Garaizarko Mahatsorriak

Begoñako abesbatza


Garaizarko Mahatsorriak abesbatza
Garaizarko Matsorriak.jpg
Datuak
JatorriaGaraizarko Lagunak abesbatza (1987)
EgoitzaBegoña
ZuzendariaMiren Zubieta Egia
AhotsakGizonen abesbatza
Taldekideak40
Urteak1987 - ...
FundatzaileaJosé Luis Etxebarria Goiri "Txelu"
Webguneawww.corogaraizarkomatsorriak.com

Garaizarko Mahatsorriak 40 gizonez osatutako Begoñako abesbatza da, Bilbokoa.

HistoriaAldatu

José Luis Etxebarria Goiri-k ("Txelu") 1987ko martxoan sortu zuen Garaizarko Lagunak abesbatza. Gaur egungo Jesus Galindez kaleko 10-12 zenbakietako etxabean entseatzen zuten. Gerora frontoiko gela huts batean jarraituko zuten. 1989an neska adiskide eta ezagunekin izen bereko emakume-abesbatza ere eratu zuten.

1992an koru biek izena aldatzen dute eta Garaizarko Mahatsorriak hasten da. Izen horrekin federatu egin zen B.A.E.n (Bizkaiko Abesbatzen Elkartea).

1998 urteko Begoñan antolatzen den Bizkaiko Abesbatzen Astean zuzendu zuen azkenekoz Txeluk gizonen abesbatza. Ikusmen arazoengatik utzi zuen bere ardura eta lekukoa Jose Antonio Kalzada “Surti”-ri pasa zion, hamar urtez bera izango zen zuzendaria.

2008 urtetik, Miren Zubieta Egia da zuzendaria.

2010eko Santa Zezilia eguna ospatzeko eta Jose Luis Etxebarria Goiri “Txelu” omentzeko Garaizarko Mahatsorriak eta Begoñako Sustraiak abesbatzek kontzertu bat eman zuten elkarrekin.

Betidanik landu dituzte euskal folkloreko abestiak eta Bilboko kantu klasikoak, baina azken urteetan 25. urteurreneko kontzerturako Giuseppe Verdi eta beste musikagile klasikoak ere eskaini dituzte.

Ohiko jarduerakAldatu

Urtean zehar hainbat jardueratan parte hartzen dute. Kaleko animazioan, auzoko jaietan, Bilboko aste nagusian, txikiteo koralean, Gabonetan oles egiten, ospakizunetan, Begoñako astean, Bizkaiko udaberriko emanaldietan etabarretan jardutea maite dute. [1]

Nazioarteko jarduerakAldatu

Euskal Herritik kanpo ere aritu izan dira: Katalunian, Frantzian, Italian, Suedian eta Espainiako hainbat lekutan aritu dira kantari.[2]

2019ko maiatzaren azkenengo astean, Suediara joan ziren, Göteborg, Stockholm eta Uppsala hirietara. Bizkaiko Batzar Nagusiek emandako Gernikako Arbolaren kimu baten landatze-ekitaldian hartu zuten parte. 1941eko ekainean Göteborgeko hiriak Jose Antonio Agirre Lehendakariari eskaini zion babesarengatik eta nazien errepresiotik Ameriketara ihes egiteko bidea errazteagatik aitortza eta eskerrak eman zizkioten.[1]

ErreferentziakAldatu

  1. a b (Euskaraz) «Garaizarko Matsorriak abesbatza Suediara - Uriola.eus» uriola.eus . Noiz kontsultatua: 2019-09-03.
  2. (Euskaraz) Coro Garaizarko Matsorriak | Coro Garaizarko Matsorriak . Noiz kontsultatua: 2019-09-03.

Kanpo estekakAldatu