Euro

Euroa (EUR edo €) Europar Batasuneko hemeretzi estaturen diru ofiziala da. Halaber, Andorra, San Marino, Vatikano Hiria, Monako eta Montenegron, Europar Batasuneko kideak ez badira ere, ofiziala da. Bosnia eta Bulgarian ere, ofiziala ez izan arren, erabiltzen da.

Euro
igorpen eskubide bereziak
Ezaugarriak
Herrialdea	Austria, Belgika, Zipre, Herbehereak, Estonia, Finlandia, Frantzia, Alemania, Grezia, Irlandako Errepublika, Italia, Letonia, Lituania, Luxenburgo, Malta, Monako, Portugal, San Marino, Eslovakia, Eslovenia, Espainia, Vatikano Hiria eta Andorra
Nongo eskumena	Eurogunea
Jaulkitzailea	Europako Banku Zentrala
Ikurra	€
Honen izena darama	Europa
Historia
Hasiera	2002ko urtarrilaren 1a eta 1999ko urtarrilaren 1a
Ordezkatzen du	Austriar txelin, Belgikar libera, Cypriot pound (en) , Herbeheretar florin, Estonian kroon (en) , Finlandiar marko, Frantziar libera, Alemaniar marko, Greziar drakma, Irlandar libera, Italiar lira, Lats, Lituaniako litas, Luxenburgotar franko, Maltese lira (en) , Monegasque franc (en) , Portugaldar ezkutu, San Marinoko lira, Slovak koruna (en) , Slovenian tolar (en) , Espainiar pezeta, Vatican lira (en) eta Europako kontu-unitate

Europar Batasuneko herrialde guztietan ez da ezarri euroa legezko erabilerako diruzat; batzuetan, nahi izan ez dutelako, eta, beste batzuetan, eskatu ziren baldintzak ez zirelako betetzen.

Euroa darabilten estatuen guneari "Eurogunea" deritzo, hau da, Alemaniak, Austriak, Belgikak, Eslovakiak, Esloveniak, Espainiak, Estoniak, Finlandiak, Frantziak, Greziak, Irlandak, Italiak, Maltak, Letoniak, Lituaniak, Luxenburgok, Herbehereek, Portugalek eta Ziprek osatzen duten eremua.

Ezaugarriak

Euroa 100 ehunetakoetan zatitzen da. Europar Batasuneko agiri ofizialetan, euro eta cent erabiltzen da, beti singularrean.

Billeteak (5, 10, 20, 50, 100, 200 eta 500) hamabietako herrientzat berak dira. Txanponak, ordea, (1, 2, 5, 10, 20 eta 50 ehunetakoak eta 1 eta 2 eurokoak) aurrealde berna dute baina herrialde bakoitzeako atzealdea berezia da. Billeten disenua Robert Kalinarena da, Austriako Banketxe Nagusikoa. Txanponen aurrealde arruntaren disenua Luc Luycxren lana da, Belgikako Errege Txanpon Fabrikakoa.

Euroa ECUren ondorengoa da, Europako Diru Unitatea (European Currency Unit).

Ikurrak

Euro ikurra, Europako Batzordeak disenatua, epsilon (ε) greko hitzaren arabera eginda dago. E Europako iniziala zelako aukeratu zen. Bi marrek euroaren egonkortasuna irudikatzen dute.

Euroko nazioarteko laburtzapena EUR da, eta Normalizaziorako Nazioarteko Organizazioak erregeistratu du ISO;

Historia

1 euro (€)	Lehen erabilitako dirua
13,7603	Txelin austriar (ATS)
40,3399	Belgikar libera (BEF)
0,585274	Zipretar libera (CYP)
1,95583	Marko alemaniar (DEM)
15,6466	Estoniar koroa (EEK)
166,386	Espainiar pezeta (ESP)
5,94573	Marko finlandiar (FIM)
6,55957	Frantziar libera (FRF)
340,750	Greziar drakma (GRD)
0,787564	Irlandar libra (IEP)
1936,27	Italiar lira (ITL)
0,702804	Lituaniar litas (LTL)
0,702804	Letoniar lats (LVL)
40,3399	Luxenburgotar libera (LUF)
0,429300	Maltar lira (MTL)
2,20371	Florin herbeheretar (NLG)
200,482	Ezkutu portugaldar (PTE)
239,640	Tolar esloveniar (SIT)
30,1260	Eslovakiar koroa (SKK)

Dibisa hasi zen ofizialez 1999ko urtarrilaren 1ean, hamaika herrialdeen artean, euro-gunea: Alemania, Austria, Belgika, Espainia, Finlandia, Frantzia, Irlanda, Italia, Luxenburgo, Herbehereak eta Portugal. 2001eko urtarrilaren 1ean Grezia gehitu zen euro-gunera eta 2007ko data berean, Eslovenia. Hala ere, txanponak eta billeteak egiteko denbora behar zen eta lehenagoko txanponak bizi ziren beren herrietan, beren kotizazioa galduta, ordaintzeko modura 2002ko urtarrilaren 1era, eurokoak aldatu zirenean. Euro eta lehenagoko dirua elkarrekin bizi izan ziren hilabete batzuk, aurreko dirua betiko desagertu arte.

Danimarka, Erresuma Batua, Errumania, Bulgaria, Polonia eta Suediak ez zuten euroa onartu.

2002ko uztailean, euroak estatubatuar dolarra gainditu zuen dibisa merkatuan.

2004eko maiatzean EBean sartu ziren Estatu berriak ez zuten berehalakoan euroa onartu, baina beharrezko baldintza ekonomikoak betetzeko asmoa zuten.

Herri batzuetan 1 zentimo eta 2 zentimoko txanponak kendu nahi dituzte, bere egin-prezioa bere balio-prezioa baino handiagoa delako. Susmatu den irtenbidea: prezioak ez aldatzea ,baina ordaintzeko unean, prezioak biribiltzea.

2011ko urtarrilaren 1ean, Estoniak ere diru ofizialtzat hartu zuen. 2014ko urtarrilaren 1ean, Letoniak eta 2015eko urtarrilaren 1ean, Lituaniak.

Ikus, gainera

• ISO 4217
• Vatikanoko euro txanponak
• San Marinoko euro txanponak
• Monakoko euro txanponak
• Portugalgo euro txanponak
• Letoniako euro txanponak
• Luxenburgoko euro txanponak
• Italiako euro txanponak
• Irlandako euro txanponak
• Herbehereetako euro txanponak
• Greziako euro txanponak
• Finlandiako euro txanponak
• Austriako euro txanponak
• Alemaniako euro txanponak
• Belgikako euro txanponak
• Espainiako euro txanponak
• Esloveniako euro txanponak
• Eslovakiako euro txanponak
• Zipreko euro txanponak
• Maltako euro txanponak

Kanpo estekak

• (Ingelesez) (Alemanez) Euro - diru paper

• Datuak: Q4916
• Multimedia: Euro