P. V. Narasimha Rao

Pamulaparti Venkata "Narasimha Rao", teluguz పాములపర్తి వెంకట నరసింహారావు (Hyderabad, Andhra Pradesh, Britainiar Raja, 1921eko ekainaren 28a - New Delhi, India, 2004ko abenduaren 23a) indiar politikaria izan zen. Indiako bederatzigarren gobernuburua (1991-1996).

P. V. Narasimha Rao
Irudi gehiago
Indiako Defentsako ministro 1993ko martxoaren 6a - 1996ko maiatzaren 16a Kanpo Arazoetako ministro 1992ko martxoaren 31 - 1993ko urtarrilaren 18a ← Madhav Singh Solanki (en) - Dinesh Singh (en) → Indiako lehen ministro 1991ko ekainaren 21a - 1996ko maiatzaren 16a ← Chandra Shekhar (en) - Atal Bihari Vajpayee → Member of the 9th Lok Sabha (en) 1989ko abenduaren 2a - 1991ko martxoaren 13a Barrutia: Ramtek Lok Sabha constituency (en) Hautetsia: 1989 Indian general election (en) Kanpo Arazoetako ministro 1988ko ekainaren 25a - 1989ko abenduaren 2a ← Rajiv Gandhi - Vishwanath Pratap Singh (en) → Indiako Barne Arazoetako ministro 1986ko martxoaren 12a - 1986ko maiatzaren 12a Indiako Defentsako ministro 1984ko abenduaren 31 - 1985eko irailaren 25a Indiako Barne Arazoetako ministro 1984ko uztailaren 19a - 1984ko abenduaren 31 Kanpo Arazoetako ministro 1980ko urtarrilaren 14a - 1984ko uztailaren 19a ← Shyam Nandan Prasad Mishra (en) - Indira Gandhi → Chief Minister of Andhra Pradesh (en) 1971ko irailaren 30a - 1973ko urtarrilaren 10a ← Kasu Brahmananda Reddy (en) - Jalagam Vengala Rao (en) → Member of the Andhra Pradesh Legislative Assembly (en) 1957 - 1977 Barrutia: Manthani Vidhan Sabha constituency (en) Member of the 8th Lok Sabha (en) Barrutia: Ramtek Lok Sabha constituency (en) Hautetsia: 1984 Indian general election (en) 11. Lok Sabhako kidea Barrutia: Berhampur Lok Sabha constituency (en) Member of the 10th Lok Sabha (en) Barrutia: Nandyal Lok Sabha constituency (en) Member of the 7th Lok Sabha (en)
Bizitza
Jaiotza	Laknepalli (en) , 1921eko ekainaren 28a
Herrialdea	Britainiar Raj  1947ko abuztuaren 14a) Indiako Agindupeko Lurra  (1947ko abuztuaren 15a -  1950eko urtarrilaren 26a) India  (1950eko urtarrilaren 26a -
Lehen hizkuntza	Telugua
Heriotza	Delhi, 2004ko abenduaren 23a (83 urte)
Heriotza modua	berezko heriotza: miokardio infartu akutua
Familia
Seme-alabak	ikusi P. V. Ranga Rao (en)
Hezkuntza
Heziketa	Osmania University (en) North-Eastern Hill University (en) Mumbaiko Unibertsitatea Rashtrasant Tukadoji Maharaj Nagpur University (en) Fergusson College (en)
Hizkuntzak	hindia ingelesa marathera Odia sanskritoa kannada Tamilera urdua gujaratera frantsesa arabiera gaztelania alemana persiera Telugua
Jarduerak
Jarduerak	politikaria, eleberrigilea, freedom fighter (en) , poeta, legelaria, ministroa eta idazlea
Sinesmenak eta ideologia
Erlijioa	hinduismoa
Alderdi politikoa	Indiako Kongresu Nazionala

Biografia

Hyderabad, Mumbai eta Nagpurreko unibertsitateetan egin zituen ikasketak. Andhra Pradesheko parlamentuko kidea izan zen 1957an, eta zenbait kargu izan zituen estatu horretako gobernuan; buruzagitza, besteak beste, 1971-1973 urte-bitartean. Indira Gandhiren alde egin zuen Kongresuko Alderdiaren barruko taldeen arteko tirabiretan, eta alderdiko idazkari nagusi bihurtu zen 1975ean.

1980an, Indiako Parlamentuko diputatu hautatu zuten. Gobernuaren ministerio nagusietako batzuen arduraduna izan zen: Kanpo Arazoetako ministroa, Barne Arazoetako ministroa eta Defentsa ministroa, besteak beste. Indiako Parlamenturako hauteskunde-kanpainan, Rajiv Gandhiren hilketaren ondoren (1991), Kongresuko Alderdiaren lehendakari izendatu zuten. Kongresuko Alderdiak irabazi zituen hauteskundeak, eta Rao lehen ministro izendatu zuten. Indiako ekonomia-krisiari aurre egitea izan zuen lehen zeregina. Aurreko gobernuetako politika sozialista baztertuta, liberalizazio-plangintzak prestatu zituen sektore pribatua bultzatzeko, esportazioak handitzeko, atzerritar inbertsioak sustatzeko, enpresa publikoetako administrazioa hobetzeko eta beste hainbat helburu lortzeko. Arazo ekonomikoei ez ezik, arazo politiko larriei ere aurre egin behar izan zien. Oposizio-talde nagusiaren gorakada, Bharatiya Janata Alderdiarena, politika-indarkeriaren gorakadarekin batera gertatu zen. 1992ko abenduan, Ayodhyan, militante hinduek XVI. mendeko meskita bat suntsitzeak indarkeria eta krisi nazionala eragin zituen. Punjaben, Jammun eta Kaxmirren, bestalde, arazo handiak izan zituen Indiatik bereiztearen aldeko mugimenduei aurre egiten.

1996ko maiatzeko hauteskundeetan, bere alderdia galtzaile atera ondoren, lehen ministro kargua utzi zuen. Kongresuko Alderdiaren presidentetza ere utzi egin behar izan zuen, ustelkeria-kasu batengatik auzitegira deitua izan ondoren.

Rao bihotzeko krisi baten ondorioz hil zen New Delhin, 2004an; Hyderabaden erraustu zuten.

Erreferentziak

Wikimedia Commonsen badira fitxategi gehiago, gai hau dutenak: P. V. Narasimha Rao

• Datuak: Q275146
• Multimedia: P. V. Narasimha Rao / Q275146