Ireki menu nagusia

Atotxa Realaren futbol zelaia izan zen ia 80 urtez, 1913 eta 1993 urte bitartean. Taldeak izan duen bigarren futbol zelaia izan zen, Ondarretakoan hasi baitzen jokatzen Reala, sortu zenean. Atotxa tradizio ingeleseko zelaien itxura eta ikuslegoaren zelairako gertutasun oso handia zuen, futbol partiduetan giro paregabea sortuz, ezaugarri hauek estadio mitikoa bilakatu zuten.

Atotxako futbol zelaia
Atotxa estadioa, Donostia. Gipuzkoa, Euskal Herria.jpg
Kokapena
Herrialdea  Euskal Herria
Probintzia  Gipuzkoa
Udalerria Donostia
Koordenatuak 43° 19′ 05″ N, 1° 58′ 31″ W / 43.3181°N,1.97528°W / 43.3181; -1.97528Koordenatuak: 43° 19′ 05″ N, 1° 58′ 31″ W / 43.3181°N,1.97528°W / 43.3181; -1.97528
Historia eta erabilera
Irekiera1913
Jabea Donostia
Kirola futbola
Erabiltzailea Real Sociedad
Edukiera 17.000

Eduki-taula

KokalekuaAldatu

Egia auzoko Mandasko Dukearen pasealekuan eta Iparraldeko geltokiaren ondoan zegoen.

Estadioa bota eta gaur egun hura zegoen orubean eraiki den plaza berriak Atotxako Zelaia plaza izena du, haren omenez.

HistoriaAldatu

1913ko urriaren 4an Erreala eta Bilboko Athletic Klubaren arteko partiduarekin inauguratu zen. Urte batzuetan 27.000 inguru lagunentzako edukiera izatera ailegatu zen.

Laurogei urte luzeetan, zelai honek ikusi ditu Errealaren garai onenak, bai eta latzenak ere.

Giroa eta harmailen hurbiltasunaAldatu

 
Futbol partidua Atotxan (1952)

Edukieraz garaiko futbol estadioetarako ertaina eta gaur egungo estadioekin parekatuz gero apala izan arren, ikusleak zelaia eta jokalarietatik oso hurbil egotea ahalbideratzen zuen, ziur aski Lehen Mailan ikusleak jokalarietatik hurbilen zeuden estadioa bilakatuz, maiz lehen iladako ikusleek besoa burdin-sareetatik luzatuz gero alboko sakeak nahiz kornerrak jaurtitzera zihoazen jokalariak ia ukitzeko adina. Jendearen hurbiltasun honek presio psikologikoa eragin eta talde bisitariek estadio honetan partiduak irabaztea oso zail egiten zuen, gainera sekulako giroa sortu eta jokalari txuri-urdinak garaipena lortzera auspotzen zituen. Guzti honek estadioari Erresuma Batuko estadioen estetika eta giroa ematen zion, estadio mitikoa bihurtuz, eta berau ezagutu zuten zale txuri-urdinengan betirako oroitzapen on eta ahaztezina utziz.

40 urtez zelaia Errealeko futbolari-ohia zen Amadeo Labarta pasaitarrak zaindu eta mantendu zuen, estadioan bertan etxebizitza zuelarik. Errealak golak sartzen zituenean, estadioaren kanpoaldean suzirik jaurtitzen ziren, Donostia hiriko biztanleak nahiz itsasoan zeuden txalupetako arrantzaleak beren taldeak gola sartu berri zuela ohartu zitezen.

Agur AtotxaAldatu

1993ko ekainaren 13an Errealaren azken gol ofiziala Oceano Andrade da Cruz portugaldar futbolari txuri urdinak sartu zuen. 1993ko ekainaren 2an Erreala eta Euskal Herriko futbol selekzioaren arteko partiduaz agurra eman zitzaion, Anoetako estadioari lekua utziz. Azken gol sinbolikoa ekainaren 22an, Gorka Reizabal eta Arritxu Iribar kazetariek aurkeztutako "Agur Atotxa" ekitaldia jendetsuan, Javier Sagarzazu jokalari txuri urdin zenaren semea eta izen berdineko mutikoak sartu zuen[1]

ErausketaAldatu

Urte batzuetan baztertua eta egoera kaskarrean egon ondoren, 1999ko maiatzaren 28an behin betiko erautsia izan zen, ondoren bertako lursailetan babes ofizialeko etxebizitzak eraiki dituzte futbol zelaia zegoen lurzoruan.

Gaur egun, zelaia zegoen lekuan Atotxako Zelaia plaza dago.

Ikus, gaineraAldatu