Wikipedia

Emakumezkoen Traineru Liga

Emakumezkoen Traineru Liga edo laguntzailearengatik Euskotren Liga izenaz ezagutzen dena, Kantauri kostaldean jokatzen den emakumezkoen estropada sistema da.

Emakumezkoen Traineru Liga
Sorrera 2009 (selekzioak)
2011 (klubak)
Antolatzailea TKE
Garaipen gehien Euskal Herria San Juan (5)
Azken ekitaldia 2022
Irabazlea(k) Euskal Herria Orio
Webgunea Webgune ofiziala
San Juango Batelerak dira Ligako palmaresean nagusi.
Oriotarrek 3 Liga irabazi dituzte.

HistoriaAldatu

IbilbideaAldatu

Aurreko urtean Kontxako Bandera eta Euskadiko traineru txapelketa jokatu zirela ikusita, 2009an abiatu zen Emakumezkoen Traineruen Liga. Lehenengo bi ekitaldietan selekzioek hartu zuten parte, Gipuzkoak, Bizkaiak, Galiziak eta harrigarria bada ere Katalunia izan zen 2009an eta Kantabria 2010ean.

Gipuzkoan traineruen kopurua handia zenez elkarteen arteko Gipuzkoako Liga antolatu zuten haien artean. Gipuzkoako Liga honetan traineru bizkaitarrak eta kantabriarrak ere aritu izan ziren, gonbidatu gisa. Galiziako emakumezkoek ere haien arteko Liga antolatu zuten.

Horrela beraz, 2011. urtean Emakumezkoen Traineru Liga bera ere elkarteen arteko Liga bihurtu zen. Zazpi klubek hartu zuten parte bi multzotan banatuta. Hurrengo urtean sailkapen estropada bat egin zen eta lau onenek Euskotren Liga jokatu zuten eta lau hauek eta gainerakoek Gipuzkoakoa, aldi berean. 2018an Gipuzkoako Liga ETE Liga bihurtu zen eta igoera eta jeistiera play-offak ezarri ziren, denboraldi hasierako sailkapen estropada baztertuz eta Liga sistema iraunkor bat finkatuz.

2023an jauzi kualitatibo bat izango du Ligak, zortzi traineruk hartuko baitute parte maila gorenean.

Emakumezkoen Traineru Ligaren eboluzioaAldatu

Urtea Traineruak Estropadak
2009-2010 4 8
2011 7 8
2012-2017 4 8
2018-2019 4 14
2020-2021 4 12
2022 4 12
2023 8

PalmaresaAldatu

Urtea Irabazlea Bigarrena Hirugarrena Laugarrena
2009   Galizia   Gipuzkoa   Bizkaia   Katalunia
2010[1]   Galizia
  Gipuzkoa		 -   Bizkaia   Kantabria
2011   Getaria-Tolosa   Rias Baixas   Zumaia   San Juan
2012   Zumaia   Rias Baixas   Getaria-Tolosa   San Juan
2013   Zumaia   San Juan   Hibaika   Orio
2014   San Juan   Hibaika   Zumaia   Samertolameu
2015   San Juan   Zumaia   Hibaika   Orio
2016   San Juan   Hibaika   Orio   Cabo da Cruz
2017   San Juan   Hibaika   Orio   Arraun Lagunak
2018   San Juan   Orio   Arraun Lagunak   Hondarribia
2019   Orio   Arraun Lagunak   Donostiarra   Hondarribia
2020   Orio   Donostiarra   Arraun Lagunak   Hondarribia
2021   Arraun Lagunak   Orio   Donostiarra   Hondarribia
2022   Orio   Arraun Lagunak   Donostiarra   Tolosaldea

GaraipenakAldatu

LigakAldatu

Taldea Garaipenak Urteak
  San Juan 5 2014, 2015, 2016, 2017, 2018
  Orio 3 2019, 2020, 2022
  Galizia 2 2009, 2010
  Zumaia 2 2012, 2013
  Gipuzkoa 1 2010
  Getaria-Tolosa 1 2011
  Arraun Lagunak 1 2021

EstropadakAldatu

  • 2022 barne:
Taldea Garaipenak
     Orio 40
     San Juan 36
     Zumaia 14
     Arraun Lagunak 10
     Hibaika 6
     Rias Baixas 5
     Getaria 4
     Tolosaldea 4
     Donostiarra 3

PatroiakAldatu

  • 2009-2018 artean traineru irabazlearen patroia eta 2019tik aurrera patroirik onenaren saria (beltzez).
Taldea Garaipenak Urteak
  Nerea Perez 4 2015, 2016, 2017, 2018
  Nadeth Agirre 3 2019, 2020, 2022
  Laura Hermo 2 2009, 2010
  Nagore Osoro 2 2012, 2013
  Inder Paredes 2 2014, 2016
  Olatz Aldalur 1 2011
  Izaro Lestayo 1 2018
  Miren Garmendia 1 2021

Kluben sailkapenaAldatu

2022 denboraldia barne.

Taldea Sailkapena Urteak
     Orio 9 2013, 2015, 2016, 2017, 2018, 2019, 2020, 2021, 2022
     San Juan 8 2011, 2012, 2013, 2014, 2015, 2016, 2017, 2018
     Arraun Lagunak 6 2017, 2018, 2019, 2020, 2021, 2022
     Zumaia 5 2011, 2012, 2013, 2014, 2015
     Hibaika 5 2013, 2014, 2015, 2016, 2017
     Hondarribia 4 2018, 2019, 2020, 2021
     Donostiarra 4 2019, 2020, 2021, 2022
     Tolosaldea 3 2011, 2012, 2022
     Getaria 2 2011, 2012
     Rias Baixas 2 2011, 2012
     Samertolameu 1 2014
     Cabo da Cruz 1 2016

HistoriaAldatu

Ligaren aurretikAldatu

Hondarribian 2005 urtean jokatu zen emakumezkoen lehenengo traineru estropada, Txingudi Bandera delakoan, eta bertan Cabo da Cruzek irabazi zuen Txingudiren (Hondarribia A.E.), Urola Kostaren (Zumaia-Getaria) eta Isuntzaren aurretik. Bandera honek aurrera jarraitu zuen, baina benetako denboraldia 2008an iritsi zen, Txingudi Banderaz gain Gipuzkoako eta Euskadiko Txapelketak, eta Kontxako Bandera jokatzean. Aipatu behar da Kontxako Banderarako sailkapen estropadan zortzi traineruk hartu zutela parte, tartean Kataluniako bik ere bai.

2008ko denboraldiko banderen garaileak:

2009: I Emakumezkoen LigaAldatu

 
2009ko Gipuzkoako selekzioa

Aurreko urteko esperientzia ikusita Liga bat sortzeko beharra ikusi zen. 8 estropadatako Euskotren Liga sortu zen orduan. Selekzioen Liga egitea pentsatu zen, Gipuzkoan ezik, zaila baitzen klubek traineru oso bat ateratzea. Ibilbidea milia eta erdikoa (bi luze, ziaboga bakarra) eta hiru jubenil tostaratzeko aukera zuten traineruek. Horrela, Galizia, Bizkaia, Gipuzkoa eta Kataluniako selekzioek osatu zuten Liga.

Gipuzkoako selekzioan parte hartzeko hiru kluben artean banatu zituzten estropadak, Getaria-Tolosak, Zumaia eta Hondarribiak bina jardunaldi jokatu zituztelarik, Zarauzko Ikurrinarako aldiz arraunlarien selekzio bat egin zen. Bizkaiko Selekzioaren oinarria Arkoteko neskak ziren.

Galiziako selekzioa S.D. Rias Baixas taldeak osatu zuen. Kataluniako selekzioa llagutetan aritzen ziren lau klubetako arraunlariak ziren, aurreko urteko Kontxako banderak liluratuta arraunera etorri zirenak. Galiziako patroiak txandakatu egin ziren kataluniarrak gidatzeko, eta hauena zen erabili zuten trainerua ere.

Postua Selekzioa Puntuak Patroiak Trainerua Banderak
1   Galizia 29 Laura Hermo, Maria Lopez Galicia 5: Pontevedra, Pedreña, Plentzia, Zumaia, Getxo
2   Gipuzkoa 21 O.Aldalur, M.Urbieta, A.Arrizabalaga Gipuzkoa 2: O'Grove, Zarautz
3   Bizkaia 19 Iratxe Ortiz de Pinedo Bizkaia
4   Katalunia 7 Laura Hermo, Maria Lopez Galicia

2010: II Emakumezkoen LigaAldatu

Aurreko ligaren arrakasta ikusita aurrera jarraitzea erabaki zen. Urte honetan Kataluniak ez zuen parte hartu eta bere ordez Astilleroko neskek osaturiko Kantabriako Selekzioa aurkeztu zen. Gipuzkoako selekzioa osatzeko bost elkartek kanporaketa jokatu zuten eta hango emaitzen arabera Getaria-Tolosak eta Zumaiak hiruna estropada jokatzea erabaki zen. Zarauzko Ikurrinan Gipuzkoako Txapelketaren irabazle izan zen Zumaiak hartu zuen parte.

Zarautzen Liga bukatu zenean Galizia eta Gipuzkoa puntuz berdinduta gelditu ziren eta istiluen artean Ikurrina Galiziari eta Liga Gipuzkoari eman zitzaion. Galiziako neskek ordea zumaiarrek behar baino ez-propio gehiago zituela argudiatuz helegitea jarri zuten eta hilabete beranduago zumaiarrak deskalifikatuak izan ziren. Azaroaren 8an epaileak helegiteak aztertu eta Galizia zein Gipuzkoako selekzioak izendatu zituen txapeldun[1].

Postua Selekzioa Puntuak Patroiak Trainerua Banderak
1   Galizia 28 Laura Hermo Galicia 4: Concello Moaña, Afamo (Moaña), Zumaia, Zarautz
1   Gipuzkoa 28 O.Aldalur, M.Urbieta, N.Osoro Getaria-Tolosa, Koruko Ama 3: Pedreña, Ambilamp (Portugalete), Getxo
3   Bizkaia 17 Amaia Kareaga, Aiala Uribelarrea Bizkaia
4   Kantabria 8 Alba Rocillo, Sara Vazquez San José XII

2011: III Emakumezkoen LigaAldatu

 
Getaria-Tolosa 2011ko Zarauzko Ikurrinan irabazle.

Gipuzkoako klubek hala eskatuta Kluben arteko liga osatu zen, izan ere galiziarrak eta kantabriarrak trainerua aterako ote zuten zalantzak zeuden eta horrela ezin baitzen ligarik jokatu. Zazpi traineruk hartu zuten parte, azkenean Kantabriak huts egin baitzuen. Aurreko edizioetan bezala zortzi jardunaldi izan zituen eta Zarautzen bukatu zen.

Bi multzotan banatu ziren traineruak eta bakoitzak hiruna estropada jokatu zituen. Zarauzko Ikurrinan "finala" izan zen multzo bakoitzeko bi traineru onenekin. Azkenik Getaria-Tolosak jardunaldi biak irabazi eta Ligaren jabe bihurtu zen Galiziaren aurretik.

  • Multzoetako emaitzak:

A multzoa

Postua Elkartea Puntuak
1   Rias Baixas 8
2   Zumaia 7
3   Orio 3

B multzoa

Postua Elkartea Puntuak
1   Getaria-Tolosa 12
2   San Juan 8
3   Bizkaia 7
4   Hondarribia 4
  • Finala:
Postua Elkartea Patroia Trainerua Denbora Banderak
1          Getaria-Tolosa Olatz Aldalur Getaria-Tolosa 21'15"22 4: Bilbo, Pedreña, Getxo, Zarautz
2      Rias Baixas Laura Hermo Galicia-Rianxeira 21'20"52 2: Camargo, Zumaia
3      Zumaia Nagore Osoro Telmo Deun 21'51"02 1: Santander
4      San Juan Inder Paredes Batelerak 22'05"95

2012: IV Emakumezkoen LigaAldatu

Berriz ere formatua aldatzea erabaki zen. Zazpi traineruk aurkeztu zuten beren burua Traineruen Ligan parte hartzeko, sei gipuzkoarrek eta galiziar batek. Horrela beraz lehenengo bi estropada sailkatzeko izan ziren eta hiru onenek jokatu zuten liga, iazko irabazlea izan zen Getaria-Tolosarekin batera. Sailkapen estropadak ere ligarako puntuagarriak izan ziren eta azkenean Zumaia gailendu zen, galiziarrekin lehia estua izan zuelarik.

Sailkapen fasea:

  1.   Zumaia (12 puntu)
  2.   Getaria-Tolosa (12 puntu), aurrez sailkatua
  3.   Rias Baixas (11 puntu)
  4.   San Juan (9 puntu)
  5.   Orio (6 puntu)
  6.   Hibaika (4 puntu)
  7.   Hondarribia (2 puntu)
Postua Elkartea Patroia Trainerua Puntuak Banderak
1      Zumaia Nagore Osoro Telmo Deun 27 4: Portugalete, San Pedro, Getxo, Zarautz
2      Rias Baixas Laura Hermo Galicia-Rianxeira 26 3: Eusko Label, Pedreña, Zumaia
3          Getaria-Tolosa Olatz Aldalur Getaria-Tolosa 15
4      San Juan Inder Paredes Batelerak 12

2013: V Emakumezkoen LigaAldatu

Zortzi arraun taldek eman zuten izena bertan parte hartzeko, sei gipuzkoarrek (Zumaia, San Juan, Hibaika, Orio, Hondarribia eta Zarautz) eta hauetaz gain Bizkaiak eta Kantabriako Santoñak. Aipatzekoa da bi traineru historiko ez zirela bertan izan, Rias Baixas eta Getaria-Tolosa, lehenengoak Galizian estropadarik ez zela izango jakitean haserre eta bigarrenak taldearen disoluzioa gertatu zelako. Bestalde Bizkaia urtebeteren ondoren berriz itzuli zen eta Zarautz eta Santoña debutariak izan ziren. Zortzi estropada izan zituen Ligak.

Sailkapen fasea:

  1.   Zumaia (16 puntu), aurrez sailkatua
  2.   San Juan (14 puntu)
  3.   Hibaika (12 puntu)
  4.   Orio (10 puntu)
  5.   Bizkaia (8 puntu)
  6.   Zarautz (5 puntu)
  7.   Hondarribia (5 puntu)
  8.   Santoña (2 puntu)
Postua Elkartea Patroia Trainerua Puntuak Banderak
1      Zumaia Nagore Osoro Telmo Deun 31 6: Pedreña, Eusko Label, Orio, Zumaia, San Pedro eta Zarautz
2      San Juan Inder Paredes Batelerak 22 1: Getxo
3      Hibaika Aiala Uribelarrea Madalen 18
4      Orio Nadeth Agirre Txiki 9

2014: VI Emakumezkoen LigaAldatu

Zazpi traineru aurkeztu ziren jadanik sailkatua zegoen Zumaiarekin batera ligan aritzeko. Uztailaren 12 eta 13an izan ziren sailkapen estropadak, eta San Juan, Hibaika eta Samertolameu sailkatu ziren.

Hasieran sanjuandarren eta errenteriarren arteko lehia gogorra izan zen baina azken bost estropadak irabazita San Juanek eraman zuen liga.

Sailkapen fasea:

  1.   San Juan (15 puntu)
  2.   Hibaika (15 puntu)
  3.   Zumaia (12 puntu), aurrez sailkatua
  4.   Samertolameu (10 puntu)
  5.   Orio (8 puntu)
  6.   Cabo da Cruz (5 puntu)
  7.   Getaria-Zarautz (5 puntu)
  8.   Santoña (2 puntu)
Postua Elkartea Patroia Trainerua Puntuak Banderak
1      San Juan Inder Paredes Batelerak 30 5: Eusko Label, Orio, Getxo, Petronor eta Zarautz
2      Hibaika Aiala Uribelarrea Madalen 25 2: Pedreña, San Pedro
3      Zumaia Nagore Osoro Telmo Deun 16
4      Samertolameu María López A Terca 9

2015: VII Emakumezkoen LigaAldatu

Zazpi traineru aurkeztu ziren jadanik sailkatua zegoen San Juanekin batera ligan aritzeko. Uztailaren 11 eta 12an izan ziren sailkapen estropadak, eta Zumaia, Hibaika eta Orio sailkatu ziren.

Sailkapen fasea:

  1.   Zumaia (15 puntu)
  2.   San Juan (15 puntu) aurrez sailkatua
  3.   Hibaika (11 puntu)
  4.   Orio (11 puntu)
  5.   Cabo da Cruz (8 puntu)
  6.   Getaria-Zarautz (6 puntu)
  7.   Hernani (4 puntu)
  8.   Donostiarra (1 puntu)
Postua Elkartea Patroia Trainerua Puntuak Banderak
1      San Juan Nerea Perez Batelerak 28 4: Orio, Noja, Getxo eta Zarautz (biak)
2      Zumaia Nagore Osoro Telmo Deun 26 3: La Caixa, Euskolabel eta Ambilamp
3      Hibaika Aiala Uribelarrea Madalen 15 1: Zarautz (2. jardunaldia)
4      Orio Nadeth Agirre Txiki 11

2016: VIII Emakumezkoen LigaAldatu

Zazpi traineru aurkeztu ziren jadanik sailkatua zegoen San Juanekin batera ligan aritzeko. Uztailaren 9 eta 10ean izan ziren sailkapen estropadak, eta Hibaika, Orio eta Cabo da Cruz sailkatu ziren.

Sailkapen fasea:

  1.   San Juan (16 puntu) aurrez sailkatua
  2.   Hibaika (14 puntu)
  3.   Orio (12 puntu)
  4.   Cabo da Cruz (10 puntu)
  5.   Getaria-Zarautz (7 puntu)
  6.   Arraun Lagunak (6 puntu)
  7.   Hernani (5 puntu)
  8.   Hondarribia (2 puntu)
Postua Elkartea Patroia Trainerua Puntuak Banderak
1      San Juan Inder Paredes, Nerea Perez Batelerak 30 6: Orio, Euskolabel, Bilbo, Getxo, Zumaia eta Zarautz (biak)
2      Hibaika Aiala Uribelarrea, Naroa Galdos Madalen 26 2: Gipuzkoako Foru Aldundia eta Zarautz (1. jardunaldia)
3      Orio Nadeth Agirre Branka 15
4      Cabo da Cruz Natalia Tubio Cabo 9

2017: IX Emakumezkoen LigaAldatu

Hamar traineru aurkeztu ziren sailkapen estropadara. San Juanek nahikoa zuen estropadetako batean bosgarren egitearekin sailkatzeko. Uztailaren 8 eta 9an izan ziren sailkapen estropadak, eta sanjuandarrez gain Hibaika, Orio eta Arraun Lagunak sailkatu ziren.

Sailkapen fasea:

  1.   San Juan (19 puntu)
  2.   Hibaika (19 puntu)
  3.   Orio (16 puntu)
  4.   Arraun Lagunak (14 puntu)
  5.   Hernani (12 puntu)
  6.   Deustu (10 puntu)
  7.   Donostiarra (7 puntu)
  8.   Cabo da Cruz (6 puntu)
  9.   Portugalete (5 puntu)
  10.   Lea-Artibai (2 puntu)
Postua Elkartea Patroia Trainerua Puntuak Banderak
1      San Juan Nerea Perez, Izaro Lestayo Batelerak 31 7: Donostia, La Caixa, Gipuzkoako Foru Aldundia, Getxo, Petronor eta Zarautz (biak)
2      Hibaika Naroa Galdos, Inge Ugarte Madalen 25 1: Orio
3      Orio Nadeth Agirre Txiki 16
4      Arraun Lagunak Andrea Astudillo, Maialen Muguruza Lugañene 8

2018: X Emakumezkoen LigaAldatu

 
San Juango Batelerak 2018an.

Hamar traineru aurkeztu ziren sailkapen estropadara. San Juanek nahikoa zuen estropadetako batean bosgarren egitearekin sailkatzeko. Ekainaren 30ean eta uztailaren 1ean izan ziren sailkapen estropadak, eta sanjuandarrez gain Orio, Arraun Lagunak eta Hondarribia sailkatu ziren. Bigarren maila bat eratu zen, Galizian bertako Liga eta euskaldunen eta kantabriarren artean ETE Liga.

Sailkapen fasea:

  1.   San Juan (24 puntu)
  2.   Orio (22 puntu)
  3.   Arraun Lagunak (19 puntu)
  4.   Hondarribia (19 puntu)
  5.   Donostiarra (13 puntu)
  6.   Deustu (13 puntu)
  7.   Kaiku (12 puntu)
  8.   Hibaika (10 puntu)
  9.   A Pobra-Cabo (9 puntu)
  10.   Tolosaldea (8 puntu)
  11.   Hernani (5 puntu)
  12.   Lea-Artibai (2 puntu)
Postua Elkartea Patroia Trainerua Puntuak Banderak
1      San Juan Nerea Perez,
Izaro Lestayo		 Batelerak 54 11: Sestao, Petronor, Coruña (biak), Donostiarra, La Caixa, Pasaia,
Orio, Getxo, Euskotren, Mapfre (Hondarribia) eta Zarautz (biak)
2      Orio Nadeth Agirre Txiki 42
3      Arraun Lagunak Andrea Astudillo Iriyarena 27 1: Ondarroa
4      Hondarribia Estibalitz Gezala Ama Guadalupekoa 17

Denboraldiaren amaieran laugarren sailkatu zen Hondarribiak play-offak jokatu zituen bigarren mailako irabazleen aurka. Galiziarrek uko egin zioten eta Donostiarrak play-off hauek irabazita Euskotren Ligara sailkatzea lortu zuen.

2019: XI Emakumezkoen LigaAldatu

 
Orio nagusitu zen 2019ko ligan.

San Juan, Orio eta Arraun Lagunak taldeek ziurtatuta zuten Ligan aritzea eta play-offetan ETE Ligaren irabazlea izan zen Donostiarra gehitu zitzaien. 2018ko denboraldia bukatu zenean ordea San Juango arraunlariek kluba utzi zuten eta erabat berriztu zen taldea. Horregatik mailari uko egin zioten eta Hondarribiak osatu zuen laukotea.

Patroien sailkapenean Nadeth Agirre oriotarra izan zen txapelduna.

Postua Elkartea Patroia Trainerua Puntuak Banderak
1      Orio Nadeth Agirre Txiki 55 11: Repsol, Coruña (biak), Donostiarra, Caixabank, Orio, Sestao, Euskotren, Getxo, Ondarroa, Hondarribia, Zarautz (biak)
2      Arraun Lagunak Andrea Astudillo Lugañene 43 1: Lekeitio
3      Donostiarra Inder Paredes Torrekua I 23
4      Hondarribia Nerea Perez Ama Guadalupekoa 19

2020: XII Emakumezkoen LigaAldatu

Aurreko denboraldiaren amaieran jokaturiko play-offetan Hondarribiak mantentzea lortu zuenez lau talde berdinak aritu ziren 2020ko Ligan. COVID-19 pandemiak eragina izan zuen ligan, izan ere Arraun Lagunak taldeko kide batek positibo eman izanagatik taldeak ezin izan zuen bi asteburutan lehiatu eta estropada bakoitzeko bi puntu eman zitzaizkion, ordurarteko batazbesteko puntuazioa hain zuzen ere.

Bi estropadaren faltan Oriok matematikoki lortu zuen Liga garaipena. Patroien sailkapenean Nadeth Agirre oriotarra izan zen txapelduna bigarren urtez jarraian.

Postua Elkartea Patroia Trainerua Puntuak Banderak
1      Orio Nadeth Agirre Txiki 46 8: Coruña (biak), Caixabank, Getxo, Bilbo, Lekeitio (Euskotren), Txingudi, Ondarroa, Zarautz (biak)
2      Donostiarra Natalia Tubio Torrekua I 36 2: Petronor, Orio
3      Arraun Lagunak Andrea Astudillo Lugañene 23
4      Hondarribia Nerea Perez Ama Guadalupekoa 18

2021: XIII Emakumezkoen LigaAldatu

 
Arraun Lagunak.

Hirugarren urtez jarraian talde berak arituko dira lehian.

Postua Elkartea Patroia Trainerua Puntuak Banderak
1      Arraun Lagunak Andrea Astudillo Lugañene 39 5: Coruña (1j), Donostiarra, Getxo, Caixabank, Bilbo, Santurtzi
2      Orio Nadeth Agirre Txiki 39 4: Coruña, Edinor, Orio, Zarautz (biak)
3      Donostiarra Nerea Perez
Natalia Tubio		 Torrekua I 24 1: Lekeitio (Euskotren)
4      Hondarribia Miren Garmendia Ama Guadalupekoa 18

2022: XIV Emakumezkoen LigaAldatu

Tolosaldea izan zen debutaria. Oriok lortu zuen hirugarrenez liga irabaztea, bandera guztiak irabaziz bat ezik.

Postua Elkartea Patroia Trainerua Puntuak Banderak
1      Orio Nadeth Agirre Txiki 54 11: Fabrika, Coruña, Orio, Edinor, Getxo, Euskotren (Lekeitio),
Hondarribia, Getaria, Ondarroa, Caixabank, Zarautz (biak)
2      Arraun Lagunak Andrea Astudillo Lugañene 43 1: Bilbo, Coruña (2j)
3      Donostiarra Nerea Perez Bantxa 23
4      Tolosaldea Aiora Solozabal
Olaia Barriuso
Maialen Amondarain		 Tolosaldea 20

ErreferentziakAldatu

  1. ↑ a b Eusko Label Liga de traineras: EUSKOTREN LIGA GALIZIA ETA GIPUZKOARENTZAT. (Noiz kontsultatua: 2017-08-20).

Ikus, gaineraAldatu

Kanpo estekakAldatu

"https://eu.wikipedia.org/w/index.php?title=Emakumezkoen_Traineru_Liga&oldid=9027304"(e)tik eskuratuta