Luis Bergaretxe

Luis Bergaretxe
Bizitza
Jaiotza	Balmaseda, 1910eko maiatzaren 16a
Herrialdea	Bizkaia, Euskal Herria
Heriotza	Bilbo, 1994ko irailaren 9a (84 urte)
Jarduerak
Jarduerak	futbolaria, enpresaburua eta pilotaria
Posizio edo espezialitatea	erdilaria
Enplegatzailea(k)	Firestone ; El Correo

Luis Bergaretxe Maruri (Balmaseda, 1910eko maiatzaren 16a - Bilbo, 1994ko irailaren 9a) bizkaitar futbolari eta enpresaria izan zen, erdilari moduan aritu zuena. Fernando bere anaia futbolari ere izan zen.

Biografia

Santiago Bergaretxeren eta Adelaida Maruriren semea, umetan Deustun bizi zen. Merkataritza-irakasle izateko ikasi zuen eta Akronera joan zen Estatu Batuetan enpresa handien zuzendaritzan trebatzera.

Europara itzulita, bere kirol bizitza hasi zuen eta Firestonen lan egin zuen. Ignacio bera anaiarekin elkartean, Bergareche y Compañía S.A. sortu zuen.

1945ean hasi zen kazetaritza munduan, "El Correo Español" egunkariko kontseilari izendatu zutenean. Gero, egunkaria ere zuzenduko zuen.^[1]

Enpresa-mundua alde batera utzita, bere energiaren zati handi bat kirolaren mundura bideratu zuen. 1929-1930 urteen artean Athletic Clubeko koloreekin jokatu zuen futbol ligan. Errege Kopan, debutatu zuen CD Castellónen aurkako partida batean.^[2] 1940an boxeo ekitaldiak antolatu zuen. 1944an pala motzeko Espainiako txapeldunordea izan zen eta Alejandro Echevarria koinatuarekin batera, Espainiako Itzuliaren zuzendaria izan zen 1978 arte.