Aston Villa Football Club

futbol taldea
Aston Villa F.C.» orritik birbideratua)

Aston Villa Football Club (herri hizkeran The Villa, Villa edota The Villans ezizenekin ezagunak da) Ingalaterrako West Midlands konderrian dagoen Birmingham hiriko futbol taldea da. 1874ko martxoan sortua izan zen eta Ingalaterrako FA Premier League ligan jokatzen du. 1888an Football League ligako kide fundatzailea izan zen, baita 1992an Premier League ligakoa ere. Ingalaterrako talde zahar eta sarituenetakoa da. 1897. urtea ezkeroztik beti Villa Park futbol zelai mitikoan jokatu izan du.

Aston Villa F.C.
Ezizena(k)The Villains ("Arloteak")
The Villa, Villa
The Lions ("Leoiak")
Sorrera1874
Futbol zelaiaVilla Park, Aston auzoa
edukiera: 42.783 lagun
inaugurazioa: 1897
PresidenteaEgipto Nassef Sawiris
EntrenatzaileaEuskal Herria Unai Emery
LigaPremier League
2022-237.a
Webguneahttp://www.avfc.co.uk/
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
1896-97ko taldea.
1982ko Europako Kopako finala, Bayern Munich taldeari 1-0 irabazitakoa.
Aston Villako jokalariak 2009ko abuztuaren 20an Vienan.
Zaleak.

Hiriko beste talde historikoa den Birmingham City taldearekin sekulako lehia handia du. Aston Villa eta Birmingham City taldeen arteko lehenbiziko Birminghamgo derbya 1879an jokatu zen.

Historia aldatu

XIX. mendea: urrezko aroa aldatu

Handswortheko Villa Cross Wesleytar kaperako partaideek sortu zuten taldea 1874ko martxoan. Gaur egun Handsworth Birminghamek irentsitako auzoa da. Aston Villak jokaturiko lehenengo partida Aston Brook St Mary's errugbi taldearen aurka izan zen, lehenengo zatia errugbiaren arauekin eta bigarrena futbolarenarekin.

Berehala bihurtu zen eskualdeko talderik onena eta 1887an Ingalaterrako Kopa irabazi zuten. 1888an Ingalaterrako Liga sortu zuten 12 taldeetako bat izan zen.

Aston Villa Viktoria Erresuma Batukoaren erregealdiko talderik onena bihurtu zen 5 Liga eta 3 Kopa eskuratu baitzituen.

XX. mendea aldatu

Maila onean aritzen jarraitu arren tituluak ez ziren hain erraz iritsi XX mendearen lehenengo erdian. 1905 eta 1913ko Kopak lortu zituen eta garai hartako denboraldi aipagarriena 1920 urtekoa izan zuen Liga eta Kopa irabazi baitzituen. Ordutik aurrera gainbehera iritsi zen eta 1936an maila galdu zuen.

Bi hamarkada itxaron behar izan zituen titulu berri bat eskuratzeko, 1957ko Kopa hain zuzen ere. 1961ean Ingalaterrako League Cuparen lehen edizioa irabazi zuen.

Ron Saunders: 2. urrrezko aroa aldatu

1974 urtean Ron Saunders entrenatzailea fitxatu zuten eta lehenengo denboraldian Ligako Kopa berri bat irabazi zuen. Taldea moldatzen eta hobetzen hasi zen eta prozesu honen fruitua 80. hamarkadaren hasieran iritsi zen, 1981eko Liga eta 1982ko Europako Kopa eta Superkopa irabaztean.

Denboraldi bikain hauen ondoren taldeak beherantz egin zuen eta 1987an maila galdu zuen berriz. Hala ere 1992an Premier League txapelketa berria abiarazi zenerako Aston Villa Liga honen sortzaileetakoa zen. 90. hamarkadan Ligako beste bi Kopa lortu zituen, lehiaketa honen espezialista dela erakutsiz.

XXI. mendea aldatu

Mende berria ongi hasi zuen Ingalaterrako Kopako finala jokatuz, nahiz eta Chelseak garaitu zuen. Hurrengo urteetan lehen mailako erdialdeko postuetan aritu izan da baina azken aldian arazo ugari izan ditu eta 2016an bi entrenatzaile bota eta 17 puntu bakarrik eskuratuta maila galdu zuen.

Uniformea aldatu

Historikoa aldatu

Hainbat uniforme izan ondoren, 1886an elastiko marroi urdina eta praka zuriak proposatu ziren. Ezagutzen ez diren arrazoiengatik marroia beharrean granatea erabili zen azkenean. 1886an arlekin itxurako elastikoa atera zuen eta 1890tik aurrera gaur egun ezagutzen duguna. Aldatu izan den gauza bakarra galtzerdiak izan dira, granate, urdin argi, beltz edo zuriak erabili izan baititu.

     
 
 
 
1874-1877
     
 
 
 
1878-1880
     
 
 
 
1886 (proposamena)
     
 
 
 
1890-tik

Azken urteak aldatu

     
 
 
 
2018-2019
     
 
 
 
2019-2020
     
 
 
 
2020-2021
     
 
 
 
2021-2022
     
 
 
 
2022-2023

2023/2024 Taldea aldatu

2023ko uztailaren 14an eguneratua.

Zbk. Postua Jokalaria
1   ATE Emiliano Martínez
2   ATZ Matty Cash
3   ATZ Diego Carlos
4   ATZ Ezri Konsa
5   ATZ Tyrone Mings
6   ERD Douglas Luiz
7   ERD John McGinn
8   ERD Youri Tielemans
9   AUR Bertrand Traoré
10   AUR Emiliano Buendía
11   AUR Ollie Watkins
14   ATZ Pau Torres
15   ATZ Álex Moreno
16   ATZ Calum Chambers
19   ERD Marvelous Nakamba
22   AUR Jhon Durán
Zbk. Postua Jokalaria
23   ERD Philippe Coutinho
25   ATE Robin Olsen
27   ATZ Lucas Digne
30   ATZ Kortney Hause
31   AUR Leon Bailey
32   ERD Leander Dendoncker
35   AUR Cameron Archer
38   ATE Viljami Sinisalo
39   AUR Keinan Davis
41   ERD Jacob Ramsey
44   ERD Boubacar Kamara
47   ERD Tim Iroegbunam
-   ERD Morgan Sanson
-   AUR Wesley Moraes
-   AUR Jaden Philogene

Utzitako jokalariak aldatu

Zbk. Postua Jokalaria
-   AUR Endrick (Palmeirasen utzita 2024ko uztailaren 21 arte)

Irabazitako txapelketak aldatu

Ingalaterran: 20 aldatu

Nazio artean: 4 aldatu

Kontinente arteko Futbol Kopa aldatu

  • Txapelduna (0)
  • Finalista (1): 1982

Europako Kopa aldatu

  • Txapelduna (1): 1982

Europako Superkopa aldatu

  • Txapelduna (1): 1982

UEFA Intertoto aldatu

  • Txapelduna (2): 2001, 2008.

Jokalari ezagunak aldatu

Gordon Cowans, Eric Houghton, Brian Little, Dennis Mortimer, Ron Saunders, Peter Withe, Paul McGrath, Peter McParland, Charlie Aitken, William McGregor, George Ramsay, Trevor Ford eta Steve Staunton.

Euskal taldeen aurkako partidak aldatu

Hauek dira Europako txapelketa ofizialetan Aston Villak euskal taldeen aurka jokatu dituen partidak:

Denboraldia Txapelketa Fasea Etxekoa Emaitza Kanpokoa
1977-78 UEFA Kopa Final zortzirenak Aston Villa
Athletic
2-0
1-1
Athletic
Aston Villa
1994-95 UEFA Kopa Final hamaseirenak Athletic
Aston Villa
0-0
2-1
Aston Villa
Athletic

Kanpo estekak aldatu


 
Premier League 2022-23
 

Arsenal | Aston Villa | Bournemouth | Brentford | Brighton | Chelsea | Crystal Palace | Everton | Fulham | Leeds United | Leicester City | Liverpool
Manchester City | Manchester United | Newcastle | Nottingham Forest | Southampton | Tottenham Hotspur | West Ham United | Wolverhampton