Martin Berasategi
Martin Berasategi Olazabal (Donostia, Gipuzkoa, 1960ko apirilaren 27a) sukaldaria da, Euskal Herriko sukaldaritza modernoaren ordezkari nagusietako bat. Familiak jatetxe bat zuen Donostiako Parte Zaharrean, Bodegón Alejandro izenekoa, eta hantxe hasi zuen bere prestakuntza, amaren eta izebaren gidaritzapean, tarteka-marteka Frantzian egonaldiak eginez osatu zuena. Hogeita bat urtearekin hartu zuen bere gain jatetxearen ardura, eta bost urte geroago (1986) Michelin Gidaren izar bat lortu zuen.
| Martin Berasategi | |
|---|---|
 | |
| Bizitza | |
| Jaiotzako izen-deiturak | Martin Berasategui Olazabal |
| Jaiotza | Donostia, 1960ko apirilaren 27a (64 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | sukaldariburua |
| Lantokia(k) | Martin Berasategi eta Fifty Seconds (en)  |
| Jasotako sariak | ikusi
|
| martinberasategui.com | |
Martin Berasategi taldeari izena ematen dio eta hainbat jatetxe dauzka. Horien artean ezagunena, Martin Berasategi izenekoa, Lasarten dago eta hiru izar ditu Michelin Gidan. 2008an munduko 29. jatetxe onena bozkatua izan zen.[1] Taldearen beste jatetxeak dira Kursaal batzar jauregikoa Donostian eta Guggenheim museokoa Bilbon.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
aldatu- (Gaztelaniaz) (Ingelesez) (Frantsesez) Martin Berasategi jatetxea
Datuak: Q2179139
Multimedia: Martín Berasategui / Q2179139
