Inkscape
Inkscape irudi bektorialekin lan egiteko aplikazio bat da, XML, SVG eta CSS estandarrekin bat egiten duena. Plataforma-anitza da, Unix sistemetan eta Mac OS X eta Microsoft Windows sistema eragileetan erabil daitekeelako. 2003an plazaratu zen lehen aldiz.
Inkscape hainbat formatu onartzen ditu[1], esaterako FXG, SIF eta HTML5 formatuetara esportatzen du, eta VSD (Visio de Microsoft) eta CDR (CorelDraw) fitxategiak inportatzen ditu. Horrez gain, WMF/EMF formatuak plataforma guztietan irakur eta idatz daitezke, eta GIMPen XCF, PDF, EPS eta PS+LaTeX formatuekin lan egiteko aukera eskaintzen du.
Ezaugarriak
aldatuInkscape kode irekiko grafiko bektorialen editore bat da, Adobe Illustrator, Macromedia Freehand, CorelDraw edo Xara X antzeko gaitasunak dituena, eta W3Cren estandarra erabiltzen du: Scalable Vector Graphics (SVG) fitxategi-formatua. Hauek dira edita ditzakeen osagaiak artxibo baten barruan: formak, trazuak, testua, markatzaileak, klonak, alfa kanalen nahasketak, transformazioak, gradienteak, patroiak eta taldekatzeak. Inkscapek Creative Commons metadatuak, adabegien(nodoen) eta bézier kurben edizioa, geruzak, eragiketa konplexuak trazuekin, fitxategi grafikoak bektore bihurtu, testua bektore bihurtu, testuen lerrokadura, XMLren edizio zuzena eta abar.
Postscript, JPEG, PNG eta TIFF formatuak inporta ditzake, eta PNG eta bektoreetan oinarritutako formatu asko esportatzen ditu.
Erabiltzaileen eta garatzaileen komunitate bat mantentzen du, garapen sistema irekia eta komunitateei bideratua erabiliz, eta Inkscape ikasteko, erabiltzeko eta hobetzeko tresnak eskaintzen ditu.
Objektuak sortzea
aldatuMarrazkiak eta testuak sortzeko hainbat tresna ditu, pantailaren ezkerrean bertikalki ordenatzen direnak: lauki zuzena sortu, zirkulua sortu, poligonoak, 3D objektuak, espiralak, Bézier kurbak, lerro zuzenak, testuak, eta abar.[2] Bézier luma (jatorrizkoan "Bezier pen") tresna garrantzitsuenetako eta erabilienetako bat da, irudiak eta formak libreki marrazteko aukera ematen baitu.[3]
Objektuak manipulatzea
aldatuMarrazkian jasotako objektu guztiak alda daitezke: mugitu, biratu, eskalatu, luzatu. Transformazioaren parametroak zenbakiz zehaztu daitezke "Transformatu" elkarrizketaren bidez. Transformazioek nodoetako angeluak, tramak, gidak eta beste objektu batzuk doitu ditzakete. Objektuak moztu, kopiatu eta itsatsi egin daitezke. Taldekatu eta banandu daitezke eta bikoiztu egin daitezke.
Objektuak ordenatzea
aldatuArtxiboaren barruan dauden objektu guztiak banaka trata daitezke, eta haiek zerrenda batean ikusteko, "Geruzak eta objektuak" panela erabil daiteke, non objektuak edo objektu taldeak geruzatan ordena daitezke haien manipulatzea errazte aldera. Adibidez, geruzak, azpigeruzak edo objektuak berak banan banan bistatik ken ditzakegu, beste objektuak argiago ikusteko, edo haien editatzea blokeatu giltzarrapoa ikonoa itxiz. Pelenaren hurrenkera honakoa da: mihisean aurrerago kokatuta dauden objektuak (ikuslearengandik gertuago), gorago daude panelean.
Multzoak karpeten bidez irudikatzen dira "Geruzak eta objektuak" panelean, eta multzokatuta dauden objektuak, kapeta baten barruan egongo dira panelean. Geruzen kasuan bezala, karpetak (hau da, multzoak) zabaldu ditzakegu, barruan zer objektu dauden ikusteko.
Testua Inkscapean
aldatuBektore bidezko irudiak editatzeko erabiltzen diren beste software askotan bezala, Inkscapek testua gehitzeko eta maneiatzeko tresnak ditu. Testuaren letra iturria aukera daiteke, tamaina, etzana, zuzena, letra lodia edo gogorra (Heavy) izango den, bertikalki edo horizontalki idatzi, eta beste. Hizkien eta hitzen arteko tarteak alda daitezke. Ortografia zuzentzeko tresna du. Testu paragrafoetan, lerroen arteko tartea alda daiteke, ezkerrera, eskuinera edo erdira lerrokatuko den edo testua justifikatu egingo den. Justifikatutako testuan, lerro guztiek puntu horizontal berean hasi eta bukatzen dira, eta horrek testuari kutxa laukizuzen baten itxura ematen dio.
Azkenik, testua "bide" (path) bihur daiteke eta horrela, hizki bakoitza poligono bat izango da, eta testu osoa, bektore multzo bat. Hortik aurrera, beste irudi geometriko bat izango balitz bezala editatu dezakegu testu hori, baina ez testu moduan, ordenagailuak ez baitu aurrerantzean objektu hori, testu gisa identifikatuko.
Erreferentziak
aldatu- ↑ Inkscape berria 0.91 bertsioa prest dago. 2015-07-02 (Noiz kontsultatua: 2015-07-02).
- ↑ (Ingelesez) Developers, Inkscape Website. «Features | Inkscape» inkscape.org (Noiz kontsultatua: 2025-01-28).
- ↑ (Gaztelaniaz) Fernández, Cristina Arroyo. «Guías BibUpo: Introducción al diseño gráfico con Inkscape: Herramientas para el dibujo» guiasbib.upo.es (Universidad Pablo de Olavide) (Noiz kontsultatua: 2025-01-28).
Kanpo estekak
aldatu- (Ingelesez) Inskcaperen webgunea.
Ikus, gainera
aldatuTutorialak eta argipenak
aldatu- (Gaztelaniaz)Tutoriales Inkscape Inkscape (Itzulpena ez da oso ona)
- (Ingelesez) Inkscape Tutorials Inkscape
- EuskalGNU: "Doan deskargatzeko bideo-tutoriala". (240 MB).. (Wayback Machinen)
- (Gaztelaniaz) Inkscape Diseño Vectorial Gratuito y de código abierto (Inkscape-ko erabiltzaileen komunitatea, gaztelaniaz. Laguntza, txantiloiak, tutorialak eta beste).
- (Gaztelaniaz) (2024/09) Descargar e instalar Inkscape software libre de diseño vectorial. DAS Conocimiento
- (Gaztelaniaz) (2024/01) Uso y manejo de la aplicación Inkscape. INA Virutal (Marrazki konplexuak egiteko tutoriala)
- (Ingelesez) (2023/01) How to Create Youtube Covers (Thumbnails) with Inkscape
- (Gaztelaniaz) Herramientas de edición en Inkscape. Biblioteca CRAI de la Universidad Pablo de Olavide.
- (Gaztelaniaz) (2018) Amarauna tresna: Herramienta Rejilla de Inkscape parte 1 de 2 Libre Diseño Tutoriales.
- (Gaztelaniaz) Introducción al diseño gráfico con Inkscape. Guías y tutorailes de la biblioteca/CRAI. Biblioteca CRAI de la Universidad Pablo de Olavide. Azken eguneratzea: 2024ko otsailaren 23
- (Gaztelaniaz) (2024/04) Cómo usar la herramienta Pluma y Bézier en Inkscape. Analista de sistemas.
- (Gaztelaniaz) (2024/11) Manejo del texto y propiedades en Inkscape - Parte 7. DAS Conocimiento
- (Gaztelaniaz) Ciordia, José M. (2011ko urriaren 12) Traducir un mapa en formato .svg Pómpilo. blog de griego antiguo y cultura contemporánea.
- (Gaztelaniaz) (2019ko apirilak 18) Curso Inkscape cap. 2 Herramienta Pluma de Bézier y Crear imágenes PNG. Libre Diseño Tutoriales.