Douglas C-47

Douglas C-47 Skytrain edo Dakota Douglas Aircraft Company konpainiak Bigarren Mundu Gerran Douglas DC-3tik abiatuta garatu zuen garraio militarreko hegazkin bat da. Bere ezberdintasun nagusia objektu handiak sartzea eta paratxutariek jauzi egitea ahalbidetzen zuen atzealdeko ate handia zen. 1945 arte, hamar mila hegazkin baino gehiago ekoitzi ziren AEBetako Long Beach, Oklahoma eta Santa Monicako lantegietan. C-47a ezinbesteko garraioa izan zen indar aliatuen operazio askotarako, bereziki Ozeano Barean Japoniaren aurka egin zirenetarako. C-53 bertsio eraldatua Europan paraxutistak garraiatu eta planeatzaileak erremolkatzeko erabili zen. 1944an C-47ak Bastognego guduan harrapatuta zeuden estatubatuar tropei hornigaiak jaurtitzeko erabili ziren.

Douglas C-47
Douglas DC-3a eta land-based airlifter monoplane (en)
Irudi gehiago
Fabrikazioa
Fabrikatzailea	Douglas (en)
Jatorrizko herrialdea	Ameriketako Estatu Batuak
Historia
Lehen hegaldia	1941eko abenduaren 23a
Ezaugarriak
Dimentsioak	5,16 () × 19,64 () m
Autonomia	2.400 km

Gerraren ondoren, milaka hegazkin soberakin mundu guztian erabilera anitzetarako erabili ziren, batez ere herrialde txiroetan, non oraindik hegan egiten jarraitzen duten. Kargaontzi, pasaiari garraio eta baita hidrohegazkin bezala ere erabiliak izan ziren.

Bere tripulazioa 3 pertsonek osatzen zuten (pilotua, kopilotu eta nabigatzailea) eta 28 paraxutistentzako edo 2,7 karga tonako edukia zuen 31 metro kubikorainoko bolumenarekin.

Douglas AC-47 Spooky garraioko C-47aren bertsio eraldatu bat da, Ameriketako Estatu Batuetako Aire Armadak Vietnamgo gerran kanoiontzi bezala erabili zuena.

Operatzaileak

Portugalgo Aire Armadako C-47A bat.

Suediako Aire Armadako Tp 79 (C-47A)a.

Dakota bat RAFaren Memorial Flightean, paratxutarientzako atea irekita duela Duxforden, Ingalaterra, 2008an

Ameriketako Estatu Batuetako Aire Armadako C-47a Normandiako guduan erabilitako errekonozimendu markekin margotua (ingelesez invasion stripes), Rotterdam 1985

Argentina Australia Belgika Benin Biafra Bolivia Brasil Myanmar Kanbodia Kanada Txad Txile Taiwan Txina Kolonbia Kongoko Errepublika Kongoko Errepublika Demokratikoa Kuba Txekoslovakia Danimarka Dominikar Errepublika Ekuador Egipto El Salvador Etiopia

Finlandia Frantzia Gabon Alemania Alemaniako Errepublika Demokratikoa Alemania Grezia Guatemala Haiti Honduras Hungaria Islandia India Indonesia Iran Israel Italia Boli Kosta Jordania Japonia Laos Libia Madagaskar Malawi Mali

Mauritania Mexiko Monako Maroko Herbehereak Zeelanda Berria Nikaragua Niger Nigeria Ipar Korea Norvegia Oman Pakistan Panama Papua Ginea Berria Paraguai Peru Filipinak Polonia Portugal Rhodesia Errumania Ruanda Saudi Arabia Senegal

Hegoafrika Hego Korea Somalia Sobietar Batasuna Sri Lanka Espainia Suedia Siria Thailandia Togo Turkia Uganda Uruguai Erresuma Batua AEB Venezuela Vietnam Hego Vietnam Yemen Jugoslavia Zaire Zambia

Espezifikazioak

Ezaugarri orokorrak

• Tripulazioa: 3
• Edukia: 28 soldadu
• Karga: 2700 kilo
• Luzera: 19,43 metro
• Zabalera: 29,41 metro
• Altuera: 5,18 metro
• Hego hedadura: 91,70 metro karratu
• Pisua hutsik: 8226 kilo
• Pisua kargatuta: 11.793 kilo
• Gehienezko pisua aireratzean: 14.061 kilo
• Motoreak: 14 zilindroko 2 Pratt & Whitney R-1830-90C Twin Wasp motore erradial
  • Potentzia: 895 kilovatio bakoitzak
• Helizeak: Hiru palako bat motore bakoitzeko.

Errendimendua

• Gehienezko abiadura operatiboa: 360 kilometro orduko 3050 metroko altueran
• Gurutze abiadura: 257 kilometro orduko
• Helmena: 2575 kilometro
• Helmena ferryan: 5795 kilometro
• Iris daitekeen gehienezko altuera: 8047 metro
• Igoera erregimena: 9,5 minutu 3050 metroko altuerara heltzen.

Lotutako garapenak

• Douglas AC-47 Spooky
• Douglas DC-3
• Douglas XCG-17
• Lisunov Li-2
• Showa/Nakajima L2D
• Basler BT-67

Antzeko hegazkinak

• Curtiss C-46 Commando

Lotutako zerrendak

• Espainiako Aire Armadako aireontzi historikoak

Kanpo estekak

• Datuak: Q714326
• Multimedia: Douglas C-47 Skytrain / Q714326