FC Bayern München

FC Bayern Munich Alemaniako futbol taldea da, Munich hirikoa, herrialde horretako arrakastasuena eta Europako inoizko onenetakoa.

FC Bayern München
Datuak
Mota	kirol kluba, futbol taldea eta futbol-kluba
Herrialdea	Alemania
Jarduera
Honen parte	FC Bayern München AG
Liga	Bundesliga
Estadioa	Allianz Arena: Schwabing-Freimann (en) 48.218775°N 11.624752777778°E / 48.218775; 11.624752777778 (2005–)  85.000
Agintea
Lehendakaria	Oliver Kahn
Zuzendari exekutiboa	Herbert Hainer (en)
Entrenatzailea	Julian Nagelsmann
Egoitza nagusi	Säbener Straße 51-57 Säbener Straße
Osatuta	FC Bayern München
Babeslea	Deutsche Telekom
Zeren jabe	FC Bayern München AG
Historia
Sorrera	1900eko otsailaren 27a
Jasotako sariak	Silbernes Lorbeerblatt team of the year  (1967) team of the year  (2001) team of the year  (2013) team of the year  (2020)
Etxekoa 　 Kanpokoa
webgune ofiziala

Historia

1974-75 denboraldiko Europako Kopako partida 1. FC Magdeburgen aurka.

1982ko Europako Kopako finala, Aston Villaren aurka galdutakoa.

Bayerneko zaleak.

2010eko Bundesliga garaipena ospatzen

2012ko Txapeldunen Ligako finala Chelsearen aurka.

Allianz Arena.

Sorrera eta hasierako hamarkadak

1900eko otsailaren 27an sortu zuten, eta garai hartan "Alemaniako Hegoaldeko Txapelketa" izeneko norgehiagokan parte hartzen zuen. Txapelketa hori 1926 eta 1928an irabazi zuen. Alemaniako lehen titulua 1932an jaso zuen, Liga irabazi baitzuen finalean Eintracht Frankfurt 2-0 emaitzaz gaindituta. 1933an naziek boterea eskuratutakoan, taldearen lehendakaria eta entrenatzailea juduak izanik, Bayern "juduen taldea" kontsideratu zen. Lehendakariak eta entrenatzaileak alde egin zuten eta taldea semi-profesional bihurtu.

Alemanian nagusi eta Europako tituluak

Bigarren Mundu Gerraren ondoren egonkortasuna lortzea asko kostatu zitzaion eta 1945 eta 1963 artean 13 entrenatzaile izan zituen. Hala ere, urtetik urtera maila hobetuz joan zen eta 1957an Alemaniako lehendabiziko Kopa irabazi zuten. Klubaren urrezko urteak 1965 eta 1979 artean izan ziren, eta tarte horretan Europako lehen tituluak ere eskuratu zituen. 1967an, Errekopa irabazi zuen Glasgow Rangersen aurka. Hurrengo urteetan, Europako Kopa jokatu zuen eta hiru ekitaldi irabazi zituen jarraian, 1974koa, Atlético de Madriden aurka; 1975ekoa, Leeds Uniteden aurka; eta 1976koa, AS Saint-Étienneren aurka. Hiru aldiz jarraian irabazi izanagatik, Europako Koparen garaikurraren jabe bihurtu zen. Kontinente arteko Futbol Kopa jokatzeko aukerari uko egin zion lehen bi urteetan baina 1976an jokatu eta Cruzeiro EC garaitu zuen, etxean 2-0 irabazita eta Brasilen 0-0 berdinduta.

80. eta 90. hamarkadak

XX mendeko azken bi hamarkadetan, Alemaniako txapelketetan erraz nagusitu zen. 1982 eta 1987an Europako Kopako finalista izan zen, irabazi ez bazuen ere. 1996an UEFA Kopa eskuratu zuen Girondins de Bordeauxi etxean 2-0 irabazi eta Bordelen 3-1 galdu ondoren, kanpoko golaren balioagatik. 1999an inoiz ahaztuko ez den Txapeldunen Ligako finala jokatu zuen Bartzelonan Manchester Uniteden aurka. 90 minutuak jokatuta zeudela, Bayern 0-1 irabazten ari zen baina deskontu denboran ingelesek bi gol sartu eta modurik garratzenean galdu zuen Kopa.

XXI. mendea

Gorakada hasia zen ordea eta 2001ean UEFAko Txapeldunen Liga eta Kontinente arteko Kopa irabazi zituen. Mende berrian Alemaniako Bundesliga eta Kopa sarritan irabazteaz gain, Europako puntako taldeetako bat bihurtu da. Jupp Heynckesen eskutik azken lau urteetan hiru aldiz izan da UEFAko Txapeldunen Ligako finalista, irabazi ez duen arren, Borussia Dortmunden aurka hain zuzen ere. Aurrez 2012an porrot latza jasan zuen Chelseak azken minutuan berdindu eta penalti jaurtiketetan irabazi zionean. 2012-2013 denboraldia bereziki bikaina izan zen, Txapeldunen ligaz gain, Alemaniako Liga eta Kopa irabazi baizituen, Europako futbolaren historian talde bakan batzuek egindako balentria.

2013-2014 denboraldirako Josep Guardiola fitxatu zuen. Iritsi eta berehala lehenengo finala Alemaniako Superkopa izan zuen eta Borussia Dortmundek 4-2ko emaitzaz eskuratu zuen. Bigarren finalean ordea, klubaren lehenengo Europako Superkopa irabazi zuen Chelsea mendekatuz, gainera, izan ere luzapeneko azken minutuan Javi Martínezek sarturiko gol batez berdindu baitzuen partida eta ondoren penalti jaurtiketetan irabazi. 2013 urtea amaitzeko, FIFAren Kluben arteko Munduko Kopa irabazi zuen. Txapeldunen Liga irabazteko hautagai garbia izan arren, Real Madrilek kanporatu zuen finalerdietan Munichen bertan 0-4 emaitza lortuz. Hurrengo denboraldietan ere berdin gertatu zitzaion, Alemanian erraz irabazi eta Txapeldunen Ligako final erdietan kanporatua izan zen, 2015ean Bartzelonak eta 2016an Atletico Madrilek kanporatu zuten. 2017 eta 2018an Real Madrilek garaitu zuen.

2020an Txapeldunen Liga seigarren aldiz irabaztea lortu zuen. COVID-19 pandemiak baldintzaturiko txapelketan nagusitasun handia erakutsi zuen, jokatu ziren hamaika partidak irabazi baitzituen, tartean Bartzelonari 8-2. Finalean, Paris Saint-Germain izan zuen aurkari eta 1-0 gainditu zuen talde frantsesa. Ondoren Superkopa irabazi zuen. 2020an bigarren FIFAren Kluben arteko Munduko Kopa (Kontinente arteko laugarrena) irabazi zien finalean Tigres UANL mexikarra 1-0 garaituta.

Estadioak

Municheko Olinpiar Estadioa izan da taldearen zelaia 1972tik 2005 arte. Gaur egun, Allianz Arena ederrean jokatzen du.

Uniformea

Bayern izenak Bavaria esan nahi du eta taldearen hasierako estatutuetan eskualdeko koloreak hartu zituen, erronbo zuri urdinak. Horregatik elastiko zuria eta galtza urdinak erabiltzea erabaki zen baina galtza urdinak aurkitzea zaila zenez, beltzak erabili zituen, "urdin ilunak" zirela esaten zuten arren. 1906an Münchner Sportclub taldearekin elkartu zen eta horren koloreak gorriak zirenez, adostasun batera iritsi behar izan zuten, izena eta elastiko zuria Bayernena mantenduz, baina galtza gorriak ezarriz. Hurrengo urteetan, Die Rothosen (galtza gorriak) ezizena hartu zuen taldeak eta oharkabean kolore gorria nagusituz joan zen. 1974an erabili zuen aurreneko aldiz ekipamendu erabat gorria eta ordutik horrela mantendu du. Hala ere, tarteka kolore urdin eta zuriarekin jokatu izan du, elsatiko marradunez edo galtzen kolorea aldatuz.

Historikoa

1900-06

1906-67

1967-68

1968-69

1969-73

1974-tik

Azken urteak

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023

Gainontzeko kirolak

Klubaren barnean futbolaz gain, beste kirol batzuk ere badaude, hala nola saskibaloia, bola jokoa, xakea, gimnasia, eskubaloia eta mahai-tenisa. Arbitro eskola bat ere badu.

2022/2023 Taldea

2022ko abuztuaren 16an eguneratua.

Zbk. Postua Jokalaria 1 ATE Manuel Neuer 2 ATZ Dayot Upamecano 3 ATZ Omar Richards 4 ATZ Matthijs de Ligt 5 ATZ Benjamin Pavard 6 ERD Joshua Kimmich 7 AUR Serge Gnabry 8 ERD Leon Goretzka 10 AUR Leroy Sané 11 AUR Kingsley Coman 13 AUR Eric Maxim Choupo-Moting 14 ERD Paul Wanner 17 AUR Sadio Mané 18 ERD Marcel Sabitzer

Zbk. Postua Jokalaria 19 ATZ Alphonso Davies 20 ATZ Bouna Sarr 21 ATZ Lucas Hernández 25 ERD Thomas Müller 26 ATE Sven Ulreich 28 AUR Gabriel Vidovic 32 AUR Joshua Zirkzee 38 ERD Ryan Gravenberch 39 AUR Mathys Tel 40 ATZ Noussair Mazraoui 42 ERD Jamal Musiala 43 ERD Adrian Fein 44 ATZ Josip Stanisic

Palmaresa

Alemanian: 65

• Bundesliga (32): 1932, 1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000, 2001, 2003, 2005, 2006, 2008, 2010, 2013, 2014, 2015, 2016, 2017, 2018, 2019, 2020, 2021, 2022
• Alemaniako Futbol Kopa (20): 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008, 2010, 2013, 2014, 2016, 2018, 2020
• Alemaniako Superkopa (7): 1987, 1990, 2010, 2012, 2016, 2017, 2018.
• Alemaniako Ligako Kopa (6): 1997, 1998, 1999, 2000, 2004, 2007.

Nazioartean: 14

FIFAren Kluben arteko Munduko Kopa

• Txapelduna (2): 2013, 2020

Kontinente arteko Futbol Kopa

• Txapelduna (2): 1976, 2001
• Finalista (0)

UEFAko Txapeldunen Liga

• Txapelduna (6): 1974, 1975, 1976, 2001, 2013, 2020
• Finalista (5): 1982, 1987, 1999, 2010, 2012

Europako Superkopa

• Txapelduna (2): 2013, 2020.
• Finalista (3): 1975, 1976, 2001

UEFA Kopa

• Txapelduna (1): 1996

Europako Errekopa

• Txapelduna (1): 1967

Nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa eta FIFAren Kublen artekoa	1976	Bayern Munich	2-0 , 0-0	Cruzeiro EC
	2001	Bayern Munich	1-0	Boca Juniors
	2013	Bayern Munich	2-0	Raja Casablanca
	2020	Bayern Munich	1-0	Tigres UANL
Europako Kopa eta Txapeldunen Liga	1973-74	Bayern Munich	1-1 , 4-0	Atletico Madril	Brusela
	1974-75	Bayern Munich	2-0	Leeds United	Paris
	1975-76	Bayern Munich	1-0	AS Saint-Étienne	Glasgow
	1981-82	Aston Villa	1-0	Bayern Munich	Rotterdam
	1986-87	FC Porto	2-1	Bayern Munich	Viena
	1998-99	Manchester United	2-1	Bayern Munich	Bartzelona
	2000-01	Bayern Munich	1-1 (pen:5-4)	València CF	Milan
	2009-10	FC Internazionale	2-0	Bayern Munich	Madril
	2011-12	Chelsea FC	1-1 (pen:4-3)	Bayern Munich	Munich
	2012-13	Bayern Munich	2-1	Borussia Dortmund	Londres
	2019-20	Bayern Munich	1-0	Paris Saint-Germain	Lisboa
Europako Superkopa	1975	Dinamo Kiev	3-0 (1-0, 2-0)	Bayern Munich
	1976	RSC Anderlecht	5-3 (1-2, 4-1)	Bayern Munich
	2001	Liverpool FC	3-2	Bayern Munich
	2013	Bayern Munich	2-2 (pen:5-4)	Chelsea FC
UEFA Kopa	1995-96	Bayern Munich	2-0, 1-3	Girondins Bordeaux
Europako Errekopa	1966-67	Bayern Munich	1-0	Glasgow Rangers

Jokalari ezagunak

• Franz Beckenbauer
• Gerd Müller
• Klaus Augenthaler
• Karl-Heinz Rummenigge
• Lothar Matthäus
• Oliver Kahn

Emakumezkoen taldea

Sakontzeko, irakurri: «FC Bayern München (emakumezkoak)»

1970ean eratu zen Emakumezkoen futbol atala, baina emaitzarik onenak azken urteotan izan ditu.

• Garaipenak:
  • Alemaniako Liga (4): 1976, 2015, 2016, 2021.
  • Alemaniako Kopa (1): 2012.
  • Bundesligako Kopa (2): 2003, 2011.
• UEFA Emakumezkoen Txapeldunen Liga (0): finalaurrekoak 2019an eta 2021ean.

Kanpo estekak

• (Alemanez)(Ingelesez)(Gaztelaniaz)Bayernen webgune ofiziala

• Datuak: Q15789
• Multimedia: FC Bayern München