Paris Saint-Germain FC

Paris Saint-Germain (PSG) Frantziako futbol talde nagusietakoa da, Paris hiriburukoa. 1970ean sortu zuten Stade Saint-Germain eta Paris FC taldeek bat eginez. Talde koperoa izan den arren sei liga ere eskuratu ditu, azkena 2016an. Europan ere ongi ibili da eta Futbol Errekopa irabazi duen talde frantziar bakarra izan da eta 2020an Txapeldunen Ligako finala jokatuko du.

Paris Saint-Germain FC

Ezizena(k)	PSG
Sorrera	1970
Futbol zelaia	Parc des Princes edukiera: 46.480 lagun inaugurazioa: 1897
Presidentea	Nasser Al-Khelaïfi
Entrenatzailea	Luis Enrique
Liga	Ligue 1
2023-24	1.a
Webgunea	Webgune ofiziala
Etxekoa 　 Kanpokoa

Azken urteetan Frantziako Liga eta Kopak nagusitasun osoz irabazi ditu.

2013-14ko Txapeldunen Ligako partida Chelsearen aurka.

PSG-ren zaleak.

Historia

Sorrera

Stade Saint-Germain (1904) eta Paris FC (1969) taldeek bat egitea erabaki zuten 1970an. 1974ean lehen mailara igotzea lortu zuen eta lehenengo garaipenak Kopa txapelketan iritsi ziren, 1982 eta 1983an. Lehenengo liga berriz 1986koa izan zen. Emaitza hauek Europan jokatzeko aukera eman zioten eta bereziki gogoangarria da Juventus FC-ren aurkako kanporaketa.

Canal + jabea

1991eko maiatzean Canal+ telebista kateak erosi zuen taldea eta Paris Saint-Germainek "urrezko aro" bati hasiera eman zion, hamarkada honetan Liga bakarra eskuratu arren 3 kopa eskuratu baitzutuen. Honetaz gain Europako lehenengo garaipena iritsi zen, bi aldiz jarraian Europako Errekopako finalak jokatu baitzituen, bata irabazi (Rapid Vienaren aurka 1-0) eta bestea galduz (FC Barcelonaren aurka 1-0).

Milurteko berria ere maila berean hasi du, liga bat eta hiru kopa irabaziz. Hala ere Europa mailan Intertoto Kopa bat baino ez du irabazi.

Qatarreko jabea

2011ean Qatar Investment Authority bihurtu zen Paris Saint-Germainen %70aren jabe. Nasser Al-Khelaïfi enpresagizonak berehala fitxaketa handiak egin zituen, urte hartan Europa osoan diru gehien gastatu zuen bigarren taldea izanik (Manchester Cityren ondoren). Hala ere lehenengo denboraldi hartan emaitza ez ziren esperotakoak izan, Liga ez irbazteaz gain UEFA Europa Leaguen ere taldekako fasea ez baitzuen gainditu. Taldekako fase hartan Bilboko Athletic Kluba izan zuen aurkari.

2012-13 urtean fitxaketa berriak egin ditu (Zlatan Ibrahimović, Thiago Silva, Lucas Moura eta Ezequiel Lavezzi) 146 milioi euro gastatuz eta Liga irabazi erraz irabazi du bigarrenari 12 puntu atereaz. Txapeldunen Ligan final laurdenetara iritsi zen, FC Barcelonak kanporatu zuen. 2013-14 denboraldian berriz irabazi zuen liga, errekorrak ezarriz gainera puntu eta gol kopuruetan. 2014-15 denboraldian Frantzian jokoan jarritako txapelketa guztiak irabazi zituen. Txapeldunen Ligan ere final laurdenetaraino iritsi zen baina berriz ere FC Barcelonak kanporatu zuen.

2015-16an marka guztiak hautsi zituen Frantziako Ligan. 96 puntu lortu zituen bigarrenari 31 aterata, 30 partida irabazi zituen eta 102 gol sartu zituen. Horretaz gain Kopa, Ligako Kopa eta Superkopa ere irabazi zituen. Europan ordea ez zuen emaitza aipagarririk lortu, final laurdenetan kanporatua izan baitzen. 2016-17an Unai Emery entrenatzaile hondarribitarra fitxatu zuen. Bigarrena izan zen Ligan baina Kopa eta Ligako Kopa irabazi zituen. 2017-18an Liga eta Kopa eskuratu zituen.

2019-20 denboraldian COVID-19 pandemiak Liga bertan behera utzi zuen 28. jardunaldia osatzear zela. Paris Saint-Germanek partida jokatzeko zeukala 12 puntuko aldea ateratzen zion bigarrenari eta apirilean txapeldun izendatua izan zen. 2020an aurreneko aldiz Txapeldunen Ligako finala jokatzeko txartela eskuratu zuen baina Bayern Munichek 1-0 emaitzaz garaitu zuen.

2021eko udan Lionel Messi jokalari argentinarra fitxatu zuen. Hamargarren liga txapelketa eskuratu zuen, rankingean Saint-Étienne historikoa berdinduz. Kylian Mbappé laugarren aldiz jarraian izan zen Ligako golegile nagusia. 2022-23 denoraldian hamaikagarren Liga irabazi zuen eta Mbappé bosgarrenez izan zen golegile nagusia.

Uniformea

1970an sortu zenean taldeak Paris hiriaren koloreak diren urdina eta gorria hartu zituen eta Stade Saint-Germain taldearen kolore zuriarekin konbinatu zuen.

Historikoa

Stade Saint-Germain

Paris FC

1970

1973-tik

Azken urteak

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023
2023-2024	2024-2025

2023/2024 Taldea

2023ko uztailaren 20an eguneratua.

Zbk. Postua Jokalaria 2 ATZ Achraf Hakimi 3 ATZ Presnel Kimpembe 4 ERD Manuel Ugarte 5 ATZ Marquinhos 6 ERD Marco Verratti 7 AUR Kylian Mbappé 8 ERD Fabián Ruiz 10 AUR Neymar 14 ATZ Juan Bernat 15 ERD Danilo Pereira 16 ATE Sergio Rico 17 ERD Vitinha 18 ERD Renato Sanches 20 ATZ Layvin Kurzawa 25 ATZ Nuno Mendes 26 ATZ Nordi Mukiele 28 ERD Carlos Soler 29 ATZ Timothée Pembélé 31 ATZ El Chadaille Bitshiabu 33 ERD Warren Zaïre-Emery 34 ATZ Serif Nhaga 35 ERD Ismaël Gharbi 37 AUR Ilyes Housni 38 ERD Edouard Michut

Zbk. Postua Jokalaria 40 ATE Mathyas Randriamamy 44 AUR Hugo Ekitike 70 ATE Lucas Lavallée 90 ATE Alexandre Letellier 99 ATE Gianluigi Donnarumma - AUR Mauro Icardi - ATZ Abdou Diallo - ATE Keylor Navas - ERD Leandro Paredes - AUR Marco Asensio - ATZ Vimoj Muntu Wa Mungu - AUR Julian Draxler - ERD Zoumana Bagbema - AUR Djeidi Gassama - ATE Louis Mouquet - ATZ Colin Dagba - AUR Kenny Nagera - ERD Lee Kang-in - ATZ Nehemiah Fernandez - ERD Edouard Michut - ATZ Milan Skriniar - ATZ Lucas Hernández - ERD Cher Ndour

Utzitako jokalariak

Zbk. Postua Jokalaria - ERD Xavi Simons (RB Leipzigen utzita 2024ko ekainaren 30 arte)

Palmaresa

Frantzian: 47

• Ligue 1 (12): 1986, 1994, 2013, 2014, 2015, 2016, 2018, 2019, 2020, 2022, 2023, 2024.
• Frantziako Kopa (15): 1982, 1983, 1993, 1995, 1998, 2004, 2006, 2010, 2015, 2016, 2017, 2018, 2020, 2021, 2024.
• Ligako Kopa (9): 1995, 1998, 2008, 2014, 2015, 2016, 2017, 2018, 2020.
• Trophée des champions (Superkopa) (11): 1995, 1998, 2013, 2014, 2015, 2016, 2017, 2018, 2019, 2020, 2022.

Europan: 2

Txapeldunen Liga

• Txapelduna (0)
• Finalista (1): 2020.

Europako Errekopa

• Txapelduna (1): 1996.
• Finalista (1): 1997.

UEFA Intertoto Kopa

• Txapelduna (1): 2001.

Europako Superkopa

• Txapelduna (0)
• Finalista (1): 1996.

Lagunartekoak

• International Champions Cup (2): 2015, 2016

Jokalari ezagunak

Jean Djorkaeff, Nicolas Anelka, Jocelyn Angloma, Luis Fernandez, Mikel Arteta, Kylian Mbappé.

Euskal taldeen aurkako partidak

PSGk euskal taldeen aurka jokatu dituen partida ofizialak:

Denboraldia	Txapelketa	Fasea	Etxekoa	Emaitza	Kanpokoa
2011-12	UEFA Europa League	Liga fasea	Athletic PSG	2-0 4-2	PSG Athletic
2023-24	UEFAko Txapeldunen Liga	Final 1/8	PSG Real Sociedad	2-0 1-2	Real Sociedad PSG

Emakumezkoen taldea

Sakontzeko, irakurri: «Paris Saint-Germain FC (emakumezkoak)»

Gaur egun Olympique Lyonnais-en ondoren Frantziako talderik indartsuena da, azken lau urteetan ligan bigarren egin baitu. Ez du ordea ligarik irabazi. 2015ean Txapeldunen Ligako finala jokatu zuen baina FFC Frankfurt taldeak 2-1 emaitzaz garaitu zuen.

• Txapeldunen Liga:
  • Txapelduna (0)
  • Finalista (1): 2015.
• Frantziako Liga
  • Txapelduna (0)
  • Bigarrena (5): 2011, 2013, 2014, 2015, 2016.
• Frantziako Kopa:
  • Txapelduna (1): 2010.
  • Finalista (2): 2008, 2014.

Kanpo estekak

• (Frantsesez)(Ingelesez)PSGren webgune ofiziala

• Datuak: Q483020
• Multimedia: Paris Saint-Germain Football Club / Q483020