Emakumezkoen Traineru Ligako 2018ko denboraldia

**2018ko Euskotren Liga**
Datu orokorrak

San Juan Ligako irabazle
Antolatzailea	TKE Liga
Partaideak	4 talde
Estropadak	14 estropada + 2 (play-off)
Hasiera	2018ko ekainaren 30a
Amaiera	2018ko irailaren 16a
Palmaresa
Txapelduna	San Juan
Txapeldunordea	Orio
Ohorezko tx.	Arraun Lagunak eta Hondarribia
← 2017	2019 →

Emakumezkoen Traineru Ligako 2018ko denboraldia Euskotren Ligaren hamargarren denboraldia izan zen. San Juan izan zen txapelduna bosgarren aldiz jarraian^[1].

Historia aldatu

Aldaketa nabarmenak izan ziren 2018ko edizio honetan. Bigarren maila bat eratu zen, Galizian bertako Liga eta euskaldunen eta kantabriarren artean ETE Liga, ondorioz denboraldiaren amaieran play-offak jokatu ziren Ligako azkenaren eta Galiziako eta ETE Ligako lehenengo bien artean. Horretaz gain Ligako estropada kopurua nabarmen handitu zen, zortzi estropada izatetik 14 izatera pasaz, hauei play-offetako beste bi gehitu behar zaizkie^[2]. Jardunaldi bikoitzeko bi Bandera jokatu ziren, A Coruñakoa eta Zarauzkoa.

ETE Ligaren hasieran euskal talde guztiek hartu zuten parte lehen bi estropadetan. ETE Ligarako puntuagarriak izan ziren baina ez Euskotren Ligarako. Protugaleteko estropadan Oriok lortu zuen garaipena eta Donibane Lohitzunen San Juanek^[3]. Sailkapen estropadarako sanjuandarren eta oriotarren sailkapena segurutzat jotzen zen eta hurrengo bi postuetarako hainbat hautagai zeuden.

Ligaren bi maila eratu zirenez, azkenengo aldiz jokatu zen sailkapen estropada eta hamabi traineruk hartu zuten parte. San Juanek nahikoa zuen bietako batean bosgarren egitearekin sailkatzeko^[3]. Ekainaren 30ean Sestaon eta uztailaren 1ean Zierbenan izan ziren sailkapen estropadak eta Orio, Arraun Lagunak eta Hondarribia sailkatu ziren^[4].

San Juanek estropada guztiak irabazi zituen, bat ezik eta Liga eskuratu zuen bosgarren aldiz. Oriok bigarren egin zuen estropada guztietan. Ondarroan soilik hartu zion aurrea San Juani baina era berean Arraun Lagunak nagusitu zitzaion.

Hondarribia izan zen laugarrena eta play-offak jokatu behar izan zituen. Galiziarrek uko egin zioten eta ondorioz ETE Ligako Donostiarra izan zuen aurkari. Donostiarrak nagusitu ziren jardunaldi bietan eta igoera lortu zuten^[5].

Saikapen fasea aldatu

San Juan (24 puntu)
Orio (22 puntu)
Arraun Lagunak (19 puntu)
Hondarribia (19 puntu)
Donostiarra (13 puntu)
Deustu (13 puntu)
Kaiku (12 puntu)
Hibaika (10 puntu)
A Pobra-Cabo (9 puntu)
Tolosaldea (8 puntu)
Hernani (5 puntu)
Lea-Artibai (2 puntu)

Estropadak aldatu

Z.	Izena	Lekua	Data	Txapelduna
1.	Sestaoko Bandera	Sestao, Bizkaia	2018-6-30		San Juan
2.	III Petronor Bandera	Zierbena, Bizkaia	2018-7-1		San Juan
3.	B. Cidade da Coruña 1	Coruña, Galizia	2018-7-7		San Juan
4.	B. Cidade da Coruña 2	Coruña, Galizia	2018-7-8		San Juan
5.	Donostiarra III Bandera	Donostia, Gipuzkoa	2018-7-14		San Juan
6.	III Caixabank Bandera	Castro Urdiales, Kantabria	2018-7-15		San Juan
7.	Gipuzkoako Diputazioaren II B.	Pasaia, Gipuzkoa	2018-7-21		San Juan
8.	VI Orio Kanpina B.	Orio, Gipuzkoa	2018-7-22		San Juan
9.	X Getxoko Ikurriña	Getxo, Bizkaia	2018-7-28		San Juan
10.	VII Euskotren Bandera	Santurtzi, Bizkaia	2018-7-29		San Juan
11.	Ondarroako Bandera	Ondarroa, Bizkaia	2018-8-11		Arraun Lagunak
12.	Mapfre Bandera	Hondarribia, Gipuzkoa	2018-8-12		San Juan
13.	Zarauzko X Ikurriña 1	Zarautz, Gipuzkoa	2018-8-18		San Juan
14.	Zarauzko X Ikurriña 2	Zarautz, Gipuzkoa	2018-8-19		San Juan

Sailkapena aldatu

Postua	Elkartea	Patroia	Trainerua	Puntuak	Banderak
1	San Juan	Nerea Perez, Izaro Lestayo	Batelerak	54	11: Sestao, Petronor, Coruña (biak), Donostiarra, La Caixa, Pasaia, Orio, Getxo, Euskotren, Mapfre (Hondarribia) eta Zarautz (biak)
2	Orio	Nadeth Agirre	Txiki	42
3	Arraun Lagunak	Andrea Astudillo	Iriyarena	27	1: Ondarroa
4	Hondarribia	Estibalitz Gezala	Ama Guadalupekoa	17