1992ko Frantziako Tourra

1992ko Frantziako Tourra Itzuli Handi honen 79. edizioa izan zen. 1992ko uztailak 4 eta 26 artean ospatu zen, 3983 kilometroko ibilbidea eginez 22 etapatan banatuta, irabazleak 29,504 kilometro orduko abiaduran bete zituenak. Lasterketa Donostian hasi eta Parisko Champs Elyséesetan amaitu zen, Europako Ekonomia Erkidegoko zazpi herrialde zeharkatu ondoren, 1993an Europar Batasunaren sorrera ospatzeko.

1992ko Frantziako Tourra
Datu orokorrak
Lasterketa79. Frantziako Tourra
Etapak22
Datakuztailak 4 – 1992.eko uztailak 26
Luzera3.983 km
HerrialdeaFRA Frantzia
BEL Belgika
LUX Luxenburgo
GER Alemania
ITA Italia
ESP Espainia
NED Herbehereak
Irteera-lekuaDonostia
Helduera-lekuaParis
Parte-hartzaileak198
Amaitu dutenak130
Bataz besteko abiadura39,504 km/o
Emaitzak
TxapeldunaEU Miguel Indurain (Banesto)
TxapeldunordeaITA Claudio Chiappucci (Carrera Jeans-Tassoni)
HirugarrenaITA Gianni Bugno (Gatorade-Chateau d'Ax)
Puntukako sailkapenaFRA Laurent Jalabert (ONCE)
Eskalatzailerik onenaITA Claudio Chiappucci (Carrera Jeans-Tassoni)
Gazte onenaNED Eddy Bouwmans (Panasonic-Sportlife)
Talderik onenaITA Carrera Jeans-Tassoni
◀19911993▶
Dokumentazioa

Lehen aldiz urte askoan, Frantziako Tourrean ez ziren Pirinioak igo.

Miguel Indurain, aurreko urteko garailea eta oraingoan Italiako Giroa irabaztetik zetorrena, zen Tour hau irabazteko faborito nagusia, Gianni Bugno eta Claudio Chiappucci italiarrekin batera.

Jada sarrerako etapan, Donostian ospatu zena, aurreko urteko garaipena defendatzen zuenak bere forma egoera bikaina frogatu zuen etapa irabaziz. Tourraren hasiera oso ez ohikoa izan zen, esprint gutxirekin etapa amaieretan. 2. etapan, Javier Murgialdaik eta Richard Virenque frantziar gazteak ihesaldi luze bat protagonizatu zuten. Euskalduna izan zen etapa irabazi zuena, eta frantziarra bihurtu zen lider, lidertza hori gozatzeko astirik izan ez zuen arren, hurrengo etapan, beste ihesaldi luze batean, bere herkide eta taldekide zen Pascal Lino bihurtu baitzen lider.

Frantziatik kanpoko ibilbidea zuten etapak oso mugituak izan ziren, etengabeko ihesaldi saiakerekin. Bruselan, Greg LeMondek eta Claudio Chiapuccik pelotoia atzean uztea lortu zuten Laurent Jalabert eta Brian Holmekin batera, helmugan pelotoiari minutu bat ateraz.

Alabaina, efektu kolpea Miguel Indurainek emango zuen Luxenburgoko banakako erlojupekoan. Nafarrak hegan egin zuen asfaltu gainean, etapan bigarren sailkatu zen Armand De Las Cuevasi hiru minutu ateraz, eta faborito gehienak lau minutu baino gehiagora utziz. Pascal Linok, hala eta guztiz ere, lidertza mantentzea lortu zuen, honek, frantziar publikoari, euren herkide bat Parisko podiumean ikusteko itxaropena ematen ziolarik.

Alpeetara zaroaten etapek, bi aldiz tourra irabazi zuen Laurent Fignonek etapa garaipen bat lor zezan balio izan zuten. Hurrengo egunean, Tourraren beste garaile batzuk ere, Stephen Roche eta Pedro Delgado, saiatu ziren, baina etapa Rolf Jaermannentzat izan zen.

13. etapak, Sestrieren amaitzen zena, Frantziako Tourra behin betiko erabakita utziko zuen, eta Tourraren historiako etaparik epikoenetako bat iza zen. Mendi garaiko maratoizko etapa, 250 kilometro baino gehiagokoa eta mendate tontorrean amaitzen zena, etapak ia zortzi ordu iraun zuelarik. Claudio Chiapuccik oso ihesaldi luzea protagonizatu zuen etapa hasieratik, 200 kilometro baino gehiago, horietatik azken 125ak bakarrik egin zituelarik. Egun hartan, Greg LeMond (hurrengo egunean erretiratuko zena) edo Luc Leblanc bezalako txirrindulariak sailkapenetik erabat desagertu ziren, italiar tontorrean 40 minutu baino gehiago galduz.

Azken igoeran, bere arerio guztiak, Chiapucci izan ezik, aurretik zihoan, atzean utzi zituen Indurain agresibo bat ikusi zen, italiarragandik minutu bat baino gutxiagora egon zen arren. Azken bi kilometroetan ahaleginaren ondorioak jasan zituen eta Deabruagandik ia bi minutura amaitu zuen. Hala ere, nafarrak beste kolpe latz bat eman zien ia bere arerio guztiei, maillot horia berreskuratzeaz gain, proba amaitu arte geratzen zen denboran jada galduko ez zuena.

14. etapa Alpe d'Huezera iristen zen. Oraingo honetan, Chiapuccik, Indurainentzat areriorik handiena bihurtu zena, jada ez zuen hain errez izango faboritoengandik nabarmentzea. Tontor mitiko honetan garaipena Andrew Hampstenek lortu zuen. Indurain eta Chiapucci elkarrekin sartu ziren, garaileagandik hiru minutu baino gehixeagora. Gianni Bugnok, erabat hautsita, bederatzi minutu galdu zituen helmugan.

Hurrengo etapetan ere ez zen ikusiko esprint garbirik. 1991ko Italiako Giroaren irabazlea izan zen Franco Chiocciolik eta 1987ko Frantziako Tourraren irabazlea izan zen Stephen Rochek etapa bana irabazi zuten. Egun hauetan zehar Claudio Chiapuccik oso aktibo jarraitu bazuen ere, jada ez zuen Indurainen garaipena mehatxatuko, oraindik azken erlojupekoa geratzen zitzaiolarik. Erlojupeko honetan, Indurainen erritmoa soilik Gianni Bugnok jarraitu ahal izan zuen, honek, azkenean, etapa 40 segundora amaitu zuen arren. Gainontzeko txirrindulariek bi minutu baino gehiago galdu zituzten helmugan.

Champs Elyséesetako garaipena, Tour honetako bi esprint bakarretako bat, Olaf Ludwig alemaniarrak lortu zuen. Laurent Jalabert gazteak, aurreko urtean jada bigarren izan zena, puntukako sailkapena lortu zuen Johan Museeuw beteranoaren aurretik.

Miguel Indurainek, hala, bere bigarren Tourra irabazi zuen, eta pelotoian zuen nagusitasuna berretsi zuen, urte berean Giro-Tour bikotea irabazi ondoren. Berriz ere, podiumean berarekin batera Chiapucci eta Bugno egon ziren, baina postuak aldatuta aurreko urtearekiko. Azken sailkatua Fernando Quevedo izan zen, Indurainengandik lau ordu baino gehiagora.

Etapak aldatu

 EtapaDataEtapako hiriaktypeLuzera (km)Etapako garaileaSailkapen orokorreko liderra
Prologoa Uztk 4  Donostia  Donostia
 
aitzinetapa
8  Miguel Indurain  Miguel Indurain
1 Uztk 5  Donostia  Donostia
 
etapa gorabeheratsua
194,5  Dominique Arnould  Alex Zülle
2 Uztk 6  DonostiaPaue
 
etapa gorabeheratsua
255  Javier Murgialdai  Richard Virenque
3 Uztk 7PaueBordele
 
etapa laua
218  Rob Harmeling  Pascal Lino
4 Uztk 8LibourneLibourne
 
taldekako erlojupekoa
63,5  Panasonic-Sportlife  Pascal Lino
5 Uztk 9Nogent-sur-OiseWasquehal
 
etapa laua
196  Guido Bontempi  Pascal Lino
6 Uztk 10Roubaix  Brusela
 
etapa laua
167  Laurent Jalabert  Pascal Lino
7 Uztk 11  Brusela –   Valkenburg
 
etapa laua
196,5  Gilles Delion  Pascal Lino
8 Uztk 12  Valkenburg –   Koblentza
 
etapa laua
206,5  Jan Nevens  Pascal Lino
9 Uztk 13  Luxenburgo  Luxenburgo
 
banakako erlojupekoa
65  Miguel Indurain  Pascal Lino
10 Uztk 14  LuxenburgoEstrasburgo
 
etapa laua
217  Jean-Paul van Poppel  Pascal Lino
11 Uztk 15EstrasburgoMulhouse
 
etapa gorabeheratsua
249,5  Laurent Fignon  Pascal Lino
12 Uztk 17DoleSaint-Gervais-les-Bains
 
etapa gorabeheratsua
267,5  Rolf Järmann  Pascal Lino
13 Uztk 18Saint-Gervais-les-Bains  Sestriere
 
mendiko etapa
254,5  Claudio Chiappucci  Miguel Indurain
14 Uztk 19  SestriereAlpe d'Huez
 
mendiko etapa
186,5  Andrew Hampsten  Miguel Indurain
15 Uztk 20Le Bourg-d'OisansSaint-Étienne
 
etapa gorabeheratsua
198  Franco Chioccioli  Miguel Indurain
16 Uztk 21Saint-ÉtienneLa Bourboule
 
etapa gorabeheratsua
212  Stephen Roche  Miguel Indurain
17 Uztk 22La BourbouleMontluçon
 
etapa laua
189  Jean-Claude Colotti  Miguel Indurain
18 Uztk 23MontluçonTours
 
etapa laua
212  Thierry Marie  Miguel Indurain
19 Uztk 24ToursBlois
 
banakako erlojupekoa
64  Miguel Indurain  Miguel Indurain
20 Uztk 25BloisNanterre
 
etapa laua
222  Peter De Clercq  Miguel Indurain
21 Uztk 26La DéfenseParis
 
etapa laua
141  Olaf Ludwig  Miguel Indurain

Sailkapenak aldatu

 Sailkapen orokorra
TxirrindulariaHerrialdeaTaldeaDenbora
1. Miguel Indurain    Euskal HerriaBanesto100 o 49 min 30 s
2. Claudio Chiappucci    ItaliaCarrera Jeans-Tassoni+ 4 min 35 s
3. Gianni Bugno   ItaliaGatorade-Chateau d'Ax+ 10 min 49 s
4. Andrew Hampsten   Ameriketako Estatu BatuakMotorola+ 13 min 40 s
5. Pascal Lino   FrantziaRMO+ 14 min 37 s
6. Pedro Delgado   EspainiaBanesto+ 15 min 16 s
7. Erik Breukink   HerbehereakPDM-Ultima-Concorde+ 18 min 51 s
8. Giancarlo Perini   ItaliaCarrera Jeans-Tassoni+ 19 min 16 s
9. Stephen Roche   Irlandako ErrepublikaCarrera Jeans-Tassoni+ 20 min 23 s
10. Jens Heppner   AlemaniaTelekom-Merckx+ 25 min 30 s
11. Franco Vona   ItaliaGB-MG Boys Maglificio-Bianchi+ 25 min 43 s
12. Éric Boyer   FrantziaZ+ 26 min 16 s
13. Gert-Jan Theunisse   HerbehereakTVM-Sanyo+ 27 min 07 s
14. Eddy Bouwmans    HerbehereakPanasonic-Sportlife+ 28 min 35 s
15. Gérard Rué   FrantziaCastorama+ 28 min 48 s
16. Franco Chioccioli   ItaliaGB-MG Boys Maglificio-Bianchi+ 30 min 31 s
17. Steven Rooks   HerbehereakBuckler+ 31 min 09 s
18. Robert Millar   Erresuma BatuaTVM-Sanyo+ 31 min 19 s
19. Francisco Javier Mauleon   Euskal HerriaCLAS-Cajastur+ 31 min 27 s
20. Arsenio González   EspainiaCLAS-Cajastur+ 31 min 51 s
21. Raúl Alcalá   MexikoPDM-Ultima-Concorde+ 33 min 20 s
22. Jon Unzaga   Euskal HerriaCLAS-Cajastur+ 36 min 43 s
23. Laurent Fignon   FrantziaGatorade-Chateau d'Ax+ 41 min 51 s
24. Óscar Vargas   KolonbiaAmaya Seguros+ 43 min 19 s
25. Richard Virenque   FrantziaRMO+ 46 min 01 s
Iturria : ProCyclingStats


Puntukako sailkapena
1. Laurent Jalabert   Frantzia ONC 293 puntu
2. Johan Museeuw   Belgika LOT 262 puntu
3. Claudio Chiappucci   Italia CAR 202 puntu


Mendiko sailkapena
1. Claudio Chiappucci   Italia CAR 410 puntu
2. Richard Virenque   Frantzia RMO 245 puntu
3. Franco Chioccioli   Italia GBM 209 puntu


Gazteen sailkapena
1. Eddy Bouwmans   Herbehereak Herbehereak PAN 101h 18' 05s
2. Richard Virenque   Frantzia RMO a 17' 26s
3. Jim Van de Laer   Belgika TUL a 31' 54s


Taldekako sailkapena
1. Carrera - Jeans Tassoni   Italia CAR -
2. Banesto   Euskadi BAN -
3. CLAS-Cajastur   Espainia CLA -

Parte-hartzaileak aldatu

BANESTO
GATORADE - CHATEAU D’AX
CARRERA-JEANS-TASSONI
RMO-MAVIC-ONET
CASTORAMA
Z
MOTOROLA
HELVETIA-COMMODORE
ONCE
TVM
PANASONIC-SPORTLIFE
RYALCAO-POSTOBÓN
AMAYA SEGUROS
BUCKLER
ARIOSTEA
TELEKOM
CLAS-CAJASTUR
LOTTO-BELGACOM
FESTINA
GB-MG MAGLIFICIO
TULIP COMPUTERS
PDM-CONCORDE

NP : Ez zuen etapa hasi ; E : Kanporatua ; A : Etapan zehar abandonatu zuen ; HD : Kontrolez kanpo.


Aurrekoa
1991ko Frantziako Tourra
Frantziako Tourra
1992ko uztailak 4 eta 26 artean ospatua
Ondorengoa
1993ko Frantziako Tourra

Artikulu hau frantsesezko eta gaztelaniazko wikipedietatik itzulia dago.

Kanpo estekak aldatu