman beharrik gabe. Honek, frantziarrak jasan zituen bi zulatuekin batera, italiarrari hamabost segunduko abantaila eman zion Gaviaren tontorrean, Bormioko helmugarako jeitsiera beldurgarrian bi minutu eta erdira handitu zuena, hala ere gutxiegi izan zena Anquetili maillot arrosa kentzeko, hurrengo egunean, Milango Vigorelli belodromoan, Italiako Giroa irabazi zuen lehen frantziarra izan zelarik.

TaldeakAldatu

Taldea Taldeko liderra
Emi Charly Gaul
Atala Vito Favero
Bianchi Diego Ronchini
Carpano Gastone Nencini
Faema Rik Van Looy
Fynsec-Helyett-Hutchinson Jacques Anquetil
Gazzola Hans Junkermann
Taldea Taldeko liderra
Ghigi Jos Hoevenaers
Ignis Pierino Baffi
Legnano Nino Assirelli
Molteni Wout Wagtmans
Philco Jean Adriansens
San Pellegrino Romeo Venturelli
Torpado Adriano Zamboni

EtapakAldatu

Etapa Ibilbidea Kilometroak Garailea Sailkapen nagusiko liderra
1.a Erroma-Napoli 212   Italia Dino Bruni   Italia Dino Bruni
2.a Sorrento 25 (banakako erlojupekoa)   Italia Romeo Venturelli   Italia Romeo Venturelli
3.a Sorrento-Campobasso 186   Espainia Miguel Poblet   Frantzia Jacques Anquetil
4.a Campobasso-Pescara 192   Espainia Salvador Botella   Frantzia Jacques Anquetil
5.a Pescara-Rieti 218   Italia Gastone Nencini   Frantzia Jacques Anquetil
6.a Terni-Rimini 230   Italia Pierino Baffi   Belgika Jos Hoevenaers
7.a a Igea Marina-Bellaria 5 (banakako erlojupekoa)   Espainia Miguel Poblet   Belgika Jos Hoevenaers
7.a b Bellaria-Forli 81   Belgika Rik Van Looy   Belgika Jos Hoevenaers
8.a Forli-Livorno 206   Belgika Rik Van Looy   Belgika Jos Hoevenaers
9.a a Livorno-Carrara 93   Belgika Emile Daems   Belgika Jos Hoevenaers
9.a b Cave di Carrara 2.2 (banakako erlojupekoa)   Frantzia Jacques Anquetil/
  Espainia Miguel Poblet
  Belgika Jos Hoevenaers
10.a Carrara-Sestri Levante 171   Italia Gastone Nencini   Belgika Jos Hoevenaers
11.a Sestri Levante-Asti 180   Belgika Rik Van Looy   Belgika Jos Hoevenaers
12.a Asti-Cervinia 176   Italia Aldo Kazianka   Belgika Jos Hoevenaers
13.a Saint-Vincent-Milan 225   Frantzia Jean Stablinski   Belgika Jos Hoevenaers
14.a Seregno-Lecco 68 (banakako erlojupekoa)   Frantzia Jacques Anquetil   Frantzia Jacques Anquetil
15.a Lecco-Verona 150   Frantzia André Darrigade   Frantzia Jacques Anquetil
16.a Verona-Treviso 110   Italia Roberto Falaschi   Frantzia Jacques Anquetil
17.a Treviso-Trieste 147   Italia Dino Bruni   Frantzia Jacques Anquetil
18.a Trieste-Belluno 240   Irlanda Seamus Elliott   Frantzia Jacques Anquetil
19.a Belluno-Trento 110   Belgika Emile Daems   Frantzia Jacques Anquetil
20.a Trento-Bormio 229   Luxenburgo Charly Gaul   Frantzia Jacques Anquetil
21.a Bormio-Milan 225   Italia Arrigo Padovan   Frantzia Jacques Anquetil

SailkapenakAldatu

Sailkapen nagusia
1. Jacques Anquetil   Frantzia 94h 03' 54"
2. Gastone Nencini   Italia + 28"
3. Charly Gaul   Luxenburgo + 3' 51"
4. Imerio Massignan   Italia + 4' 06"
5. Jos Hoevenaers   Belgika + 5' 53"
6. Guido Carlesi   Italia + 6' 28"
7. Arnaldo Pambianco   Italia + 8' 32"
8. Diego Ronchini   Italia + 9' 28"
9. Edouard Delberghe   Belgika + 12' 29"
10. Agostino Coletto   Italia + 13' 10"
Mendiko sailkapena
1. Rik Van Looy   Belgika -
2. Imerio Massignan   Italia -
3. Gastone Nencini   Italia -
Taldekako sailkapena
1. Ignis   Italia - -


Aurrekoa
1959ko Italiako Giroa
Italiako Giroa
1960ko maiatzak 19tik ekainak 9ra
Ondorengoa
1961eko Italiako Giroa

Kanpo estekakAldatu