Leicester City Football Club

Leicester City Football Club
Ezizena(k)	The Foxes
Sorrera	1884
Futbol zelaia	King Power Stadium; edukiera: 32.262 lagun; inaugurazioa: 2002
Presidentea	Aiyawatt Srivaddhanaprabha
Entrenatzailea	Brendan Rodgers
Liga	Championship (2. maila)
2022-23	Premier League, 18.a (jeitsi)
Webgunea	Webgune ofiziala

	Etxekoa

	Kanpokoa

Artikulu hau futbol taldeari buruzkoa da; errugbi taldea gaitzat duena beste hau da: «Leicester Tigers»

Leicester City Football Club (ˌlɛstər_ˈsɪti ahoskatua) Ingalaterrako futbol taldea da, Leicester hirian du egoitza eta bere zelaia King Power Stadium da. Hiru aldiz irabazi du Ligako Kopa eta Liga behin (2016).

Historia aldatu

Leicester Fosse aldatu

1884an sortu zen Wyggeston School-en Leicester Fosse izenarekin eta 1890an Futbol federazioan sartu zen. 1908an bigarren mailan bigarren egin zuen eta lehen mailara igo zen, urte bakarrerako ordea.

Leicester City aldatu

1919an diru arazoen erruz taldeak berfundatu behar izan zuen eta Leicester City Football Club bihurtu zen. 1925ean lehen mailara igo zen eta 1928-29 denboraldian inoizko posturik onena lortu zuen, ligako bigarrena hain zuzen ere, Sheffield Wednesday-gandik puntu bakarrera geldituz. 1935ean maila galdu zuen.

1949an lehenengo aldiz Kopako finala jokatu zuen baina Wolverhampton Wanderers taldeak 3-1 gainditu zuen.

60. hamarkada aldatu

Lehen mailan aritu zelarik hiru alditan jokatu zuen Kopako finala baina guztietan galtzaile atera zen. 1964an berriz Ligako Kopa irabaztea lortu zuen. Ligan lortu zuen posturik onena laugarrena izan zen. 1971 urtean bigarren titulu bat lortu zuen, Ingalaterrako Superkopa.

XXI mendea aldatu

1997an eta 2000an berriz ere Ingalaterrako Ligako Kopak irabazi zituen. Azken urteetan bigarren mailan aritu da eta 2014an lehen mailara itzultzea lortu zuen. 2015-16 inoizko denboraldirik onena egin zuen talde handiei aurrea hartu eta liga irabaziz. Hurrengo denboraldian Txapeldunen Liga bikaina egin zuen final laurdenetaraino iritsiz. Atlético Madrilek kanporatu zuen Madrilen 1-0 galdu eta Ingalaterran 1-1 egin ondoren. Hurreengo urteetan ligan apalago ibili zen, taularen erdialdean. 2020an bosgarren postua lortu eta Europa Leaguerako sailkatu zen.