Huescako probintzia

Huesca —edo, izen historiko gisa, Oska— (aragoieraz Uesca) Espainiako probintzia bat da, Aragoiko autonomia erkidegoan kokatua. 2010. urtean, probintziak 228.566 biztanle zituen, eta 2018an 219.345. Hiriburua Huesca hiria da.

Huesca (Oska)
Aragoi
Administrazioa
Estatua	Espainia
Erkidegoa	Aragoi
Hiriburua	Huesca
ISO 3166-2	ES-HU
Espainiako Gorteak
Kongresuan	3 / 350
Senatuan	4 / 260
Geografia
42°10′N 0°10′W
Azalera	15.626 km² Espainiaren % 3.1
Demografia
Biztanleria	219.345 biztanle (2018) Espainiaren % 0.48
Dentsitatea	14.04 bizt/km²
Herritarra	Huescatar
www.dphuesca.es

Euskarazko testu berezi, historia lan edo eleberrietan, Oska izen historikoa erabil daiteke.

Mugakideak

Mugakide hauexek ditu: Iparraldean, Pirinio Atlantikoak, Pirinio Garaiak eta Garona Garaia departamendu frantziarrak, ipar-mendebaldean Nafarroa, hegoaldean Zaragozako probintzia eta ekialdean Lleida.

Udalerriak

Sakontzeko, irakurri: «Huescako udalerrien zerrenda»

Udalerria	Biztanleria (2018)	Eskualdea
Huesca	52.463	Hoya de Huesca
Monzón	17.061	Cinca Medio
Barbastro	16.944	Somontano de Barbastro
Fraga	14.979	Bajo Cinca
Jaka	12.813	Jazetania
Binéfar	9.435	La Litera
Sabiñánigo	9.245	Alto Gállego
Sariñena	4.168	Monegros
Tamarite de Litera-Tamarit de Llitera	3.528	La Litera
Graus	3.305	Ribagortza

Eskualdeak

• Alto Gállego (Sabiñánigo).
• Bajo Cinca/Baix Cinca (Fraga).
• Cinca Medio (Monzón).
• Hoya de Huesca/Plana de Uesca (Huesca).
• Jacetania/Chazetania (Jaca).
• La Litera/La Llitera (Tamarite de Litera).
• Monegros (Sariñena).
• Ribagorza (Graus).
• Sobrarbe (Aínsa eta Boltaña).
• Somontano de Barbastro (Barbastro).

Inguru naturala

Mendiak

Erdialdeko Pirinioetako hainbat gailur probintzia honetan daude kokatuta, beti ere Erdialdeko Pirinioak izeneko eskualde frantziarraren mugan. Horietatik, altuenak hauexek dira:

1. Aneto (3.404 m)
2. Posets (3.375 m).
3. Monte Perdido (3.352 m).
4. Maldito (3.350 m).
5. Espadas (3.332 m).
6. Cilindro (3.328 m).
7. Perdiguero (3.222 m).
8. La Maladeta (3.312 m).
9. Tempestades (3.290 m).
10. Pico Añisclo (3.254 m).
11. Marbore (3.248 m).
12. Margalida (3.241 m).
13. Bachimala (3.177 m).
14. Balaitus (3.146 m).

Ibaiak

• Aragon
• Gallego
• Cinca

Eski pistak

• Candanchú
• Astún
• Formigal
• Panticosa-Los Lagos
• Cerler

Kultura

Hizkuntzak

Gaztelaniaz gain, hurrengo herrietan aragoiera ere mintzatzen da, oso egoera gutxituan bada ere: Graus, Monzon, Balbastro, Fonz, Echo, Estadiella, Benás, Samianigo, Chaca, Plan, Ansó, Ayerbe, Broto eta Lo Grau.

Probintziako ekialdean, Sartaldeko Zerrenda deitutako zonaldean, katalunierazko hiztunak bizi dira, bertakoak.

Euskal toponimia

Astazu, Ayerbe, Basaran, Bernués, Berroy, Bolea, Escuain, Escuzana, Espelunz, Javierre, Laña, Larrés, Loarre, Manchola, Martés, Ordesa, Oza, Sigüés, Sinués, Siresa, Suaso, Urdoze eta Zuriza dira Huescako herrien eta mendien izenetan gelditu diren euskarazko aztarna batzuk, Xamar hizkuntzalariak bildu duenaren arabera ("Euskara Jendea", 2006).

Kanpo estekak

• (Gaztelaniaz) Huescako Diputazioaren webgunea

• Datuak: Q55182
• Multimedia: Province of Huesca