Null
Lapurdiko armarria Ongi etorri Lapurdiko Atarira!
Lapurdi

Lapurdi Euskal Herriko erdialdeko herrialdea da, egun Frantziako estatuaren barneko Akitania eskualdeko Pirinio Atlantikoak departamenduko (64) parte dena, eta Bizkaia, Gipuzkoa, Araba, Nafarroa Garaia, Nafarroa Beherea eta Zuberoarekin batera, Euskal Herria osatzen duena. 858 km²ko eremua du eta 2013an 243.466 biztanle zituen. Ez du inolako lurralde ofizialtasunik Frantziako administrazioan. Hiriburua Baiona da, nahiz eta hori, euskal antolaketa politikoak deuseztatuak izan ostean izendatu zuten. Baiona Pirinio Atlantikoetako departamenduko suprefetura eta Ipar Euskal Herriko hiririk jendetsuena da.

Iparraldean Gaskoniarekin du muga, ekialdean Nafarroa Beherearekin, mendebaldean Kantauri itsasoarekin eta hegoaldean Gipuzkoa eta Nafarroa Garaiarekin. Baionaz gain, Angelu, Biarritz, Donibane Lohizune eta Hendaia dira hiri nagusiak.
...gehiago irakurri

Gai nagusiak
Nabarmendutako lapurtar artikulua Nabarmendutako lapurtarra

Abadia jauregia, sarri Abbadia grafiaz, Hendaiako (Lapurdi) itsaslabarren gainean dago, Santa Ana muturraren eta Ondarraitz hondartzaren ondoan. Anton Abadiak eraikiarazi zuen 1860 eta 1870 artean, Eugène Viollet-le-Duc eta haren jarraitzaile Edmond Duthoit arkitektoen zuzendaritzapean, estilo neogotikoan, eta Ingalaterran XIX. mendean egin ziren gazteluen eredura.

Anton Abadiaren paperen arteko 1865eko aurrekontu batzuetan, gaztelua egiteko aurreikusiriko gastuen guztizko kopurua ageri da: 172.887 libera, altzariak kontuan hartu gabe. Hil aurretik, Anton Abadiak gaztelua eta lur sail osoa Frantziako Zientzia Akademiari utzi zizkion.

...gehiago irakurri

Jacques Laffitteokzitaniera arautuan Lahita edo Lafita— (Baiona, Lapurdi, 1767ko urriaren 24a - Paris, Frantzia, 1844ko maiatzaren 26a) bankaria eta politikaria izan zen.

Banka munduan igoera azkarra izan eta Frantziako Bankuaren gobernadorea bihurtu zen. Diputatu liberala, 1830eko Uztaileko Iraultzan esku hartu zuen eta frantses estatuko goreneko kargu politikoa okupatu zuen: Ministro Kontseiluko presidentea izan zen, hau da, lehen ministroaren edo gobernuburuaren orduko baliokidea. Luis Filipe I.arekin suertatu zen hori, bere 1. legegintzaldian. Charles Floquetekin batera kargu hau okupatu duen euskal herritar bakarra da.

Biografia aldatu

Baionako Baiona Ttipia auzoko Trinket karrikako (orduan Maubec izena zeramana) 2. zenbakian jaio zen 1767an familia umil eta ugari (10 neba-arreba ziren) batean; bere aita Pierre Laffitte (1789an hila) arotza zen. Ikasketa laburren ostean 12 urterekin arotz-ikastun bihurtu zen bere aitarekin; gero bi urtez Baionako notario baten hirugarren idazkari aritu zen eta hamalaurekin hiri honetako Formalaguès izeneko tratulariaren zerbitzupean hasi zen.

...gehiago irakurri

Iruditegia
Atal honetan Lapurdiri buruzko argazki eta irudiak aurkituko dituzu, betiere gaiaren arabera sailkatuak:


Lapurdiko arkitekturaLapurdiko udaletxeakLapurdiko elizakLapurdiko itsasbazterrakLapurdiko mapakLapurdiko jaiak



Azkaine.