Amnistia Internazionala

Amnistia Internazionala[1] (ingelesez: Amnesty International) edo AI nazioarteko gobernuz kanpoko erakundea da, Londresen (Ingalaterra) 1961ean sortutakoa. Bere helburua da "giza eskubideen zapalketa saihesteko eta desagerrarazteko ekintzak egitea, gai horren inguruko ikerketa ahalbidetzea eta eskubideak urratuta dituztenentzat justizia eskatzea".

Amnistia Internazionala
Amnesty international Logo.svg
Better to light a candle than curse the darkness
Datuak
Mota garapenerako gobernuz kanpoko erakundea eta irabazteko asmorik gabeko erakundea
Jarduera
Kidetza Campaign to Stop Killer Robots (en) Itzuli
Kide kopurua 159 (2018)
Filialak
Gobernantza
Idazkari-orokorra Kumi Naidoo (en) Itzuli
Egoitza Londres
Amnesty International Sections 2012.svg
Ekonomia
Diru-sarrerak 278.000.000 € (2015)
Historia
Sorrera 1961eko uztaila
Sortzailea
Sorrera lekua Erresuma Batua
Jasotako sariak

amnesty.org


Facebook icon 192.pngTwitter Logo.pngYoutube-variation.pngInstagram logo 2016.svg

1977an Bakearen Nobel Saria jaso zuen, torturaren aurkako kanpainagatik. Nazioartean giza eskubideen alde lanean ari diren taldeen artean ezagunenetakoa da eta borroka horren oinarriak ezartzeko orduan aitzindaria. Heriotza zigorraren kontra ere egiten du lan.

Urtero txostena argitaratzen dan AIren izenean munduan zehar giza eskubideen kontuak nola dauden laburbiltzeko. Amnesty Internationaleko urteroko txosten horretaz gain, beste txosten batzuk ere egiten dituzte.

Munduko hainbat estatutan lanean ari diren AIko taldeek beste estatuetako kasuez arduratzen dira eta ez haiek kokatuta dauden estatuetako kasuez. Horrela kanpotik bakarrik lor daitekeen ikuspegia lortu nahi da eta bazkideen arteko gatazkak saihestu nahi dira.

Giza Eskubideen alde erabiltzen dituzten estrategiakAldatu

  • Giza Eskubideen Aldarrikapen Unibertsala dokumentua oinarritzat hartuta Estatuei Aldarrikapen horretan dauden Giza Eskubideak urratzen dituzten legeak aldatzeko eskatzen zaie.
  • Giza eskubideen kontrako urraketa baten berri ezagutzen denean, Estatuei kontua konpontzeko eskatzen zaie.
  • Munduan zehar dauden AIko taldeek preso jakin bat edo batzuk babesteko ardura berezia hartzen dute bere baitan. Presoarekin eta bere ingurukoekin harremanak lotzen saiatzen dira, zenbait laguntza bideratuz.
  • Batzuetan presoak giltzapeturik dauzkan Estatuarengana zuzenean jotzen da, telegrama, gutunak-eta bidaliz.
  • Batzuetan Estatuei legeak aldatzeko eskatzen zaie. Heriotza zigorra Zigor Kodeetatik ezabatzeko eskatzen da, esate baterako. Legeak interpretatzeko erak aldatzeko ere eskatzen zaie.
  • Estatu statusa ez daukaten zenbait erakunderi ere, talde armatuak-eta, Giza Eskubideen urraketak saihesteko eskatzen zaie.
  • Giza Eskubide kontuetan, bidegabekeriak publikoki salatzen, publizitatea emanez, Estatuei presioa egiten zaie.

Ikus, gaineraAldatu

ErreferentziakAldatu

Kanpo estekakAldatu

  • (Ingelesez)(Gaztelaniaz)(Frantsesez)(Arabieraz) AIren webgunea
  • (Ingelesez)(Gaztelaniaz)(Frantsesez)(Arabieraz) Txostenak


  Artikulu hau politikari buruzko zirriborroa da. Wikipedia lagun dezakezu edukia osatuz.