Team Jayco–AlUla

Team Jayco–AlUla (UCI kodea: JAY) australiar txirrindularitza talde profesionala da, UCI WorldTeam lizentzia duena (lehen talde australiarra kategoria horretan). 2012. urtean debutatu zuen.

Team Jayco–AlUla
Datuak
Izen ofiziala	GreenEDGE, Orica-GreenEDGE, Orica-BikeExchange, Orica-Scott, Mitchelton-Scott, BikeExchange, BikeExchange-Jayco eta Team Jayco AlUla
Izen laburra	GEC, OGE, OBE, ORS, MTS, BEX eta JAY
Mota	ProTeama eta WorldTeama
Herrialdea	Australia
Agintea
Kudeatzailea	New Global Cycling Services (en)
Entrenatzailea	Matt White (en) , Vittorio Algeri, Julian Dean, Laurenzo Lapage, David McPartland, Neil Stephens eta Matthew Wilson
Egoitza nagusi	Adelaide
Osatuta	2019 Mitchelton-Scott (en) 2020 Mitchelton-Scott (en) 2021 BikeExchange (en) 2022 BikeExchange Jayco (en) 2023 Team Jayco AlUla (en) 2024 Team Jayco AlUla (en) 2025 Team Jayco AlUla (en) Mitchelton-Scott 2018 Orica-BikeExchange 2016 Orica-GreenEDGE 2012 Orica-GreenEDGE 2013 Orica-GreenEDGE 2014 Orica-GreenEDGE 2015 Orica-Scott 2017
Historia
Sorrera	2012
webgune ofiziala

Historia

Sorrera

2011. urtean zehar hasi ziren australiar taldea sortzen Shane Bannan, Australiako hainbat txirrindularitza egituraren buru izandakoa, eta Gerry Ryan enpresagizon australiarra. Berehala jo zuten Neil Stephens txirrindulari-ohi eta zenbait taldetako zuzendari izandakoarengana, proiektuaren kirol-atalaren buru izan zedin. Espreski taldea martxan jartzeko Gerry Ryanek sortu zuen GreenEDGE elkartea izan zen babeslea hasiera batean, beste enpresekin akordioak lortu artean.

Helburua WorldTour lizentzia lortu eta Frantziako Tourra lehiatzea zen, nahiz eta nagusia lehiatzeko aukerarik ez izan. Horrez gain, denboraldian zehar emaitza onak lortzeko moduko taldea osatu nahi izan zuten, nukleo australiarrarekin baina mundu osoko txirrindulariz osatua.

Santini arropa-marka eta SCOTT bizikleta-etxea izango ziren babesleetako bi. Subaru autoak erabiltzen zituzten, eta beste zenbait akordio txiki ere itxi zituzten.

2012ko maiatzean Orica Limited enpresa izendatu zen lehen babesle gisa, izena GreenEDGE Cycling izatetik Orica-GreenEDGE izatera pasatuz.

2012: lehen denboraldia arrakastatsua

Simon Gerrans australiarra izan zen lehen denboraldian zehar taldeburua. WorldTourreko hainbat garaipen lortu zituen: Tour Down Under australiarreko sailkapen nagusia, Milan-San Remo monumentua eta Quebeceko Sari Nagusia. Horrez gain, Amstel Gold Race klasikoan hirugarren sailkatu zen, Donostia Klasikoan bigarren, eta Australiako Txapelketa irabazi zuen errepideko modalitatean.

Michael Albasini suitzarrak ere denboraldi bikaina osatu zuen, Kataluniako Itzulia irabazteaz gain bertan etapa bat eta Suitzako Itzulian beste bat irabazi baitzituen. La Flèche Wallonnen podiumera igotzea ere lortu zuen.

WorldTourreko astebeteko itzulietan hainbat etapa ere eskuratu zituen taldeak: Daryl Impeyk Euskal Herriko Itzulian, Luke Durdbridgek Dauphiné Libérén, Svein Tuftek Eneco Tour-ean eta Aidis Kruopisek Poloniako Itzulian. Tirreno-Adriatikoko eta Eneco Toureko taldekako erlojupekoak ere irabazi zituzten.

Itzuli handietan bi etapa garaipen lortu zituzten (Matthew Goss esprinterrak Italiako Giroan eta Simon Clarkek Espainiako Vueltan (mendiko sailkapena irabazteaz gain). Matthew Gossek Frantziako Tourreko hainbat etapa podiumean amaitu zituen, eta Allan Davisek ere aukera onak izan zituen Espainiako Vueltan.

2025eko taldea

Pertsonala 2025
Txirrindularia	Jaiotza-data	Herrialdea	Aurreko taldea
Hagos Welay Berhe	2001.eko urriak 22	Etiopia	EF Education-Nippo Development (2022)
Koen Bouwman	1993.eko abenduak 2	Herbehereak	Team Visma | Lease a Bike (2024)
Alessandro De Marchi	1986.eko maiatzak 19	Italia	Israel-Premier Tech (2022)
Davide De Pretto	2002.eko apirilak 19	Italia	Zalf Euromobil Fior (2023)
Robert Donaldson	2002.eko apirilak 8	Erresuma Batua	Trinity Racing (2024)
Paul Double	1996.eko ekainak 25	Erresuma Batua	Team Polti Kometa (2024)
Edward Dunbar	1996.eko irailak 1	Irlandako Errepublika	Ineos Grenadiers (2022)
Luke Durbridge	1991.eko apirilak 9	Australia	Jayco-AIS (2011)
Felix Engelhardt	2000.eko abuztuak 19	Alemania	Tirol KTM Cycling Team (2022)
Anders Foldager	2001.eko uztailak 27	Danimarka	Biesse-Carrera (2023)
Patrick Gamper	1997.eko otsailak 18	Austria	Red Bull-Bora-Hansgrohe (2024)
Dylan Groenewegen	1993.eko ekainak 21	Herbehereak	Jumbo-Visma (2021)
Asbjørn Hellemose	1999.eko urtarrilak 15	Danimarka	ASD Swatt Club (2024)
Michael Hepburn	1991.eko abuztuak 17	Australia	Jayco-AIS (2011)
Christopher Juul-Jensen	1989.eko uztailak 6	Danimarka	Tinkoff-Saxo (2015)
Jelte Krijnsen	2001.eko maiatzak 12	Herbehereak	Parkhotel Valkenburg (2024)
Michael Matthews	1990.eko irailak 26	Australia	Team Sunweb (2020)
Hamish McKenzie	2004.eko irailak 13	Australia	Hagens Berman Jayco (2025)
Luka Mezgec	1988.eko ekainak 27	Eslovenia	Giant-Alpecin (2015)
Kelland O'Brien	1998.eko maiatzak 22	Australia	St Kilda Cycling Club (2020)
Ben O'Connor	1995.eko azaroak 25	Australia	Decathlon-AG2R La Mondiale (2024)
Luke Plapp	2000.eko abenduak 25	Australia	Ineos Grenadiers (2023)
Elmar Reinders	1992.eko martxoak 14	Herbehereak	Riwal Cycling Team (2022)
Mauro Schmid	1999.eko abenduak 4	Suitza	Soudal Quick-Step (2023)
Campbell Stewart	1998.eko maiatzak 12	Zeelanda Berria	Black Spoke Pro Cycling (2021)
Jasha Sütterlin	1992.eko azaroak 4	Alemania	Bahrain Victorious (2024)
Max Walscheid	1993.eko ekainak 13	Alemania	Cofidis (2023)
Filippo Zana	1999.eko martxoak 18	Italia	Bardiani CSF Faizanè (2022)
Chris Harper	1994.eko azaroak 23	Australia	Jumbo-Visma (2022)
Alan Hatherly	1996.eko martxoak 15	Hegoafrika	EF Education-Nippo Development (2023)
Jack Ward (Abuk 1–Abek 31, ikaslea)	2005.eko maiatzak 2	Australia
Iturria : ProCyclingStats

Kanpo estekak

• Webgune ofiziala

• Datuak: Q266770
• Multimedia: Mitchelton-Scott (men's team) / Q266770