Labetze-Bizkai
Labetze-Bizkai ([laβets̻e bis̻kai]) Nafarroa Behereko udalerria da eta Amikuze eskualdean dago kokaturik.
Labetze-Bizkai | |||
---|---|---|---|
Nafarroa Beherea, Euskal Herria | |||
| |||
Kokapena | |||
Herrialdea | Euskal Herria | ||
Lurraldea | Nafarroa Beherea | ||
Administrazioa | |||
Estatua | Frantzia | ||
Eskualdea | Akitania Berria | ||
Departamendua | Pirinio Atlantikoak | ||
Elkargoa | Euskal Hirigune Elkargoa | ||
Barrutia | Baiona | ||
Kantonamendua | Bidaxunerria, Amikuze eta Oztibarre | ||
Izen ofiziala | Labets-Biscay | ||
Auzapeza | Jean-François Anglade (2008-2014) | ||
Posta kodea | 64120 | ||
INSEE kodea | 64294 | ||
Herritarra | labeztar-bizkaitar | ||
Kokapena | |||
Koordenatuak | 43°23′03″N 1°03′27″W / 43.3842°N 1.0575°W | ||
Azalera | 8,79 km2 | ||
Garaiera | 20 – 122 metro | ||
Distantzia | 38 km (Donibane Garazitik) | ||
Demografia | |||
Biztanleria | 159 (2018: −5) | ||
Dentsitatea | 16,95 biztanle/km² | ||
Zahartzea[1] | % 25,57 | ||
Ugalkortasuna[1] | ‰ 30,5 | ||
Ekonomia | |||
Jarduera[1] | % 71,26 (2011) | ||
Desberdintasuna[1] | % 21,35 (2011) | ||
Langabezia[1] | % 0 (2013) | ||
Euskara | |||
Euskaldunak | % 12,05 (2010) | ||
Erabilera | % 0,83 (2011) | ||
Datu gehigarriak | |||
Sorrera | 1841 | ||
Webgunea | http://www.conseil-general.com/mairie/mairie-labets-biscay-64120.htm |
Geografia
aldatuIngurune naturala
aldatuAmiküze eskualdea historikoki zatituta zegoen hiru eremuetatik Ahetze izenekoan kokatuta dago. Amikuze muino apal eta ugariren lurraldea da eta halakoa da Labetze-Bizkai ere: punturik altuena (122 m) Labetzen dago, Altzümartarekiko mugan eta baxuena (22 m) Bizkain, Biduze ibaiaren ertzean. Herriko Etxea 60 metrotan dago.
Aipatu Biduze ibaiak udalerri hau eta Ilharreren arteko muga marrazten du ekialdean. Urak ibai honetara isurtzen dituzten Minhurrieta eta Sallarteko errekak ere udalerri batzuen mugak markatzen dute: lehenak iparraldetik Burguerekin eta mendebaldetik Martxuetarekin, bigarrenak ekialdetik Gabadirekin.
Udalerri mugakideak
aldatu- Burgue-Erreiti iparraldean
- Gabadi eta Ilharre ekialdean
- Martxueta mendebaldean
- Behauze hego-mendebaldean
- Amendüze-Unaso eta Lüküze-Altzümarta hegoaldean
Agaramonten dagoen lehena izan ezik, denak dira herri amikuztarrak.
Herriak eta auzoak
aldatuUdalerria osatzen duten bi herrietako kaskoetan jende gutxi bizi da eta hainbeste auzo sakabanatu daude:
- Bizkain Larraldia, Bidegain, Garatia, Sala, Malgoria...
- Labetzen Etxebarnea, Lagart, Latsaga, Bidartia...
Errepideak
aldatu- D 11 (Donapaleu-Bidaxune) departamendu mailako errepidean Altzümarta pasatuta D 646 izenekoa ateratzen da, Labetzeraino heltzen dena.
- D 11tik beretik, Martxuetan D 246 abiatzen da; Bizkairako gurutzean (D 321 errepidea ezkerrerantz jotzen duena) hegoaldera joan eta Labetzetik pasa ostean, Biduze zeharkatu eta berriro iparralderako norabidea hartuta Ilharrera eramaten gaitu.
- D 321: hegoaldetik abiatuta Labetzetik Bizkaira eramaten gaitu eta hortik iparralderantz segituta Agaramont eskualdera, hau da Bidaxune aldera.
Izenez
aldatuLabetze
aldatuDokumentazio historikoan lekuizen hau forma desberdinetan agertzen da: Labedz (1120an Okzitaniako Sòrdako kartularioan, 1134an), Sanctus Martinus de Lavez (1160an), Lavetz (1268an), Lavez (1304 eta 1309an), Lavetç (1350ean), Labetz (1316, 1413 eta 1472an Bastidaxarreko notarioen idazkietan) eta Labez (1513ko Iruñeko dokumentazioan). Arlo hori landu dutenek[2] , Jean-Baptiste Orpustanek bereziki, dio erroa "labe" eta zehatzago "galtzina-labe" zentzuarekin izan daitekeela, bestela "arragoa" esanahia duen hitza ere izan daitekeela.
Bizkai
aldatuEtimologikoki Euskal Herri osoan dauden "bizkai" eta "bizkar" guztiak bezala, "muino, mendi xume" itzulpena eman ohi zaio.
Historia
aldatu1841eko maiatzaren 12an Labetze eta Bizkai herriak batu egin ziren udalerri bakarra osatzeko.
Demografia
aldatu
|
Oharra: 2006ko biztanleria, INSEEk emaniko behin-behineko datua da; fusio aurreko 1836ko datuak Labetzeri baino ez dagozkio.
Herri elkargoak
aldatu- Amikuzeko Herri Elkargoan dago.
- Hezkuntza arloan Amendüze-Unaso, Gabadi eta Ilharrerekin batera RPI (regroupement pédagogique intercommunal, "udalerri arteko bateratze pedagogikoa") delako bat sortu zuen; udalerria eskolarik gabe geratu zen.
Labeztar-bizkaitar ezagunak
aldatu- Martin Minvielle[3] (1886-1948) medikua, Labetzen jaio eta hila.
- Pierre Narbaitz Jauregi (1910 - 1966) apaiz eta misiolari labeztarra.
- Bernardin Narbaitz Jauregi aurrekoaren anaia.
Kartografia
aldatu- IGNko 1:25.000 eskalako 1444 O (Salies-de-Béarn) eta 1445 O (Saint-Palais) mapak.
Erreferentziak
aldatuIkus, gainera
aldatuKanpo estekak
aldatu- (Frantsesez) Labetze-Bizkai annuaire-mairie.fr.n.
Artikulu hau Nafarroa Behereko geografiari buruzko zirriborroa da. Wikipedia lagun dezakezu edukia osatuz. |
Euskarazko Wikipedian bada atari bat, gai hau duena: Euskal Wikiatlasa |