Apustu

Apustu, trabesa, postura, desafioa, jokoa edo, batez ere idiak tartean daudenean dema, joko mota bat da, non galtzaileek dirua edo aurretik erabakitako beste zerbait eman beharko dieten irabazleei.

Herri kiroletan ohikoak izan dira apustuak, desafioak. Parte hartzaileen artean, kirolarien artean, postura egotea ohikoa izan da eta ikusleen artean ere bai.

Euskal Herrian tradizio luzeko ohitura da. XVI. mendekoak dira dokumentu-lekukorik zaharrenak.

Artekariak

Apustuak kudeatu eta ordainketak bideratzen dituztenei apustu-artekari (edo artekari) deritze. Artekariak joko edo apostuaren gaiarekiko neutralak behar dute izan, eta emaitzan eragiteko gaitasunik gabeak, teorian.

Apustuak artekaridunak izan daitezke, jokoetxe eta kirol-apustuetan, adibidez. Lagunarteko apustuak artekaririk gabeak izan ohi dira, eta galtzaileak zuzenean ordaintzen dio irabazleari.

Kanpo estekak

• Datuak: Q11416
• Multimedia: Gambling