Dragoi Bola Z
Dragoi Bola Z (jatorrizko japonieraz ドラゴンボールZ edo Doragon Bōru Zetto, ingelesez Dragon Ball Z) Dragoi Bola animearen jarraipena da. Dragoi Bola Akira Toriyamak idatzi eta marrazturiko manga (komiki japoniarra) da. 1984tik 1995era Weekly Shonen Jump aldizkarian argitaratua izan zen.
Dragoi Bola Z | ||||
---|---|---|---|---|
![]() | ||||
Jatorria | ||||
Izenburua | ドラゴンボールZ | |||
Jatorrizko hizkuntza | japoniera | |||
Jatorrizko herrialdea | Japonia | |||
Sasoi kopurua | 1 | |||
Atalak | 291 | |||
Ezaugarriak | ||||
Genero artistikoa | ekintza-filma eta abenturazko filma | |||
Deskribapena | ||||
Oinarritua | Dragon Ball | |||
Ekoizpena | ||||
Konpainia ekoizlea | Toei Animation (en) ![]() | |||
Emanaldia | ||||
Jatorrizko igorlea | ![]() | |||
Hasiera-data | 1989ko apirilaren 26a | |||
Amaiera-data | 1996ko urtarrilaren 31 | |||
Fikzioa | ||||
Kontakizunaren tokia | Dragon World | |||
Fikzio-unibertsoa | Dragoi Bola unibertsoa | |||
Argumentu nagusia | Japoniar mitologia eta Borroka-artea | |||
dragonballz.com | ||||
![]() ![]() ![]() ![]() ![]() ![]() ![]() | ||||
kronologia | ||||
|
Dragoi Bola animea telebistarako mangaren moldaketa da. Guztira 508 atalez osatuta dago, hiru zati nagusitan banatuta: Dragoi Bola, Dragoi Bola Z eta Dragoi Bola GT. Hau hiru zatietatik bigarrena da eta 291 atal ditu eta 195. kapitulutik 519.era egokitzen ditu. Lehen atala 1989ko apirilaren 26an emititu zen Japonian Fuji Tv telebista katean. Atal hauetaz gain, beste 13 film, 2 atal berezi eta OVA bat ditu. Esan beharra dago animean jatorrizko mangan ez dauden istorioak agertzen direla edo mangaren istorioa apur bat aldatzen dela ere.
Argumentua
aldatuDragoi Bola Zk Son Goku eta bere lagunen abenturak kontatzen ditu. Orain Goku Chichirekin ezkonduta dago eta seme bat dauka.
Saiyak
aldatuSatan Txikiren aurkako azken borrokaz geroztik eta bakezko 5 urteren ondoren Raditz espazioko gerlaria Lurrera iristen da. Honek Gokuren semea, Son Gohan, bahitzen du. Semea askatzeko Goku Satan Txikirekin elkartzen da eta biak Raditz menperatzea lortzen dute, baina Gokuk bizia galtzen du borrokaldian. Honen ondoren Gokuren lagunek urtebeteko epea dute entrenatzeko, izan ere denbora horretan beste bi gerlari iritsiko dira Lurrera planeta suntsitzeko asmoz. Son Goku beste munduan Kaitorekin entrenatzen da. Urtea igarotzean Vegeta eta Nappa Lurrera heltzen dira; baina Son Goku, nahiz eta Dragoi Bolekin berpiztu, ez dago Lurrean oraindik. Hau borroka eremura heldu orduko Yamcha, Chaoz, Ten Shin Han eta Satan Txiki hilik daude, Krilin eta Son Gohan izanik bizirik irten diren bakarrak. Gokuk erraz garaitzen du Nappa, baina Vegeta menperatzeko hiruren laguntza, eta Yagirena ere, behar izan da. Hala ere Vegetak ihes egitea lortzen du.
Freezerren saga
aldatuBehin Satan Txiki hilda Ahalguztiduna, ere hil da, eta honekin Dragoi Bolak ere desagertu egin dira. Aurreko borrokan Satan Txiki namektarra zela ezagutzen da eta Bulmak, Krilinek eta Son Gohanek Namek planetara joatea erabakitzen dute bertako Dragoi Bolekin lagunak berpizteko. Horretarako, Ahalguztidunak Lurrera etortzeko erabili zuen espazio-ontzia erabiltzen dute. Behin Nameken daudela, alde batetik Vegeta eta bestetik Freezer Dragoi Bolen bila ari direla konturatzen dira. Baina Son Goku Namekerantz doa Bulmaren aitak eraikitako espazio-ontzi batean, non Lurrekoa baino 100 aldiz handiagoa den grabitate-indarrarekin entrenatu ahal den. Goku iritsi baino lehen Vegetak Dodoria eta Zarbon (Freezerren morroiak) hiltzen ditu, baina Krilin eta Son Gohanekin batera Freezerren Indar Berezien aurka ezinean ari da. Goku heldu orduko Indar Berezietako bat (Gurdo, bostetatik ahulena) hiltzea lortzen dute, baina orain Freezer 7 Dragoi Bolen jabe da. Hala ere ez daki dragoiari deitzen eta Buruzagi Nagusiarengana abiatzen da, Indar Berezien nagusia (Ginew) bolen zaindari bezala utziz. Bitartean Gokuk Indar Berezien beste bi gizon garaitzen ditu (Rikum eta Butter), gelditzen denari Jheese nagusiarengana ihes egiten uzten diolarik. Orduan Ginew eta Son Goku elkarren aurka borrokatzen dira, Ginew gorputz-trukea egitera behartuta dagoelarik (Ginewren arima Gokuren gorputzean sartzen da eta alderantziz). Vegetak Jheese hiltzen du, eta azkenean Goku bere gorputzera itzultzen da, larriki zaurituta geldituz. Goku sendatzeko, Vegetak Freezerren espazio-ontziko makina batean sartzen du eta lotaldi bat egiten du. Krilin eta Gohanek Denderen laguntzarekin 7 Dragoi Bolak hartu eta ontzitik isilean urruntzen dira Vegeta esnatu gabe. Hala ere Freezer, ordura arte Nailen aurka borrokatzen aritu zena, ontzira abiatzen da ziztu bizian. Dendek Polungari, Namekeko Dragoi Jainkoari, deitzen dio, zeina 3 gurari betetzeko gai den. Lehen gurarian Satan Txiki (Kaitorekin entrenatzen egon zela) berpiztea eskatzen dute, horrela lurreko Dragoi Bolak ere berpizteko. Bigarrenarekin Satanko Namekera ekar dezan eskatzen dute. Orduan Vegeta esnatu eta Polunga dagoen tokirantz joaten da, Krilin, Son Gohan eta Dende harrapatuz. Dende Vegetaren guraria (hilezkorra izatea) eskatzera zihoanean Polunga desagertu egiten da; Buruzagi Nagusia hil egin da. Orduan Freezer laukotea dagoen tokira heltzen da sututa. Azken borroka hastear dago eta Goku oraindik ez da guztiz sendatu.
Freezerrek, lehen eraldaketa eginez, Vegeta jipoitzen du. Satan Txiki, guda lekura bidean Nailekin bateratu zena, heldu egiten da Frezeerrekin indar parekatuarekin borrokatzen delarik. Hala ere, Frezeer bigarrenez eta hirugarrenez eraldatzen da eta Satan Txiki eta Vegeta jokoz kanpo uzten ditu. Orduan Goku guztiz sendatzen da eta Freezerren bila joaten da. Son Goku, nahiz eta Kaitoren erasoa hogei aldiz biderkatua erabili, ez da Freezerri aurre egiteko gai. Freezerrek Krilin hiltzen du, Goku hau ikustean suminak jota kondairetako Goi Gerlaria bihurtzen da, Freezerren indarra askogatik gaindituz. Bitartean, Lurrean Shenron dragoia deitzen dute eta Nameken hildakoak berpizteko eskatzen diote. Buruzagi Nagusia ere berpiztu egiten da, eta ondorioz baita Polunga ere. Polungaren azken gurariarekin Namekeko biztanle guztiak (Goku eta Freezer ezik, Gokuk eskatuta) Lurrera bidaltzen dituzte. Namek planeta eztanda egiteko zorian da eta Freezer gorputza bitan zatituta duela Gokuren energia bola batekin hiltzen da. Gokuk ihesbiderik ez duela, planetak eztanda egiten du. Beranduago, Lurrean, Dragoi Bolei esker hildako lagunak berpizten dituzte, Goku izan ezik. Izan ere, hau bizirik zegoen eta ez zuen oraindik Lurrera joan nahi.
Garlic Gazteren itzulera
aldatu- Oharra: pasarte hau ez da mangan agertzen.
Behin guztiak Lurrean direla, Garlic Gaztek Herio-zulotik ihes egitea lortzen du, eta bere lau jarraitzaileekin Jainkoaren lekua hartzera doaz. Jainkoa eta Popo harrapatu ostean, Garlic Gaztek gizakiak deabru bihurtzen dituen lanbroa Lurrean zehar isurtzen du. Besteak beste, Iratxo Dortoka, Yamcha, Bulma eta Chichi deabru bihurtzen dira; baita Satan Txiki ere, hauek kosk egitean. Gohan eta Krilin Jainkoaren jauregira joaten dira, Gohanek bi deabru akabatzea lortzen duelarik, baina Satan Txikik jipoitu egiten du. Hala ere Satan Txiki gezurretan zebilen, Jainkoa eta Popo jauna askatzeko aukeraren zain, baita lortu ere. Baina Garlicek eta bi deabruek gain-ahalmena lortzen dute Lilura Beltzari esker, eta bitartean Jainkoa eta Popo jauna Ur Birjainkotarra lurrean zabaltzeko Zeru Barrenera doaz. Son Gohanek beste bi deabruak menperatzen ditu. Jainkoak bere bizia arriskuan jartzen du Popok Ur Birjainkotarra Lurrean zabal dezan Haize Korronteen Zuloa erabiliz. Garlicek, bere egitasmoa zapuztu dutela ikustean, Herio-gunea zabaltzen du. Orduan Gohanek Lilura Beltza desegiten du Garlic indarrik gabe utziz, berak zabaldutako Herio-guneak irensten duelarik. Dagoeneko lurtar guztiak bere onera itzuli dira.
Ziborren saga
aldatuDenbora asko da Gokuren berririk ez dela, eta bat-batean Freezer (erdi-zibor bihurturik) eta bere aita Lurrera iristen dira. Orduan mutil bitxi bat, Trunks, agertzen da, Goi Gerlari bihurtzen dena (denen harridurarako), bi tiranoak hiltzen dituena eta Gokuren bila doala dioena. Ordu batzuen ondoren Goku Lurrera iristen da, eta Trunksek, etorkizunetik etorritakoa, esaten dio 3 urte barru 2 zibor ahaltsu eta zital agertuko direla eta mundua suntsituko dutela. Honen ondorioz, Z gerlari guztiak 3 urtez entrenatuko dira.
3 urteak igaro ondoren, Trunksek esandako leku eta orduan, 2 ziborrak agertzen dira: Zibor 19 eta Zibor 20 (Gero doktorea, Zapi Gorridun Armadako zientzialaria, zibor bihurtuta). Zibor hauek arerioaren energia xurgatzeko ahalmena dute eta ia Yamcha hiltzen dute. Borroka hasterakoan, Goku gaixotu egiten da, Trunksek esan bezala. Mementoan Vegeta agertzen da Super Saiya bihurtuz eta Zibor 19 suntsituz. Gerok, hau ikustean, laborategira ihes egiten du Zibor 17 eta Zibor 18 esnatzeko. Orduan Trunks berriro agertzen da, Zibor 19ren burua ikusiz eta zibor hau ezagutzen ez zuela esanez. Gerok bi ziborrak esnatzea lortzen du, baina bi hauen eskuetan hiltzen da, eta gainera Zibor 16 ere esnatzen dute. Ziborren eta Z gerlarien arteko borrokan ziborrek irabazten dute, nahiz eta inor ez den hiltzen. Indaba Miragarriei esker denak sendatzen dira, eta Satan Txiki Jainkoarekin batzera joaten da, honela bere indarra asko handituz.
Cellen saga
aldatuAldi berean beste izaki bat agertzen da, Cell deiturikoa, hainbat gerlariren zeluletatik sortua: Son Goku, Vegeta, Satan Txiki, Freezer... Satan, Super Namektar bihurtuta, honen bila joaten da, ziborrak baino arriskutsuago izan baitaiteke. Cellek pertsonak xurgatzen ditu indarra bereganatzeko eta Zibor 17 eta 18 xurgatzean egoera perfektura iritsiko da. Cellek Satanengandik ihes egiten du, baina zorionez Goku sendatu egiten da. Gokuk gerlari guztiak elkartzen ditu Espazio eta denboraren gelan entrenatzeko (kanpoan egun bat igarotzean barruan urte bete pasatzen da) eta Super Saiyen maila gainditzeko asmoz. Vegeta eta Trunks sartzen dira lehenengo. Bi hauen eguna bukatzear zela, ziborrak eta Satan borrokan hasten dira. Cell honetaz konturatzen da eta hauek dauden tokirantz abiatzen da; izan ere, ziborrak garaitzeko ahalmena lortu du. Cell heltzean Satan ia hil eta Zibor 17 xurgatzen du, indar ikaragarria bereganatuz. Orduan Vegeta eta Trunks gelatik irten eta Cellen bila joaten dira. Goku eta Gohanen txanda da entrenatzeko. Vegetak, Saiyen maila gainditurik, Cell jipoitzen du. Baina bere harropuzkeria dela eta, Celli Zibor 18 xurgatzen uzten dio, gorputza guztiz osatuz.
Orduan Cellek, gorputz perfektuarekin, Vegeta eta Trunks (Vegeta baino indartsuagoa da) garaitzen ditu, eta 10 eguneko epea ematen die gerlariei entrenatzeko eta berak antolatuko duen arte martzialen lehiaketan agertzeko. Epe honetan Son Goku Namek planeta berrira joaten da (Bat-bateko lekualdaketa teknika erabiliz) eta Dende ekartzen du Jainko posturako eta Dragoi Bolak berpizteko. 10 egunak igarota Z gerlariak eta Satan Jauna (eta bere "armada") agertzen dira lehiaketan. Goku izango da Cellen lehen arerio serioa, baina azkar etsiko du; eta bigarrena Son Gohan, denen harridurarako. Cellek Gohan garaitzeko arazorik ez du, baina badaki Gohanen benetako indarra ikusteko haserrarazi egin behar duela, baita lortu ere. Son Gohan 2. mailako Super Saiya bihurtzen da. Son Gohanen kolpe baten ondorioz, Cellek Zibor 18 botatzen du bigarren eraldaketara itzuliz. Cellek, etsipenak jota, bere burua suntsitzeko mekanismoa martxan jartzen du, eztandarekin Lurra eta bere biztanle guztiak desagertarazteko helburuarekin. Hau ikusita Son Gokuk Bat-bateko lekualdaketa erabiliz Cell Kaitoren planetara eramaten du, eztanda bertan izanik. Goku eta Kaito hil egiten dira, baina Cell birsortu egiten da Satan Txikiren zelulei esker, eta berriz ere egoera perfektuan eta indar gehiagorekin. Cell Lurrera itzultzen da, baina Son Gohanen Kame Hame uhinarekin (eta Gokuren laguntzarekin) Cell guztiz hiltzen du. Cellek eta ziborrek hildako bizilagun guztiak Dragoi Bolekin berpizten dira, Son Goku izan ezik, honek ez baitzuen berpiztua izan nahi.
Beste Munduko Txapelketa
aldatu- Oharra: pasarte hau ez da mangan agertzen.
Cell hilik dela, Son Gokuk beste munduan lasai entrenatzen jarraitzen du, ondo baitaki bere seme Son Gohan unibertsoko gizaki indartsuena dela. Bertan beste hiru Kaito Jainkoak ezagutzen ditu, ekialdeko (Eki Kaito), mendebaldeko (Mendebal Kaito) eta hegoaldeako (Hego Kaito) galaxiakoak (jada ezagutzen zena iparraldeko galaxiakoa da, Ipar Kaito). Kai Errege Handiaren planetan Arte Martzialen Txapelketa bat antolatzen da. Son Gokuk lehiaketan parte hartzen du, finala Paikuhanen aurka jokatzen duelarik. Ez da irabazlerik izaten, zeren, Kai Errege Handiaren esanetan, biek ezagutzen ez zuten arau bat hausten dute.
Boo Ahaltsuaren saga
aldatuBitartean, Lurrean bake-aro bat bizitzen da. Son Gohan bigarren hezkuntza zikloa egiten hasten da eta bere gelan Videl ezagutzen du, Satan jaunaren alaba. Son Goten, Gohanen anaia txikia, jaio eta hazi egiten da. Videl neska indartsua da eta poliziari laguntzen dio kasu zailetan. Gohanek, bihotz onekoa denez, Videli laguntzea erabakitzen du. Baina bere nortasuna ezkutatzen du Bulmak egindako mozorro batekin eta Saiya Handia ezizena hartuz. Videlek harrapatu egiten du, ordea, eta gutxira jokatuko den Arte Martzialen 25. Mundu Txapelketan parte hartzera behartzen du. Lehiaketan Vegetak, Satan Txikik, Trunksek, Gotenek, Krilinek eta Zibor 18k ere parte hartuko dute. Une berezi honetarako eta Babari esker, Son Goku egun baterako Lurrera itzuliko da, txapelketan parte hartuz.
Txapelketa egunean beste lau partaide susmagarri agertzen dira: Spopovitch, Yamu, Shin eta Kibito. Satan Txiki eta Shinen arteko lehian, Shin Kaio Jainko goren bat dela argitzen da, eta Kibito bere morroia. Bi hauek Babidi izeneko azti maltzurraren bila datoz Lurrera, eta horretarako Son Gohan 2. mailako Super Saiya bihurtzea nahi dute, gero Spopobitchek eta Jamek bere energia har dezaten eta azkenik bi hauei jarraituz Babidiren ezkutalekua aurkitzeko. Babidik energia hau behar du bere aitak, Bibidik, sortutako Boo munstro izugarria esnatzeko. Z gerlariek Kaio Shini laguntzea erabakitzen dute.
Behin Babidiren ezkutalekuan (lurperatutako espazio-ontzi bat), Dabrak Kibito hiltzen du eta Satanko eta Krilin harri bihurtzen ditu. Gero ontzi barrura ihes egiten du eta Shin eta 3 saiyak ontzi barrura sarrarazten ditu. Barruan Gokuk Yakon menperatzen du, eta Vegetak Pui Pui, baina Son Gohan ezinean dabil Dabrarekin. Orduan gaizkileak Vegetaren gaiztakeriaz konturatzen dira, eta Babidik Vegetari indar gehiago ematen dio Gokuren aurka borrokatzeko (hau baita Vegetaren benetako nahia). Ondorioz, Goku eta Vegeta, 2. mailako Super Saiya bihurtuta, elkarren aurka borrokan hasten dira, eta zaurietatik xurgatutako energiaz, Book behar duen guztia lortzen du. Boo berriz bizira itzultzen da, Gohan eta Shin jipoitzen ditu eta Dabra hiltzen du (Satanko eta Krilin bere onera itzuliz). Goku eta Vegeta Booren indarraz konturatzen dira, baina Vegetak azken indaba miragarria hartuz Goku konorte gabe uzten du eta Boorengana abiatzen da.
Boo eta Vegetaren arteko borrokan, Vegeta hil egiten da. Gokuk konortea berreskuratu ondoren, gelditzen zaion denboran, Trunksi eta Goteni Bateraketa teknika erakusten die. Gainera, Booren aurka borrokatzen da 3. mailako Super Saiya bihurtuz, baina bere denbora Lurrean amaitu egiten da eta joan beharra du. Gotenek eta Trunksek Bateraketa egitean Gotrunks izeneko gerlaria sortzen da. Bitartean Kibitok, Dragoi Bolekin berpiztu ondoren, Shin eta Gohan aurkitu eta sendatu egiten ditu, eta gero hirurak (eta beranduago Goku) Kaio Shinen planetara (Neptuno) joaten dira. Bertan Gohanek Kaio Shin Agurea askatuko du, eta honek ordainetan Gohanen indar ezkutua esnaraziko du.
Lurrean Book eraldaketa bat jasango du, maltzurragoa eta indartsuagoa bilakatuz. Boo Jainkoaren jauregira doa eta bertatik lurreko izaki guztiak hiltzen ditu, Gotrunksen aurka borrokatu nahi du eta. Bi mutilak Espazio eta denboraren gelan Bateraketa teknika hobetzen eta entrenatzen doaz, eta bertan Boorekin borrokatzen dira. Hala ere laster kanpora itzuliko dira, eta Gotrunksek 3. mailako Super Saiya bihurtuta Boo jipoitu egiten du. Hala ere, egoera honek energia askoren beharra du eta berriz egoera normalera itzultzen da, balantza Booren alde jarriz.
Son Gohanen entrenamendua bukatu egiten da eta Lurrera joaten da Boori jipoi handia emanez. Hala ere ez du askorako balioko, izan ere Book Satanko eta Gotrunks xurgatzen ditu, Gohan baino ahaltsuagoa bihurtuz. Hau ikusita, Goku (bizirik berriz ere) Lurrera joaten da Kaio Shin Agurearen belarritakoak erabiliz Gohanekin batzeko. Planak huts egiten du, Book Son Gohan xurgatu egiten baitu, bere indarra bereganatuz. Orduan Babak Vegeta Lurrera eramaten du eta Gokurekin batzen da gerlari berri bat sortuz: Vegeku. Honek bere lagun guztiak askatuko ditu Booren barrenetik, ondorioz Boo jatorrizko itxurara itzuliko da eta Lurra suntsituko du. Goku, Vegeta, Dende eta Santan jauna Neptunora joaten dira Lurra ezereztu baino lehen, Boo beraien atzetik joango delarik. Azkenean Gokuk Boo hilko du, Kaitok irakatsitako Indar Unibertsalaren teknika erabiliz.
Boo hil eta urte batzuk beranduago jokatzen den Arte Martzialen 28. Mundu Txapelketan, lagun guztiak berriro elkartuko dira. Gainera, bertan Oob agertzen da: Boo berriz bizira itzulita baina pertsona on baten barruan. Goku eta Oob txapelketako lehen lehian borrokatzen dira, eta biak elkarrekin entrenatzera joaten dira.
Atalen banaketa
aldatuAnimeak sagatan banatu ohi dira, hauek dira Dragoi Bola Zk dituenak:
Saga | Animeko atalak |
Saiyak (Espazioko Gerlariak) | 1etik 35era |
Freezerren saga | 36tik 107ra |
Garlic Gazteren itzulera | 108tik 117ra |
Androideen saga | 118tik 139ra |
Cellen saga | 140tik 194ra |
Beste Munduko Txapelketa | 195etik 199ra |
Boo Ahaltsuaren saga | 200etik 291ra |
- Oharra: "Garlick Gazteren itzulera" eta "Beste Munduko Txapelketa" ez dira mangan agertzen.
Ahotsak eta bikoizketa
aldatuDragoi Bola Edertrack estudioak bikoiztu zuen euskarara eta ETB1ek emititu zuen. Gidoien itzultzaile eta egokitzaile nagusia Xabier Amuriza izan zen. Hemen telesaileko zenbait pertsonaiari ahotsa eman zieten aktore eta bikoizleak:
Pertsonaia | Jatorrizko ahotsa | Bikoizlea |
---|---|---|
Son Goku | Nozawa Masako | Joseba Etxebarria |
Son Gohan | Nozawa Masako | Seve Atencia |
Satan Txiki | Toshio Furukawa | Miel Apaolaza |
Krilin | Mayumi Tanaka | Mikel Martinez |
Bulma | Hiromi Tsuru | Mariasun Iturragoitia, Analupe Fernandez |
Dortoka Maisua | Kōhei Miyauchi | Patxi Ugalde |
Ten Shin Han | Hirotaka Suzuoki | Kepa Cueto |
Yamcha | Tōru Furuya | Xeberri |
Oolong | Naoki Tatsuta | Madariaga |
Chichi | Mayumi Shō | Luz Enparantzala, Mariasun Iturriagagoitia |
Chaoz | Hiroko Emori | Beñat Gaztelurrutia |
Raditz | Shigeru Chiba | Mañu Elizondo |
Kaito | Jōji Yanami | Jabi Pombo |
Vegeta | Ryo Horikawa | Felix Arkarazo |
Nappa | Shozo Iizuka | Ramon Fernandez de Castro |
Freezer | Ryūsei Nakao | Joxe Felipe Auzmendi |
Son Goten | Nozawa Masako | Eba Ojanguren |
Zibor 18 | Miki Itō | Teresa Eguzkitza |
Zell | Norio Wakamoto | Jon Ander Alberdi |
Trunks | Hiromi Tsuru, Takeshi Kusao | Teresa Eguzkitza |
Boo | Kōzō Shioya | Txomin Madariaga |
Babidi | Jōji Yanami | Aitor Larrañaga |
Narratzailea | Jōji Yanami | Jesus Eguzkitza |
Dragoi-bola marrazki bizidunen itzulpena Xabier Amurizak egin zuen hasierako urteetan, ehunka atal itzuli ere. Maila altuko itzulpena landu zuela esaten zen, baita garaiko gazteen artean euskararen hedapenean asko lagundu zuela ere.[1] Esate baterako, gazte askorentzat, mutil askorentzat gehienbat, telebistako Dragoi Bolako pertsonaien hitanoa eredugarri bihurtu zen.
Filmak
aldatuDragoi Bola Zk 13 film ditu. Film hauek seriearen tramarekiko guztiz desberdinak dira eta ia inoiz ez dute seriearen denbora-lerroa jarraitzen.
- Garlic Gazteren infernua (1998ko uztailaren 15a) 1
- Munduko indartsuena (1990eko martxoaren 10a) 1
- Super gatazka munduan (1990eko uztailaren 7a) 1
- Son Goku Super Saiya (1991ko martxoaren 19a) 1
- Etsairik indartsuenak (1991ko uztailaren 21a) 1
- Burrukara!! 100 mila milioi gerlari ahaltsu (1992ko martxoaren 7a) 1
- Hiru Goi Gerlarien arteko borroka latza (1992ko uztailaren 11) 1
- Suaren borroka (1993ko martxoaren 6a) 1
- Galaxiako super mutila (1993ko abuztuaren 17a) 1
- Bikote arriskutsua!! Super gerlariek ez dute atsedenik (1994ko martxoaren 12a) 2
- Super mutilaren porrota!! Irabaz dezakeen bakarra naiz (1994ko uztailaren 14a) 2
- Bateraketa!! Goku eta Vegeta (1995eko martxoaren 4a) 2
- Dragoiaren eztanda!! Ez badu Gokuk egiten, nork egingo du? (1995eko uztailaren 15a) 2
- Dragoi bola Z: Jainkoen Bataila (2013eko martxoaren 3a) 1
- Dragon Ball Z: F Berpiztua (2015eko apirilaren 18a) 1
- 1) Izenburu hauek euskal bikoizketan emandakoak dira.
2) Film hauek ez dira euskaratuak izan, izenburu hauek titulu japoniarretik itzuli dira.
Atal bereziak
aldatuDragoi Bola Z lanak bi atal berezi ditu. Telebistarako egindako film luzeak dira, eta, ohiko filmak ez bezala, hauek seriearen barruan sartzen dira.
OVA
aldatuDragoi Bola Zk bi zatitan banatutako OVA (Original Video Anime) bat du. OVA hau Playdia bideo-joko enpresarentzat egin zen. Ez da inoiz Japoniatik irten, aurreko filmen ekoizlea eta OVAren ekoizlea ezberdina zelako (beraz ez da euskaratu).
Beste OVA edo atal berezia egin zen japoniar telebistarako Jump Super Anime Tour programan. Bertan Dragoi Bola Zko pertsonai gehienak ikus daitezke, halaber, beste berri batzuk agertzen dira.
2010eko Dragon Ball Raging Blast 2 jokorako 1993. urteko OVAren remake bat egin zen.
Musika
aldatu- Hasierako abestiak:
- "CHA-LA HEAD-CHA-LA" (1. ataletik 199.era)
- Hitzak: Yukinojo Mori
- Musika: Chiho Kiyooka
- Moldaketa: Kenji Yamamoto
- Interpretatzailea: Hironobu Kageyama
- "WE GOTTA POWER" (200. ataletik 291.era)
- Hitzak: Yukinojo Mori
- Musika: Keiju Ishikawa
- Moldaketa: Keiju Ishikawa
- Interpretatzailea: Hironobu Kageyama
- "CHA-LA HEAD-CHA-LA" (1. ataletik 199.era)
- Bukaerako abestiak:
- "Detekoi Tobikiri ZENKAI Pawā!"; でてこいとびきりZENKAIパワー! (1. ataletik 194.era)
- Hitzak: Naruhisa Arakawa
- Musika: Takeshi Ike
- Moldaketa: Kenji Yamamoto
- Interpretatzailea: MANNA
- "Boku-tachi wa Tenshi Datta"; 僕達は天使だった (195. ataletik 291.era)
- Hitzak: Yukinojo Mori
- Musika: Takeshi Ike
- Moldaketa: Osamu Totsuka
- Interpretatzailea: Hironobu Kageyama
- "Detekoi Tobikiri ZENKAI Pawā!"; でてこいとびきりZENKAIパワー! (1. ataletik 194.era)
Dragoi Bola Z animea Euskal Herrian
aldatuDragoi Bola Zko 291 atalak euskaraz bikoiztu ziren, baita dituen 13 filmetatik 9 eta 2 atal bereziak ere. Dragoi Bola Z ETB1 telebista katean hainbat aldiz emititu zen 1990eko hamarkada hasieratik aurrera. Euskaraz falta diren filmak eta OVA, dirudienez, ez dira bikoiztuko.
Singleak
aldatuDragoi Bola Z
aldatuDragoi Bola Z
Hi Son Gohan aupa
Dragoi Bola Z
Gaizkileen aurka
Dragoi Bola Z
Bide zuzen hauta.
Dragoi Bola Z
Ahalmen oro dauka
Son Goku ororentzat
trebea eta ausarta,
Son Gohan zoriontsu
aita baitu aparta
Dragoi Bola Z
Heroi lagunzale
Dragoi Bola Z
Beti irabazle!
Neu-Nagusi Hi-Jo-Eta-Hautsi (Cha-La-Head-Cha-La)
aldatuBanoa hemendik zeru goian zehar (goian zehar)
larala, hamabi margo biziz jantzita
Sumendi garretan biribilka (biribilka)
banoa lur galdutik betirako
Jo eta den hau apurtuta ihesi
Inor bada betor
muturrak hautsi eta zapaltzeko
Neu-Nagusi Hi-Jo-Eta-Hautsi
Ez dit inork egingo barrerik, nire lepotik
Neu-Nagusi Hi-Jo-Eta-Hautsi
Igerian ez dago arrainik, irabaztekorik niri
Neu-Nagusi Hi-Jo-Eta-Hautsi
Ez da sortu munduan munstrorik, ni jatekorik
Neu-Nagusi Hi-Jo-Eta-Hautsi
Beti dut irria ezpainetan, irabazten dudanetan
Erreferentziak
aldatu- ↑ Fernandez, Harri. (2019-02-01). «“Ukaezina da ‘Dragoi Bola’k gazteen artean euskara sustatu zuela”. Noticias de Navarra» Noticias de Navarra (Noiz kontsultatua: 2019-09-13).[Betiko hautsitako esteka]
Ikus, gainera
aldatuKanpo estekak
aldatu- (Ingelesez) Dragoi Bola Zren webgune ofiziala
- (Japonieraz) Toei Animation-en Dragoi Bola Z-ren webgune ofiziala
- (Gaztelaniaz) Mundo Dragon Ball
- (Ingelesez) Kanzentai
- (Ingelesez) (Italieraz) Dragon Ball Arena[Betiko hautsitako esteka]