Pirinio Atlantikoak

Pirinio Atlantikoak (64)
	Frantziako departamendua
Administrazioa
Estatua	Frantzia
Eskualdea	Akitania Berria
Prefetura	Paue
Prefeta	Jean-Jacques Lasserre; (Modem)
Azpiprefeturak	Baiona; Oloroe-Donamaria
Barrutiak	3
Kantonamenduak	52
Udalerriak	547
Kokapena
Koordenatuak	43°15′00″N 0°50′00″W / 43.25°N 0.8333333°W
Azalera	7645 km²
Demografia
Biztanleria	699473
Dentsitatea	91,494179202093 bizt/km²
	Kontseilu Orokorraren webgunea

Pirinio Atlantikoak^[1] (frantsesez: Pyrénées-Atlantiques; okzitanieraren gaskoi dialektoan: Pirenèus Atlantics) Frantziako 64. departamendua da, Ipar Euskal Herriak eta Bearnok osatua. Metropolitar Frantziaren hego-mendebaldean dago, Akitania Berria eskualdean. Prefekturak Paue hirian du egoitza, eta beste hiri nagusiak Baiona eta Oloroe-Donamaria dira. Guztira 7.645 km² ditu, eta 647.420 biztanle (85 biz./km², 2008).

Mugakideak

Mugakide ditu iparraldean Landak eta Gers departamenduak, ekialdean Pirinio Garaiak, hegoaldean Gipuzkoa, Nafarroa Garaia eta Huescako probintzia, eta mendebaldean Kantauri itsasoa.

1790eko martxoaren 4an Frantziako Iraultzaren ondorioz departamenduak sortu zituztenean, Ipar Euskal Herria osatzen zuten hiru herrialdeak (Lapurdi, Nafarroa Beherea eta Zuberoa) eta Bearnoko bizkonderria Pirinio Apalak^[2] izeneko departamenduan sartu zituzten.

1969ko urriaren 10ean, departamenduak izenaz aldatzea erabaki zuen, eta Pirinio Atlantikoak izena eman zioten.^[3]

Oharra: 1857an Espiritu Saindua Landetatik Pirinio Apaletara igaro zen.

1999ko erroldan, departamenduko hiririk jendetsuenak hauek dira:

Hizkuntza ofizial bakarra frantsesa da, eta tokiko hizkuntzak euskara eta gaskoia dira.

Departamenduko kudeaketaz arduratzen den erakunde politikoa Pauen egoitza duen Kontseilu Orokorra da.